Göng milli Ísafjarðar og Bolungarvíkur skotganga

Verktakar náðu um helgina að sprengja um það bil 90 prósent af göngunum á milli Ísafjarðar og Bolungarvíkur og eru nú um 500 metrar eftir.

Eldur í mannlausu húsi í Hvalfjarðarsveit

Töluvert tjón varð þegar eldur kviknaði í mannlausu íbúðarhúsi í Nýhöfn í Hvalfjarðarsveit í gær. Slökkvilið frá Akranesi og Borgarbyggð voru kölluð á vettvang, en þegar þau komu, hafði eldurinn kafnað vegna súrefnisskorts.

Barentshafið fullt af þorski

Bráðabirgðaniðurstöður úr rannsóknum Norðmanna og Rússa í Barentshafi sýna að stofnar þorsks og ýsu eru í afar góðu ástandi. Þessar niðurstöður vekja athygli þar sem veiðin undanfarinn áratug hefur verið langt umfram ráðgjöf Alþjóðahafrannsóknastofnunarinnar (ICES). Fiskifræðingar eru ekki sammála um hvort Íslendingar geti lært af þessari þróun í Barentshafinu.

Tölvurnar sjá um verðbréfaviðskiptin

Verðbréfamiðlarar hafa undanfarin ár í æ meiri mæli notast við tölvutæknina til að auðvelda sér störf sín. Nú er hins vegar svo komið að tölvurnar eru farnar að geta séð að stórum hluta um störf verðbréfamiðlara.

Dansa þjóðdans undir berum himni

„Það er rosalega skemmtilegt að dansa svona undir berum himni. Þannig fáum við ferskt loft og holla útivist um leið og við dönsum,“ segir Jóhanna Harpa Agnarsdóttir. Jóhanna er ein af þeim sem hefur í sumar og síðasta sumar stigið dans á Miklatúni á hverju miðvikudagskvöldi.

Endurbyggja brunn

Verið er að leggja lokahönd á að gera gamla vatnsbólið á tóftasvæðinu suður af Egilsbraut í Þorlákshöfn sýnilegt. Að því er Barbara Guðnadóttir segir á vef sveitarfélagsins Ölfuss er brunnurinn hlaðinn og heill niður á um þriggja metra dýpi. Sjávarfalla gætir í brunninum.

Hvattur til að endurskoða framboð

Bandaríkjaforseti hefur farið þess á leit við David Paterson, ríkisstjóra New York, að hann gefi ekki kost á sér til embættis ríkisstjóra í næstu kosningum sem fara fram árið 2010.

Komu í veg fyrir gleðigöngu

Samkynhneigðir hættu í gær við fyrirhugaða gleðigöngu sína í Belgrad, höfuðborg Serbíu, vegna hótana frá harðlínuhópum þjóðernissinna, sem boðuðu til mótmælasamkomu gegn gleðigöngunni.

Múslimar fagna föstulokum um heim allan

Múslimar fagna föstulokum með ýmsum hætti víða um heim. Í Kaíró í Egyptalandi flykktist fólk í gær út á götur og að bökkum Nílarfljóts til að sýna sig og sjá aðra. Börnin skemmtu sér við að skjóta flugeldum á loft og verslunareigendur héldu stórútsölur til að draga að viðskiptavini.

Fyrrverandi samherjar deila

Í Frakklandi hefjast í dag réttarhöld í máli Nicolas Sarkozys Frakklandsforseta gegn Dominique de Villepin, fyrrverandi forsætisráðherra. Sarkozy sakar de Villepin um að hafa breitt út gróusögur um sig til að draga úr möguleikum sínum til að sigra de Villepin í forsetakosningum árið 2007.

Hlýtur að vera misskilningur

Velferðarsviði Reykjavíkurborgar er gert að skera niður rekstrarkostnað sinn um 5,76 prósent á þessu starfsári samkvæmt áætlun sem borgarstjóri lagði fram í borgarráði á fimmtudag. Bundinn kostnaður við fjárhagsaðstoð og leigubætur, sem áætlað er að verði um 3,2 milljarðar á árinu, er þar hins vegar ekki undanskilinn.

Gröndalshús verður gert upp og flutt

„Þetta hús skiptir miklu fyrir sögu Reykjavíkur. Það er þarft að heiðra minningu Benedikts Gröndal og alls sem hann stóð fyrir varðandi bókmenntir og vísindi, og eins hefur húsið mjög sérstaka þýðingu í byggingarsögulegu tilliti. Því er mjög ánægjulegt að húsinu verði gert hátt undir höfði,“ segir Svanhildur Konráðsdóttir, sviðsstjóri á menningar- og ferðamálasviði Reykjavíkurborgar.

Snjólaust á Esjunni

Esjan er nú loks orðin snjólaus og er þetta níunda árið í röð sem það gerist. Síðasti skaflinn í suðurhlíðum Esjunnar, í Gunnlaugsskarði, bráðnaði í rigningartíðinni uppá síðkastið.

Bæjarstjóri vill gagnaver

Bæjarstjóri Hafnarfjarðar gerir sér vonir um að umsvifamikil gagnaver rísi á auðum lóðum í bænum. Viðræður standa nú yfir við fyrirtækin Greenstone og Títan.

Borgarahreyfingin þingmannslaus - Þráinn áfram óháður

„Ég er búinn að gera honum ljóst að ég muni ekki breyta minni stöðu. Ég er ekki á leiðinni til baka og verð áfram óháður,“ segir þingmaðurinn Þráinn Bertelsson en formaður Borgarahreyfingarinnar ræddi við hann um helgina að snúa hugsanlega til baka sem þingmaður þeirra.

Rússar sármóðgaðir út í forseta Íslands

„[...] Við munum aðstoða Íslendinga. Eina vandamálið er að ákveðnir íslenskir stjórnmálamenn hafa verið tortryggnir í garð Rússa og viljað meina að við vildum aðstoða fjárhagslega til að fá afnot af Keflavíkurflugvelli eða nota okkur landið á annan hátt í pólitískum tilgangi. Að við myndum lána ykkur, en taka miklu meira í staðinn.“ segir Victor I. Tatarintsev í viðtali við Austurgluggann sem birtist á vef blaðsins í dag.

Eldur í mannlausu húsi í miðborginni

Slökkvilið höfuðborgarsvæðisins var kallað út vegna elds rétt fyrir sex í kvöld. Um var að ræða mannlaust hús á Hverfisgötunni.

Frumskóginum í Calais lokað

Frakkar hafa tilkynnt að þeir ætli að loka flóttamannabúðum í hafnarborginni Calais á norðurströnd landsins. Þar búa um 1500 flóttamenn víðsvegar að úr heiminum.

Dapurleg heimkoma

Lík sex ítalskra hermanna sem féllu í Afganistan í síðustu viku voru flutt heim í dag. Hermennirnir féllu þegar gerð var bílsprengju-sjálfsmorðsárás á bílalest þeirra sem var að flytja birgðir til herstöðvar þeirra í grennd við Kabúl.

Yngsti brotamaður Bretlands aðeins þriggja ára

Þriggja ára gamall drengur sætir rannsókn lögreglunnar í Skotlandi en hann er grunaður um skemmdarverk og óspektir. Áður var yngsti barnabófinn aðeins sex ára gamall.

Segir St. Jósefsspítala lokað hægt og hljóðlega

Læknir við St. Jósefsspítala sakar Ögmund Jónasson heilbrigðisráðherra um að vera að loka spítalanum hægt og hljótt með því að skrúfa fyrir fé til læknisverka og segja upp fjórtán læknum. Hann spyr hvar eigi að sinna þeim þúsundum sjúklinga sem spítalinn hafi sinnt.

Ekið yfir liggjandi mann

Ekið var yfir liggjandi mann í bílageymslu við Smáratorg rétt upp úr klukkan tólf á hádegi. Samkvæmt lögreglu er ekki vitað nánar um málsatvik en svo virðist sem maðurinn hafi verið liggjandi þegar ekið var yfir hann.

Feginn að fjölmiðlastormi sé lokið

„Ríkisskattstjóri hefur áhuga á að keyra þetta forrit,“ segir tölvunarfræðingurinn Jón Jósef Bjarnason sem fann upp rel8 forritið sem sýnir krosseignatengsl á Íslandi á séstaklega skýran hátt.

Vilja reka íþróttastjóra

Leonard Chuene forseti Frjálsíþróttasambands Suður-Afríku hefur ávallt neitað því að Caster Semenaya hafi verið kyngreind áður en hún var send á heimsmeistaramótið í frjálsuym íþróttum í Berlín í sumar.

Obama fundar með leiðtogum Palestínu og Ísraels

Þetta verður í fyrsta skipti sem allir leiðtogarnir þrír hittast. Samkvæmd dagskránni mun Obama fyrst hitta þá Benjamín Netanyahu og Mahmoud Abbas hvorn fyrir sig til þess að leggja línurnar fyrir fund allra þriggja.

Handteknir fyrir að skipuleggja hryðjuverk

Þrír menn hafa verið handteknir í Bandaríkjunum, grunaðir um að skipuleggja hryðjuverk samkvæmt fréttavef BBC. Mennirnir eru hinn 24 ára gamli Najibullah Zazi, faðir hans og svo þriðji maðurinn sem er búsettur í New York. Zazi og faðir hans búa báðir í Denver í Colarodo.

Milljónamæringur eftir bensínstöðvarferð

Einn einstaklingur vann 35,5 milljónir í Lottó í gærkvöldi en happamiðann verslaði hann í Olís við Gullinbrú í Reykjavík. Miðinn var tíu raða sjálfvalsmiði með Jóker.

Braut rúðu og streittist á móti handtöku

Maður fékk að gista fangageymslur lögreglunnar í Vestmannaeyjum eftir að hafa brotið rúðu á skemmtistað. Maðurinn hafði hrint örðum manni með miklum krafti á útidyrahurð og brotnaði rúðan í kjölfarið.

Braut tönn á dansleik

Þrjár líkamsárásir áttu sér stað á Húsavík í nótt. Þar var blásið til mikils dansleiks að sögn lögreglu og mættu fjölmargir. Mikið var um pústra en í einu tilfellinu braut árásamaður tennur þess sem var sleginn. Lögreglan á Húsavík gerir ráð fyrir að það mál verði kært í dag.

Ógnuðu dyraverði með skrúfjárni

Tveir menn voru handteknir í miðborg Reykjavíkur í nótt eftir að hafa ógnað dyraverði með skrúfjárni. Mennirnir voru færðir í fangageymslur lögreglunnar og bíða þess að vera yfirheyrðir. Þá var einn maður sem þurfti að leita sér aðstoðar vegna fótbrots eftir að hafa orðið fyrir líkamsárás. Árásarmaður er talinn hafa verið einn að verki.

Ökufantar stöðvaðir á Suðurnesjum

Lögreglan á Suðurnesjum greip einn ökumaður sem er grunaðu um ölvun við akstur í Grindavík í nótt. Hann er einnig grunaður um akstur undir áhrifum ávana- og fíkniefna.

Var lögð í einelti á Facebook og stökk fram af brú

Hin fimmtán ára Holly Grogan framdi sjálfsmorð eftir að hafa lent í hrottalegu einelti í skólanum. Facebook var einnig notað að sögn foreldra hennar.

Borgar átta milljónir fyrir kvöldverð með Söru Palin

Cathy Maples ætlar að borga tæplega átta milljónir króna, eða 63 þúsund dollara, fyrir málsverð með fyrrum varaforsetaefni Repúblikana, Söru Palin.

Veggjakrotari skaut tvo í Mexíkó

Mexíkóskur veggjakrotari skaut í dag tvo menn til bana þegar athugasemdir voru gerðar við krot hans. Eftir snarpan skotbardaga við lögregluna var hann særður og yfirbugaður.

Ríkisskattstjóri heimilar Jóni aðgang að gagnagrunni

Ríkisskattstjóri hefur heimilað aðgang Jóns Jósefs Bjarnasonar að gagnagrunni fyrirtækjaskráar en áður var lokað fyrir hann þar sem afstaða Persónuverndar til málsins lá ekki fyrir. Jón Jósef bjó til gagnagrunninn rel8 sem getur rakið flókin tengsl einstaklinga úr viðskiptalífinu. Það er fyrirtækið IT ráðgjafar- og hugbúnaðarþjónusta sem rekur forritið.

Fékk armband bróður síns 65 árum síðar

Bandaríski orrustuflugmaðurinn, Jack Harold Glenn, var skotinn niður árið 1944 þegar hann var á flugi yfir Þýskalandi. Þeir sem sáu flugslysið og komu að báru líkama hans á akur þar sem hann var jarðaður. Meðal þeirra sem aðstoðuðu við greftrunina var 16 ára gamall þýskur piltur. Hann tók silfrað armband flugmannsins og geymdi það til minja.

Jesúíti ákærður fyrir að misnota börn frá Haítí

Jesúítinn Douglas Perlitz var álitinn fyrirmyndaborgari. Hann vann með heimilislausum börnum í Haítí og fyrir það hafði hann hlotið sérstaka viðurkenningu frá Fairfield Háskólanum þar sem hann kenndi sjálfur.

Telja sig hafa stöðvað hryðjuverkaárás á neðanjarðarlestir

Bandaríska leyniþjónustan telur sig hafa komið í veg fyrir stórfellt hryðjuverk í Bandaríkjunum. Talið er að hryðjuverkin hafi beinst að neðanjarðarlestarkerfinu í New York.

Harður árekstur á Suðurlandsveginum

Harður árekstur varð á Suðurlandsvegi nærri Elliðaá rétt upp úr klukkan fjögur í dag. Tveir fólksbílar skullu saman og endaði annar utanvegar.

Sakar ríkisstjórn um slöttólfshátt

Þingmaður Sjálfstæðisflokksins í norðausturkjördæmi, Tryggvi Þór Herbertsson, gagnrýnir stjórnvöld harkalega vegna fréttar Fréttablaðsins í morgun um að Vinstri grænir hafi komið í veg fyrir að viljayfirlýsing vegna álvers á Bakka yrði framlengd.

Samkynhneigðir Serbar hætta við hinsegin göngu

Búið er að aflýsa hinsegin göngu Serba um miðborg Belgrad sem fram átti að fara fram á sunnudaginn næsta. Ástæðan er sú að serbneska lögreglan segist ekki geta tryggt öryggi samkynhneigðra.

Sakar yfirvöld um að hunsa ferðaþjónustu

„Nú þarf að spýta í lófana og nýta meðbyrinn. Það er því miður ekki gert. Þess í stað upplifum við áhugaleysi stjórnvalda.“

Tveir menn gripnir vegna utanvegaaksturs

Lögreglan á Selfossi greip ökumenn glóðvolga sem höfðu ekið utanvegar á torfæru- og fjórhjóli.

Al Kaida hótar árásum á Þýskaland

Öryggisgæsla hefur verið hert um allt Þýskaland eftir að sjónvarpsstöðvum þar barst myndband me´ð hótunum frá Al Kaida.

Segist vera með hreina samvisku í sænskum spjallþætti

Fyrrum forsætisráðherrann Geir H. Haarde neitaði í gær að gangast við ábyrgð vegna bankahrunsins á Íslandi í viðtali í sænska skemmtiþættinum Skavlan. Spjallþátturinn Skavlan er sá vinsælasti í norsku og sænsku sjónvarpi en þáttastjórnandinn, Fredrik Skavlan gekk hart að Geir vegna fjármálahrunsins hér á landi. Geir sagðist vera með hreina samvisku.