Anonymous ráðast á opinberar vefsíður í Ísrael

Tölvuþrjótasamtökin Anonymous hafa staðið fyrir umfangsmiklum tölvuárásum á opinberar vefsíður í Ísraels.

Danskir prestar ósáttir við opinberar jarðarfarir

Prestar í Kaupmannahöfn og víðar í Danmörku gagnrýna sveitar- og bæjarstjórnir fyrir að beita sér ekki nægilega í því að finna ættingja fólks sem jarðað er á kostnað hins opinbera.

SAS afboðar nokkrar flugferðir í dag

Þrátt fyrir að SAS flugfélaginu hafi tekist að semja við flest verkalýðsfélög starfsmanna sinna hefur félagið afboðað nokkrar flugferðir frá Kastrup til hinna Norðurlandanna í dag.

Páfi egypskra kopta vígður

Tawandros II. var í gær vígður páfi koptísku kirkjunnar í Egyptalandi. Athöfnin tók nærri fjórar klukkustundir, en hana sóttu meðal annars forsætisráðherra Egyptalands og nokkrir aðrir ráðherrar í hinni íslömsku ríkisstjórn landsins.

Búbót af rekavið á Ströndum

Rekaviður er ennþá búbót hjá bændum í Árneshreppi sem segjast ekki hafa undan við að saga rekavið niður í klæðningar, gólffjalir og girðingarstaura. Hlunnindabúskapur hefur frá fyrstu tíð verið þáttur í lífsafkomunni í Árneshreppi og í gegnum aldirnar hafði rekinn mikla þýðingu.

Finnst dásamlegt að vera í Árneshreppi

Kynslóðaskipti á tveimur bæjum í Trékyllisvík og fjölgun barna í skólanum á Finnbogastöðum hafa kveikt vonarneista um framtíð byggðar í Árneshreppi á Ströndum. Þetta kom fram í þættinum "Um land allt" á Stöð 2 í kvöld.

McCain vill að Clinton miðli málum

Bandaríkin þurfa að senda hátt settan erindreka, eins og Bill Clinton fyrrverandi forseta, til þess að miðla máli á milli Ísrael og Palestínu. Þetta segir John McCain, öldungadeildarþingmaður Repúblikana. Hann segir að bandarísk stjórnvöld verði að sýna fram á það að þeim sé alvara þegar þau segi að þau vilji að friður haldist á Vesturbakkanum.

Vinsældir Frakklandsforseta dala sífellt

Francois Hollande, forseti Frakklands, verður sífellt óvinsælli með hverjum mánuðinum sem líður. Vinsældir hans hafa nú dalað sex mánuði í röð samkvæmt niðurstöðum nýrrar rannsóknar sem birt var í dag. Skoðanakönnunin sem gerð var fyrir vikublaðið Le Journal de Dimanche sýnir að vinsældir Hollandes minnkuðu um eitt prósent síðastliðinn mánuð. Hann nýtur nú stuðnings 41% landsmanna.

Minntust þeirra sem létust í umferðarslysi

Þeirra var minnst í morgun, sem látist hafa í umferðarslysum. Athöfn var haldin við bráðamóttöku Landspítalans í Fossvogi en Sameinuðu þjóðirnar hvetja aðildarríki til að halda slíka athöfn þriðja sunnudag í nóvember ár hvert. Hér á landi er það starfshópur innanríkisráðuneytis og velferðarráðueytis um áratug aðgerða í umferðaröryggismálum sem skipuleggur athöfnina en í honum sitja einnig fulltrúar ýmissa aðila sem starfa að umferðaröryggismálum.

Forsetafrúin opnaði Íslenskuþorpið

Íslenskuþorpið, nýstárleg leið fyrir fólk sem er að læra íslensku sem annað mál, var formlega opnað á Háskólatorgi á föstudag. Það var frú Dorrit Moussaieff sem opnaði þorpið.

Þrjú hús rýmd á Sauðárkróki

Þrjú hús á Kambastíg á Sauðárkróki voru rýmd í dag vegna snjóflóðahættu. Samkvæmt upplýsingum frá lögreglunni á Sauðárkróki er stór snjóhengja fyrir ofan húsin og er óttast að hún geti fallið. Efsta húsið hafði þegar þrjár litlar hengur húsið, en ekkert tjón varð vegna þess. Samkvæmt upplýsingum frá lögreglunni á Sauðárkróki eru ekki margir íbúar í húsunum.

Finnsk og íslensk börn líklegust til að hreyfa sig

Finnsk og íslensk börn eru líklegust allra barna á Norðurlöndunum til að hreyfa sig í samræmi við ráðleggingar eða rúm 56% finnskra barna og rúm 52% íslenskra barna. Þetta kemur fram í samnorræni vöktun á mataræði, hreyfingu og holdafari, en rannsóknin var unnin á síðasta ári.

Áfram barist á Gaza

Bardagar halda áfram á Gaza í dag, fimmta daginn í röð. Minnst tólf Palestínumenn féllu í morgun. Benjamin Netanyahu, forsætisráðherra Ísrael, segir að Ísraelar séu reiðubúnir í meiri hernað. Þá halda Palestínumenn áfram að skjóta eldflaugum að Ísraelum. Á meðal þeirra sem hafa fallið á Gaza í morgun eru fjögur börn. Þá voru höfuðstöðvar tveggja fjölmiðla sprengdar og blaðamenn særðust. Barack Obama, forseti Bandaríkjanna, lýsti í morgun yfir stuðningi við Bandaríkjamenn og sagði að þeir væru í fullum rétti til að verja sjálfa sig.

Tökum á Game of Thrones lýkur um næstu helgi

Tökur á þriðju þáttaröðinni af Game of Thrones standa nú sem hæst. Tökurnar fara fram við Mývatn, eins og fram hefur komið. Snorri Þórisson, framkvæmdastjóri kvikmyndaframleiðslufyrirtækisins Pegasus, sem þjónustar tökuliðið hér á landi, segir að tökurnar gangi vel. "Það gengur mjög vel. Mikill snjór, eins og það á að vera,“ segir Snorri. Hann segir að um 270 manns vinni við tökurnar en til stendur að ljúka þeim annaðhvort 24. eða 25. nóvember. Eins og fram hefur komið var önnur þáttaröð Game of Thrones líka tekin upp á Íslandi. Ísland í dag sagði ítarlega frá þeim upptökum og þú getur horft á þá umfjöllun hér.

Vilhjálmur skilar brúðargjöfinni

Vilhjálmur Vilhjálmsson og eiginkona hans hafa ákveðið að skila brúðargjöf frá Eir, að andvirði 100 þúsund krónur. Sigurður H. Guðmundsson, fyrrverandi framkvæmdastjóri hjá Eir, sagði frá gjöfinni í morgun en hann endurgreiddi Eir hana ásamt 200 þúsund króna gjafabréfi sem hann lét Jóhannesi Rúnari Jóhannessyni, hæstaréttarlögmanni og eiginmanni sínum, í té.

Endurgreiddi 100 þúsund króna brúðkaupsgjöf til Vilhjálms

Sigurður Helgi Guðmundsson fyrrverandi framkvæmdastjóri hjúkrunarfélagsins Eirar, hefur endurgreitt Eir 100 þúsund krónur sem Eir gaf Vilhjálmi Þ. Vilhjálmssyni, fyrrverandi stjórnarformanni Eirar, í brúðkaupsgjöf. Eins og áður hafði komið fram hefur Sigurður Helgi einnig endurgreitt Eir gjafabréf Icelandair sem hann gaf Jóhannesi Rúnari Jóhannessyni, tengdasyni sínum, sem þakklætisvott fyrir vinnu sem hann vann fyrir Eir.

Sigríður Ingibjörg einungis um 70 atkvæðum á eftir Össuri

Einungis 68 atkvæði skildu á milli Össurar Skarphéðinssonar og Sigríðar Ingibjargar Ingadóttur í baráttunni um fyrsta sætið í prófkjöri Samfylkingarinnar í Reykjavík. Össur hlaut 972 atkvæði í fyrsta sætið og varð þar með efstu en Sigríður Ingibjörg fékk 904 atkvæð í fyrsta sætið og varð hún í því öðru, með 1322 atkvæði í fyrsta til annað sæti. Þetta þýðir að þau munu leiða sitthvort Reykjavíkurkjördæmið fyrir alþingiskosningarnar í vor en í samtali við Vísi í gærkvöldi þegar úrslit voru kunn sagðist Sigríður Ingibjörg ekki útiloka formannsframboð í Samfylkingunni.

Yfir helmingur Breta vill ganga úr ESB

Yfir helmingur breskra kjósenda myndi greiða atkvæði með þeirri tillögu að ganga úr Evrópusambandinu, samkvæmt nýrri skoðanakönnun sem sagt er frá á vef The Observer. Yfir 56% kjósenda myndu líklega eða örugglega greiða atkvæði með tillögunni ef haldin yrði þjóðaratkvæðagreiðsla.

Hart tekist á um réttindi samkynhneigðra

Tugþúsundir manna hafa núna um helgina mótmælt áformum stjórnvalda í Frakklandi að heimila hjónabönd samkynhneigðra og veita samkynhneigðum heimild til að ættleiða börn. Lögreglan segir að hið minnsta 70 þúsund hafi verið á götum Parísar, en einnig hafi verið mótmælt í borgunum Lyon, Toulouse og Marseille. Þarna hafi verið um að ræða kaþólikka og aðra stuðningsmenn hefðbundinna fjölskyldugilda, eins og það er orðað á fréttavef BBC.

Sigríður Ingibjörg útilokar ekki formannsframboð

Sigríður Ingibjörg Ingadóttir, sem varð í öðru sæti í prófkjöri Samfylkingarinnar í Reykjavík, útilokar ekki framboð til formennsku Samfylkingarinnar eftir áramót. Niðurstaða prófkjörsins þýðir að Sigríður Ingibjörg mun leiða annað Reykjavíkurkjördæmið. Össur Skarphéðinsson, sem var í fyrsta sæti, leiðir hitt.

Össur varð efstur

Össur Skarphéðinsson hlaut fyrsta sæti í prófkjöri Samfylkingarinnar í Reykjavík. Niðurstöðurnar voru kynntar á tíunda tímanum. Hann hlaut 972 atkvæði í fyrsta sætið. Sigríður Ingibjörg Ingadóttir varð í öðru sæti. Þetta þýðir að Össur og Sigríður Ingibjörg munu leiða sitthvort Reykjavíkurkjördæmið fyrir alþingiskosningarnar í vor.

Krafðist þess að kjörfundur yrði framlengdur til miðnættis

Sigurður G. Guðjónsson hæstaréttarlögmaður hefur farið þess á leit að ákvörðun kjörstjórnar um að synja sjötíu manns aðgangi að kjörskrá verði fellt úr gildi. Kjörfundur verði svo framlengdur til miðnættis. Sigurður sendi bréf með þessari kröfu til úrskurðarnefndar um kærumál í dag, en hún starfar samkvæmt reglum Samfylkingarinnar.

Björgvin G. Sigurðsson um prófkjörið: Tek niðurstöðunni af stillingu

Auðvitað náði ég ekki settu marki og ég tek því af stillingu,“ segir Björgvin G. Sigurðsson. Hann laut í lægra haldi fyrir Oddný Harðardóttur í baráttu um fyrsta sæti Samfylkingarinnar í Suðurkjördæmi. Björgvin var aftur á móti í fyrsta sæti fyrir síðustu kosningar, árið 2009. Hann segist hafa átt von á hverju sem var. "Það var mjög á brattan að sækja og þetta er búið að vera erfiður tími síðustu ár,“ segir hann. "Prófkjörið var afskaplega hófstillt og málefnalegt og ég óska Oddný til hamingju með afgerandi sigur,“ segir hann. Oddný sé vel að sigrinum komin.

Oddný hlakkar til kosningabaráttunnar

"Ég hlakka til að fara í kosningabaráttu með þennan öfluga hóp. Það verður gaman," segir Oddný Harðardóttir. Hún mun leiða lista Samfylkingarinnar í Suðurkjördæmi fyrir þingkosningarnar í vor. Oddný segist ætla að ná inn þremur mönnum í kjördæmunum. "Við erum þrjú og við höldum þeim í það minnsta," segir Oddný.

Lottóvinningshafi tæpum sex milljónum ríkari

Einn var með allar tölur réttar í lottóinu í kvöld. Hann hlýtur um 5,6 milljónir króna í vinning. Hann var með miðann sinn í áskrift. Lottótölurnar voru 3 16 24 26 33. Bónustalan var: 22

Oddný leiðir lista Samfylkingarinnar í Suðurkjördæmi

Oddný Harðardóttir fékk flest atkvæði í fyrsta sæti á lista Samfylkingarinnar í Suðurkjördæmii

Segir stjórnarmenn ekki þurfa að segja af sér

Magnús L. Sveinsson, stjórnarformaður Eirar, segir að úrsögn Hafsteins Pálssonar úr stjórn félagsins setji ekki þrýsting á aðra stjórnarmenn að gera slíkt hið sama. Afsögn Hafsteins megi rekja til þess að hann njóti ekki lengur trausts þeirra sem tilefndu hann á sínum tíma.

Yfir 2400 hafa kosið í Reykjavík

Rúmlega 2400 manns höfðu kosið í prófkjöri Samfylkingarinnar í Reykjavík núna klukkan hálfsex. Í Suðurkjördæmi höfðu um 1500 kosið. Tveir etja kappi um 1. sætið í Suðurkjördæmi, en það eru þau Oddný Harðardóttir og Björgvin G. Sigurðsson.

Háskóli Íslands fær fúlgur fjár úr erlendum sjóðum

„Tekjur Háskóla Íslands úr erlendum sjóðum jukust um 70% frá 2008 til 2011 og námu rúmlega 1.100 milljónum árið 2011," sagði Daði Már Kristófersson, dósent í náttúruauðlindahagfræði, á fjölmennu háskólaþingi sem fór fram í Háskóla Íslands í dag.

Segir Hönnu Birnu standa fyrir "einföld skilaboð fremur en djúpar rökræður"

Hanna Birna Kristjánsdóttir, sem sækist eftir fyrsta sætinu í prófkjöri Sjálfstæðisflokksins í Reykjavík, á "enga aðra erfiða fortíð í pólitík en að hafa skilið skuldavanda Orkuveitunnar eftir til úrlausnar fyrir Besta flokkinn“ og stendur fyrir "einföld skilaboð fremur en djúpar rökræður“ að mati Þorsteins Pálssonar, fyrrverandi formanns flokksins.

Grímuklæddur maður rændi Kaffivagninn

Grímuklæddur maður réðst inn á Kaffivagninn á Granda í dag og ógnaði starfsfólki. Hann krafist þess að starfsfólk léti sig hafa pening. Fjöldi fólks var inni á staðnum þegar þetta gerðist.

Fórnarlamba umferðarslysa minnst

Á morgun verður þeirra minnst sem látist hafa í umferðarslysum. Ólafur Ragnar Grímsson, forseti Íslands, verður viðstaddur athöfn við bráðamótttöku Landspítala í Fossvogi. Eeinnig verða tveir aðstandendur sem misst hafa ástvini í umferðarslysum og hjúkrunarfræðingur á bráðamóttökunni.

Vill að Öryggisráðið grípi inn í vegna deilunnar á Gaza

Össur Skarphéðinsson utanríkisráðherra ítrekar áhyggjur sínar af stigvaxandi hernaðarátökum á Gaza og fordæmir áframhaldandi árásir Ísraela á Gaza, sem og eldflaugaárásir Hamas-samtakanna á Tel Aviv og Jerúsalem.

Sjálfstæðismenn hentu tilraun til uppgjörs við fortíðina "með hlátra sköllum"

Erfiðleikar Bjarna Benediktssonar formanns Sjálfstæðisflokksins eru m.a afleiðing þess að sjálfstæðismenn ákváðu á landsfundi að henda endurreisnarskýrslu flokksins, sem var uppgjör við fortíðina, út í hafsauga "með hlátrasköllum" og þá brugðu pólitískir samherjar Bjarna fyrir hann fæti í Icesave-málinu. Þetta er mat Þorsteins Pálssonar, fyrrverandi formanns flokksins.

Ætlaði að hefja skotárás á frumsýningu Twilight myndarinnar

Karlmaður var handtekinn, grunaður um að hafa undirbúið skotárás á frumsýningu nýju Twilight myndarinnar. Það var móðir mannsins sem hringdi í lögreglu og lét vita af áformum mannsins. Maðurinn, sem er 23 ára, heitir Blaec Lammers, eftir því sem fram kemur á vef Sky.

"Sjálfhverfa kynslóðin“ hefur tapað milljörðum

Gríðarleg eignartilfærsla hefur orðið frá ungu fólki til gamals fólks á aðeins fimm árum. Þetta segir Karl Sigfússon verkfræðingur í aðsendri grein í Fréttablaðinu í dag. Hann ritar greinina í tilefni af skrifum Sighvats Björgvinssonar um sjálfhverfu kynslóðina, sem hann kallaði svo.

Þjófar kipptu myndavél úr sambandi

Olíuþjófar kipptu eftirlitsmyndavél úr sambandi til að geta óáreittir dælt olíu af vörubifreið í Njarðvík í vikunni. Þjófnaðurinn var tilkynntur til lögreglunnar á Suðurnesjum. Ökumaður bifreiðarinnar hafði keypt olíu á hana fyrir fimmtíu þúsund daginn áður. Þegar að var komið lá slanga, sem notuð hafði verið til að dæla olíunni af bifreiðinni, við hlið hennar. Hinir óprúttnu höfðu opnað keðjulás á keðju, sem lokaði svæðinu. Að því búnu óku þeir inn á það og dældu af vörubifreiðinni.

Elsti sonur Warrens Buffet vill rækta maís á Íslandi

Howard Buffet, elsti sonur Warren Buffet eins ríkasta manns í heimi, kannar nú möguleikann á maísrækt hér á landi. Ef það gengur eftir hefur hann áhuga á að kaupa hér land og hefja jarðrækt Howard er stofnandi Howard G. Buffet góðgerðarsjóðsins sem vinnur að mannúðarmálum víða um heim og hefur meðal annars þau markmið að efla ræktun og matvælaframleiðslu þar sem fátækt er mikil.

Meiri sýklar á skurðarbrettinu en klósettsetunni

Því hefur lengi verið haldið fram að klósettsetan sé skítugasti staður á heimilinu, en ný rannsókn við háskólann í Arizona sýnir að mun fleiri bakteríur er að finna á skurðarbrettinu í eldhúsinu eða jafnvel á lyklaborðinu á tölvunni. Ástæðan er sú að hrátt kjöt og aðrar matvörur sem verkaðar eru á skurðarbrettinu skilja eftir sig bakteríur eins og saurgerla og fundu vísindamenn yfir tvö hundruð sinnum fleiri bakteríur á brettinu heldur en á klósettsetunni. Vísindamenn segja þetta ef til vill vísbendingu um að einstaklingar ættu að þrífa skurðarbrettin jafn vel ef ekki betur en klósettið.

Beindu sprengjum sínum að höfuðstöðvum leiðtoga Hamas

Ísraelar beindu í nótt sprengjum sínum að höfuðstöðvum leiðtoga Hamas á Gaza svæðinu og gjöreyðilögðu bygginguna, en þetta er fjórði dagurinn í röð sem Ísraelar gera loftárásir á svæði Palestínu. Að minnsta kosti þrjátíu og átta palestínumenn og þrír ísraelsmenn hafa látist í árásunum síðustu daga. Í gærkvöldi kölluðu Ísraelsmenn út sjötíu og fimm þúsund varaliða í hernum, auk þess sem herinn hefur lokað nokkrum þjóðvegum sem liggja að Gaza og segja fréttaskýrendur þetta vera merki um að Ísraelsmenn séu að undirbúa landhernað á Gaza en þeir segja enga ákvörðun hafa verið tekna um það samkvæmt fréttum breska ríkisútvarpsins.

Um 1300 búnir að greiða atkvæði

Um þrettán hundruð höfðu kosið í flokksvali Samfylkingarinnar í Reykjavík um klukkan hálf tíu í morgun og um 850 í Suðurkjördæmi. Kosning hefst á kjörstöðum í dag en von á fyrstu tölum í Suðurkjördæmi um klukkan sjö í kvöld og aðeins síðar í Reykjavík.

Hátt í þrír milljarðar í vinnumarkaðsúrræði

Ríkisstjórnin samþykkti í gær tillögu Guðbjarts Hannessonar velferðarráðherra um verkefnið Vinna og virkni - átak til atvinnu 2013. Atvinnuleysistryggingasjóður leggur 2,7 milljarða króna til að standa straum af hluta kostnaðar við rúmlega 3000 vinnumarkaðsúrræði fyrir atvinnuleitendur sem hafa fullnýtt eða munu á næstunni fullnýta rétt sinn til atvinnuleysisbóta.

Ölvaður ökumaður á áttræðisaldri olli miklu tjóni

Umferðarslys varð á gatnamótum Hringbrautar og Nauthólsvegar um hálfsexleytið í gær þegar amerískum sendibíl sem breytt hefur verið í húsbíl, var ekið á miklum hraða vestur Hringbraut.

Verður athvarf og sögusafn

Veiðikofi Guðmundar frá Miðdal við Stóru-Laxá verður endurgerður í vetur. Sett verður upp lítil sögusýning, auk þess sem veiðimenn fá kærkomna aðstöðu. Var fyrst varðkofi við Ölfusá í seinni heimsstyrjöld.

Ætti að vera á hverju ári

„Við myndum aldrei læra ensku ef allt væri talsett,“ var meðal þess sem kom fram á málræktarþingi tíundu bekkinga úr Laugalækjarskóla, Langholtsskóla og Réttarholtsskóla, sem komu saman til þings í tilefni af degi íslenskrar tungu í gærmorgun. Fæstum leist vel á þá hugmynd að allt sjónvarpsefni hér á landi væri talsett.