Þessi fyrirtæki þykja framúrskarandi á Íslandi

358 fyrirtæki verðskulda viðurkenninguna „Framúrskarandi fyrirtæki". Þetta kemur fram í greiningu Creditinfo á íslenskum fyrirtækjum.

Eftirfarandi upplýsingar eru lagðar til grundvallar að mati Creditinfo um hvort fyrirtæki uppfylli skilyrði styrkleikamatsins:

-að hafa skilað ársreikningum til RSK 2009 til 2011

-minna en 0,5% líkur á alvarlegum vanskilum

-að sýna jákvæðan rekstrarhagnað (EBIT) þrjú ár í röð

-að ársniðurstaða sé jákvæð þrjú ár í röð

-eignir séu 80 milljónir eða meira árin 2009 - 2011

-að eigið fé sé 20% eða meira, rekstrarárin 2009 til 2011

-að vera með skráðan framkvæmdastjóra í hlutafélagaskrá

-að vera virkt fyrirtæki skv. skilgreiningu Creditinfo

Fyrirtækin 358 má sjá í PDF-skjali neðst í fréttinni.

Á heimasíðu Creditinfo er greint frá því að 32 þúsund fyrirtæki séu skráð í hlutafélagaskrá. Þar segir að mikilvægt sé á litlum markaði að draga fram styrkleika fyrirtækja sem birtist í stöðugleika í rekstri fremur en niðurstöðum einstakra rekstrarára.

„Slíkar kröfur eru líklegri til að undanskilja sveiflukenndan árangur stærri eignarhalds- og móðurfélaga en undirstrika frekar styrkleika fyrirtækja í virkri starfsemi sem standast ýmsar efnahagssveiflur."