Vilhjálmur skilar brúðargjöfinni

Vilhjálmur Vilhjálmsson og eiginkona hans hafa ákveðið að skila brúðargjöf frá Eir, að andvirði 100 þúsund krónur. Sigurður H. Guðmundsson, fyrrverandi framkvæmdastjóri hjá Eir, sagði frá gjöfinni í morgun en hann endurgreiddi Eir hana ásamt 200 þúsund króna gjafabréfi sem hann lét Jóhannesi Rúnari Jóhannessyni, hæstaréttarlögmanni og tengdasyni sínum, í té.

„Í ljósi fjölmiðlaumræðu um brúðargjöf til okkar hjóna frá Eir í júní 2008 og með hvaða hætti fyrrverandi forstjóri Sigurður H. Guyðmundsson hefur matreitt málið í fjölmiðlum höfum við ákveðið að skila þessari brúðargjöf og endurgreiða andvirði hennar til Eirar: Það eru fráleitar ásakanir fyrrverandi forstjóra að ég hafi skipað honum að gera þetta Þeir sem til þekkja vita að fyrrverandi forstjóri skipaði en lét aldrei skipa sér," segir Vilhjálmur í yfirlýsingu.

Vilhjálmur segir mikilvægt að þeir sem fjalli um stöðu Eirar fái svigrúm til þess að vinna að málinu.