Jóhanna: Hefði verið skynsamlegt að fá vanan samningamann

Jóhanna Sigurðardóttir forsetisráðherra segir að skynsamlegt hefði verið að fá vanan alþjóðlegan samningamann til þess að taka þátt í Icesave-samningaviðræðunum við Breta og Hollendinga. Þetta kom fram í kvöldfréttum RÚV en rætt er við Jóhönnu í Kastljósi kvöldsins.

Með hnífinn í bakinu eftir Sophiu Hansen

Það er skelfilegt að fá hnífinn í bakið eftir á annan tug ára í baráttu, segir Sigurður Pétur Harðarson um samskipti sín við Sophiu Hansen. Í morgun fór fram aðalmeðferð í fjársvikamáli gegn Sophiu þar sem Rúna dóttir hennar bar meðal annars vitni.

Náttfari yfirheyrður í allan dag

Sautján ára piltur hefur í allan dag verið yfirheyrður af lögreglunni á Selfossi vegna gruns um að hann hafi brotist inn í tugi bíla í bænum á síðustu mánuðum. Hann náðist í nótt eftir að hann gekk í gildru lögreglunnar og hefur hann játað brot sín.

Skýrsla Rannsóknarnefndar ætti að leiða hið rétta í ljós

Gylfi Magnússon viðskiptaráðherra hefur bæst í hóp þeirra sem brugðist hafa við ummælum Arnolds Schilders hjá hollenskri þingnefnd í gær þar sem hann sagði að íslenskir embættismenn hefðu logið að kollegum sínum í Hollandi. Gylfi segir að hjá ráðuneytinu séu slíkar ásakanir teknar mjög alvarlega.

Þolinmæði stjórnarandstöðunnar að bresta

Þolinmæði stjórnarandstöðunnar gagnvart ríkisstjórninni um að ná samstöðu um lausn Icesave málsins er að bresta, eftir fund þeirra í dag, sem lauk rétt fyrir fréttir. Fjármálaráðherra telur þó að samningaviðræður við Breta og Hollendinga vegna Icesave gætu hafist innan hálfs mánaðar og tekið stuttan tíma.

Erlendir fjárfestar! Komið ekki nálægt Íslandi!

Ríkisstjórnin sendir þau skilaboð að erlendir fjárfestar eigi ekki að koma nálægt Íslandi. Á þessa veru voru viðbrögð stjórnarandstæðinga á Alþingi í dag við þeirri ákvörðun umhverfisráðherra að stöðva Þjórsárvirkjanir. Iðnaðarráðherra telur að höggva eigi á hnútinn þverpólitískt á vettvangi rammaáætlunar.

Húnvetningar fjalla um vegstyttingu

Stytting hringvegarins framhjá Blönduósi um fimmtán kílómetra er án nokkurs vafa ein arðbærasta framkvæmd sem hægt er að ráðast í hér á landi. Þetta er niðurstaða nýrrar rannsóknar við Háskólann í Reykjavík. Í Húnavatnssýslum berjast heimamenn gegn því að Vegagerðin nái fram áformum sínum.

Fagnaðarefni að hagsmunaaðilar geti ekki keypt sér skipulag

Samtökin Sól á Suðurlandi fagna úrskurði umhverfisráðherra um skipulag við Þjórsá, sem hefur í för með sér að þrjár fyrirhugaðar virkjanir Landsvirkjunar í Neðri-Þjórsá detta út af skipulagi.

Raunveruleikinn var allur annar en bankarnir sögðu

„Upplýsingar sem FME sendi til Hollands komu frá bönkunum og voru einnig þær upplýsingar sem FME hafði aðgang að. Síðar kom í ljós að þær voru ekki réttar." Þetta segir Gunnar Andersen, forstjóri FME um ummæli fyrrverandi yfirmanns hollenska fjármálaeftirlitsins og seðlabanka, Arnolds Schilder.

Danskir læknar sækja í há laun í Noregi

Danir hafa nokkrar áhyggjur af því hversu margir læknar þeirra fara til vinnu í Noregi vegna hinna háu launa sem þar bjóðast.

Sakar nefndarmenn um vanhæfi vegna tengsla við Garðabæ

Oddviti Á-listans á Álftanesi, Sigurður Magnússon auk Kristínar Fjólu Bergþórsdóttur bæjarfulltrúi Á-listans, hafa lagt fram stjórnsýslukæru til samgöngu- og sveitarstjórnarráðuneytisins vegna eftirlitsnefndar um fjármál sveitarstjórnarmála sem setja á yfir bæjarfélagið.

Ísbrjótar á Oslóarfirði

Í Oslóarfirði er nú búið að senda út ísbrjóta til þess að ryðja minni bátum leið. Miðað við Ísland hefur verið fimbulvetur annarsstaðar á Norðurlöndunum.

Færri leita sér að vinnu í útlöndum

Þeim sem hafa misst vinnuna og eru að leita fyrir sér með vinnu í útlöndum hefur fækkað um 5 prósentustig síðan síðastliðið sumar. Þeim fækkar einnig í hópi atvinnulausra sem stefna að því að fara í nám.

Niðurstaðan fagnaðarefni

Upplýsingafulltrúi Icelandair, Guðjón Arngrímsson, segir það fagnaðarefni að stjórnvaldssekt upp á 130 milljónir króna hafi verið felld niður í Héraðsdómi Reykjavíkur í dag. Sektina hlaut fyrirtækið upprunalega fyrir að brjóta gegn samkeppnislögum með því að misnota markaðsráðandi stöðu sína gagnvart flugfélaginu Icelandexpress.

Hjó drukkinn félaga sinn í höfuðið með sverði

Karlmaður á þrítugsaldri lagði til annars manns á svipuðum aldri vopnaður sverði um helgina samkvæmt lögreglunni á höfuðborgarsvæðinu. Fórnalambið, sem er á svipuðum aldri og árásarmaðurinn, var fluttur á slysadeild en sauma þurfti allnokkur spor í höfuð hans.

Óskarstilnefningarnar komnar

Tíu myndir voru að þessu sinni tilnefndar til Óskarsverðlauna, en þær hafa verið fimm undanfarna áratugi. Myndirnar tíu eru;

Ráðherra þrengir að útgerðinni með nýju frumvarpi

Nýtt frumvarp Jóns Bjarnasonar sjávarútvegs- og landbúnaðarráðherra sem nú er til umræðu á Alþingi þrengir töluvert að útgerð landsins hvað varðar allar hreyfingar með kvóta. Þannig er hlutfall óveidds kvóta sem útgerð er leyfilegt að flytja milli fiskveiðiára skorið niður úr 33% og í 15%. Þeir sem ekki veiða 50% eða meir af kvóta sínum á fiskveiðaárinu verða sviptir kvótanum.

Stöðvaði kannabisræktun í heimahúsi

Lögreglan á höfuðborgarsvæðinu stöðvaði kannabisræktun í íbúð í fjölbýlishúsi í Breiðholti um helgina. Við húsleit á áðurnefndum stað fundust nokkrir tugir kannabisplantna á ýmsum stigum ræktunar auk lítilræðis af öðrum fíkniefnum.

Ragnheiður í stað Ásbjörns

Sjálfstæðiskonan Ragnheiður Ríkharðsdóttir mun taka sæti Ásbjörns Óttarssonar í þingmannanefnd sem semur tillögur um viðbrögð vegna hrunskýrslu rannsóknarnefndar Alþingis.

Aldrei fleiri Bretar til Íslands

Tæplega 19 þúsund erlendir gestir fóru frá landinu um Leifsstöð í janúarmánuði síðastliðnum samkvæmt Ferðamálastofu. Það eru 1200 færri en í janúar árið 2009.

Sjálfstæðisflokkurinn skilar reikningum á næstu dögum

Sjálfstæðisflokkurinn mun skila ársreikningum fyrir árið 2007-2008 á allra næstu dögum samkvæmt framkvæmdarstjóra flokksins, Jónmunds Guðmarssonar.

Jóhanna hittir Barroso

Jóhanna Sigurðardóttir forsætisráðherra mun eiga fund með José Manuel Barroso forseta framkvæmdastjórnar Evrópusambandsins á fimmtudag.

F-listinn skilar ekki ársuppgjöri vegna Ólafs F

Frjálslyndi flokkurinn segist ekki geta skilað ársreikningi til Ríkisendurskoðunar meðal annars af því að dráttur hefur orðið á greiðslu á styrk til Frjálslynda flokksins sem Reykjavíkurborg greiðir til starfsemi flokkanna í borginni en styr hefur staðið um þann styrk á milli flokksins og Ólafs F. Magnússonar, fyrrum borgarfulltrúar F-listans.

Blekkt og sniðgengin vegna Íraks

Fyrrverandi ráðherra í bresku ríkisstjórninni segir að hún hafi verið blekkt og sniðgengin í aðdraganda innrásarinnar í Írak. Clare Short var ráðherra alþjóðlegra þróunarmála.

Ýmsum trúnaðarupplýsingum um Icesave verður aflétt

„Ég trúi því að innan skamms muni koma fram nýjar upplýsingar sem muni skýra það í hversu erfiðri stöðu íslensk stjórnvöld hafa verið í þessu máli," segir Steingrímur J. Sigfússon fjármálaráðherra, aðspurður út í ummæli fyrrverandi stjórnarformanns hollenska fjármálaeftirlitsins.

Samorka hraunar yfir umhverfisráðherra

„Ráðherrann hefur áður tafið þetta ferli með vísan í formsatriði er varðar auglýsingar á breyttu skipulagi. Getur hugsast að ráðherrann sé einfaldlega á móti því að farið verði í þessar framkvæmdir? Er ráðherrann þá e.t.v. vanhæfur þegar kemur að endurteknum úrskurðum um formsatriði í þessu máli?"

Framsókn rekin með tapi - Íslandshreyfingin skuldar 23 milljónir

Framsóknarflokkurinn var rekinn með 60 milljón króna tapi árið 2007 samkvæmt úttekt Ríkisendurskoðanda frá árinu 2007-2008. Mestur kostnaðurinn er tilkominn vegna Alþingiskosninganna árið 2007. Þá hlaut flokkurinn framlög frá ríkinu upp á 79 milljónir en alls voru framlög lögaðila 28 og hálf milljón. Sveitarfélögin styrktu flokkinn um rétt tæpar fimm milljónir.

Ríkisstjórnarflokkarnir högnuðust um 69 milljónir 2008

Ríkisstjórnarflokkarnir tveir, Samfylkingin og Vinstri grænir, högnuðust um 69 milljónir kr. á rekstri sínum árið 2008. Þar af nam hagnaður Samfylkingarinnar rúmlega 58,5 miljónum kr. og hagnaður Vinstri grænna nam rúmlega 10,4 milljónum kr.

Sjálfstæðisflokkur og frjálslyndir skiluðu ekki ársreikningum

Sjálfstæðisflokkurinn og Frjálslyndi flokkurinn hafa ekki skilað Ríkisendurskoðun reikningum fyrir árið 2008 þrátt fyrir að þeim beri skylda til þess samkvæmt lögum.

Segir afstöðu sína ekkert með ákvörðun um aðalskipulag að gera

Umhverfisráðherra segir að það hafi ekkert með afstöðu sína til virkjana fyrir stóriðju að gera, að aðalskipulagi tveggja hreppa sem liggja að Þjórsá var hafnað. Úrskurður ráðherrans setur virkjanaframkvæmdirnar í Neðri-Þjórsá í óvissu.

Bílamótmæli í hádeginu

Bílamótmæli verða fyrir framan Íslandsbanka Kirkjusandi kl 12:15 í dag. En það eru samtökin Nýtt Íslands sem standa fyrir gjörningnum og hafa gert undanfarnar vikur.

Meintur árásarmaður slapp vegna galla á málsmeðferð

Héraðsdómur Reykjaness vísaði í gær frá dómi máli gegn manni sem ákærður var fyrir brot á valdstjórninni með því að hafa slegið lögreglukonu með krepptum hnefa í húsasundi á Akureyri í júní síðastliðnum, en lögreglukonan tognaði á kjálka í árásinni.

Dóttir Sophiu Hansen bar vitni á tyrknesku

Dóttir Sophiu Hansen, Rúna Hansen, bar vitni símleiðis í Héraðsdómi Reykjavíkur í morgun en móðir hennar, Sophia, hefur verið ákærð fyrir að bera Sigurð Pétur Harðarson röngum sökum.

Náttfari gripinn á Selfossi

Lögreglan á Selfossi greip í nótt svonefndan náttfara, sem hún hefur verið á höttunum eftir í rúma tvo mánuði, fyrir fjöldan allan af afbrotum.

Borgarfulltrúar þurfa að greiða fyrir borgarráðsbústaðinn

Skrifstofustjóri borgarstjórnar, Ólafur Kr. Hjörleifsson, lagði fram bréf að beiðni Þorleifs Gunnlaugssonar, borgarfulltrúa VG, hjá forsætisnefnd þar sem lagt er til að gjald verði tekið af svokölluðum borgarráðsbústaði við Úlfljótsvatn í lok janúar.

Vill að borgin hætti að greiða laun miðborgarprests

Þorleifur Gunnlaugsson, fulltrúi VG í borgarráði, lagði fram þá tillögu á fundi borgarráðs í síðustu viku að borgarráð hætti að greiða helming launa miðborgarprests.

F-listinn afneitar Ólafi F

Frjálslyndi flokkurinn hefur sent frá sér tilkynningu þar sem áréttað er að Ólafur F. Magnússon, er ekki borgarfulltrúi flokksins en hann birti í dag auglýsingu í Fréttablaðinu þar sem var merkt Borgarmálafélagi F-listans.

Rösklega 60 atkvæði hafa verið greidd

Alls hafa 63 atkvæði verið greidd hjá Sýslumanninum í Reykjavík í utankjörfundaratkvæðagreiðslunni um Icesave lögin.

Ísbjarnasamtök harma birnudráp

Samtökin Polar International harma ísbjarndrápið á Íslandi í lok janúar en tónlistarkonan Sigurlaug Knudsen Stefánsdóttir vakti athygli samtakanna á málinu. Í pósti sem þeir senda á Sigurlaugu segjast samtökin búast við því að fleiri birni leiti til samfélaga á Norðurlöndunum eftir því sem ísinn bráðnar.

Þingmenn funda um rannsóknarskýrsluna

Þingmannanefnd sem fjallar um skýrslu rannsóknarnefndar Alþingis kemur saman núna klukkan níu.

Kínverjar vilja ekki að Obama hitti Dalai Lama

Barack Obama, forseti Bandaríkjanna, hyggst funda með Dalai Lama, andlegum leiðtoga Tíbeta.

Aðhafast ekkert varðandi kynlíf Zuma

Afríska þjóðarráðið, flokkur Jakobs Zuma forseta Suður Afríku, ætlar ekki að bregðast við ásökunum þess efnis að Zuma hafi getið barn utan hjónabands.

Frostlaust samfellt í 21 dag

Frostlaust var í Reykjavík í samfellt 21 dag í janúar síðastliðnum og hefur það ekki gerst síðan samfelldar lágmarksmælingar hófust i borginni árið 1920, eða í 90 ár.

Forsætisráðherra Haítí gagnrýnir barnaræningjana

Max Bellerive, forsætisráðherra Haítí, gagnrýnir harðlega trúboðana 10 sem voru handteknir á föstudag þegar þeir reyndu að smygla þrjátíu og þremur haítískum börnum úr landi.

Tveir milljarðar greiddir í atvinnuleysisbætur

Vinnumálatofnun greiddi tæpa tvo milljarða króna í atvinnuleysisbætur í gær, fyrir tímabilið frá 20. desember til 19. janúar. Tæplega 15.700 einstaklingar fengu bætur. Það er hátt í tvö hundruð færri en fengu bætur um næst síðustu mánaðamót, en bótaupphæðin er álíka