Styrktu hjálparstarf í Pakistan í stað þess að setja upp jólaseríu

Íbúar að Miðleiti 5-7 ákváðu að gefa gefa fórnarlömbum jarðskjálftans í Pakistan 50 þúsund krónur í stað þess setja jólaseríu á sameign hússins eins og gert hefur verið undanfarin ár.

Þrír árekstrar í grækvöldi

Fjórir voru fluttir á slysadeild eftir þrjá harða árekstra í gærkvöldi. Þar af slasaðist einn lífshættulega í árekstri tveggja bíla á Kársnesbraut í Kópavogi á móts við Norðurver.

Dýrara að taka húsnæðislán hér á landi en í nágrannalöndunum

Það hallar verulega á íslenska neytendur þegar kemur að húsnæðislánunum, segir í helstu niðustöðum skýrslu sem neytendasamtökin hafa unnið í samvinnu við neytendasamtök í Evrópu.

Íhuga að koma upp lokunarbúnaði á vegum þegar ófærð er

Lögreglan í Borgarnesi og Vegagerðin íhuga að koma upp afgerandi lokunarbúnaði til að loka vegum þegar ófært er eða hætta er á ferðum, þar sem margir ökumenn virða að vettugi upplýsingaskilti, sem vara við vá eða slæmum skilyrðum.

Örlög rúmlega tuttugu óþekkt

"Hér á Íslandi getur maður sem er á götunni þraukað í sjö ár að meðal­­tali," segir Guðmundur Jónsson, forstöðumaður Byrgisins. "Ef hann er geðsjúkur eða geðveikur á hann hins vegar varla nokkurn séns á að komast af nema nokkur ár."

Barátta í prófkjöri Sjálfstæðisflokks í Hafnarfirði

Barist er um sætin í prófkjöri Sjálfstæðisflokksins í Hafnarfirði sem fram fer á laugardag. Bæjarfulltrúarnir Valgerður Sigurðardóttir og Haraldur Þór Ólafsson bjóða sig fram í fyrsta sæti. Þá er einnig slegist um önnur sæti listans þar sem þrír af núverandi fimm bæjarfulltrúum flokksins gefa ekki kost á sér. Sextán manns gefa kost á sér í prófkjörið, átta konur og átta karlar.

Skelfdir farþegar flýja eld um helgina

Haldin verður æfing við viðbrögðum við alvar­legu slysi um borð í ferju á Seyðis­firði næstkomandi laugardag. Líkt verður eftir því að ferjan Sky Princess sé lögst að bryggju og afferming að hefjast þegar spreng­ing verður í gaseldavél í húsbíl á bíla­þilfari. Látið verður sem eld­ur blossi upp og breiðist hratt út.

Öryrkjar skora á stjórnvöld að standa við orð sín

Öryrkjabandalag Íslands lýsir yfir ánægju sinni með samkomulag aðila vinnumarkaðarins við ríkisstjórn Íslands en minnir á sama tíma á að ríkisstjórnin hafi ekki enn efnt samkomulag við Öryrkjabandalagið.

Jón Ólafsson leiðréttir orð sín

Jón Ólafsson fór að eigin sögn með með rangt mál á blaðamannafundi á þriðjudag. Hann breytir hins vegar sögu sinni af skattrannsóknarstjóra og biður hann afsökunar um leið.

Bandaríska flugvélin ófarin

Bandaríska flugvélin, sem lenti á Reykjavíkruflugvelli í gær og grunur leikur á að sé ein af svonefndum draugavélum, sem bandaríska leyniþjónustan CIA notar til ólöglegra fangaflutninga, var þar enn um klukkan sjö í morgun.

Láta byggja fjögur ný skip

Brim, Útgerðarfélagið Tjaldur og KG-fiskverkun, sem öll eru í eigu Guðmundar Kristjánssonar útgerðarmanns, ætla að láta smíða fyrir sig fjögur ný línuveiðiskip. Búist er við að fyrstu skipin fari til veiða á fyrri hluta árs 2007.

Eimskip tekur við nýju frystiskipi í Noregi

Eimskip tók við nýju frystiskipi sem hlotið hefur nafnið Svartfoss, í Álasundi í Noregi í gær. Burðargeta skipsins er 2.500 tonn en þetta er fyrsta nýsmíði á frystiskipi af þessari stærð í heiminum í rúma tvo áratugi.

Tveir í eigið húsnæði

Á síðustu þremur árum hafa tveir heimilislausir sem sóttu á náðir Samhjálpar náð slíkum tökum á lífi sínu eftir búsetu þar að þeir eru nú komnir í eigið húsnæði. Eins hefur einn núverandi íbúi hafið skólagöngu á ný.

Ósáttir við að fá ekki eingreiðsluna

Forystumenn iðnaðarmanna eru óánægðir með samkomulag ASÍ og SA. Formaður Rafiðnaðarsambandsins telur að aðeins þriðjungur iðnaðarmanna fái eitthvað af eingreiðslunni. Aðalsteinn Baldursson á Húsavík er "bullandi óánægður."

Sjónvarpsstöð fyrir fréttaþyrsta þjóð

Nýja fréttastöðin hefur útsendingar í dag. Það þýðir einnig að fréttatími Stöðvar 2 í gær var sá síðasti sem þar var gerður en hér eftir munu kvöldfréttir frá NFS vera á skjá stöðvarinnar á þessum tíma.

Bjóða óflokksbundnum með

"Við ætlum okkur að ná meirihluta og teljum það vera raunhæft markmið," segir Eysteinn Eyjólfsson, formaður Samfylkingarinnar í Reykjanesbæ. Samfylkingin og Framsóknarflokkurinn í Reykjanesbæ hafa ákveðið að bjóða sameiginlega fram til bæjarstjórnarkosninga í maí á næsta ári.

Byrjaðir að framleiða snjó

Snjóframleiðsla hófst á skíðasvæðinu í Hlíðarfjalli ofan við Akureyri í gærmorgun og stóð framleiðsla á skíðasnjó fram á kvöld. Guðmundur Karl Jónsson, staðarhaldari í Hlíðarfjalli, segir búnaðinn hafa reynst mjög vel og aðstæður til snjóframleiðslu hafi verið eins og best verði á kosið; logn og átta gráðu frost.

Handtekin fyrir að reykja kannabisefni

Par á þrítugsaldri var handtekið um níu leytið í kvöld en þau voru að reykja kannabisefni. Tilkynning barst lögreglunni í Reykjavík um að parið væri í bíl og að vegfarendur hefðu orðið varir við undarlega hegðun þeirra. Þeim var sleppt að loknum yfirheyrslum.

NFS fer í loftið á föstudag

Næsta föstudag munu 365 miðlar efna til byltingar í íslensku sjónvarpi. Þá hefjast útsendingar frá nýrri sjónvarpsstöð, NFS eða Nýju fréttastöðinni, sem mun svala fréttaþorsta Íslendinga frá morgni til miðnættis með ýtarlegri hætti en áður hefur tíðkast á Íslandi.

Stöðugleiki tryggður segir Halldór

Að mati forsætisráðherra er efnahagslegur stöðugleiki tryggður og bagalegri óvissu rutt úr vegi með samkomulagi aðila vinnumarkaðarins frá í gær.

Deilt um hæfi Björns

Sérskipaður ríkissaksóknari í Baugsmálinu, Sigurður Tómas Magnússon, sagði í dómsal í dag að þótt ekki mætti lesa sérstaka velvild úr skrifum dómsmálaráðherra í garð Baugs, þá efaðist hann ekki um hæfi ráðherra til að hafa afskipti af málinu. Verjendur héldu hins vegar fram vanhæfi dómsmálaráðherra til að skipa Sigurð Tómas til að fara með málið í heild.

Réttur samkynhneigðra jafnaður

Þjóðkirkjan verður ekki þvinguð til að gefa saman samkynhneigð pör, en hins vegar verður réttur þeirra að öðru leiti jafnaður á við rétt gagnkynhneigðra, segir forsætisráðherra.

Varnarviðræður í lausu lofti

Varnarviðræður Íslands og Bandaríkjanna eru í lausu lofti og ekki hefur enn verið boðað til næsta samningafundar. Á fundi með blaðamönnum í dag sagði forsætisráðherra að síðasta útspil Bandaríkjamanna hafi komið á óvart og verið með öllu óviðunandi.

Nýr Íslandsatlas

Íslandsatlas, viðamesta kortabók yfir Ísland sem gefin hefur verið út, sýnir landið eins og enginn hefur séð það áður. Forseti Íslands, Ólafur Ragnar Grímsson, og umhverfisráðherra, Sigríður Anna Þórðardóttir, tóku við fyrstu eintökunum að Bessastöðum í dag. Landið, allt frá hæstu tindum til annesja og eyja, er sýnt á kortum í mælikvarðanum einn á móti hundrað þúsund. Með starfrænni kortatækni eru svipbrigði landsins sýnd með ótrúlegri nákvæmni svo unnt er að skynja hæð fjalla, dýpt dala og víðaáttur öræfanna líkt og flogið væri yfir.

Vinnuslys á Eskifirði

Vinnuslys varð við höfnina á Eskifirði á sjötta tímanum í dag. Maður sem vann við að hífa bíl féll þrjá metra af fletinu og bæði handleggs- og fótbrotnaði. Hann var fluttur með sjúkarflugi til Akureyrar skömmu eftir slysið og er líðan hans eftir atvikum.

Vinna stöðvaðist hjá Fjarðaráli

Rafmagn fór af framkvæmdasvæði Fjarðaráls á Reyðarfirði í um klukkutíma nú fyrir kvöldmat. Stöðvaðist vinna á svæðinu á meðan. Rafmagn fór einnig starfmannaþorpinu en þar búa í kringum sjö hundruð manns. Rafmagnsleysið má rekja til bilunar í dreifikerfi RARIK.

Tafir á fréttum Stöðvar 2

Tafir urðu á útsendingu frétta Stöðvar 2 í kvöld vegna tæknilegra vandamála í tengslum við flutninga fréttastofunnar frá Lynghálsi 5 í Skaftahlíð 24. Það fórst fyrir að breyta tengingum í línumiðstöð í gömlu höfuðstöðvum Stöðvar 2 sem varð til þess að hljóð var ekki sent út með fréttunum fyrr en 18:53.

Nær fjórðungur fyrrum ráðherrar

Sex fyrrum ráðherrar hafa verið skipaðir sendiherrar frá árinu 1995. Meirihluti sendiherra á þessu tímabili kemur þó úr störfum innan utanríkisþjónustunnar, eða fimmtán af 27 sendiherrum.

Samtök iðnaðarins vara við starfsmannaleigum

Samtök iðnaðarins ráðleggja félagsmönnum sínum fremur að ráða fólk til sín en að notast starfsmannaleigur. Varhugavert sé að nýta sér þjónustu starfsmannaleiga vegna óljósrar stöðu skattamála hjá þeim. Samtök iðnaðarins segja það ekki skipta máli þótt starfsmannaleigur ábyrgist skattgreiðslur starfsmanna þar eð skattayfirvöld telji fyrirtæki bera fulla ábyrgð á skattskilum þeirra sem fyrir þau vinna.

Úrvalsvísitalan aldrei mælst hærri

Úrvalsvísitalan sló enn eitt metið þegar hún hækkaði um 3,83% í viðskiptum dagsins. Hún mælist nú 4986 stig og hefur aldrei verið hærri, samkvæmt Greiningardeild Íslandsbanka. Frá ármótum hefur hún hækkað um 48,40%. Þau félög sem hækkuðu mest í dag eru Kaupþing Banki, Atorka Group, Jarðboranir og Landsbankinn. Það félag sem lækkaði mest í viðskiptum dagsins er SÍF um -2,54%.

Guðrún Helgadóttir hlaut verðlaunin ár

Í dag, miðvikudaginn 16. nóvember var hátíðardagskrá í sal Listasafns Reykjanesbæjar í Duus-húsum í Reykjanesbæ. Þar vor afhent Verðlaun Jónasar Hallgrímssonar fyrir árið 2005 og sérstakar viðurkenningar fyrir störf í þágu íslenskrar tungu. Í ár runnu verðlaunin til Guðrúnar Helgadóttur.

Alþjóðleg herferð gegn ólöglegu niðurhali

Alþjóðleg samtök flytjenda og framleiðenda tónlistra hófu viðamikla herferð gegn ólöglegu niðurhali tónlistar af netinu, í gær. Fjöldi slíkra mála er rekinn fyrir dómstólum víða um heim og slík mál eru til rannsóknar á Íslandi.

Íslendingur dæmdur fyrir innflutning og sölu á hassi í Finnlandi

Íslendingur var í dag dæmdur í Finnlandi í eins árs og tveggja mánaða fangelsi fyrir innflutning og sölu á hassi í Finnlandi. Maðurinn, sem er á fertugsaldri, var dæmdur fyrir rétti í borginni Jyväskylä í mið-Finnlandi fyrir að hafa tvisvar flutt hass til landsins frá Hollandi, samtals 5,8 kíló, og selt það í Finnlandi.

Samtök eigenda sjávarjarða hyggjast stefna íslenska ríkinu

Formaður Verkalýðsfélags Akraness gagnrýnir endurskoðun samnings

Formaður Verkalýðsfélags Akraness gagnrýnir líkt og Samiðn samning Samtaka Atvinnulífs og ASÍ frá í gær. Hann segir skiptar skoðanir vera um samningin og að eðlilegra hefði verið að kynna tillögurnar aðildarfélögum áður en skrifað var undir.

Börnum úr Arnarneshreppi hafnað um leiksskólapláss á Akureyri

Skólanefnd Akureyrarbæjar hefur hafnað fjórum börnum úr nágrannahreppnum, Arnarneshreppi, um leikskólavist í bænum. Oddviti hreppsins segir bagalegt að nefndin skuli hafa hafnað börnunum um leikskólavist enda hafi hún fengið þau skilboð að ekkert væri því til fyrirstöðu að þau fengju inni á leikskólum bæjarins.

Hagnaður hjá Kögun

Hagnaður Kögunar eftir skatta nam 434 milljónum króna á fyrstu níu mánuðum ársins sem er aukning um 91% frá sama tímabili 2004. Kögun samanstendur af Verk- og kerfisfræðistofunni hf., Kögurnesi ehf., Ax hugbúnaðarhúsi hf., Huga hf., Landsteinum Streng hf., Skýrr hf., Teymi hf. og Opnum kerfum Group Holding ehf.

Aflabrestur á kolmunna

Kolmunnaveiðin er hrunin og búið að leggja nokkrum öflugustu fiskiskipum flotans við bryggjur þar sem þau hafa ekki önnur verkefni. Áfallið snertir afkomu margra sjómanna, útvegsmanna og og fiksimjölsverksmiðja.

Dagur íslenskrar tungu í dag

Dagur íslenskrar tungu er í dag, 16. nóvember, en það er fæðingardagur Jónasar Hallgrímssonar þjóðskálds. Dagsins verður minnst með margvíslegu móti, bæði í skólum, stofnunum og fyrirtækjum.

Sameinað framboð til Samfylkingar og Framsóknarflokks í Reykjanesbæ

Upp úr hádegi í dag mun koma í ljós hvort verði af sameiginlegu framboði Samfylkingarmanna og Framsóknarmanna til bæjarstjórnar í Reykjanesbæ.

Andstaða við byggingu fiskimjölsverksmiðju á Neskaupsstað

Talsverð andstaða er komin upp í bænum Leirvík á Hjaltlandi vegna áforma Síldarvinnslunnar í Neskaupstað um byggingu fiskimjölsverksmiðju í bænum, eftir því sem sjávarútvegsvefurinn skip.is greinir frá.

Þekkingarnet á Austurlandi

Háskólanemum á Austurlandi fjölgar um 100 % á næstu fimm árum nái áætlun starfshóps á vegum menntamálaráðuneytis fram að ganga. Starfshópurinn leggur til að stofnuð verði sjálfseignarstofnun, Þekkingarnet Austurlands, sem verði miðstöð háskólanáms, símenntunar og rannsókna í þágu atvinnulífs á svæðinu. Þekkingarnetið kæmi til með að byggja á Fræðsluneti Austurlands, auk þess að samþætta og efla það háskóla- og rannsóknarnám sem fyrir er á svæðinu. Þá yrði einnig mikil aukning í símenntun og 100 % fjölgun nema í meistara- og doktorsnámi.

Bensínverð lækkar

Olíufélögin lækkuðu verð á bensíni og gasolíu í gær og er það 16 lækkunin á sex vikum og rúmlega sjötugasta verðbreytingin á árinu. Algengt verð á bensínlítra á sjálfsafgreiðslustöðvum er nú komið niður í u.þ.b 105 krónur.

Íslensku farmennirnir verða eftir

Slagorð Avion Group um íslenska sókn um allan heim á ekki við um íslenska farmenn í dag, segir starfsmaður farmanna- og varðskipasviðs Félags skipstjórnarmanna og finnst auglýsingar félagsins ekki lýsa raunveruleikanum sem blasir við íslenskum farmönnum.

Úrvalsvísitalan heldur áfram að hækka

Úrvalsvísitalan hélt áfram að hækka í gær og fór yfir 4,800 stig, sem er enn eitt metið. Hækkun varð á flestum fyrirtækjum, en þau sem lækkuðu, lækkuðu mjög lítið.