Óviðunandi bið eftir húsnæði fyrir Byrgisfólk

Jóhanna Sigurðardóttir félagsmálaráðherra segir óviðunandi að ekki skuli vera búið að opna heimili fyrir fyrrverandi vistmenn í Byrginu. Meðferðarheimilinu var lokað í kjölfarið að Kompásþáttar Stöðvar 2 um Byrgið var sýndur rétt fyrir jólin árið 2006.

Hitlerskoðunarferðir geysivinsælar í München

Ferðamenn í þýsku borginni München fá ekki nóg af skoðanaferðum byggðum á ævi Adolfs Hitler. Þótt Hitler hafi fæðst í Austurríki þá fluttist hann til Munich 1913 og margir af stóratburðum í Nasistaflokknum gerðust þar í borg.

Clinton vinnur með Obama

Hillary Clinton mun í næstu viku styðja við baráttu Barack Obama, forsetaframbjóðanda Demókrataflokksins í Bandaríkjunum, á sérstökum kosningafundi.

Veiðarnar þola ekki dagsljósið

Sigursteinn Másson fer fyrir hópi kvikmyndaliðs á vegum Alþjóða dýraverndunarsjóðsins - IFAW, sem ætlaði í dag að ná myndum af hrefnuveiðimönnum að störfum. Hrefnuveiðimenn eru hættir veiðum í dag og segja ekki koma til greina að veiða með myndatökulið í eftirdragi. Sigursteinn segir augljóst að veiðimennirnir álíti að veiðarnar þoli ekki dagsljósið.

Íhugar að draga framboð sitt til baka

Morgan Tsvangirai, forsetaframbjóðandi og leiðtogi stjórnarandstöðuflokksins MDC í Simbabve, íhugar nú að draga framboð sitt til baka en seinni umferð forsetakosninganna fer fram þann 27. júní.

Dópið falið í fölsku lofti

Hluti dópsins sem Hollendingur reyndi að smygla til landsins með Norrænu var falið í fölsku lofti í húsbílnum. Þetta kemur fram í Austurglugganum í dag.

Ný lög um almannavarnir taka gildi

Ný lög um almannavarnir sem samþykkt voru á síðasta starfsdegi Alþingis í vor taka gildi í dag.

Reglugerðir um íbúðalán taka gildi á morgun

Jóhanna Sigurðardóttir félags- og tryggingamálaráðherra setti í dag þrjár reglugerðir á grundvelli laga um húsnæðismál sem fela í sér hluta þeirra aðgerða sem ríkisstjórnin kynnti í gær.

Vélmær fyrir einmana menn

Japanska fyrirtækið Sega hefur framleitt lítið 38 sentimetra vélmenni sem kemur á markað í september og er ætlað einmana karlmönnum. Vélmærin kyssir eftir skipun og gengur á rafhlöðum. Hún kemst í svokallaða ástarlund þegar hún finnur mannshöfuð nálgast en hún notar innrauða skynjara til þess að nema mannfólkið.

Viðbúnaður í Björgvin vegna gasleka

Lögreglan í Björgvin í Noregi lokaði í dag af svæði í miðborginni sem er um hálfur kílómetri í þvermál vegna tilkynningar um gasleka á athafnasvæði þar.

Kvikmyndatökulið truflar hrefnubát við veiðarnar

Gunnar Bergmann Jónsson, framkvæmdastjóri Hrefnuveiðimanna, segir að kvikmyndatökulið hafi komið í veg fyrir hrefnuveiðar í dag. Hvalaskoðunarbáturinn Elding 2 hefur fylgt hrefnuveiðibátnum eftir í allan dag og nú er svo komið að veiðimenn hafa ávkeðið að snúa til hafnar, tómhentir.

Hveravallabjörninn var hross

Sporin sem pólskir ferðamenn rákust á nærri Hveravöllum í gær og talin voru eftir bjarndýr reyndust vera eftir hross. Þetta kemur fram í tilkynningu frá lögreglunni á Blönduósi.

Ólafur Ragnar ræðir um framtíð orkumála á CNN

Ólafur Ragnar Grímsson forseti er í viðtali í þættinum Principal Voices sem sýndur verður á sjónvarpsstöðinni CNN um helgina. Í þættinum er fjallað um framtíð orkumála og er viðtalið við Ólaf Ragnar meðal helstu efnisatriða þáttarins.

Ísbjarnarbúrið var sótthreinsað fyrir komuna til landsins

Búrið, sem flutt var inn til landsins frá Danmörku þegar fanga átti hvítabjörn sem gekk á landi við Hraun á Skaga í Skagafirði fyrr í vikunni, var sótthreinsað fyrir komuna til landsins. Þetta staðfestir Hjalti J. Guðmundusson, sviðsstjóri hjá Umhverfisstofnun

Jóhanna: Bankarnir fóru offari

Jóhanna Sigurðardóttir, félagsmálaráðherra, segir að viðskiptabankarnir hafi farið offari á fasteignamarkaði fyrir fjórum árum. Hún vonar að forystumenn bankanna læri af reynslunni.

Tíska á meðal unglingstúlkna í Bandaríkjunum að verða óléttar

Yfirvöld í Massachusetts í Bandaríkjunum rannsaka nú af hverju 17 unglingstúlkur í sama skólanum hafa allar orðið óléttar á sama tíma. Engin stúlknanna er eldri en 16 ára en að minnsta kosti helmingur þeirra virðist hafa gert samning sín á milli um að reyna að verða óléttar.

Ránið breytti lífi mínu

„Þetta var byrjunin á því besta sem komið hefur fyrir mig,“ segir Óskar Örn Gíslason, einn þremenninga sem sviðsettu rán í 11-11 í Garðabæ fyrir rúmu ári. Málið var þingfest fyrir Héraðsdómi Reykjaness í morgun.

Grund byggir hjúkrunarheimili í Urriðaholti

Grund hyggst reisa hjúkrunarheimili í Urriðaholti fyrir hundrað heimilismenn og er áætlað að framkvæmdir hefjist seint á næsta ári.

Neikvætt að Sádar komi kvenmannslausir

Sólveig Pétursdóttir, fyrrverandi forseti Alþingis, þykir ekki gott að engin kona skuli vera í 17 manna sendinefnd frá ráðgjafarþingi Sádi-Arabíu sem kemur til landsins um helgina. ,,Það er alveg ljóst að Sádar eiga býsna langt í land í lýðræðis- og jafnréttismálum," segir Sólveig.

Nesstofa opnuð á ný

Nesstofa var opnuð síðastliðinn laugardag með pompi og prakt í blíðskaparveðri að viðstöddu fjölmenni.

Kannabis getur greinst í þvagi sex vikum eftir neyslu

Þeir sem neyta kannabisefna gætu geta lent í því að vera sviptir ökuréttindum, löngu eftir að þau eru hætt að hafa áhrif á aksturinn. Tveir menn voru sakfelldir í Hæstarétti í gær fyrir að aka undir áhrifum fíkniefna en þeir höfðu verið sýknaðir í Héraðsdómi Vesfjarða. Um tíu dagar liðu frá því annar þeirra neytti kannabis og þar til hann var tekinn, og nokkrir dagar í hinu tilviku. THC sýra greindist í þvagsýnum mannana en ekkert í blóðsýnum. Jakob Kristinsson, lyfjafræðingur hjá Rannsóknarstofu í lyfjafræði við Háskóla Íslands, segir heppilegra ef lögin væru skýrari í þessum efnum.

Chavez segir nýjar reglur ESB um innflytjendur fasískar

Hugo Chavez, forseti Venesúela, hótar refsiaðgerðum gegn þeim Evrópulöndum sem taki upp nýjar reglur Evrópusambandsins um ólöglega innflytjendur.

Varað við breytingum á Gunnuhver

Almannavarnadeild Ríkislögreglustjóra varar fólk við að fara að Gunnuhver á Reykjanesi þar sem enn hafi orðið breytingar á honum.

ESB stækkar ekki fyrr en Lissabon-sáttmáli verður samþykktur

Ekkert verður af stækkun Evrópusambandsins fyrr en aðildarríkin hafa staðfest Lissabonsáttmálann. Írar höfnuðu sáttmálanum í þjóðaratkvðagreiðslu og óljóst er hvort Tékkar samþykkja sáttmálann.

Segja Ísraelsher hafa æft árás á Íran

Ísraelsher er sagður hafa æft árás á Íran í byrjun mánaðarins.

Samningar munu liggja fyrir síðar í sumar um komu flóttamannanna

Samningar liggja ekki endanlega fyrir á milli Akranesskaupstaðar og félagsmálaráðuneytisins um kostnað við komu hinna 25-29 palestínsku flóttamanna. Flóttamennirnir munu að öllum líkindum koma hingað um mánaðarmótin ágúst-september. Mun gengið frá þessum samningum upp úr miðjum júlí.

Mega aðeins reykja hreint kannabis á veitingahúsum frá 1. júlí

Hollenskir kannabisneytendur þurfa að venda sínu kvæði í kross 1. júlí þegar bann við tóbaksreykingum á veitingastöðum tekur gildi þar í landi.

Tveir meintir kynferðisbrotamenn í varðhaldi vegna almannahagsmuna

Tveir menn sitja nú í gæsluvarðhaldi vegna meintra grófra kynferðisbrota gegn börnum þeim nátengdum. Mennirnir sitja ekki inni vegna rannsóknarhagsmuna heldur almannahagsmuna.

Umhverfisstofnun í viðbragðsstöðu ef bjarndýr finnst

Leit björgunarsveitarmanna og lögreglumanna að bjarndýrssporum sem pólskir ferðamenn sögðust hafa gengið fram á skammt frá Hveravöllum í gær hefur enn engan árangur borið.

Sjúkraliðar semja

Sjúkraliðafélag Íslands hefur samþykkt kjarasamning BSRB við ríkið. Á kjörskrá voru 1250. Fjöldi svarenda var 545 og sögðu já 84% svarenda en nei 14% svarenda. Auðir seðlar voru 17 eða 2% svarenda.

Dópið fannst eftir játningu Hollendings

Dópið í húsbíl Hollendingsins, sem var handtekinn í Norrænu í síðustu viku, fannst eftir að maðurinn vísaði á það. Fram að því hafði tollgæslan leitað án árangurs klukkutímum saman og nánast gefið leitina upp á bátinn.

Ahmadinejad segir að óvinir hafi reynt að ráða sig af dögum

Mahmoud Ahmadinejad, forseti Írans, fullyrðir að Bandaríkin og bandamenn þeirra hafi reynt að ráða sig af dögum þegar hann heimsótti Írak í mars síðastliðnum.

Fengu ekki að gista í flóttamannabúðunum

Formaður íslensku sendinefndarinnar sem segir ferðina til Íraks hafa eftir atvikum gengið vel. Vegna ótryggs ástands var nefndinni ekki leyft að dvelja í flóttamannabúðunum að nóttu til.

Ekið á Åsne Seierstad

Ekið var á hinn heimsfræga norska rithöfund Åsne Seierstad þar sem hún var á hjóli í Osló á mánudag.

Strætó aftur á næturnar?

Ólafur F. Magnússon, borgarstjóri vill taka aftur upp næturstrætisvagnaleiðir úr miðborginni um helgar samkvæmt Fréttablaðinu í dag.

Átta palestínskar fjölskyldur koma til landsins

Átta palestínskum fjölskyldum verður boðið hæli hér á landi samkvæmt ákvörðun félagsmálaráðherra og utanríkisráðherra. Um er að ræða tíu konur, allar einstæðar mæður, og 19 börn.

Íslendingar framarlega í frumkvöðlastarfi

Í alþjóðlegri rannsókn, Global Entrepreneurship (GEM), kemur í ljós að frumkvöðlastarfssemi á Íslandi er með því mesta sem gerist á meðal hátekjulanda í heiminum. Háskólinn í Reykjavík tók þátt í rannsókninni og í tilkynningu frá skólanum kemur fram að rúmlega 12 prósent Íslendinga á aldrinum 18 til 64 ára hafi stundað frumkvöðlastarf á síðasta ári. Á sama tíma stunduðu aðeins sex prósent íbúa Evrópusambandsins slíka iðju.

StatoilHydro kemur inn í djúpborunarverkefni

Samstarfsaðilar um djúpboranir hér á landi undirrituðu í gær samning við hið norska StatoilHydro um aðkomu fyrirtækisins að djúpborunarverkefninu.

Borgarstjórinn kominn með eina hrygnu

Ólafur F. Magnússon borgarstjóri hefur veitt einn lax í Elliðaánum í morgun en hann opnaði veiðar þar líkt og hefð er fyrir.

Leita áfram bjarndýrsspora við Hveravelli

Um tuttugu manna hópur björgunarsveitarmanna og lögreglumanna frá Blönduósi og nærsveitum lagði af stað klukkan átta í morgun að Hveravöllum til þess að kanna hvort þar sé að finna bjarndýraspor.

SÞ skilgreinir nauðgun sem stríðstækni

Öryggisráð Sameinuðu þjóðanna hefur samþykkt einróma að skilgreina nauðganir sem sérstaka stríðstækni, en þar er átt við þegar skipulögðum nauðgunum er beitt í hernaði til þess að kúga heilu samfélögin.

Grunuð um að eitra fyrir eiginmönnum

Lögregla í Norður-Karólínu í Bandaríkjunum rannsakar nú hvort 76 ára gömul kona hafi hugsanlega eitrað fyrir manni sínum og dregið hann þannig til dauða.

Hætta leit að íslenskri skútu

Skipulagðri leit að skútunni sem hvarf milli Bermúda og Nýfundnalands hefur verið hætt. Einn Íslendingur er um borð og spurðist síðast til hans 4. júní.

Segir Rasmussen brjóta gegn stjórnarskrá

Danski fjármálaráðherrann Lars Løkke Rasmussen brýtur ákvæði stjórnarskrárinnar ef hann afnemur rétt sjúklinga til að velja á hvaða sjúkrahúsi þeir eru stundaðir.

Leita áfram að ísbjarnarsporum

Áformað er að halda áfram leit í dag að ísbjarnarsporum þeim sem erlendir ferðamenn rákust á í moldarflagi við Hveravelli í gærmorgun.