Þrjár beiðnir af ellefu samþykktar

Þrjár undanþágubeiðnir af ellefu voru samþykktar á sjöunda fundi undanþágunefndar vegna verkfalls grunnskólakennara. Fimm beiðnum var hafnað og þremur frestað

Fékk óskina áttfallt uppfylta

Sjö einhverfir nemendur Hamraskóla í Grafarvogi snúa til kennslu í dag. Jákvætt svar fékkst í fjórðu tilraun þegar beiðninni var breytt úr undanþágu fyrir þrjá kennara í 23. Yngvi Hagalínsson skólastjóri segir að vel hefði verið hægt að leysa neyð nemendanna með kennurunum þremur.

30. dagur verkfalls kennara

Ásmundur Stefánsson ríkissáttasemjari telur ekki að lög verði sett á verkfall kennara. Hann leggur ekki mat á hvort þokast hafi í samkomulagsátt á fundi samninganefnda kennara og sveitarfélaga í gær.

Endurnýja samstarfið

Héraðslistinn hefur ákveðið að ganga til viðræðna við sjálfstæðisflokkinn um myndun meirihlutastjórnar á Héraði.

Ávinningurínn um hálfur milljarður

Hvalfjarðargöngin hafa komið Vesturlandi í sömu stöðu og Suðurland hefur gagnvart höfuðborgarsvæðinu. Ávinningurinn er mestur hjá þeim sem næst göngunum búa. Væntingar Vestlendinga hafa stóraukist með tilkomu ganganna. </font /></b />

Rækjuveiðar bannaðar í Djúpinu

Rækjuveiðar verða ekki leyfðar í Ísafjarðardjúpi í vetur ef farið verður að tillögum Hafrannsóknastofnunar. Leggur stofnunin ennfremur til að rækjuveiðar verði ekki leyfðar í Arnarfirði að svo stöddu.

Mannabreytingar hjá Gæslunni

Björn Brekkan Björnsson, þyrluflugmaður hjá Landhelgisgæslunni, hefur tekið að sér að vera flugrekstrarstjóri Landhelgisgæslunnar, að því er fram kemur í fréttatilkynningu. Benóný Ásgrímsson sem sinnt hefur flugrekstrarstjórastarfinu síðastliðin fjögur ár verður áfram yfirflugstjóri.

Beiðni Steingríms hafnað

Stjórn Landssíma Íslands hefur hafnað kröfu Steingríms J. Sigfússonar, alþingismanns, um að boðað verði til hluthafafundar í fyrirtækinu vegna kaupa þess á hlut í Skjá einum.

Banaslys í Skagafirði

Banaslys varð í nótt þegar bíll valt út af þjóðveginum ofan við Varmahlíð í Skagafirði. Einn lést og voru þrír fluttir á Fjórðungssjukrahúsið á Akureyri. Fréttastofunni er ekki kunnugt um líðan þeirra né tildrög slyssins, nema hvað hálka var á vettvangi.

Gripið verði til lagasetningar

Gunnar Birgisson, formaður menntamálanefndar Alþingis, segir að ríkið verði að grípa til örþrifaráða með lagasetningu ef ekki gangi saman með deilendum í kennaradeilunni á næstunni. Gunnar sagði þetta í viðtali við Ríkisútvarpið í gærkvöldi en vildi ekki tímasetja nánar hvenær nóg væri komið svo að lög verði sett til að stöðva verkfallið.

Mynda nýjan meirihluta

Héraðslisti félagshyggjufólks og listi Sjálfstæðisflokksins munu reyna að mynda nýjan meirihluta í nýsameinuðu sveitarfélagi Fellahrepps, Austur- og Norðurhéraðs en flokkarnir störfuðu saman í stjórn Austurhéraðs, fjölmennasta svæðisins, fyrir sameininguna.

Stormur á norðaustanverðu landinu

Snjór og hálka er á fjallvegum um norðan- og austanvert landið og víða er hálka niður á láglendi og í þéttbýli, eins og á Akureyri og Húsavík. Stormur er á norðaustanverðu landinu og lentu nokkrir ökumenn í vandræðum í Oddsskarði í gærkvöldi.

Standa við lokun sorpstöðvar

Lausn á ágreiningi um Sorpstöð Suðurlands er ekki í sjónmáli. Aðeins vika er í að stöðinni verði lokað. Engar formlegar viðræður hafa átt sér stað til að leysa ágreininginn.

Braust inn í Kjarvalsstaði

Lögreglumenn handtóku innbrotsþjóf á vettvangi í gærkvöldi eftir að hann hafði brotist inn í Kjarvalsstaði. Ólíklegt er talið að hann hafi haft listaverkaþjófnað í huga heldur hafi hann frekar verið að leita að peningum eða smáhlutum til að koma í verð því hann hafði rótaði í hirslum á skrifstofunni þegar lögregumenn komu að honum.

Dráttarbíll valt vegna vindhviðu

Stór dráttarbíll með tengivagn valt í mikilli vindhviðu þegar bíllinn, sem var á austurleið, átti skammt ófarið að Kirkjubæjarklaustri um klukkan sex í morgun. Ökumanninn sakaði ekki en bíllinn liggur á hliðinni á þjóðveginum og er hann lokaður. Vagninn, sem var tómur, hafnaði utan vegar.

Ók niður ljósastaura

Sautján ára unglingur, sem er nýkominn með bílpróf, missti stjórn á jeppa sínum þegar hann ók yfir hraðahindrun á Selfossi seint í gærkvöldi með þeim afleiðingum að hann ók niður tvo ljósastaura áður en bíllinn nam staðar.

Steinar féllu á veginn

Tveir stórir steinar, allt að hálfu tonni hvor, féllu úr fjallshlíð fyrir ofan þjóðveginn austan við Höfn, á móts við bæinn Þorgeirsstaði, í gærkvöldi. Svo vel vildi til að engin var á ferð um veginn þegar þeir féllu og með lagni komust ökumenn fram hjá þeim.

Olíulinda leitað við Ísland

Búist er við auknum áhuga olíufélaga á að leita að olíulindum í grennd við Ísland og víðar á norðurslóðum vegna hækkandi olíuverðs og ótryggs ástands á mörgum helstu olíuvinnslusvæðunum.

Björgunarsveitir kallaðar út

Björgunarsveitir hafa verið kallaðar út til að aðstoða fólk sem lent hefur í vandræðum í bílum sínum vegna ófærðar og illviðris sem gengur nú yfir norðaustanvert landið. Mjög hvasst er einnig í vindhviðum vestur eftir Suðurströndinni.

Fleiri hross flutt út

Fleiri hross flutt út

Útflutningur á hrossum hefur aukist á milli ára, samkvæmt tölum frá Bændasamtökum Íslands. Nú hafa um eitt hundrað fleiri hross farið utan heldur en á sama tíma í fyrra, að sögn Hallveigar Fróðadóttur hjá BÍ. "Það hefur verið nóg að gera og ekkert lát ennþá," sagði hún.

Jónas neitar allri sök

Einn sakborninga í líkfundarmálinu neitar allri sök. Hinum sakborningunum tveimur ber að mestu leyti saman um að allir þrír hafi átt þátt í að koma líki Vaidasar Júsevicsíusar fyrir í höfninni í Neskaupstað. Aðalmeðferð málsins hófst í morgun fyrir Héraðsdómi Reykjavíkur.

Hærri skattur á áfengi

Heilbrigðis- og félagsmálaráðherrar Norðurlandanna samþykktu á fundi sínum um áfengismál í morgun að leggja til aukna skattlagningu á áfengi. Jón Kristjánsson heilbrigðisráðherra segir þetta þó ekki þýða að skattar á áfengi hækki hér á landi, enda séu þeir ærnir fyrir.

Óveður á Kjalarnesi

Óveður er á Kjalarnesi og hafa hviður þar farið yfir 40 metra á sekúndu. Í morgun valt vörubíll frá fyrirtækinu Fönn á hliðina í vindhviðu á Vatnsnesvegi á Kjalarnesi. Ökumaður bílsins slapp ómeiddur. Á tólfta tímanum fauk svo byggingardót úr ókláruðum sumarbústað yfir Vesturlandsveg. Þá hnikaðist annar ókláraður bústaður á járngrindum við Kjalarnes úr stað í heilu lagi en endaði ferðina við skemmu í nágrenninu.

Vilja hærri skatta á áfengi

Hækka þarf skatta á áfengi í því markmiði að draga úr neyslu þess. Þetta er sameiginleg niðurstaða heilbrigðis- og félagsmálaráðherra á Norðurlöndum, eftir að hafa fjallað um áfengismál á sérstökum aukafundi í Kaupmannahöfn. Fundinum lauk í gær. 

Á meðal stærstu fyrirtækja Evrópu

Tvö íslensk sjávarútvegsfyrirtæki eru meðal þriggja stærstu sjávarútvegsfyrirtækja Evrópu. Fyrirtækin sem um ræðir eru SH, sem er í öðru sæti, og SIF Group sem er í því þriðja.

Varað við akstri hjá Hafnarfjalli

Undir Hafnarfjalli er mikið hvassviðri og varar lögreglan í Borgarnesi fólk eindregið við að keyra þar um. Fjórir bílar hafa farið út af veginum undir Hafnarfjalli í dag og einn minniháttar árekstur varð vegna hvassviðrisins.

Innanlandsflug liggur niðri

Allt innanlandsflug Flugfélags Íslands liggur niðri og hefur ekkert verið flogið síðan fyrir hádegi. Klukkan hálf fimm verður athugað hvort hægt verði að fljúga á nýjan leik en á flestum stöðum er útlitið ekki bjart.

Hálfgert neyðarástand í Eyjum

Hluti af þekju úr þaki svonefnds IMEX-húss við Strandveg í Vestmannaeyjum fauk fyrir rúmum klukkutíma síðan. Þakhlutinn sem fór í einu lagi var mjög stór og skemmdi að minnsta kosti einn bíl mikið.

Öxará iðar af fiski

Metveiði var í mælingaferð Veiðimálastofnunar á Þingvelli fyrir helgi. Stofn Þingvallaurriðans er í vexti, en nær tæpast fyrri stærðum nema hrygningarstöðum verði fjölgað. Fiskurinn hrygnir í Öxará en var áður líka í útfalli Þingvallavatns í Efra-Sogi.

Skarð hannað en ekki ákveðið

Í Efra-Sogi milli Þingvallavatns og Úlfljótsvatns, þar sem áður eru taldar hafa verið aðalhrygningarstöðvar Þingvallaurriðans, var Steingrímsstöðvarvirkjun tekin í notkun árið 1959.

Besti vefurinn tilnefndur

Val á besta íslenska vefnum stendur þessa dagana yfir vegna Íslensku vefverðlaunanna sem veitt verða í fjórða sinn föstudaginn 29. október. Hægt er að tilnefna vefi til miðnættis annað kvöld á vef <strong><a href="http://www.vefsyn.is" target="_blank">Vefsýnar</a></strong>.

Einn látinn og annar á gjörgæslu

Pólskur karlmaður að nafni Lukas Zewicz Rafal Maciej lést þegar jeppabifreið fór út af þjóðvegi eitt við bæinn Brekku í Skagafirði skömmu fyrir klukkan hálf ellefu á sunnudagskvöldið.

Vænlegar tegundir til fiskeldis

Staða einstakra eldistegunda og þörf á rannsókna- og þróunarvinnu verður til umræðu á ráðstefnu sem haldin verður af Fiskeldishópi AVS og Landssambandi fiskeldisstöðva í Reykjavík á föstudaginn.

Útlendingar látnir í bílslysum

Það sem af er ári hafa fjórir útlendingar látist í umferðarslysum hér á landi, samkvæmt upplýsingum Umferðarstofu. Tveir í júlí og svo tveir í þessum mánuði.

Borgin þrýsti á ríkið

Listi Frjálslynda flokksins í Reykjavíkurborg mun á borgarstjórnarfundi á morgun leggja fram tillögu um að Reykjavíkurborg beiti sér fyrir þrýstingi á ríkisvaldið um að það komi að verkfallli grunnskólakennara.

Grafið undan samningum

Alþýðusamband Íslands segir nýja verðbólguspá greiningadeildar Landsbanka Íslands staðfesta enn að grafið sé undan forsendum kjarasamninga. Gert var ráð fyrir 2.5% verðbólgu á næsta ári í kjarasamningum, 3.5% í forsendum fjárlagafrumvarpsins og Landsbankinn spáir nú stöðugt 3-3.5% verðbólgu til 2007.

Vinna gengur vel í Eyjum

Björgunaraðgerðir í Vestmannaeyjum ganga vel að sögn Adolfs Þórssonar, formanns Björgunarsveitarinnar í Vestmannaeyjum. Búið er að festa þakplötur á þremur húsum í bænum ásamt því að björgunarsveitarmenn eru að fergja þakhlutana og festa sem fuku af IMEX-húsinu á þriðja tímanum í dag. Adolf segir veðrið hins vegar enn mjög slæmt.

Andvaraleysi gagnrýnt

Steingrímur J. Sigfússon, formaður vinstri-grænna gagnrýndi íslensk stjórnvöld fyrir andvaraleysi í umræðum um heræfingar rússneska flotans hér við land á Alþingi í gær. Taldi hann vítavert að hálfur mánuður hefði liðið frá því að rússneskra skipa varð vart hér við land þar til íslensk stjórnvöld hafi leitað skýringa hjá Rússum.

Flug liggur enn niðri

Allt innanlandsflug Flugfélags Íslands liggur enn niðri og hefur ekkert verið flogið síðan fyrir hádegi. Ekki verður flogið til Egilsstaða eða Ísafjarðar í bráð en verið er að athuga hvort unnt reynist að fljúga til Akureyrar þegar kvölda tekur.

Einn lést og annar á gjörgæslu

Pólskur karlmaður á fertugsaldri beið bana og landi hans slasaðist alvarlega þegar jeppi sem þeir voru í valt skammt frá Varmahlíð í Skagafirði í gærkvöldi. Bíllinn var á sumardekkjum en fljúgandi hálka var á svæðinu. Fjórir voru í bílnum en enginn í bílbeltum.

Nefndarskipan gagnrýnd

Til hvassra orðaskipta kom á Alþingi í gær á milli fjármálaráðherra og þingmanna Samfylkingarinnar. Tilefnið var athugasemd Katrínar Júlíusdóttur, þingmanns flokksins um störf þingsins.

Þóttum ótraust og kröfuhörð þjóð

Bandaríkjastjórn vildi taka til athugunar að segja upp varnarsamningnum við Ísland og draga herlið sitt frá landinu í þorskastríðinu 1975 til 1976. Var það mat embættismanna í Washington að Íslendingar væru svo ótraustir og kröfuharðir bandamenn að vera kynni að Bandaríkin sættu sig ekki við fórnarkostnaðinn sem því fylgdi að halda þeim góðum.

Töluverðar skemmdir í óveðrinu

Töluverðar skemmdir urðu á bílum og húsum í miklu norðanbáli í Vestmannaeyjum í dag þar sem um tíma ríkti neyðarástand. Foráttuveður var einnig á Austfjörðum og er þar rafmagnslaust á stóru svæði. Á sjötta tímanum fundu björgunarsveitir tvo menn sem setið höfðu fastir á bíl sínum á Fagradal frá því í morgun.

10 þúsund minna í vasann

Skattprósentan á að lækka niður í um 35% í lok kjörtímabilsins eða svipað og hún var 1988 þegar staðgreiðslukerfið var tekið upp. Hins vegar hefur maður sem hafði 50 þúsund krónur á mánuði 1988 10 þúsund krónum minna eftir í vasanum nú en hann hefði haft ef skattkerfið hefði haldist óbreytt.