Palestínumenn bítast enn

Ekki er mikill sáttatónn í félögum Hamas og Fatah samtakanna þótt þau hafi lofað því að leita sameiningar á fundum sem haldnir verða í Kaíró á komandi vikum.

Lögðu hald á 20 grömm af kannabisefnum í Eyjum

Lögreglan í Vestmannaeyjum lagði hald á um 20 grömm af kannabisefnum í þremur fíkniefnamálum í liðinni viku. Fyrsta málið kom upp á fimmtudag þegar hald var lagt á pakka sem kom með flugi.

Réðst á lögreglu eftir að hafa lagt hendur á fyrrverandi sambýliskonu

Ráðist var á lögreglumenn í Vestmannaeyjum í síðustu viku þegar þeir voru kallaðir til vegna heimilisófriðar.

Vöruskiptahalli dregst saman um 37 milljarða milli ára

Vöruskipti við útlönd reyndust óhagstæð um 3,2 milljarða króna í ágúst síðastliðnum samkvæmt tölum Hagstofunnar. Fluttar voru út vörur fyrir 31,3 milljarða króna en inn fyrir 34,5 milljarða.

Varað við hálku og hálkublettum víða um land

Vegagerðin varar við hálkublettum víða um land, einkum þó á fjallvegum.

Rúmlega 52 milljónir fylgdust með kappræðum

Talið er að rúmlega 52 milljónir manna hafi horft á kappræður forsetaframbjóðendanna í Bandaríkjunum fyrir helgina.

Mun gera allt til að bjarga breskum mörkuðum

Breski forsætisráðherrann Gordon Brown segist grípa til allra ráða sem þurfi til að halda breskum fjármálamörkuðum á réttum kili eftir að Bandaríkjaþing hafnaði björgunarsjóðnum.

Hvít jól á Mars?

Ekki er útilokað að hvít jól verði á Mars þótt sennilega verði ekki mörg vitni að þeim. Vísindamenn bandarísku geimferðastofnunarinnar NASA hafa nú í fyrsta sinn orðið vitni að snjókomu á rauðu plánetunni

Segja Dani einblína um of á ógn frá Mið-Austurlöndum

Danskir stjórnmálamenn horfa of mikið til Mið-Austurlanda þegar þeir ræða hugsanlegar ógnir gagnvart Danmörku og gleyma Rússlandi.

Hópslagsmál í Tromsø

Lögreglan í Tromsø í Noregi fékk tilkynningu um hópslagsmál í miðbænum þar um tvöleytið í nótt.

Ari Edwald: Engir samningar gerðir á milli 365 og Árvakurs

Undanfarið hafa átt sér stað þreifingar á milli 365 og Árvakurs um samstarf fyrirtækjanna á sviði blaðaútgáfu. Þetta staðfestir Ari Edwald, forstjóri 365, í samtali við Vísi.

Bush vonsvikinn með fulltrúadeildina

George Bush Bandaríkjaforseti er afar vonsvikinn með að fulltrúadeild Bandaríkjaþings felldi fyrr í dag frumvarp um áætlun bandarískra stjórnvalda til bjargar fjármálakerfinu. Þetta hefur talsmaður Hvíta hússins eftir forsetanum.

Veit ekki hvort Glitnir sameinast Landsbankanum

Geir H. Haarde, forsætisráðherra, segist ekki vita hvort að Glitnir sameinast Landsbankanum. ,,Ég veit það ekki. Ég veit að það er hugmynd sem hefur verið í gangi um nokkra hríð," sagði Geir í Kastljósi fyrr í kvöld. Fram kom í þættinum að Kastljós hefur heimildir fyrir því að bankarnir sameinist hugsanlega í vikunni. ,,Ég býst við því að ég myndi vita það," sagði Geir.

Kristinn íhugar stöðu sína

Kristinn H. Gunnarsson, þingmaður Frjálslynda flokksins, íhugar stöðu sína innan flokksins í kjölfar ákvörðunar þingflokksins að gera Jón Magnússon að þingflokksformann í stað Kristins.

Ingibjörg gekkst undir aðgerð í New York

Ingibjörg Sólrún Gísladóttir, utanríkisráðherra, gekkst undir aðgerð í New York í dag vegna góðkynja meins í höfði sem hrjáð hefur hana um nokkra hríð.

Fundu tvö börn í frysti í Maryland

Lögregla í bænum Lusby í Maryland í Bandaríkjunum hefur handtekið 43 ára gamla konu eftir að lík af tveimur börnum fundust í frysti á heimili hennar.

Sofnaði undir stýri á Reykjanesbrautinni

Ökumaður fólksbifreiðar sofnaði undir stýri á Reykjanesbrautinni í morgun og ók aftan á vöruflutningabifreið.

Segir Davíð stjórna og Geir vera farþega

Valgerður Sverrisdóttir, varaformaður Framsóknarflokksins, segir Davíð Oddsson, seðlabankastjóra, vera við stýrið og að Geir H. Haarde, forsætisráðherra, sé farþegi þegar kemur að atburðum dagsins. Þetta kemur fram í pistli á heimasíðu hennar.

Kaupþing biður ekki um aðstoð

Ljóst er að útlánatap í íslenska bankakerfinu og hjá íslenskum fjárfestum verður töluvert vegna kaupa ríkisins á stórum hlut í Glitni, að mati forstjóra Kaupþings. Of snemmt sé þó að segja til um hversu mikið útlánatapið verður.

Íslendingur handtekinn með kókaín á Spáni

Íslenskur karlmaður á leið frá Brasilíu var handtekinn síðastliðinn föstudag á flugvellinum í Barselóna með fjögur kíló af kókaíni í farangri sínum.

Danir óttast afleiðingu ríkisvæðingar Glitnis

Danir hafa áhyggur af afleiðingum yfirtöku ríkisins á Glitni en ítarlegar er fjallað um hana í dönskum miðlum og víðar um heim.

Staða Jóns Ásgeirs veikist

Stoðir, sem áttu 30 prósenta hlut í Glitni, fengu í dag greiðslustöðvun, sem alla jafna er undanfari gjaldþrots. Eigendur Stoða horfa því fram á tugmilljarða tap af fjárfestingum sínum. Jón Ásgeir Jóhannesson fer þar fremstur í flokki.

Skýra verður af hverju Glitni var ekki veitt neyðarlán

Tap hlutahafa í Glitni vegna aðgerða Seðlabankans nemur 170 milljörðum að sögn formanns félags fjárfesta. Hann vill að Seðlabankinn útskýri afhverju Glitni var ekki veitt neyðarlán.

Forsvarsmönnum Glitnis var stillt upp við vegg

Seðlabankinn stillti forsvarsmönnum bankans upp við vegg segir stjórnarformaður Glitnis. Seðlabankastjóri fullyrðir að Glitnir hefði orðið gjaldþrota ef ríkið hefði ekki komið til hjálpar, lagt til 84 milljarða af gjaldeyrissjóði landsmanna og eignast 75 prósenta hlut í bankanum. Hlut sem ríkið keypti á genginu fimm og varð til þess að markaðsvirði bankans rýrnaði um rúmlega 60 prósent.

Björgunaráætlunin felld

Fulltrúadeild Bandaríkjaþings felldi fyrir stundu frumvarp um áætlun bandarískra stjórnvalda til bjargar fjármálakerfinu. Atkvæðagreiðslan hefur verið stöðvuð og standa samningaviðræður yfir um næstu skref.

Jón þingflokksformaður í stað Kristins

Þingflokkur Frjálslynda flokksins samþykkti síðdegis tillögu Guðjóns Arnars Kristjánssonar, formanns flokksins, að gera Jón Magnússon að þingflokksformanni í stað Kristins H. Gunnarssonar.

,,Maðurinn var í losti svo við urðum að draga hann út"

Snarræði tveggja vegfaranda kom veg fyrir að illa færi þegar fólksbíll brann til kaldra kola og annar skemmdist mikið við Reykjaveg í Laugardalnum síðdegis. Allt lítur út fyrir að kviknað hafi í bílnum út frá gaskút í farangsrými bílsins sem varð alelda á skammri stundu.

Burt með ofurlaunin

„Það er ekki svo langt síðan að bankastjórinn kom með 300 milljónir króna forgjöf fyrir það eitt að vilja líta við í bankanum og síðan var farið að semja um ofurkjörin eins og hefur tíðkast í íslensku fjármálastofununum síðustu misserin og árin," segir Ögmundur Jónasson, þingflokksformaður Vinstri grænna, um þjóðnýtingu Glitnis.

Hælisleitandi handtekinn á ný

Lögreglan á Suðurnesjum handtók í dag mann í húsnæði hælisleitenda að Fitjum. Að sögn lögreglu þurfti að taka mannin úr umferð þar sem hann var ekki í „jafnvægi", eins og það var orðað.

88 prósent ofveiði úr stofnum ESB

Ráðherrar Evrópusambandsins hóf í dag umræður um hvernig megi endurbæta fiskveiðistefnu sambandsins frá og með árinu 2012.

Bíll brann til kaldra kola

Fólksbíll brann til kaldra kola, og annar skemmdist mikið skammt frá Laugardalshöll síðdegis í dag. Svo virðist sem kviknaði hafi í út frá gaskútum í farangursrými bílsins. Bíllinn varð alelda á skammri stundu, og komst ökumaður bílsins út við illan leik. Hann var fluttur á slysadeild með brunasár en nánari upplýsingar um líðan hans fást ekki að svo stöddu.

Múslimar kveðja Ramadan

Milljónir pílagríma halda nú hátíðlega síðustu vikuna í hinum helga mánuði Ramadan.

Fíkniefni við girðinguna á Litla-Hrauni

Fíkniefnahundur fangelsisins á Litla-Hrauni fann í vikunni bakpoka utan girðingar fangelsisins. Í tilkynningu frá lögreglunni á Selfossi segir að í bakpokanum hafi fundist tveir litlir plastpokar með hvítu efni. „Við prófun kom í ljós að í öðrum pokanum hafi verið amfetamín en íblöndunarefni í hinum. Engin skýring er á tilurð bakpokans á þessum stað en grunur er um að hann hafi átt að berast inn fyrir girðingu með einhverjum hætti," segir einnig.

Innbrotahrina í Árnessýslu

Hrina innbrota í sumarbústaði hefur gengið yfir að undanförnu í Árnessýslu.

Risa glerpíramídi reistur í París

Í næstum tuttugu ár hafa Parísarbúar muldrað gremjulega yfir litla glerpíramídanum sem reistur var fyrir framan Louvre safnið.

Leituðu að fíkniefnum á Fljótsdalshéraði

Lögregla á Austurlandi leitaði um helgina á heimili og í tveimur bifreiðum á Fljótsdalshéraði vegna gruns um fíknefnamisferli.

Fórnarlömb í Kauhajoki skotin allt að 20 sinnum

Allir þeir sem létust í fjöldamorðunum í iðnskólanum í Kauhajoki í Finnlandi í síðustu viku voru skotnir að stuttu færi. Sum fórnarlambanna reyndust hafa verið skotin allt að 20 sinnum.

Óvæntir nágrannar

Skyldi honum nokkuð hafa brugðið eiganda þessa pena litla húss þegar hann leit út um bakgluggann hjá sér og sá að þar var allt í einu komin risastór blokk.

Loksins nýr sólblettur -fækkun sögð merki um ísöld

Nýr sólblettur sást upp undir norðurhveli sólarinnar hinn 23. þessa mánaðar. Sólblettir hafa verið óvenjufáir á þessu ári og í margar vikur fyrir 23. september hafði enginn sést.

54 vilja í forstjórastól Landsvirkjunar

Fimmtíu og fjórir sækjast eftir því að verða næsti forstjóri Landsvirkjunar en umsóknarfrestur um stöðuna rann út á föstudag. Staðan var auglýst í byrjun september eftir að ljóst varð að Friðrik Sophusson hefði ákveðið að láta af störfum.

Lýsing í Einholt annað kvöld

Vonast er til þess að lýsing verði komin við Einholt í Reykjavík annað kvöld þar sem nú er unnið að bráðabirgðalausn. Þetta kemur fram í tilkynningu borgaryfirvalda.

Púsluðu sig inn í heimsmetabókina

Fimmtán þúsund púsláhugamenn hafa nú lokið við að púsla saman stærsta púsluspili heims sem vitaskuld er staðsett í Ravensburg í Þýskalandi, heimabyggð hins góðkunna púslframleiðanda Ravensburger AG.

Rússar vopna Indverja

Indverjar ætla að kaupa 347 skriðdreka af gerðinni T-90 af Rússum og smíða sjálfir eittþúsund til viðbótar.

Bandarísk herskip sitja um sjóræningja

Þrjú bandarísk herskip hafa umkringt flurningaskip sem sómalskir sjóræningjar rændu fyrir helgi.

Sendir skýr skilaboð til umheimsins

Ákvörðun ríkisstjórnarinnar um að þjóðnýta Glitni sendir skýr skilaboð til umheimsins og tíðindin eru söguleg, segir Ólafur Ísleifsson, lektor í hagfræði við Háskólann í Reykjavík.