Rúmenar dæmdir fyrir hraðbankasvindl

Tveir Rúmenar voru sakfelldir í Héraðsdómi Reykjavíkur í dag fyrir að hafa sett upp leynilegan afritunarbúnað á hraðbanka til að afrita banka- og greiðslukortanúmera viðskiptavina. Annar mannanna fékk tólf mánaða fangelsisdóm en hinn átta.

FÍS: Verðhækkanir á víni afturför

Félag íslenskra stórkaupmanna segir verðhækkanir á áfengi í söluhæstu flokkunum óásættanlegar, þar sem verð er afgerandi þáttur þegar fólk velur vín. Félagið telur að hækkun áfengisgjalda virki verðbólguhvetjandi og að hún muni koma við pyngju hins almenna borgara.

Tekinn á 165 kílómetra hraða

Lögreglan á Akranesi stöðvaði í morgun ökumann á 165 kílómetra hraða á Vesturlandsvegi í Kollafirði. Samkvæmt nýrri reglugerð sem tók gildi í dag, um sektir og viðurlög vegna brota á umferðarlögum, getur maðurinn átt von á 90.000 króna sekt og ökuleyfissviptingu í sex mánuði.

Landspítalinn sýknaður af skaðabótakröfu

Landspítali-Háskólasjúkrahús var í dag sýknað, í Héraðsdómi Reykjavíkur, af skaðabótakröfu konu sem taldi sig hafa hlotið skaða við mistök lækna er gerðu á henni brjósklosaðgerð.

Ölgerðin varar við hugmyndum um hækkun áfengisgjalds

Fyrirhugaðar breytingar á áfengisgjaldi og virðisaukaskatti á áfengi munu hafa í för með sér stórfelldar verðhækkanir á áfengi að óbreyttu að mati Ölgerðar Egils Skallagrímssonar. Bendir fyrirtækið á að með fyrirhuguðum lagabreytingum standi tekjur ríkissjóðs ekki í stað heldur munu aukast sem sé öfugt við það sem haft hafi verið eftir fjármálaráðherra í fjölmiðlum.

Hættir störfum þegar nýr mjólkurrisi tekur til starfa

Forstjóri Norðurmjólkur hættir störfum þegar nýr mjólkurrisi, Mjólkursamsalan, tekur til starfa um áramót. Öll mjólkurvinnsla flyst frá Reykjavík. Félagið verður undanþegið samkeppnislögum.

Bolungarvík og Ísafjörður sameina tæknideildir

Bæjarstjórar Bolungarvíkurkaupstaðar og Ísafjarðarbæjar, þeir Grímur Atlason og Halldór Halldórsson, undirrita samning um sameiningu tæknideildanna bæjarfélaganna. Síðustu mánuði hafa staðið yfir viðræður milli um sameininguna eða samstarf um reksturinn.

Smíða á nýtt 4000 tonna varðskip

Ríkisstjórnin samþykkti á fundi sínum í morgun að ljúka samningum um smíði á nýju varðskipi. Skipið verður smíðað í Chile í Suður-Ameríku og er stefnt á að það komi hingað til lands um mitt árið 2009. Skipið verður um fjögur þúsund tonn og verður því mun stærra en Týr og Ægir, varðskipin sem Landhelgisgæslan á fyrir.

Segir uppsögn Margrétar fullkomlega eðlilega

Uppsögn Margrétar Sverrisdóttir, framkvæmdastjóra Frjálslynda flokksins, í gærkvöld var fullkomlega eðlileg, segir Guðjón Arnar Kristjánsson, formaður flokksins. Hann vísar því á bug að uppsögnin tengist gagnrýni Margrétar á Jón Magnússon og innlegg hans um málefni innflytjenda. Margrét ætlar þrátt fyrir allt að taka sæti á lista flokksins ef hún nær því í forvali.

Aur rann milli húsa á Reyðarfirði

Björgunarsveitarmenn á Reyðarfirði kallaðir út til að veita vatni frá húsum þegar aurskriða féll milli húsa á Reyðarfirði um átta leytið í morgun. Skriðan lenti milli húsa í Vallargerði. Vatn hafði safnast saman úr læk ofan við götuna vegna stíflaðs niðurfalls, og það ýtti skriðunni af stað. Úrhellisrigning hefur verið á Reyðarfirði frá í gærmorgun.

Gamall fiskibátur strandar við bryggjuhverfið í Garðabæ

Fyrrverandi fiskibáturinn Stormur, slitnaði upp af bólfæri sínu út af Kópavogshöfn í storminum upp úr miðnætti og rak stjórnlaust undan ríkjandi vindi enda mannlaus. Hann rak inn á Arnarvoginn og strandaði loks undan nýja bryggjuhverfinu í Garðabæ.

Fernt játar á sig tilraun til hraðbankaþjófnaðar

Þrír ungir menn og stúlka hafa viðurkennt að hafa reynt að stela hraðbanka í útibúi Landsbankans við Klettháls í Reykjavík í fyrradag. Eftir því sem kemur fram á vef lögreglunnar fór mennirnir þrír inn í anddyri bankans og reyndu að fjarlægja hraðbankannen gáfust upp við hálfnað verk því bankinn reyndist þeim ofviða.

Aðeins tíundi hver Dani neikvæður í garð íslenskra kaupsýslumanna

Einungis einn af hverjum tíu Dönum er neikvæður gagnvart þátttöku Íslendinga í dönsku viðskipalífi samkvæmt skoðanakönnun sem markaðasrannsóknafyrirtækið Epinion gerði fyrir Capacent Gallup.

Njörður fær Barnamenningarverðlaun Velferðarsjóðs barna

Njörður P. Njarðvík, rithöfundur og fyrrverandi prófessor, hlaut í morgun Barnamenningarverðlaun Velferðarsjóðs barna árið 2006 fyrir ómetanlegt starf til hjálpar munaðarlausum börnum í Afríku í gegnum hugsjónafélagið SPES. Verðlaunin voru afhent í Iðnó nú klukkan ellefu.

Rauðu nefin að verða uppseld

Rauð nef eru að verða uppseld í landinu, samkvæmt upplýsingum frá Unicef á Íslandi. Tuttugu þúsund rauð nef voru framleidd vegna söfnunar Barnahjálpar Sameinuðu þjóðanna, sem fram fer í dag, og segir upplýsingafulltrúi samtakanna að þau hafi selst svo vel að nú sé orðið erfitt að fá þau. Margar aðrar leiðir eru til að styrkja átakið.

Nonnabátarnir á floti

Slökkvilið höfuðborgarsvæðisins var kallað út vegna heitavatnsleka að Hafnarstræti 9, í nýju húsnæði veitingasölunnar Nonnabita. Að sögn starfsfólks Nonnabita brustu nýlagðar pípur í kjallaranum og flæddi mikið á stuttum tíma og má búast við talsverðum skemmdum. Með skjótum vinnubrögðum næst hins vegar að opna strax í dag á nýja staðnum.

Seðlabankinn skráir 25 nýja gjaldmiðla

Ísraelskur sikill, kínverskt júan, ungversk forinta og pólskt slot er meðal þeirra 25 gjaldmiðla sem Seðlabanki Íslands byrjaði að skrá í dag en skráning miðgengis þeirra er birt á heimasíðu bankans. Gjaldmiðlarnir 25 bætast við þá tíu gjaldmiðla sem hingað til hafa verið skráðir hjá bankanum, en bæði kaup-, sölu- og miðgengi þessarra gjaldmiðla hefur verið skráð.

Kaup hindruðu ekki samkeppni

Samkeppnisstofnun hefur úrskurðað að kaup skipaþjónustufyrirtækisins O.W. Bunker og Trading A/S í Danmörku á öllu hlutafé Grupo ABC Atlantic Bunker S.L. hindri ekki virka samkeppni og sér ekki ástæðu til að aðhafast vegna kaupa OW á ABC.

Framboðslisti Samfylkingarinnar í Kraganum tilbúinn

Framboðslisti Samfylkingarinnar í Suðvesturkjördæmi vegna komandi þingkosninga var kynntur á fundi í Félagsheimili Seltjarnarness í gærkvöldi. Sjö efstu sætin taka mið af úrslitum prófkjörs og mun Guðmundur Steingrímsson skipa baráttusæti listans sem er fimmta sætið eftir því sem segir í tilkynningu frá flokknum.

Harður árekstur á Reykjanesbraut

Erilsamur dagur var hjá lögreglu Hafnarfjarðar í dag en þrjú umferðarslys urðu þar sem slys urðu á fólki. Klukkan sjö í kvöld varð harður árekstur á Reykjanesbraut en tveir bílar úr gagnstæðri átt skullu þá á hvor öðrum og teljast bílarnir mikið skemmdir og nær ónýtir. Báðir ökumenn voru fluttir á slysadeild til aðhlynningar en þeir eru ekki taldir alvarlega slasaðir samkvæmt vakthafandi lækni.

Á sjöundu milljón króna í biðlaun

Kristján Þór Júlíusson bæjarstjóri á Akureyri fær á sjöundu milljón króna í biðlaun þegar hann lætur sjálfviljugur af embætti um áramót. Oddviti L-listanns í bæjarstjórn sakar bæjarstjórann fráfarandi um fullkomið siðleysi.

33 Íslendingar hleraðir

Páll Bergþórsson veðurfræðingur og leikarahjónin Arnar Jónsson og Þórhildur Þorleifsdóttir eru meðal þrjátíu og þriggja einstaklinga sem voru hleraðir á árunum 1949 til 1968. Bresk stjórnvöld hleruðu líka Íslendinga á tímum Þorskastríðsins. Þetta og fleira kemur fram í nýrri bók Guðna Th. Jóhannessonar sagnfræðings.

SÍA vill RÚV áfram á auglýsingamarkaði

SÍA, samband íslenskra auglýsendastofa, sagði í dag í yfirlýsingu að þau efuðust um að takmarka ætti aðgang RÚV að auglýsingamarkaði. Sögðu þau ennfremur það andstætt hagsmunum neytenda og auglýsenda að ekki væri hægt að auglýsa í Ríkisútvarpinu.

Áfengi gæti hækkað í verði um allt að 23 %

Áfengi mun hækka í verði á bilinu fjögur komma þrjú til tuttugu og þrjú prósent með fyrirhugaðri breytingu á áfengisgjaldi og virðisaukaskatti. Mesta hækkunin á bjór, samkvæmt útreikningum birgja, verður rúmlega 21 prósent.

Stjórnarflokkar sammála um RÚV

Ríkisstjórnarflokkarnir hafa náð saman um að breyta frumvarpi um Ríkisútvarpið til að sætta framsóknarmenn. Breytingarnar eru ekki róttækar og þýða að mestu óbreytt ástand þótt settar verði skorður við kostun dagskrárefnis og auglýsingum á netinu

Ríkið verður af 12,5 milljörðum

Ríkið verður af tekjum sem nema tólf og hálfum milljarði á næsta ári vegna lækkunar matarskattsins frá og með fyrsta mars, verði frumvarpið um matarskattinn samþykkt. Ríkið nær til baka tæpum fjórum milljörðum með því að hækka áfengisgjöld um allt að sextíu prósentum. Lækkuð verðlagsspá færir ríkissjóði annan milljarð til

Eve Online heimurinn stækkar

Framleiðendur tölvuleiksins Eve Online uppfærðu á þriðjudaginn síðastliðinn sýndarveruleikaheim tölvuleiksins. Eftir uppfærsluna verður auðveldara fyrir nýja spilara að koma sér inn í leikinn og geta þeir nú tekið þátt í allflestu mun fyrr en áður var mögulegt.

Dagur rauða nefsins á morgun

Dagur rauða nefsins verður á morgun en þá fer fram söfnunarátak UNICEF - barnahjálpar Sameinuðu þjóðanna - á landsvísu sem miðar að því að safna heimsforeldrum. Nær söfnunin hámarki með beinni útsendingu á Stöð 2 í opinni dagskrá annað kvöld þar sem fram kemur landslið íslenskrar grínara. Í þættinum Í sjöunda himni með Hemma Gunn sem er á dagskrá Stöðvar 2 í kvöld kl. 20.05 verður fjallað um þessa útsendingu og fara þeir Sveppi og Hemmi Gunn á kostum eins og sjá má í myndbrotinu.

Átta mánaða skilorðsbundið fangelsi fyrir fíkniefnabrot

Karlmaður á fimmtugsaldri var í Hæstarétti í dag dæmdur í átta mánaða skilorðsbundið fangelsi fyrir fíkniefnabrot . Lögregla stöðvaði manninn við eftirlit fyrir um tveimur árum og fann við bifreið hans fíkniefni.

60 daga fyrir líkamstjón af gáleysi

Hæstiréttur staðfesti í dag dóm héraðsdóms um 60 daga skilorðsbundið fangelsi vörubílstjóra sem ók í ágúst á síðasta ári gegn rauðu ljósi á gatnamótum Suðurlandsbrautar, Laugavegar og Kringlumýrarbrautar með þeim afleiðingum að hann lenti í harkalegum árekstri við strætisvagn. Bílstjóri strætisvagnsins kastaðist út úr honum og hlaut meiri háttar áverka á fótum svo að taka varð þá báða af neðan við hné. Hæstiréttur sýknaði hins vegar vörubílstjórann af broti gegn vátryggingarskyldu þar sem ekki var sannað að bílatrygging hans hafi ekki verið í gildi þegar slysið varð.

Eins árs fangelsi fyrir tvær líkamsárásir

Hæstiréttur staðfesti í dag eins árs fangelsisdóm héraðsdóms yfir karlmanni vegna tveggja líkamsárása á Laugaveginum í september 2004. Maðurinn var ákærður fyrir að hafa kýlt tvo menn í andlitið þeirra með þeim afleiðingum að annar þeirra hlaut meðal annars blæðingu á bak við vinstri hljóðhimnu og inn í höfuðkúpu og hinn nefbrotnaði.

Slapp með minni háttar meiðsl eftir veltu á Hafnarfjarðarvegi

Ökumaður fólksbíls slapp með minni háttar meiðsl eftir að hann missti stjórn á bílnum á Hafnarfjarðarvegi til móts við Aratún á fjórða tímanum og ók á ljósastaur með þeim afleiðingum að bíllinn valt.

85 þúsund OR-perur loga um hátíðarnar

Loga mun á um 85 þúsund perum í jólaskreytingum sem Orkuveita Reykjavíkur leggur til um jól og áramót. Fram kemur í tilkynningu frá Orkuveitunni að alls verði 67 grenitré á höfuðborgarsvæðinu skreytt og þá verða settar upp 250 skreytingareiningar eins og toppskraut á stólpum, halastjörnur og jólabjölur.

Þagnar rokkið?

Grasrótarmiðstöð fyrir unga rokkara og aðra tónlistarmenn verður lokað vegna rekstrarerfiðleika um áramót ef ekki kemur til stuðningur frá borginni. Upphafsmaður miðstöðvarinnar segir borgina gera upp á milli tómstundaiðju unglinga.

Átta sækja um Listasafn Íslands

Störfum vegna hugbúnaðargerðar hjá ríkinu fjölgar um nærri 15 prósent

Stöðugildum vegna hugbúnaðargerðar innan ríkisstofnana hefur fjölgað um nærri fimmtán prósent á tveimur árum samkvæmt könnun sem ráðgjafafyrirtækið Intellecta gerði fyrir Samtök iðnaðarins og iðnaðar- og viðskiptaráðuneytið.

Björgunarsveitarmenn reyna að bjarga þaki hótels nærri Vík

Fjórtán björgunarsveitarmenn úr björgunarsveitinni Víkverja á Vík í Mýrdal reyna nú að koma í veg fyrir að þakið fjúki Hótel Dyrhólaey sem er um sjö kílómetra vestur af Vík. Að sögn Ólafar Snæhólm Baldursdóttur, upplýsingafulltrúa Landsbjargar, er mjög hvasst á svæðinu en björgunarsveitarmennirnir vinna nú að því að reyna að negla þakið niður.

Bílvelta á Hafnarfjarðarvegi

Bílvelta varð á Hafnarfjarðarvegi til móts við Aratún fyrir stundu. Ekki liggur fyrir hvort alvarleg slys hafi orðið á fólki en bílnum mun hafa verið ekið á ljósastaur. Lögregla og sjúkralið eru enn á vettvangi og segir lögreglan í Hafnarfirði að tafir verði á umferð þar sem önnur akreinin á veginum til norðurs er lokuð vegna slyssins.

Óveður á Kjalarnesi og undir Hafnarfjalli

Óveður er nú á Kjalarnesi, undir Hafnarfjalli, í Staðarsveit og um Fróðárheiði samkvæmt Vegagerðinni. Þá er víða hvasst um vestanvert landið. Stórhríð er á Klettshálsi og skafrenningur víða á fjallvegum á Vestfjörðum.

Kveikt á Ólsóartrénu á Austurvelli á sunnudag

Kveikt verður á ljósunum á Ólsóartrénu á Austurvelli á sunnudaginn kemur klukkan 16. Athöfnin er löngu orðinn árviss viðburður enda rúm hálf öld síðan Norðmenn færðu Íslendingum í fyrsta sinn grenitré að gjöf til að skreyta Reykjavík. Tréð í ár er rúmlega 12 metra hátt og var höggvið í Finnerud í Sørkedalen fyrir utan Osló.

Hollendingurinn játaði sína sök

Eitt umfangsmesta fíkniefnasmygl síðari ára var tekið fyrir í Héraðsdómi Reykjavíkur í dag. Þrír Íslendingar og einn Hollendingur eru ákærðir fyrir innflutning og vörslu á fimmtán kílóum af amfetamíni og tíu af kannabis. Íslendingarnir báru af sér sakir en Hollendingurinn játaði að mestu.

Valgerður á ferð í Litháen

Valgerður Sverrisdóttir utanríkisráðherra átti í dag hádegisverðarfund með Petras Vaitiekunas, utanríkisráðherra Litháens þar sem rædd voru tvíhliða samskipti landanna, nýliðinn leiðtogafundur Atlantshafsbandalagsins, öryggis- og varnarmál og Evrópumál.

Vinstri - grænir kæra sölu á hlut borgarinnar í Landsvirkjun

Borgarfulltrúar Vinstri - grænna hafa lagt fram kæru til félagsmálaráðuneytisins vegna sölu á hlut borgarinnar í Landsvirkjun og farið fram á það að samþykki borgarstjórnar á sölu hlutarins verði fellt úr gildi.

Brandaraátak á Bylgjunni á Degi rauða nefsins

Bylgjan ætlar að brosa með UNICEF á Degi rauða nefsins föstudaginn 1. desember og verður með brandara- og fjáröflunarátak. Þetta er kjörið tækifæri fyrir einstaklinga og fyrirtæki til að leggja átakinu lið og styrkja bágstödd börn víða um heim. Söfnunin á Bylgjunni gengur þannig fyrir sig að einstaklingar og fyrirtæki geta keypt brandara á Bylgjunni föstudaginn 1. desember og mun allt andvirði renna til UNICEF. Bylgjan og UNICEF hvetja alla til að taka þátt og lyfta vinnuandanum í mesta skammdeginu um leið og góðu málefni er lagt lið.

Actavis kaupir bandarískt lyfjafyrirtæki

Actavis hefur keypt bandaríska lyfjafyrirtækið Abrika Pharmaceuticals fyrir 181 milljón evra eða um 16,5 milljarða króna. Þar af er um helmingur kaupverðsins árangurstengdar greiðslur sem greiddar eru á næstu þremur árum. Fram kemur í tilkynningu frá félaginu að Abrika sérhæfi sig í þróun og sölu svokallaðra forðalyfja og samheitalyfja sem eru erfið í þróun.