Fallið hátt og skellurinn harður

"Tímasetning skattalækkana ríkisstjórnarinnar er kolröng. Menn vissu að það væri von á ofhitnun í hagkerfinu og það að lækka skatta kallar á niðurskurð í ríkisútgjöldum. Þetta hafa Alþjóðagjaldeyrissjóðurinn, Seðlabankinn og OECD sagt," segir Ólafur Darri Andrason hagfræðingur Alþýðusambandsins.

Rétt staðið að ráðningum

Umboðsmaður Alþingis hefur nú úrskurðað í máli tveggja umsækjanda sem töldu sig hlunnfarna við ráðningar í stöður hjá lögreglustjóranum í Reykjavík. Samkvæmt úrskurðinum telur umboðsmaður ólíklegt að þeir annmarkar, sem þó hafi verið á undirbúningi málsins, ættu að leiða til ógildingar á ráðningu þeirra sem störfin hlutu.

Davíð á ráðsfundi EES

Davíð Oddsson utanríkisráðherra sat í dag ráðsfund Evrópska efnahagssvæðisins í Lúxemborg. Ráðið er samráðsvettvangur EFTA-ríkjanna og Evrópusambandsins.

Árás umhverfissinna olli uppnámi

Uppnám varð á ráðstefnu um álmál í dag þegar róttækir umhverfissinnar skvettu grænleitum vökva yfir fundargesti. Um var að ræða herskáa náttúruverndarsinna, fólk sem nýlega skipulagði einskonar námskeið í borgaralegri óhlýðni.

Veruleg kostnaðarlækkun

Vegna fréttatilkynningar sem Póst- og fjarskiptastofnun sendi frá sér í dag vill Síminn m.a. koma á framfæri þeim athugasemdum að fyrirtækið kynnti nýverið nýjar sparnaðarleiðir og tilboð sem munu hafa í för með sér fjölgun valkosta fyrir viðskiptavini og geta jafnframt þýtt verulega kostnaðarlækkun fyrir þá.

Barnakláms leitað hjá Íslendingi

Tölvubúnaður, disklingar og myndbönd eru nú til rannsóknar hjá lögreglunni í Reykjavík vegna gruns um að þar sé að finna barnaklám. Eigandinn, 32 ára karlmaður, var handtekinn í gær og yfirheyrður. Europol stýrði aðgerðum gegn barnaklámhring í 13 löndum.

Þrír ungir menn fengu skilorð

Þrír ungir menn á aldrinum 23 til 25 ára fengu skilorðsbundna dóma í Héraðsdómi Reykjaness í gær fyrir margvísleg þjófnar-, umferðarlaga-, og fíkniefnalagabrot.

Gunnar Valur hættir í haust

Guðmundur G. Gunnarsson, forseti bæjarstjónar Álftaness, verður ráðinn í stöðu bæjarstjóra bæjarfélagsins frá og með 1. september næstkomandi. Ákvörðun um þetta var tekin á fundi bæjarstjórnar síðdegis í gær.

Ríkið ekki bótaskylt vegna eymsla

Héraðsdómur Reykjavíkur sýknaði í gær íslenska ríkið af kröfum fyrrum starfsmanns varnarliðsins um bætur vegna vinnuslyss sem hann lenti í árið 1993. Maðurinn klemmdist milli lyftara og kassa þegar verið var að tæma gám í einni af birgðastöðvum Bandaríkjahers á Keflavíkurflugvelli.

Slettu grænu sulli á gesti

Yfirheyrslur yfir fólki sem sletti grænlitaðri súrmjólk yfir fjölda manns á álráðstefnu á Hótel Nordica í hádeginu í gær stóðu fram á kvöld. Fólkið, breskur karlmaður og Íslendingar, karl og kona, var handtekið á staðnum og gisti fangageymslur í nótt.

Síminn hættur sekúndumælingum

Póst- og fjarskiptastofnun vakti í gær athygli á breytingum sem Síminn hefur gert á tímamælingu símtala. Annan júní hætti fyrirtækið að innheimta gjöld samkvæmt sekúndumælingu í einstaklingsáskriftum farsíma.

Ekki Halldórs að leiðrétta?

Halldór Ásgrímsson forsætisráðherra taldi það ekki sitt hlutverk að leiðrétta rangar upplýsingar sem einkavæðingarnefnd fékk. Þessar röngu upplýsingar gerðu það að verkum að hvergi kom fram í gögnum nefndarinnar að möguleiki væri á hagsmunaárekstri ríkis og ráðherra.

Glæpapar framselt til Íslands

Par af erlendum uppruna sem komst af landi brott á stolnum bílaleigubíl með tvær milljónir af sviknu fé í vasanum, eftir að hafa framselt falsaða tékka í banka og tekið peningana út í erlendum gjaldmiðli, var handtekið í Danmörku á laugardag. Parið verður framselt til Íslands á næstunni.

Samtvinnun auglýsinga og viðtala

Ritstjóri <em>Frjálsrar verslunar</em> segir það hafa tíðkast lengi hjá blaðinu að vera með aukablöð inni í blaðinu þar sem seldar eru opnur með auglýsingu á annarri síðunni og viðtali á hinni. Athafnakona í Reykjavík fékk símtal frá Frjálsri verslun fyrir skemmstu þar sem henni var boðið í heilsíðuviðtal ef hún keypti auglýsingu fyrir fyrirtæki sitt.

Vitað um athæfi mannsins um hríð

Íslendingur um þrítugt var handtekinn í dag í tengslum við alþjóðlega herferð gegn barnaklámi. Vitað hefur verið um athæfi hans um hríð en beðið var með handtökuna til að reyna að ná fleirum.

Riðið yfir Hvítá

Sex borgfirskir hestamenn tóku sig til og riðu þvert yfir Hvítá, frá Hvanneyri að Einarsnesi á sunnudaginn var. Ekki er vitað til þess að þessi leið hafi verið riðin fyrr, enda bæði álar og sandbleytur að fara yfir á þessari þriggja kílómetra leið.

Ríkisskoðandi aftur á fund

Fjárlaganefnd fjallar á ný um vanhæfismál forsætisráðherra á morgun. Framsóknarmenn eru áhyggjufullir en telja stjórnarandstöðuna nota sér málið til hins ýtrasta til að koma höggi á Framsóknarflokkinn og formann hans.

Málinu ekki lokið

Jóhanna Sigurðardóttir, þingmaður Samfylkinarinnar, segir að mörg veigamikil atriði önnur en meint vanhæfi Halldórs Ásgrímssonar varðandi söluna á ríkisbönkunum séu enn óupplýst. Málinu sé síður en svo lokið.

Hagnaðurinn á Hesteyri

Ekki er óvarlegt að ætla að hagnaður Hesteyrar af fjárfestingu sinni í Keri hf. árið 2002 sé um fjögurra milljarða króna virði í dag. Hesteyri er eigandi fjórðungshlutar í VÍS sem er stór hluthafi í KB banka. Skinney-Þinganes á nú þriðjungshlut í Hesteyri.

Ríkisendurskoðun meirihlutans

Sigurjón Þórðarson, þingmaður Frjálslynda flokksins, segir nauðsynlegt fyrir ríkisendurskoðun að hafa trúnað minnihlutans. Ríkisendurskoðun sem sé bara endurskoðun fyrir meirihlutann sé ekki trúverðug.

Umræðan ekki skaðað Framsókn

Valgerður Sverrisdóttir segir að umræðan um einkavæðingu ríkisbankanna og ásakanir um vanhæfi Halldórs Ásgrímssonar hafi hvorki skaðað flokkinn né ríkisstjórnina. Halldór hafi jafnsterka stöðu sem áður innan flokksins. Þau ræddu aldrei eignatengslin sín á milli. </font /></b />

Eiturefnakafarar í viðbragðsstöðu

Búist er við Lagarfossi til Grundartanga á tíunda tímanum en tíu eiturefnakafarar frá slökkviliði höfuðborgarsvæðisins eru nú í viðbragðsstöðu þar vegna ammóníaksleka sem varð um borð.

Búist við úrskurði í dag

Búist er við að ríkisendurskoðandi skili í dag úrskurði um hvort Halldór Ásgrímsson forsætisráðherra var vanhæfur þegar ríkisbankarnir voru seldir. Þetta er vegna tengsla fyrirtækis í eigu ráðherrans og fjölskyldu hans við S-hópinn svokallaða en þau tengsl voru ekki gefin upp í byrjun ferlisins.

Vara við álveri í Eyjafirði

Samtök um fjölbreytta atvinnuuppbyggingu í Eyjafirði vara eindregið við þeirri stefnu stjórnvalda að einhæfa atvinnulíf þjóðarinnar með enn einu álveri, hugsanlega við Eyjafjörð.

Gámurinn kominn á land

Búið er að hífa ammóníaksgáminn úr Lagarfossi og á land í Grundartangahöfn. Tíu eiturefnakafarar frá slökkviliði höfuðborgarsvæðisins eru á staðnum til að tryggja öryggið. Breyting varð á vindáttinni sem gerði að verkum að slökkviliðið þurfti aðeins að breyta vinnulagi sínu við aðgerðina.

Ný vefsíða tekin í notkun

Skýlir sér á bak við embættismenn

Stjórnarandstaðan segir forsætisráðherra skýla sér á bak við embættismenn og víkja sér undan pólitískri ábyrgð. Gunnar Helgi Kristinsson, prófessor í stjórnmálafræði, segir að málið sé að líkindum fallið um sjálft sig komist Ríkisendurskoðun að því að ráðherrann hafi verið hæfur til að koma að einkavæðingu bankanna.

Aukning á iðrasýkingum í sumar

Kampýlóbakter- og nóróveirusýkingar eiga eftir að aukast hér á landi eftir því sem líður á sumarið, að mati Haraldar Briem smitsjúkdómalæknis. Nóróveirusýkingar verða meðal annars þegar rotþrær fyllast og mengun kemst í neysluvatn. Þá eru miklar sýkingar um borð í skemmtiferðaskipum tengdar veirunni.

Hvatt til samstarfs R-listans

Stjórn Samfylkingarfélagsins í Reykjavík samþykkti á fundi sínum í gær ályktun þar sem hvatt er til viðræðna um endurnýjað samstarf í borgarstjórn undir merkjum Reykjavíkurlistans.

Flugleiðir gefa 530 flugmiða

Flugleiðir hafa gefið fimm hundruð og þrjátíu farþegum sem urðu fyrir óskemmtilegum töfum á flugi til og frá San Fransisco farmiða að eigin vali á flugleiðum félagsins. Tvö hundruð og sextíu manns héldu áleiðis til San Fransisco um þrjú leytið í nótt en tvö hundruð og sjötíu manns biðu þess ytra að komast í flug til Íslands.

Athugasemdir vegna sameiningar

Skólastjórnendur leik- og grunnskóla Vestmanneyjarbæjar gera alvarlegar athugasemdir við vinnubrögð bæjarstjórnarmanna vegna sameiningar leikskólanna og grunnskólanna undir eina yfirstjórn á næsta ári.

Vörubifreið ók á tíu ára telpu

Vörubifreið ók á tíu ára telpu á hjóli á gatnamótum Kringlumýrarbrautar og Miklubrautar á þriðja tímanum í dag. Stúlkan var að hjóla yfir á grænu en bifreiðin að taka hægri beygju þegar slysið varð. Telpan var flutt á slysadeild með slæman skurð á lærinu en talið var að hún gæti verið mjaðmagrindarbrotin.

Fluttu inn 130 g og 1000 töflur

Héraðsdómur Reykjaness dæmdi sex ungmenni, fimm karla og eina konu, til fangavistar í dag fyrir aðild að innflutningi á eitt þúsund amfetamíntöflum og rúmlega 130 grömmum af kókaíni. Efnin voru keypt í Rotterdam og flutt til landsins með Íslandspósti, falin inni í vaxkertum.

Blaðamannafundur klukkan 17

Blaðamannafundur hefur verið boðaður í ráðherrabústaðnum klukkan fimm þar sem Halldór Ásgrímsson forsætisráðherra ætlar að skýra frá niðurstöðu Ríkisendurskoðunar sem rannsakaði hvort hann hefði verið hæfur eða vanhæfur til að taka þátt í sölu ríkisbankanna.

Rignir líklega um helgina

Þó að margir fagni regnleysinu þá eru þurrkar farnir að valda vandræðum í landbúnaði um allt land. Ólafur Dýrmundsson, ráðgjafi hjá Bændasamtökunum, segir að ef ekki fari fljótlega að rigna þá gæti það valdið skaða í úthaga og ekki síður á túnum.

Halldór ekki vanhæfur

Ríkisendurskoðun segir hugleiðingarnar um óhæfi Halldórs Ásgrímssonar forsætisráðherra í sölu ríkisbankanna í raun óþarfar því hann hafi verið í veikindaleyfi þegar gengið var frá sölunni. Hagsmunir hans við söluna hafi reyndar verið óverulegir miðað við umfang viðskiptanna og því hefði hann ekki talist vanhæfur, hefði hann séð um söluna.

Þrettán akreinar á kafla

Framkvæmdir við breikkun gatnamóta Kringlumýrarbrautar og Miklubrautar eru nýhafnar og hafa íbúar höfuðborgarsvæðisins væntanlega ekki farið varhluta af þeim í gær.

Grunur um nauðgun í heimahúsi

Grunur er uppi um nauðgun í heimahúsi í Keflavík um helgina. Lögreglu var tilkynnt um málið um hádegi í gær en fólkið sem á í hlut er um tvítugt. Víkurfréttir greina frá þessu og segja að búist hafi verið við að kæra yrði lögð fram í dag.

Flaggað í hálfa við álráðstefnu

Þjóðfánar blöktu í hálfa stöng utan við ráðstefnu um áliðnað á Nordica-hótelinu síðdegis. Ekki var það þó skipuleggjendum ráðstefnunnar sem fannst þetta viðeigandi heldur náttúruvinum sem stóðu fyrir mótmælum á fundarstað.

Ný samtök gegn álveri í Eyjafirði

Samtök um fjölbreytta atvinnuuppbyggingu í Eyjafirðinum voru stofnuð á fjölmennum fundi á Akureyri þann 28. maí síðastliðinn. <font face="Helv"></font>

Vill fyrirbyggja málverkafalsanir

Viktor Smári Sæmundsson, forvörður, fékk á síðasta föstudag 400.000 króna styrk frá Rannsóknarsjóði Listasafns Háskóla Íslands til að vinna sjálfstætt að söfnun og rannsóknum á höfundarmerkingum frumherja íslenskrar myndlistar.

Landsvirkjun býður tvö verk út

Landsvirkjun óskaði í gær eftir tilboðum í tvær stórframkvæmdir vegna Kárahnúkavirkjunar. Annað verkefnið er gröftur og gangagerð vegna botnrásar við Jökulsá í Fljótsdal vegna væntanlegrar Ufsarstíflu. Þau göng eiga að vera 57 metra löng og sjö metra breið.<font face="Helv"></font>

Útgjöld vaxa hraðar en tekjur

Þjóðarútgjöld Íslendinga, sem eru samanlögð einkaneysla hér á landi og fjárfestingar, hafa vaxið um 11,1 prósent á fyrsta ársfjórðungi ársins miðað við sama tíma í fyrra þótt landsframleiðsla hafi ekki vaxið nema um 2,9 prósent á sama tíma. Útgjöldin hafa því aukist meira en tekjurnar.

Kominn yfir Húnaflóa

Hringróðurinn kringum Ísland sóttist vel yfir helgina. Kjartan lagði af stað frá Reykjafirði á föstudaginn og fór þá í einni lotu fram að Kaldbaksvík, alls 35 sjómílur.

Verst settir fá enga hjálp

Skilyrði geta komið í veg fyrir að ávinningur af skuldaniðurfellingu margra af fátækustu ríkja heims komist til þeirra sem mest þurfa á að halda. "Skilyrði um stjórnhætti, baráttu gegn spillingu og þróun í lýðræðisátt útiloka mörg fátækustu landanna," sagði Jónas Þórir Þórisson, framkvæmdastjóri Hjálparstarfs kirkjunnar í Hádegisútvarpi Talstöðvarinnar í gær.