Miliband hittir Steingrím og Má

David Miliband, fyrrum utanríkisráðherra Bretlands, sem kemur hingað til lands í vikunni í boði forseta Íslands, mun funda með Steingrími J. Sigfússyni, atvinnuvega- og nýsköpunarráðherra og Má Guðmundssyni, seðlabankastjóra.

Ræktuðu kannabis í ósamþykktri íbúð

Fíkniefnaræktun fannst í ósamþykktri íbúð í fjölbýlishúsi á Selfossi síðdegis á fimmtudag. Samkvæmt upplýsingum frá lögreglunni á Selfossi voru þrír karlmenn, tuttugu og tveggja ára til þrjátíu og fimm ára, handteknir og leit gerð í íbúðinni. Þar fundust 28 kannabisplöntur í ræktun, fræ og lítils háttar af hvítu dufti sem talið er vera amfetamín. Plönturnar, fíkniefni, lampar og annað sem notað var við ræktunina var gert upptækt. Mennirnir viðurkenndu að hafa staðið að ræktuninni. Málið telst upplýst og verður sent til ríkissaksóknara sem tekur ákvörðun um ákæru.

"Það hljómar fáránlega en ég hélt að þetta væri löglegt"

"Ég var bara nítján ára gamall og var ekkert að pæla í neinu. Man í raun ansi lítið eftir þessu öllu." Þetta sagði Hans Aðalsteinn Helgason í Héraðsdómi Reykjaness í dag.

Lögmaður Seðlabankastjóra: Skjólstæðingi mínum mismunað

Andri Árnason, lögmaður Más Guðmundssonar, seðlabankastjóra, sagði að laun hans hefðu lækkað um fjörutíu prósent frá því hann tók við embættinu í ágúst 2009. "Við skipunina í embættið var gengið út frá ákveðnum launakjörum sem var breytt með verulegum hætti," sagði Andri.

Segist ekki hafa haft hugmynd um að hann væri að fremja lögbrot

"Ég hafði ekki hugmynd um að þetta væri ólöglegt. Ég var bara unglingur á þessum tíma." Þetta sagði Jón Ólafur Róbertsson í vitniburði sínum í Héraðsdómi Reykjaness í dag.

Eygló gefur kost á sér í Kraganum

Eygló Harðardóttir, þingmaður Framsóknarflokksins, ætlar að gefa kost á sér í 1. sæti á lista Framsóknarflokksins í Suðvesturkjördæmi fyrir næstu kosningar. Siv Friðleifsdóttir var í fyrsta sæti listans í Suðvesturkjördæmi fyrir kosningarnar 2009 en hún tilkynnti í morgun að hún ætlaði ekki að gefa kost á sér áfram. Eygló Harðardóttir situr núna á þingi fyrir Framsóknarflokkinn í Suðurkjördæmi og því er ljóst að hún mun flytjast á milli kjördæma. Eins og fram hefur komið hyggst formaður Framsóknarflokksins, Sigmundur Davíð Gunnlaugsson, líka flytja sig milli kjördæma en hann ætlar að færa sig frá Reykjavík í norðausturkjördæmi.

"Ég á lítinn strák núna - ég hef snúið við blaðinu"

Vilhjálmur Símon Hjartarson var fyrstur sakborninga til að gefa vitnisburð í Héraðsdómi Reykjaness í dag. Hann hefur játað sinn hlut í málinu. Vilhjálmur er einn af fimm sakborningum í málinu en það tengist fjársvikum mótorhjólasamtakanna Fáfni og Vítisenglum.

Romney að tapa stuðningi meðal eldri borgara

Ný skoðanakönnun sem gerð var meðal eldri borgara í Bandaríkjunum sýnir að Mitt Romney er að tapa stuðningi þeirra.

Siv hættir á Alþingi

Siv Friðleifsdóttir ætlar ekki að gefa kost á sér í þingframboði fyrir alþingiskosningar í vor. Þetta kemur fram í yfirlýsingu sem hún birti á vefsíðu sinni í morgun. Siv hefur verið þingmaður frá árinu 1995 og meðal annars gegnt embætti umhverfisráðherra og heilbrigðisráðherra.

Ungir sjálfstæðismenn settu upp skuldaklukku

Gera má ráð fyrir að í árslok verði skuldir hins opinbera 2.400 milljarðar króna, eða um 30 milljónir króna á hverja fjögurra manna fjölskyldu. Þá eru ótaldar skuldir opinberra fyrirtækja, svo sem orkufyrirtækja, þó að þær skuldbindingar séu í mörgum tilfellum með ábyrgð hins opinbera. Þetta segir í tilkynningu frá Sambandi ungra sjálfstæðismanna, sem segjast jafnframt harma gríðarlega skuldasöfnun ríkis og sveitarfélaga undanfarin ár.

Vítisenglar í Héraðsdómi - fjárdráttur og fjársvik

Aðalmeðferð í máli fimm manna sem ákærðir eru fyrir stórfelld fjársvik hófst í Héraðsdómi Reykjaness nú í morgun. Fimmmeningunum er gefið að sök að hafa haft með blekkingum milljónir af Íbúðalánasjóði.

Tjón af völdum eldsvoða nam um 1,5 milljörðum króna

Eignartjón af völdum eldsvoða nam 1434 milljónum króna á síðasta ári og var 468 milljónum króna undir meðaltali áranna 1981-2011, eftir því sem fram kemur í ársskýrslu Mannvirkjastofununar fyrir síðasta ár. Enginn fórst í eldsvoða á síðasta ári.

Snæuglur í mikilli útrýmingarhættu á Grænlandi

Mikil fækkun læmingja á Grænlandi undanfarin ár hefur leitt til þess að rándýrastofnar í landinu eins og snæuglur og hreysikettir eru í mikilli útrýmingarhættu.

Ráðist á þingmanninn Sigmund Erni á bar á Akureyri

Ráðist var á þingmanninn Sigmund Erni Rúnarsson þegar hann var staddur á Ljóðahátíð hjá Ljóðaklúbbnum Akureyrska Populus Tremule á bar á Akureyri, aðfararnótt sunnudags.

Grikkir vilja stríðsskaðabætur frá Þjóðverjum

Nýjasta tilraun Grikkja til að ná meiru fé í tómann ríkiskassann sinn hefur vakið hörð viðbrögð í Þýskalandi.

Modern Family hlaut fern Emmy verðlaun

Skemmtiþátturinn Modern Family sem sýndur er hér á Stöð 2 fékk fern verðlaun á Emmy sjónvarpsverðlaunahátíðinni í Hollywood í gærkvöldi en þátturinn þykir með þeim skemmtilegri í sjónvarpi í dag.

Heitavatnslaust í hluta Grafarvogs í allan dag

Heitavatnslaust verður frá klukkan átta í dag og fram á kvöld í hluta Grafarvogs. Viðgerð mun standa yfir í Hamrahverfi og hluta Húsa- og Foldahverfis.

Enn er 15 manns saknað eftir snjóflóðið í Nepal

Leit hófst að nýju í morgun á fjallinu Manaslu í Nepal að fjallgöngumönnum sem þar er saknað eftir stórt snjóflóð um helgina.

Fátækum fer fjölgandi í Danmörku

Fátækum fjölgaði í Danmörku á árunum 2002 og fram til 2010. Hlutfallslega fjölgaði þeim mest á Sjálandi og í höfuðborginni Kaupmannahöfn.

Neitar öllu í ákæru um sprengjusmíði

Ríkissaksóknari hefur gefið út ákæru á hendur 28 ára Keflvíkingi, sem sat vikum saman í gæsluvarðhaldi á fyrri hluta þessa árs eftir að á heimili hans fundust skotvopn og sprengiefni. Grunur hafði fallið á manninn eftir að hann birti myndir og myndbönd á Facebook sem gáfu lögreglu tilefni til að ætla að hann væri hættulegur. Á einu myndskeiðinu sást hann sprengja fiskikar í tætlur.

Svisslendingar höfnuðu algeru reykingarbanni

Svisslendingar höfnuðu algeru banni við reykingum á opinberum stöðum í landinu í þjóðaratkvæðagreiðslu um helgina.

Miklar truflanir á umferðinni um Stórabeltisbrúna

Miklar truflanir voru á umferðinni um Stórabeltisbrúna í nótt eftir að stór rúta valt þar á hliðina við brúarsporðinn í kjölfar áreksturs við vörubíl. Um tíma í morgun þurfti að loka brúnni alveg þegar rútan var fjarlægð af vettvangi.

Obama fær byr undir vængina

Barack Obama Bandaríkjaforseti hefur bætt við sig töluverðu fylgi í nokkrum þeirra ríkja þar sem fylgismunur hans og Mitt Romneys hefur verið hvað minnstur.

Þrettán hreindýr náðust ekki

Ekki náðist að fella þrettán hreindýr af útgefnum veiðikvóta í sumar, en veiðum lauk á föstudag. Kvótinn var 1.009 dýr. Helsta ástæðan er sú að veiðimenn skiluðu leyfum sínum þar sem þeir höfðu ekki þreytt skotpróf, sem er skilyrði.

Pussy Riot fá friðarverðlaun

Rússneska pönkhljómsveitin Pussy Riot hlýtur friðarverðlaun sem kennd eru við John heitinn Lennon og ekkju hans Yoko Ono. Verðlaunin verða afhent á afmælisdegi Lennons, 9. október, í Viðey. Þá verður einnig kveikt á friðarsúlu Yoko Ono.

Lánamálin í forgrunni hjá Framsókn

Tvö af þremur forgangsmálum þingflokks Framsóknarflokksins snúa að lánamálum. Flokkurinn vill að gefinn verði frádráttur af tekjuskatti vegna afborgana af fasteignalánum. Þá hefur hann lagt fram frumvarp um þak á hækkun verðtryggingar og lækkun vaxta. Þriðja forgangsmálið snýr að sókn í atvinnumálum.

Enn finnast sauðkindur á lífi

Töluvert fannst af lifandi fé í sköflum á Norðausturlandi um helgina. Talið er að um eitt hundrað kindur hafi fundist.

Schwarzenegger viðurkennir syndir sínar

Daginn eftir að Arnold Schwarzenegger lét af embætti ríkisstjóra í Kaliforníu, eða 4. janúar í fyrra, viðurkenndi hann fyrir Mariu Shriver, eiginkonu sinni, að húsfreyja þeirra hjóna hefði alið barn hans. Þetta kemur fram í nýrri ævisögu Schwarzeneggers sem kemur út í næsta mánuði.

Erlendur skipbrotsmaður jafnar sig á Sauðárkróki

Karlmaður sem komst einn lífs af þegar skip sökk við Nýja Sjáland í vor hefur dvalist á Sauðárkróki undanfarinn mánuð og unnið í sláturhúsinu á Sauðárkróki. Hann segir veruna hér hafa hjálpað sér að takast á við atburðinn.

Hvetur fólk til að mótmæla breytingum á Hjartagarðinum

Hjartagarðurinn er samkomustaður fólks af öllum stéttum og þar hefur menningin blómstrað í sumar segir tónlistarkona sem gagnrýnir nýtt deiliskipulag Reykjavíkurborgar sem gerir ráð fyrir verslunum og íbúðum á svæðinu.

Öldurótið var erfitt viðureignar

Sex Íslendingar luku um helgina boðsundi yfir Ermasundið fyrstir íslendinga. Einn sundmanna segir að öldurótið í sjónum hafa verið erfitt viðureignar en það hafi verð sætt að sigrast á sundinu.

Flestum íbúum lýst ágætlega á sameiningu

Íbúar í Garðabæ og á Álftanesi eru flestir jákvæðir gagnvart mögulegri sameiningu sveitafélaganna og segja hana geta verið öllum í hag. Kosið verður um sameiningu tuttugasta október næstkomandi. Fréttastofa Stöðvar 2 tók púlsinn á íbúum sveitarfélaganna í dag og í myndskeiðinu hér að ofan má sjá hvernig fólk brást við.

Hugnast ekki að hafa posa við fossa landsins

Stór hluti vinsælla ferðamannastaða á landinu eru í einkaeigu. Umhverfisráðherra segir að þörf sé á heildarúttekt á þessum málum og hugnast ekki að hafa posa við alla fossa landsins til að innheimta gjald.

Heitavatnslaust í Grafarvogi á morgun

Vegna viðgerðar verður heitavatnslaust í hluta Grafarvogs frá klukkan 8 í fyrramálið. Búast má við því að lokunin standi fram á kvöld.

Svisslendingar að hafna reykingabanni

Svisslendingar kjósa í dag um reykingabann innandyra og fyrstu tölur benda til þess að banninu verði hafnað. Þetta kemur fram á fréttavef BBC.

Eltu ökufant á ógnarhraða

Lögreglan á Eskifirði veitti ökufanti sem ók á ógnarhraða eftirför í nótt. Eftirförinni lauk með því að lögregla beitti svonefndri þvingaðri stöðvun og ók utan í bifreiðina til að stöðva för hennar.

Lykilorð franska seðlabankans var 123456

Ætla mætti að Seðlabanka Frakklands væri ekki sérlega annt um öryggi sitt því á dögunum kom í ljós að lykilorðið að vefsvæði bankans var það einfaldasta sem um getur.

Kynferðisbrotamál eru það erfiðasta við starf dómara

Héraðsdómur Suðurlands er orðinn þriðji stærsti dómastóll landsins af átta dómstólum með um tólfhundruð og fimmtíu mál á ári. Þrír héraðsdómarar starfa við dómstólinn. Dómstjórinn segir kynferðisafbrotamál erfiðustu málin, sem koma inn á borð dómara.

Pussy Riot verðlaunaðar á Íslandi

Rússneska pönksveitin Pussy Riot verður verðlaunuð í Viðey 9. október næstkomandi. Stúlkurnar hljóta friðarverðlaun sem kennd eru við Bítilinn John Lennon og ekkju hans Yoko Ono. Þetta kom fram í fréttum Ríkisútvarpsins í hádeginu.

Flokksval um efstu sætin hjá Samfylkingunni

Samfylkingin hefur ákveðið að hafa flokksval um í efstu sæti lista flokksins í norðvestur og norðaustur kjördæmi fyrir Alþingiskosningarnar í vor. Opin prófkjör hafa verið bönnuð.

Fórust í snjóflóði

Þýskur fjallgöngumaður og leiðsögumaður hans fórust í snjóflói í Himalaja fjöllunum í morgun. Þrettán fjallgöngumanna er saknað. Snjóflóðið fór niður hlíðar Maanslu fjallsins þar sem hópurinn var á ferð. Í hópnum voru aðallega evrópskir fjallgöngumenn, frá frakklandi og Þýskalandi ásamt nepöslum leiðsögumönnum. Tíu úr hópnum komust lífs af. Björgunarsveitir leita nú þeirra sem saknað er.

Þjónusta mun aukast með sameiningu

Formaður bæjarráðs Álftaness segir það skipta Álftnesinga miklu máli að þjónusta við bæjarbúa muni aukast með sameiningu við Garðabæ. Hann segir viðhorf til sameiningar sé mjög jákvætt meðal bæjarbúa nú ólíkt því þegar fyrri kosningar um sameiningu áttu sér stað.

Stal Apple klukkunni?

Apple sendi nýverið frá sér stýrikerfið iOS 6 sem nýi iPhone-inn keyrir á. Þar var fjölda nýjunga að finna, m.a. glænýtt útlit fyrir klukkuna. Nú hefur hins vegar komið á daginn að útlitið er ekki jafnglænýtt og fyrst var talið.

Aukin útgjöld tryggja ekki endilega gæði

Guðbjartur Hannesson, velferðarráðherra, segir að Landspítalinn mælist með mjög góða mælingu á öllum þjónustuþáttum þrátt fyrir niðurskurð undanfarinna ára. Ráðherrann segir að öryggi og gæði þjónustu verði ekki endilega tryggð með auknum útgjöldum til spítalans.

Segir Jóhönnu færa Samfylkinguna til hliðar í stjórnmálum

Formaður þingflokks Sjálfstæðisflokksins segir að forsætisráðherra sé að færa Samfylkinguna til hliðar í íslenskum stjórnmálum með yfirlýsingum sínum. Forsætisráðherra útilokaði samstarf við Sjálfstæðisflokkinn í viðtali um helgina.