Læk-hnappurinn illa fenginn?

Ekkja hollenska forritarans Joannes Jozef Everardus Van Der Meer hefur höndað mál á hendur Facebook fyrir brot á einkaleyfalögum.

„Við ætlum að lækka skatta“

"Það skiptir svo miklu máli að fá ný störf. Ekki bara fyrir hagsæld heimilanna heldur líka fyrir ríkissjóð,“ sagði Bjarni Benediktsson formaður Sjálfstæðisflokksins í samtali við Reykjavík síðdegis í dag.

Ákæruliðum vísað frá gegn manninum sem ætlaði að flytja inn í Ráðherrabústaðinn

Hæstiréttur Íslands staðfesti frávísunarúrskurð Héraðsdóms Reykjavíkur um að vísa frá þremur ákæruliðum af fjórum gegn karlmanni sem var ákærður fyrir að brjótast inn í Ráðherrabústaðinn við Tjarnargötu árið 2011. Ástæðan er sú að frestur til þess að kæra manninn var liðinn nema í síðasta tilvikinu, sem var ágúst árið 2011.

Þessi fyrirtæki þykja framúrskarandi á Íslandi

358 fyrirtæki verðskulda viðurkenninguna "Framúrskarandi fyrirtæki". Þetta kemur fram í greiningu Creditinfo á íslenskum fyrirtækjum.

Lögreglan lýsir eftir Piotr

Lögreglan á höfuðborgarsvæðinu lýsir eftir Piotr Burzykowski, 24 ára. Þeir sem geta gefið upplýsingar um ferðir Piotr, eða vita hvar hann er niðurkominn, eru vinsamlegast beðnir um að hafa samband við lögregluna í síma 112.

Tvær látnar eftir skotárás vestanhafs

Tvær konur létust í skotárás við dómshúsið í bænum Wilmington í Delaware fyrir stundu. Maður vopnaður byssu lést af skotskári skömmu síðar.

"Eins og þruma úr heiðskíru lofti"

Pétur Bürcher, biskup kaþólsku kirkjunnar, segir fréttir af afsögn Benedikts páfa hafa komið á óvart.

Össur um FBI málið: Erlend lögreglulið fá ekki að vaða hingað inn

"Það sem skiptir máli er það að hingað vaða ekki inn erlend lögreglulið til þess að yfirheyra íslenska borgara án þess að hafa til þess leyfi þar til bærra stjórnvalda," sagði Össur Skarphéðinsson utanríkisráðherra á Alþingi í dag.

Nýr páfi valinn fyrir páska

Búist er við því að nýr páfi verði kjörinn fyrir páska. Þessar upplýsingar hefur BBC fréttastofan frá Vatíkaninu. Eins og fram kom í fréttum fyrr í dag hefur Benedikt sextándi tilkynnt að hann muni segja af sér, en hann ætlar að hætta í lok febrúar. Páskadagur er síðasti dagurinn í mars.

Fundar með ríkislögreglustjóra og ríkissaksóknara vegna FBI málsins - samantekt

Ögmundur Jónasson innanríkisráðherra kom heim frá Kína í gærdag og hefur fundað stíft síðan þá vegna FBI-málsins svokallaða. Hann hefur meðal annars setið fundi með Sigríði J. Friðjónsdóttur, ríkissaksóknara sem og Haraldi Johannessen, ríkislögreglustjóra.

Afsakið að við skutum þig í klessu!

Lögreglan lét skothríð rigna yfir saklausar mæðgur sem voru að bera út blöð.

Strangar reglur um val á páfa

Þegar Benedikt páfi lætur af störfum þann 28. febrúar þarf að huga að því að velja nýjan leiðtoga fyrir 1,2 milljarða kaþólikka um heim allan.

Þarf að greiða 20 þúsund þökk sé einu símtali

Lögreglan á Vestfjörðum stöðvaði tvo ökumenn í síðustu viku fyrir að tala í farsíma án þess að nota handfrjálsan búnað. Í báðum tilvikum var um að ræða ökumenn sem óku um götur Ísafjarðar.

Kjötframleiðendurnir segjast hafa verið gabbaðir

Hvorki Findus, sem framleiðir vinsælt lasagna, né Comigel, sem selur Findus kjöt í lasagnað, segjast bera ábyrgð á því að lasagnað hafi verið með hrossakjöti. Eins og fram hefur komið er grunur um að hrossakjöt og jafnvel kjöt af ösnum hafi verið notað í tilbúna rétti í stað nautakjöts. Vörur hafa verð innkallaðar, meðal annars hér á landi, vegna þessa hneykslis.

Túrbínuvandi

Ef túrbínubílum er ekið rösklega rýkur eyðsla þeirra upp.

Sakar Gylfa um kerfisbundnar rangfærslur

Heiðar Már Guðjónsson hagfræðingur gagnrýnir Gylfa Magnússon, dósent við Háskóla Íslands og fyrrverandi viðskiptaráðherra, harðlega í innsendri grein í Fréttablaðinu í morgun.

Fleiri ánægðir með störf forsetans

Almenningur er ánægðari með störf forseta Íslands, Ólafs Ragnars Grímssonar, samkvæmt nýjustu könnun MMR. Það er nokkuð fyrirsjáanlegt að ánægjan jókst töluvert í kjölfar niðurstöðunnar í Icesave-málinu.

Morðingi Bulger „enn hættulegur"

Móðir James Bulger telur þá sem fremja alvarlega glæpi þurfa þyngri refsingar. Tuttugu ár eru liðin frá því tveggja ára sonur hennar var myrtur í Liverpool á Englandi.

Stórþjófnaður á Suðurnesjum - verið á varðbergi gagnvart sölu þýfis

Lögreglan á Suðurnesjum rannsakar nú innbrot í íbúðarhúsnæði í umdæminu, þar sem stolið var skartgripum og öðrum munum, að heildarverðmæti á aðra milljón króna. Auk skartgripanna var meðal annars um að ræða hljóðnema, gítar og hljómborð.

Yfir 80% hafa farið á námskeið í skyndihjálp

Tæplega 83 prósent hafa farið á námskeið í skyndihjálp, þar af tæplega 31 prósent á síðustu þremur árum. Tæplega fimmtungur hefur aldrei sótt námskeið í skyndihjálp. Þetta kemur fram í könnun sem Capacent Gallup gerði fyrir Rauða krossinn í janúar. Niðurstöðurnar eru birtar í dag í tilefni af 112 deginum. Það þarf kannski ekki að koma á óvart að þeir sem hafa farið á námskeið í skyndihjálp treysta sér miklu fremur en aðrir til að veita bráðveikum eða alvarlega slösuðum skyndihjálp. Það á sérstaklega við um þá sem hafa farið á námskeið á síðustu þremur árum.

Ísland í dag: Hingað koma börn sem geta ekki búið heima hjá mömmu og pabba

Um 350 börn eru í fóstri á Íslandi í dag, börn sem af einhverjum ástæðum geta ekki búið heima hjá mömmu og pabba og þau eru frá 0-18 ára. Það reynist eflaust mörgum erfitt að skilja að á okkar litla landi séu börn sem eiga enga aðstandendur sem geta annast þau, en það gerist. Og hvað þá? Við kynnum okkur Vistheimilið á Laugarásvegi í Íslandi í dag í kvöld.

Fékk svikapóst sendan frá póstfangi danska skattsins

Ung kona fékk bréf frá danska skattinum í morgun þar sem því var lofað hún fengi 25 þúsund íslenskar krónur endurgreiddar frá danska ríkinu. "Ég hélt að þetta væri svona tax refund,“ segir konan sem Vísir ræddi við en hún segist hafa farið til Danmerkur í helgarferð fyrir allnokkru og tengdi því póstinn við þá ferð.

Dýrasta viðgerðin á bíl Mr. Bean

Kostaði 184 milljónir að gera við McLaren F1 bíl hans.

Benedikt sextándi segir af sér

Benedikt sextándi páfi ætlar að segja af sér embætti. Ítalskir fjölmiðlar greina frá þessu í dag. Hann ætlar að hætta þann 28. febrúar næstkomandi.

Teknir með þrjú kíló af amfetamíni - Földu það í dós með barnamat

Tveir karlmenn á fertugsaldri sitja nú í gæsluvarðhaldi vegna rannsóknar lögreglunnar á Suðurnesjum á smygli á þremur kílóum af amfetamíni til landsins. Tollgæslan stöðvaði för mannanna í Flugstöð Leifs Eiríkssonar vegna gruns um að þeir væru með fíkniefni með sér.

Ný ljós Audi ólögleg

Lög um ljósabúnað bíla í Bandaríkjunum leyfa ekki þessa nýju tækni Audi.

Eðlilegar aðstæður miðað við árstíma

Myndband sem tekið var úr lofti af öldugangi við Landeyjahöfn í síðustu viku vakti töluverða athygli. Forsvarsmenn Siglingastofnunar segja um eðlilegar aðstæður að ræða miðað við árstíma.

Mafían talin tengjast hrossakjötshneykslinu

Hrossakjötshneykslið sem hófst nýlega í Bretlandi verður stöðugt umfangsmeira. Nú er mafían í tveimur löndum sögð tengjast því og grunsemdir eru uppi um að kjöt af ösnum hafi einnig verið notað í tilbúna rétti í stað nautakjöts.

Drápssnigillinn þolir vel vetrarhörkur

Ný rannsókn leiðir í ljós að Spánarsnigillinn, einnig kallaður drápssnigillinn í Danmörku, á auðvelt með að lifa af í vetrarhörkum, jafnvel þegar frostið fer niður í 14 stig.

Umhverfis- og samgöngunefnd fundar um síldardauðann

Síldardauðinn í Kolgrafafirði verður til umfjöllunar í Umhverfis- og samgöngunefnd í dag. Fulltrúar frá Hafrannsóknarstofnun og Umhverfisstofnun munu sitja fundinn. Hátt í fimmtíu þúsund tonn af síld drapst í firðinum, fyrst í desember á síðasta ári og aftur nú í febrúar. Niðurstöður úr rannsóknum Hafró benda til þess að súrefnisskortur hafi verið banamein síldarinnar.

Kvennaathvarfið flutt

Á laugardaginn flutti Kvennaathvarfið í nýtt hús sem keypt var og endurbætt fyrir gjafa- og söfnunarfé. Lengi hafði verið stefnt að flutningum en gamla húsið við Hverfisgötuna var fyrir nokkru hætt að rúma starfsemina á viðunandi hátt samkvæmt tilkynningu frá Kvennaathvarfinu.

Skartgripum stolið úr heimahúsi

Skartgripum og öðrum munum, að heildarverðmæti á aðra milljón króna, var stolið í innbroti í heimahús á Suðurnesjum á dögunum. Sá eða þeir sem þar voru að verki höfðu spennt upp glugga á húsnæðinu sem snéri út að svölum, að því er fram kemur í tilkynningu frá lögreglunni. Húsráðandi kom að útidyrahurðinni ólæstri og grunaði þá þegar að ekki væri allt með felldu. Það fékk hann staðfest þegar inn var komið.

Biophilia fékk Grammy-verðlaunin fyrir hönnun

Biophilia, plata Bjarkar, fékk bandarísku Grammy-verðlaunin í nótt fyrir hönnun. Það voru þeir Michael Amzalag og Mathias Augstyniak sem fengu verðlaunin fyrir hönnunina.

Óljóst um afdrif 18 námumanna eftir sprengingu í kolanámu

Ekkert er vitað um afdrif 18 námumanna í kolanámu í Komi hérði í norðaverðu Rússlandi eftir að sprenging varð í námunni í morgun.

Vilja byggja nýjar laugar í Fossvogi og Vatnsmýri

Útilaug við Sundhöllina ætti að rísa á næsta ári og hverfislaug fyrir Grafarholt og Úlfarsárdal árið 2015. Fjórar laugar til viðbótar ætti að byggja í borginni á næstu ellefu árum. Þetta er tillaga þverpólitísks starfshóps á vegum borgarinnar um framtíðarsýn sundlauganna í Reykjavík, sem skilað hefur skýrslu um málið.

Björn bíður eftir Elsu, og Elsa eftir Birni

„Við erum bara að bíða,“ sagði Björn Zoega, forstjóri Landspítalans, þegar Fréttablaðið hafði samband við hann í gærkvöld. „Við erum búin að spila út því sem við höfum og það er ekki tilboð heldur er þetta það sem við höfum í höndunum. Við höfum ekki úr meiru að spila.“

Ekki frétt af neinum sem beit á

Ekki er vitað til þess að nokkur hafi látið blekkjast af svikapósti sem barst á íslensk netpóstföng fyrir helgi, undir formerkjum Símans. Það segir Gunnhildur Arna Gunnarsdóttir, upplýsingafulltrúi Símans, í samtali við Fréttablaðið.

Númerslausir bílar hrannast upp

Fjöldi númerslausra bíla er íbúum fjölbýlishúsa við Írabakka 2 til 34 þyrnir í augum. Íbúi sem samband hafði við blaðið segir ekkert gerast þrátt fyrir ítrekaða eftirgrennslan hjá borgaryfirvöldum og lögreglu. Bílarnir hafi flestir verið óhreyfðir í stæðum fjölbýlishúsanna síðan í nóvember síðastliðnum og á þá hefur verið límdur viðvörunarmiði frá lögreglu.

Vinnslustöðin útilokar ekki endurráðningu þeirra sem reknir voru

Vinnslustöðin í Vestmannaeyjum ætlar ekki strax að fastráða í stöður þeirra ellefu sjómanna, sem fyrirtækið rak nýverilð, eftir að leyfar af fíkniefnum fundust í þvagsýnum þeirra.

Aftur barist á götum Gao í norðurhluta Malí

Fréttir berast nú um að miklir götubardagar geisi í bænum Gao í norðurhluta Malí á milli stjórnarhersins í Malí og herskárra íslamista.

Neyðarfundur í Frakklandi vegna hrossakjötshneykslisins

Hrossakjötshneykslið í Bretlandi hefur smitað út frá sér til meginlands Evrópu. Í frétt á vefsíðu BBC um málið segir að ráðherrar landbúnaðarmála og neytendamála í Frakklandi muni halda neyðarfund um málið í dag.

Menntaskólanemar eiga í ástarsambandi við kennara sína í töluverðum mæli

Ný könnun í Svíþjóð sýnir að einn af hverjum 20 nemendum í menntaskólum í Stokkhólmi hefur átt í ástarsambandi við kennara sína.

Ölvuð kona með fíkniefni í fórum sínum ók á ljósastaur

Ölvuð kona, með fíkniefni í fórum sínum, er grunuð um að hafa ekið bíl yfir Melatorg í Reykjavík á þriðja tímanum í nótt, og hafnað á ljósastaur.

Örn stöðvaði lestarferðir yfir Litlabeltisbrúna í fimm tíma

Allar lestarferðir yfir Liltabeltisbrúna milli Jótlands og Fjóns lágu niðri í fimm tíma eftir hádegið í gærdag. Ástæðan fyrir þessu var að örn flaug á rafmagnslínu við brúna með þeim afleiðingum að rafmagnið sló út á brautarteinunum.

Heita milljón dollurum í verðlaun fyrir upplýsingar um Dorner

Borgarstjórn Los Angeles hefur lagt fram milljón dollara, eða um 130 milljónir króna, sem verðlaun til þeirra sem geta gefið upplýsingar um Christopher Dorner, fyrrum lögreglumann sem talinn er hafa myrt þrjá menn, og sært tvo, í grennd við borgina.