Norðurlandamet í svefnlyfjanotkun

Hvergi á Norðurlöndum notar eldra fólk meira af kvíðastillandi lyfjum og svefnlyfjum en á Íslandi. Notkunin hér er áberandi og fer vaxandi á sama tíma og dregur úr henni á hinum Norðurlöndunum. Íslendingar nota tvöfalt meira af þessum lyfjum en Danir og þriðjungi meira en Finnar.

Geislavirkt efni lekur úr Fukushima

Geislavirkt efni lekur nú úr kjarnorkuverinu Fukushima eftir að þriðja sprengingin varð í verinu í nótt. Mælist geislavirknin í grennd við kjarnorkuverið langt yfir hættumörkum.

Rafmagnstruflanir víða um landið

Rafmagnstruflanir urðu í Stykkishólmi, Dölunum, á Vestfjörðum . einnig víða á Noðrausturlandi eins og á Kópaskeri, Þórshöfn, Raufarhöfn og Bakkafirði.

Larry King aftur á leið á skjáinn

Hin háaldraða sjónvarpsstjarna Larry King er aftur á leið á skjáinn. King hefur samið um að koma reglulega fram í hinum þekkta grínþætti The Daily Show.

Rukka í göng uns kostnaði er öllum náð

"Ef ekki tekst að greiða göngin niður á þeim 25 árum sem lagt er upp með verður veggjaldið einfaldlega rukkað lengur,“ segir Hreinn Haraldsson vegamálastjóri, sem hafnar efasemdum Félags íslenskra bifreiðaeigenda vegna fyrirhugaðra jarðganga undir Vaðlaheiði.

Þjóðin ánægð með tilveruna

Nær allir Íslendingar segjast vera ánægðir með lífið, eða 99%. Þar af eru 63% mjög ánægð en 36% frekar ánægð. Þetta kemur fram í könnun sem Capacent gerði fyrir Evrópusambandið.

Klíkustríð kostar þrjú líf í Kaupmannahöfn

Þrír ungir menn eru látnir eftir röð ofbeldisverka í Kaupmannahöfn síðustu daga. Atvikin eru talin hluti af deilum glæpamanna af erlendum uppruna. Enginn hefur enn verið handtekinn í tengslum við morðin.

Efasemdir um kjarnorku fá byr undir báða vængi á ný

Efasemdir um hvort skynsamlegt sé að nota kjarnorku hafa fengið byr undir báða vængi í kjölfar jarðskjálftanna í Japan, þar sem kjarnorkuverið í Fukushima laskaðist illa og hætta á alvarlegri mengun hefur ekki verið útilokuð.

Rær umhverfis landið með vori

„Ísland er alveg einstakt land. Ég heimsótti það og Grænland í fyrra og var upp frá því staðráðinn í að fá tækifæri til að virkilega upplifa töfra þess,“ segir Suður-Afríkumaðurinn Riaan Manser, sem ætlar að gera sér lítið fyrir og hefja róður umhverfis landið 18. mars næstkomandi.

Stal leigu fyrir fjögur sumarhús á Spáni

Lögreglustjórinn á höfuðborgarsvæðinu hefur ákært hálffertuga konu fyrir fjárdrátt.

Bólusetningar barna tefjast

Bólusetning gegn eyrnabólgu mun tefjast um nokkra mánuði vegna kærumáls eftir útboð.

Belinda ráðin til Fulbright

Belinda Theriault hefur verið ráðin í starf framkvæmdastjóra Fulbright-stofnunarinnar á Íslandi.

Kuzubov leiðir enn MP-mótið

Úkraínski stórmeistarinn Yuriy Kuzubov leiddi enn í gærkvöldi á MP Reykjavíkurskákmótinu með sex vinninga. Í sjöundu umferð gerði hann jafntefli við stigahæsta keppanda mótsins, Englendinginn Luke McShane.

Samtök gegn Icesave stofnuð

Hópur fólks, sem telur að hallað hafi á sjónarmið gegn Icesave-lögunum, hefur stofnað samtök.

Milljarðatugir í skaðabætur

Sjö ár voru liðin á föstudaginn frá hryðjuverkaárásunum á fjórar lestar í Madríd, þar sem 191 lét lítið og tæplega tvö þúsund særðust.

Ræða flugbann yfir Líbíu í dag

Málefni Líbíu og mögulegt flugbann yfir landinu er aðalumræðuefni utanríkisráðherra G8 ríkjanna, sem funda nú í París. Bretar og Frakkar hafa hvatt til þess að bannið verði sett á sem fyrst og Arababandalagið hefur lýst yfir stuðningi við það. Uppreisnarmenn hafa kallað eftir stuðningi alþjóðasamfélagsins.

70 þúsund börn heimilislaus

Að minnsta kosti 70 þúsund börn í Japan hafa þurft að yfirgefa heimili sín vegna hamfaranna þar í landi. Samtökin Barnaheill – Save the Children vekja athygli á þessu.

Ríkissaksóknari ætlar ekki að áfrýja níumenningadómnum

Ríkissaksóknari mun ekki áfrýja niðurstöðu héraðsdóms í máli níumenninganna.

Stórfyrirtæki tóku upp auglýsingar á Íslandi

"Þetta er auðvitað afar gleðilegt í þessu árferði og á þessum árstíma," segir Einar Sveinn Þórðarson hjá framleiðslufyrirtækinu Pegasus. Auglýsingar fyrir tvö bandarísk stórfyrirtæki, tyggjóframleiðandann Wrigley og bankann Citibank, voru nýverið teknar upp hér á landi af bandarísku fyrirtækjunum MJZ og RSA í samvinnu við Pegasus. Þær verða frumsýndar vestanhafs á næstu vikum.

Vatn flæðir yfir veginn við Kirkjuskóg

Vatn flæðir yfir veginn við Kirkjuskóg (vegur nr. 60.) sunnan við Búðardal samkvæmt upplýsingum frá Vegagerðinni.

Smitaðist af nóróveiru á spítala og lést í kjölfarið

Karlmaður lést nýlega eftir að hafa smitast af nóróveiru á Landspítalanum. Eiginkona mannsins segist ekki skilja hvers vegna hann var ekki settur í einangrun á spítalanum, þar sem vitað var að hann hafði veikar varnir gagnvart sýkingum.

Sendiherra Japans: Þetta er martröð

Starfandi sendiherra Japan á Íslandi segir ástandið í Japan martröð líkast. Hann er þakklátur fyrir þann stuðning og samhug sem hann finnur fyrir hér á landi. Rauði krossinn á Íslandi hefur hafið söfnun fyrir fórnarlömb náttúrhamfaranna.

Annar flutningabíll fauk út af

Flutningabíll fauk út af Ólafsfjarðarvegi nærri Dalvík í morgun og skemmdist talsvert samkvæmt lögreglunni á Akureyri. Ökumaðurinn var fluttur á Heilsugæsluna á Dalvík en hann er ekki alvarlega slasaður.

Alls 216 með réttarstöðu sakborninga

Alls hafa 216 manns réttarstöðu sakbornings í málum sem sérstakur saksóknari hefur til meðferðar vegna bankahrunsins. Heildarfjöldi einstaklinga, sakborningar og vitni er 471. Þetta kemur fram í svari Ögmundar Jónassonar innanríkisráðherra við fyrirspurn

Söfnun hafin á Íslandi fyrir fórnarlömb hamfara í Japan

Rauði krossinn í Japan vinnur nú á sólarhringsvöktum við að veita aðstoð fyrir fórnarlömb hamfaranna miklu sem skóku landið síðastliðin föstudag. Í tilkynningu frá Rauða krossinum hér á landi segir að opnað hafi verið fyrir söfnunarsíma í númerinu 904 1500 og bætast þá 1500 krónur við næsta símreikning við hvert símtal. Framlögin renna til hjálparstarfs Rauða krossins í Japan.

Ferðatíma Iceland Express breytt

Stjórnendur Keflavíkurflugvallar hafa farið þess á leit við stjórnendur Iceland Express, að félagið flytji áætlunarferðir sínar aftur um eina til tvær klukkustundir á morgnana vegna mikils álags.

Íslendingum ráðið frá ferðalögum til Japan

Utanríkisráðuneytið ræður Íslendingum frá ónauðsynlegum ferðalögum til Japan að svo stöddu. Í tilkynningu frá ráðuneytinu segir ennfremur að Íslendingum í Japan sé ráðlagt að forðast ferðalög til svæða í næsta nágrenni við Fukushima kjarnorkuverið.

Reyndu að lokka dreng upp í bíl með Legókubbum

Aðstoðarskólastjóri Húsaskóla í Grafarvogi hefur sent foreldrum tilkynningu þar sem fram kemur að ókunnugir menn hafi boðið dreng í skólanum upp í bíl til að skoða Legókubba. Mennirnir voru á svörtum bíl en vitað af mönnum á svörtum bíl í öðru bæjarfélagi sem buðu dreng inn í bíl til að skoða „flottar fótboltavörur." Því er lögð áhersla á að foreldrar brýni fyrir börnum að fara aldrei upp í bíl með ókunnugum. Mennirnir hafa ekki komið í leitirnar.

Fimmtán starfsmenn Byko og Húsasmiðjunnar handteknir

Efnahagsbrotadeild ríkislögreglustjóra handtók í dag fimmtán stjórnendur og starfsmenn Byko hf. og Húsasmiðjunnar hf., vegna meint ólöglegs verðsamráðs. Mennirnir voru færðir til yfirheyrslu. Þá hefur einn starfsmaður verið boðaður til frekari yfirheyrslu.

Mannskæð sjálfsmorðsárás í Afganistan

Að minnsta kosti 36 létust í sjálfsmorðsárás í norðurhluta Afganistans í dag. Árásin var gerð á skráningarstöð Afganska hersins í borginni Kunduz. Á föstudaginn var dó lögreglustjóri borgarinnar í annarri sjálfsmorðsárás.

Fóru tvo milljarða fram úr áætlun

Gerð Héðinsfjarðarganga kostaði 2,1 milljarði króna meira en upphaflegar áætlanir gerðu ráð fyrir, miðað við meðalverðlag ársins 2010. Þetta jafngildir því að kostnaðurinn sé 17% umfram áætlanir.

Talið nærri öruggt að tíu þúsund hafi farist

Tala látinna fer hækkandi í Japan eftir flóðbylgjuna sem skall á norðausturströndinni á föstudag. Nú er staðfest að rúmlega 1800 séu látnir og tvöþúsund er formlega saknað. Lögregluyfirvöld segja hinsvegar nærri öruggt að rúmlega tíu þúsund manns hafi farist í hamförunum.

Hermenn frá Sádí Arabíu komnir inn í Bahrain

Hermenn frá Sádí Arabíu og öðrum nágrannaríkjum fóru í dag inn í Bahrain, þar sem hörð mótmæli hafa verið síðustu daga. Á vef breska ríkisútvarpsins segir að hermennirnir hafi komið fyrir beiðni yfirvalda í landinu en stjórnarandstaðan segir að vera þeirra jafngildi hernámi. Tugir slösuðust í mótmælum í gær þegar mótmælendur tókust á við lögregluna í Bahrain. Í síðasta mánuði létust sjö í bardögum við lögregluna.

Seldur til 37 landa á níu dögum

"Þetta er framar okkar björtustu vonum," segir Guðmundur Freyr Jónasson. Önnur útgáfa af Tunerific-gítarstilli þeirra Guðmundar Freys og Jóhanns P. Malmquist, prófessors, hefur verið seld til 37 landa á aðeins níu dögum. Forrit með nýju útgáfunni var í byrjun mars sett inn í OVI-netverslun finnska farsímafyrirtækisins Nokia fyrir nýjustu símana þeirra N8. Það hefur heldur betur slegið í gegn og náði það hæst í fjórða sæti lista yfir þau forrit sem voru vinsælust hjá fyrirtækinu. Búið er að þýða forritið yfir á sex tungumál og þýðing yfir á kínversku er einnig í undirbúningi.

Verjandi Baldurs: Fundargerðirnar ekki fullnægjandi sönnunargögn

Karl Axelsson, verjandi Baldurs Guðlaugssonar, segir fundargerðir samráðshóps um fjármálastöðugleika ekki vera nægjanlega vel unnar til að þær geti talist fullnægjandi sönnunargögn í málinu. Þetta kom fram í málflutningi Karls í Héraðsdómi Reykjavíkur nú um hádegisbilið.

Ásgerður neitar því að hafa lagt Ólaf í einelti

Ásgerður Halldórsdóttir, bæjarstjóri á Seltjarnarnesi, neitar ásökunum um einelti í garð fyrrverandi framkvæmdastjóra hjá bænum. Dómkvaddir matsmenn komust að þeirri niðurstöðu að Ásgerður hefði lagt framkvæmdastjórann í einelti.

Vill Baldur í tveggja ára fangelsi

Sérstakur saksóknari fer fram á tveggja ára óskilorðsbundið fangelsi yfir Baldri Guðlaugssyni. Hámarksrefsing við innherjasvik er hins vegar sex ár. Björn Þorvaldsson, saksóknari hjá sérstökum saksóknara, lauk málflutningi sínum fyrir stundu.

Saksóknari segir engan vafa leika á innherjastöðu Baldurs

Björn Þorvaldsson saksóknari leggur mikla áherslu á að Baldur Guðlaugsson, fyrrverandi ráðuneytisstjóri í fjármálaráðuneytinu, hafi búið yfir upplýsingum sem almennum hluthöfum voru ekki aðgengilegar þegar hann seldi öll hlutabréf sín í Landsbankanum dagana 17. og 18. September 2008.

Önnur umræða um stjórnlagaráð á morgun

Allsherjarnefnd afgreiddi í morgun stjórnlagaráðsfrumvarpið út úr nefnd og mun það væntanlega koma til annarar umræðu á morgun, segir Róbert Marshall, formaður nefndarinnar.

Holtavörðuheiðin opin á ný

Vegagerðin hefur opnað Holtavörðuheiðina á ný en í gærkvöldi og í nótt geisaði þar mikið óveður. Fjöldi manns á hátt í tuttugu bílum lentu í hrakningum á heiðinni í gærkvöldi og þurftu björgunarsveitir að koma fólkinu til aðstoðar.

Halldór taldi upplýsingarnar ekki verðmyndandi

Halldór J. Kristjánsson, fyrrverandi bankastjóri Landsbankans, gaf símaskýrslu frá Kanada við framhald aðalmeðferðar í máli Baldurs Guðlaugssonar, fyrrverandi ráðuneytisstjóra í fjármálaráðuneytinu, í morgun. Baldur er ákærður fyrir innherjasvik og honum gefið að sök að hafa hagnýtt sér upplýsingar sem hann bjó yfir sem innherji þegar hann seldi öll hlutabréf sín í Landsbankanum 17. 0g 18. september 2008.

Frumsýna teiknimynd með forvarnargildi

Ný fræðslumynd um kynferðisofbeldi verður sýnd í skólum landsins á næstunni. Samtökin Réttindi barna hafa á undanförnum tveimur árum unnið að undirbúningi og gerð forvarnarteiknimyndar sem upplýsir börn um hvað kynferðislegt ofbeldi er og hvernig þau geta brugðist við því.

Skólinn liðist í sundur við sameiningu

Foreldrar barna í Hvassaleitisskóla hafna alfarið fyrirhugaðri sameiningu skólans og Álftamýrarskóla og saka borgaryfirvöld um vanvirðingu í garð barna, foreldra og starfsfólks skólans.

Aðalmeðferð í máli Baldurs lýkur

Lokadagur aðalmeðferðar í réttarhöldum yfir Baldri Guðlaugssyni, fyrrverandi ráðuneytisstjóra í fjármálaráðuneytinu, er í dag. Halldór J. Kristjánsson, fyrrverandi bankastjóri Landsbankans, mun bera vitni í gegnum síma. Halldór fluttist til Kanada skömmu eftir bankahrun, þar sem hann er staddur nú, og er hann því yfirheyrður í gegnum síma. Að loknum vitnayfirheyrslum munu saksóknari og verjandi flytja mál sitt.

Geislavarnir ríkisins: Ástandið alvarlegt í Fukushima

Ástandið í kjarnorkuverinu í Fukushima, er enn alvarlegt, það hefur ekki tekist að koma á fullri kælingu og láta vatn þekja eldsneytisstangirnar. Þetta kemur fram í mati Geislavarna ríkisins.