Segir Rasmussen brjóta gegn stjórnarskrá

Danski fjármálaráðherrann Lars Løkke Rasmussen brýtur ákvæði stjórnarskrárinnar ef hann afnemur rétt sjúklinga til að velja á hvaða sjúkrahúsi þeir eru stundaðir.

Þetta segir Mette Hartlev, prófessor í heilbrigðisfræðum við Kaupmannahafnarháskóla. Rasmussen ber fyrir sig neyðarrétt og vísar til kjaradeilna starfsfólks í heilbrigðiskerfinu sem hafa staðið síðan í apríl. Prófessorinn segir neyðarrétt ekki hafa átt við í dönskum stjórnskipunarrétti síðan í heimsstyrjöldinni síðari og áréttar að þingið þurfi að gera lagabreytingu til að afnema þennan rétt sjúklinganna.