Um 1300 búnir að greiða atkvæði

Um þrettán hundruð höfðu kosið í flokksvali Samfylkingarinnar í Reykjavík um klukkan hálf tíu í morgun og um 850 í Suðurkjördæmi. Kosning hefst á kjörstöðum í dag en von á fyrstu tölum í Suðurkjördæmi um klukkan sjö í kvöld og aðeins síðar í Reykjavík.

Tveir berjast um fyrsta sætið í Suðurkjördæmi, Oddný G. Harðardóttir og Björgvin G. Sigurðsson. Þrettán eru í framboði í Reykjavík. Nokkur titringur er innan Samfylkingarinnar í Reykjavík eftir að kjörstjórn ákvað að taka 150 félaga í Jafnaðarmannafélaginu Rósinni af kjörskrá þar sem ekki barst staðfesting á skráningu þeirra í flokkinn áður en frestur rann út.