Innlent

Pussy Riot verðlaunaðar á Íslandi

BBI skrifar
Meðlimir Pussy Riot í glerbúri.
Meðlimir Pussy Riot í glerbúri. Mynd/AFP
Rússneska pönksveitin Pussy Riot verður verðlaunuð í Viðey 9. október næstkomandi. Stúlkurnar hljóta friðarverðlaun sem kennd eru við Bítilinn John Lennon og ekkju hans Yoko Ono. Þetta kom fram í fréttum Ríkisútvarpsins í hádeginu.



Verðlaunin verða veitt þegar kveikt verður á friðarsúlu Yoko Ono í Viðey á afmæli Lennon. Eiginmaður einnar stúlkunnar tekur við verðlaununum fyrir þeirra hönd, en þær sitja nú í fangelsi í Rússlandi fyrir pönkbæn sem fram fór í dómkirkju í landinu. Auk hljómsveitarinnar verða fjórir aðrir heiðraðir. Það eru bandaríski aðgerðarsinninn Rachel Corrie, sem lést þegar hún varð undir jarðýtu Ísraelshers í Rafah árið 2003, leikritaskáldið Christopher Hitchens og hagfræðingurinn John Perkins sem skrifaði bókina Confessions of an Economic Hitman. Ekki hefur verið upplýst um hver fimmti verðlaunahafinn verður.

Tengd skjöl



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.