Undarlegt mat á vanhæfi

"Við ætlum að komast að því hjá ríkisendurskoðanda á fundi fjárlaganefndar í dag hvernig hann fari að því að draga vanhæfismörk við 26,3 prósenta eignaraðild forsætisráðherra og fjölskyldu hans," segir Guðjón A. Kristjánsson, formaður Frjálslynda flokksins.

Hæfismat á minnisblaði

"Meginatriði þessa máls er að aðeins hefur komið fram minnisblað Ríkisendurskoðunar um hugsanlegt vanhæfi forsætisráðherra í bankasölumálinu," segir Ingibjörg Sólrún Gísladóttir formaður Samfylkingarinnar

Konur skunda á Þingvallafund

Sunnudaginn 19. júní verða níutíu ár liðin frá því að konur fengu kosningarétt og í tilefni af því ætla öll helstu kvenréttindasamtök landsins að efna til Þingvallafunds kvenna á sunnudaginn undir ákallinu "Skundum á Þingvöll og treystum vor heit."

Vorleiðangri Hafró lokið

Þann 1. júní síðastliðinn lauk árlegum vorleiðangri Hafrannsóknastofnunarinnar. Athuganir voru gerðar á 114 stöðum umhverfis landið. Helstu niðurstöðurnar voru að sjávarhiti væri hár og mikil selta sunnanlands og vestan, en hiti um meðallag og selta undir meðallagi norðan- og austanlands. Gróður var víðast hvar lítill en átumagn við landið var yfir langtímameðaltali á flestum rannsóknarstöðvum.

Yfirlýsing allra Háskóla

Rektorar allra háskóla á landinu undirrituðu sameiginlega yfirlýsingu um forsendur og frelsi háskóla. Samkvæmt henni er ein mikilvægasta skuldbinding háskóla sú að standa vörð um akademískt frelsi sem sé forsenda þess að háskólastarf þróist áfram.

Vilja að nemendur geti valið land

Námsmannahreyfingarnar á Íslandi hafa síðustu árin verið sammála um að Lánasjóður íslenskra námsmanna (LÍN) eigi að lána fyrir skólagjöldum í grunnnámi erlendis. Þetta segir Heiður Reynisdóttir, framkvæmdastjóri Samtaka íslenskra námsmanna erlendis.

Björgólfur segir konur gáfaðri

Björgólfur Guðmundsson, formaður bankaráðs Landsbankans, fór á kostum þegar hann undirritaði styrktarsamning bankans vegna baráttuárs kvenna í gær. "Konur eru sýnilega betur gefnar en karlmenn," sagði hann.

Silfur hafsins aftur á Íslandsmið

Síldveiðiskip, hlaðin silfri hafsins, bíða í röðum eftir að landa á Norðfirði. Norsk-íslenska síldin er komin aftur á Íslandsmið og fæst hátt verð fyrir hana. Síldarvinnslan í Neskaupstað þrefaldar verðmætið með því að flaka hana til manneldis og dæmi eru um ævintýralega háar tekjur síldarsjómanna.

Dró sér fé á vernduðu heimili

Starfsmaður í félagslegri heimaþjónustu er talinn hafa dregið sér fé frá fjórum íbúum á vernduðu heimili í að minnsta kosti eitt ár. Starfsmaðurinn, sem hafði unnið lengi hjá borginni, var umsvifalaust leystur frá störfum þegar fjárdrátturinn kom í ljós.

Fimm miljóna skemmdir

Skemmdir í Nordica hóteli vegna mótmælendanna í fyrradag nema sennilega um 5-6 milljónum að sögn hótelstjóra. Bæði varð tjón á tölvubúnaði og innréttingum á hótelinu. Þrír einstaklingar slettu grænlitaðri súrmjólk yfir gesti á alþjóðlegri ráðstefnu um áliðnaðinn.

Enn ósætti í Landakotsskóla

Sjö kennarar í Landakotsskóla hafa sent frá sér yfirlýsingu vegna tölvupósts sem stjórn skólans sendi til foreldra í fyrradag. "Okkur finnst enn og aftur að verið sé að slá ryki í augu nemenda og foreldra varðandi stöðu mála í skólanum. Við höfðum bundið vonir við að nýr formaður myndi bregðast við með það að leiðarljósi að höggva að rótum vandans," segir í yfirlýsingunni. "Því miður hafa þær vonir brugðist."

Ný byggð við Elliðavatn

Úthlutun á lóðarétti í íbúðabyggðinni í Þingum við suðvesturhluta Elliðavatns hófst fimmtudaginn 16. júní og er umsóknarfresturinn um hálfur mánuður.

Samnorrænt bóluefni

Heilbrigðisyfirvöld Norðurlanda ætla að kanna möguleika á að framleiða sameiginlega bóluefni gegn fuglaflensu.

Forsjárlausum unglingum vísað frá

Drykkjulæti, sóðaskapur og skemmdarverk hafa undanfarin sumur sett ljótan blett á tjaldstæðin á Akureyri. Um næstu helgi er von á fjölda gesta til bæjarins og fá forsjárlaus ungmenni undir 18 ára aldri ekki að tjalda á Akureyri.

Hundruð bíða eftir meðferð

Samtals 380 offitusjúklingar eru nú á biðlista eftir meðferð á Reykjalundi. Að meðaltali eru þeir 90 prósentum yfir kjörþyngd og fara langflestir í aðgerð á Landspítala - háskólasjúkrahúsi. Þörfin á auknum fjármunum vegna stóraukinna afkasta á Reykjalundi er brýn.

Samstarfi slitið til að fá fund

Formaður Kennarasambandsins segir að tilgangurinn með samstarfsslitum við menntamálaráðuneytið hafi verið að vekja athygli á óviðunandi ástandi. Menntamálaráðherra ætlar að funda með kennaraforystunni eftir helgi.

Húsnæðislán valda þenslu

Verðbólgan er keyrð áfram af breytingum á húsnæðismarkaði, ekki framkvæmdunum fyrir austan. Þetta sagði Guðmundur Ólafsson hagfræðingur á Talstöðinni fyrir helgi.

Samfylking vill R-lista áfram

Stjórn Samfylkingarfélagsins í Reykjavík vill ganga til viðræðna um endurnýjað samstarf innan Reykjavíkurlistans.

Ræninginn ófundinn

Enginn hefur enn verið handtekinn vegna vopnaðs ráns sem framið var á bensínstöð Olís í Hamraborg í Kópavogi í gær. Ræninginn kom á bensínstöðina á sjötta tímanum og ógnaði starfsstúlku með skrúfjárni, spennti upp peningakassann, náði þaðan einhverju fé og hvarf síðan á braut. Hann er talinn vera 170-175 sentímetrar á hæð, grannur og með ljósskolleitt hár.

Stjórnarandstaðan ræðir saman

Forystumenn stjórnarandstöðunnar ætla að ræða saman í dag um viðbrögð við niðurstöðu Ríkisendurskoðunar um hæfi forsætisráðherra til að koma að einkavæðingu Búnaðarbankans. Magnús Stefánsson, formaður fjárlaganefndar, segir að niðurstaðan sýni að málflutningur stjórnarandstöðunnar hafi verið ómálefnalegur og innistæðulaus með öllu.

Páll Gunnar ráðinn forstjóri

Stjórn Samkeppniseftirlitsins hefur ráðið Pál Gunnar Pálsson sem forstjóra Samkeppniseftirlitsins. Páll Gunnar er lögfræðingur og starfar nú sem forstjóri Fjármálaeftirlitsins.

Fjórir teknir fyrir hraðakstur

Lögreglan í Keflavík tók fjóra ökumenn fyrir of hraðan akstur á Reykjanesbraut í nótt. Sá sem hraðast ók var mótorhjólamaður á hundrað og fimmtíu kílómetra hraða þar sem hámarkshraðinn er níutíu kílómetrar. Hinir þrír óku allir á rúmlega hundrað og tuttugu kílómetra hraða.

Náttúruverðmæti fórnarkostnaður

„Náttúruverðmæti eru einskis metin og einber fórnarkostnaður eins og mannfall meðal óbreyttra borgara í stríði,“ segir Náttúruvaktin vegna stóriðju á Íslandi. Náttúruvaktin varar við því að umræða um framtíð orkuvinnslu og þróun þungaiðnaðar hér á landi verði slitin úr samhengi við þau náttúrulegu verðmæti sem í húfi eru.

69% samþykktu kjarasamninginn

Starfsmenn sveitarfélaga í Kili, stéttarfélagi starfsmanna í almannaþjónustu, samþykktu kjarasamning við launanefnd sveitarfélaganna með miklum meirihluta. 69 prósent þeirra samþykktu samninginn en 23 prósent vildu fella hann. Auðir og ógildir seðlar voru átta prósent.

LHÍ vill lóð við austurhöfnina

Stjórn Listaháskóla Íslands vill fá lóð við austurhöfn Reykjavíkur þar sem tónlistarhús og ráðstefnumiðstöð á að rísa. Stjórnin hefur sent bæði menntamálaráðherra og borgarstjóranum í Reykjavík bréf þessa efnis og beðið um lóð sem liggur að fyrirhuguðu menningarhúsi.

Land flugvallarins verði selt

Sjálfstæðismenn á Akureyri skora á samgönguráðherra að hefja viðræður við Reykjavíkurborg um sölu á landi ríkisins sem Reykjavíkurflugvöllur stendur á, sem og að finna heppilega staðsetningu fyrir nýja innanlandsflugvöll í nágrenni höfuðborgarinnar.

Grunur um hnífsstungu um borð

Þyrla Landhelgisgæslunnar sótti rússneskan sjómann á haf út í nótt en grunur leikur á að hann hafi verið stunginn með hnífi um borð í skipi sínu. Skipið er eitt af svokölluðum sjóræningjaskipum sem verið hafa í fréttum að undanförnu.

Sviku fé út úr íslenskum banka?

Erlendur ríkisborgari með bandarískt vegabréf og bresk kona voru handtekin í Danmörku á laugardag grunuð um að hafa svikið fé út úr íslenskum banka. Þau voru með eina og hálfa milljón á sér þegar þau komu til Danmerkur með Norrænu.

Grunur um aðild að barnaklámhring

Karlmaður hefur verið handtekinn í umdæmi lögreglunnar í Reykjavík fyrir meinta aðild að alþjóðlegum barnaklámhring. Um 150 manns voru handteknir í þrettán löndum í morgun, grunaðir um aðild að málinu.

Farþegum fjölgaði um 7%

Farþegum um Leifsstöð fjölgaði um sjö prósent í maímánuði miðað við sama tíma í fyrra, eða úr 134 þúsund farþegum í 144 þúsund. Þá hefur farþegum sem millilenda á Keflavíkurflugvelli á leið yfir Norður-Atlantshafið fjölgað um nærri átta prósent.

Pólitískur kattaþvottur

Forystumenn stjórnarandstöðunnar ætla að ræða saman í dag um viðbrögð við niðurstöðu Ríkisendurskoðunar í bankamálinu. Málið er ekki á dagskrá fjárlaganefndar Alþingis sem fundaði á hádegi. Þingmaður Vinstri - grænna segir að menn séu að verða vitni að pólitískum kattaþvotti sem sé að verða regla fremur en undantekning í íslenskum stjórnmálum.

Snuprar Ríkislögreglustjóra

Umboðsmaður Alþingis gerir athugasemdir við vinnubrögð Ríkislögreglustjórans í tveimur aðskildum málum. Umboðsmaður telur að kröfum stjórnsýslulaga hafi ekki verið fullnægt.  

Samið um leigu Hótel Valhallar

Forsætisráðuneytið hefur samið við Kristbjörgu Kristinsdóttur til fimm ára um leigu á Hótel Valhöll á Þingvöllum. Hótel Valhöll verður opnuð á ný á þjóðhátíðardaginn eftir gagngerar breytingar. Síðustu þrjú árin hefur Kristbjörg verið hótel- og framkvæmdastjóri Hótels Borgar.

Slettu á ráðstefnugesti

Lögreglan í Reykjavík handtók þrjá mótmælendur, tvo karlmenn og eina konu, eftir hádegið sem ruddust inn á alþjóðlega álráðstefnu sem nú fer fram á Nordica-hóteli í Reykjavík og slettu því sem líktist grænni súrmjólk á ráðstefnugesti. Tveir mótmælendanna, karl og kona, eru íslensk en annar karlmannanna er enskur.

Kaupa auglýsingu fyrir viðtal

Athafnakona í Reykjavík fékk símtal frá <em>Frjálsri verslun</em> fyrir skemmstu þar sem henni var boðið í heilsíðuviðtal. Sá bögull fylgdi skammrifi að skilyrði fyrir viðtalinu var að konan keypti heilsíðuauglýsingu fyrir fyrirtæki sitt.

Lögfræðiálit kemur til greina

Forystumenn stjórnarandstöðunnar sitja nú á fundi og ræða viðbrögð við niðurstöðu Ríkisendurskoðunar um að forsætisráðherra hafi verið hæfur til að koma að einkavæðingu ríkisbankanna þrátt fyrir tengsl sín við fyrirtækið Skinney Þinganes. Til greina kemur að stjórnarandstaðan sammælist um að kalla eftir sérstöku lögfræðiáliti í málinu.

Vararíkissaksóknari skipaður

Dóms- og kirkjumálaráðherra hefur skipað Ragnheiði Harðardóttur saksóknara í embætti vararíkissaksóknara frá og með 1. júlí nk. Þá hefur dóms- og kirkjumálaráðherra skipað Óskar Bjartmarz, varðstjóra og rannsóknarlögreglumann, í embætti yfirlögregluþjóns hjá Sýslumanninum á Seyðisfirði frá og með 1. ágúst nk.

Menningarauki í miðborginni

Forsvarsmenn Listaháskólans vilja að nýtt hús skólans rísi við gömlu höfnina í Reykjavík. Það yrði um ellefu þúsund fermetrar og er kostnaður áætlaður á þriðja milljarð króna. </font /></b />

Ríkisendurskoðandi krafinn svara

Forystumenn stjórnarandstöðunnar voru að ljúka fundi þar sem rædd voru viðbrögð við niðurstöðu Ríkisendurskoðunar um að forsætisráðherra hafi verið hæfur til að koma að einkavæðingu ríkisbankanna þrátt fyrir tengsl sín við fyrirtækið Skinney Þinganes. Ákveðið var á að spyrja Ríkisendurskoðanda ýmissa spurninga sem enn væri ósvarað á fundi fjárlaganefndar á fimmtudaginn.

Kærir nauðgun í Keflavík

Stúlka um tvítugt hefur lagt fram kæru vegna nauðgunar sem átti sér stað fyrir hádegi á sunnudaginn var í Keflavík. Rannsókn málsins er á frumstigi en farið verður með það sem misneytingarmál þar sem konan hafi ekki getað spornað við verknaðinum sökum ölvunar.

Býsnast yfir klæðaburði kvenna

Guðbjörg Sigurðardóttir er ósátt við klæðaburð kynsystra sinna: </font /></b />

HÍ útskrift í Egilshöll

Útskrift Háskóla Íslands fer fram í Egilshöll í Grafarvogi þetta sumarið. Verður hún laugardaginn 25. júní og hefst klukkan 13. Er áætlað að hún standi í tvær og hálfa klukkustund.

Ölvun ekki aukist

Vínbúð opnaði á Reyðarfirði fyrir tólf dögum og hafa bæjarbúar, margir hverjir, tekið henni fegins hendi. Sýnileg ölvun hefur þó ekki aukist í bænum, að sögn lögreglu.

Lætur af starfi bæjarstjóra

Gunnar Valur Gíslason, bæjarstjóri á Álftanesi, hefur óskað eftir að láta að störfum af persónulegum ástæðum.Gunnar Valur var ráðinn sveitastjóri Bessastaðahrepps árið 1992 og hefur gegnt starfi bæjarstjóra um eins árs skeið.

Fengu skilorðsbundna dóma

Héraðsdómur Reykjaness dæmdi í dag tvo rúmlega tvítuga menn í skilorðsbundið fangelsi fyrir þjófnað og önnur minniháttar brot gegn lögum um ávana- og fíkniefni. Annar maðurinn fékk þriggja mánaða dóm en hinn tveggja mánaða. Ákvörður refsingar þriðja mannsins var frestað, haldi hann almennt skilorð.