Nemi hótaði fjöldamorðum í norskum grunnskóla

Fimmtán ára gamall grunnskólanemi olli mikilli skelfingu í Noregi um helgina eftir að hann hótaði fjöldamorðum í skóla sínum í myndbandi sem hann setti á netið.

Geimfar flýgur framhjá Merkúr

Fyrsta geimfarið sem heimsækir Merkúr í yfir 30 ár mun fljúga framhjá plánetunni í dag í aðeins 200 kílómetra fjarlægð. Stjarnfræðingar bíða spenntir eftir myndum og upplýsingum frá geimfarinu

Fíkniefni algeng á lokuðum geðdeildum í Danmörku

Fíkniefni fljóta um allt á lokuðum deildum á geðsjúkrahúsum í Danmörku. Í umfjöllun danskra fjölmiðla um málið kemur meðal annars fram að allt að helmingur sjúklinga á þessum stofnunum notar ólögleg fíkniefni.

Stjórn Nígeríu í skaðabótamál við tóbaksframleiðendur

Ríkisstjórn Nígeríu hefur ákveðið að hefja skaðabótamál gegn þremur stærstu tóbaksframleiðendum heimsins. Stjórnin fer fram á skaðabætur upp á 44 milljarða dollara eða rúmlega 2.600 milljarða króna.

Bæjaryfirvöld lækki nýtingarhlutfall á Gróttusvæðinu

Íbúahópur um lágreista byggð austan við Gróttu á Seltjarnarnesi skorar á bæjaryfirvöld að lækka nýtingarhlutfall á svæðinu.

Tveir 15 ára brutust inn í 15 bíla á Selfossi

Tveir 15 ára piltar hafa játað að hafa brotist inn í 15 bíla á Selfossi aðfararnótt laugardagsins og stolið ýmsu smálegu úr þeim.

Komust undan á hlaupum frá skemmdarverki

Brotist var inn í verslanamiðstöina Grímsbæ í nótt og málningu sprautað úr úðabrúsum á nokkra veggi. Þar sást til tveggja dökkklæddra ungmenna, sem komust undan á hlaupum.

Mörg þekkt nöfn vilja frekari sjálfstæði dómstóla

Vísir sagði frá því í dag að hafin væri undirskriftarsöfnun áhugafólks um sjálfstæði dómstóla. Nú í kvöld eru komnar 517 undirskriftir og eru þar nokkrir þjóðþekktir einstaklingar sem hafa ritað nafn sitt.

Undrar sig á ummælum Svandísar Svavars

„Einkennilegt er að heyra Svandísi Svavarsdóttur, formann skipulagsráðs borgarinnar, átelja vegagerðina fyrir niðurstöðu hennar vegna Sundabrautar,“ skrifar Björn Bjarnason í pistli á heimasíðu sinni í dag. Þar undrar hann sig á ummælum oddvita Vinstri grænna í borgarstjórn.

Ölvaður á Reykjanesbraut um hábjartan dag

Tveir ökumenn voru teknir fyrir ölvun við akstur á suðurnesjum í dag. Annar þeirra mældist á 115 km/klst á Reykjanesbrautinni þar sem hámarkshraðinn er 50 km/klst.

Frjálslyndar konur senda ríkisstjórninni tóninn

Landssamband kvenna í Frjálslynda flokknum beinir þeim tilmælum til ríkisstjórnar Sjálfstæðisflokks og Samfylkingar að flokkarnir sjái til þess að vinna hefjist nú þegar við endurskoðun fiskveiðistjórnunarkerfisins, í ljósi niðurstöðu Mannréttindanefndar Sameinuðu þjóðanna í málaleitan.

Þriggja bíla árekstur á Akranesi

Þrír bílar lentu í árekstir á Akranesi fyrir stundu. Ekki varð neitt slys á fólki og tjón var óverulegt.

760 hermenn hafa látist í Afghanistan

Tala látinna hermanna úr alþjóðlegu herliði sem verið hefur í Afghanistan síðan 2001 er komin upp í 760. Tveir hollenskir hermenn létust í landinu í gær.

Skaparinn snýr aftur

„Ýmislegt hefur gengið á undarfarnar vikurnar í kynþáttamálum á Íslandi. Löggimann heimsótti einn af betri hugsandi mönnum landsins og ruddist þar inn með leitarheimild,“ segir á vefsíðunni skapari.com.

Tony Blair vill verða forseti

Fyrrum forsætisráðherra Bretlands, Tony Blair, vill verða fyrsti forseti Evrópusambandsins. Blair hóf kosningabaráttu sína á kosningafundi hjá Sarkozy í Frakklandi í gær.

Færri slasa sig á heitu vatni

Jens Kjartansson, yfirlæknir á lýtalækningadeild Landspítala Háskólasjúkrahúss telur að átaksverkefnið Stillum hitann hóflega hafi nú þegar borið árangur með fækkun brunaslysa af völdum heits vatns.

Íslendingar drekka minnst vestrænna þjóða

Íslendingar drekka minnst vestrænna þjóða, samkvæmt rannsókn sem Fréttablaðið greinir frá í dag. Jafnvel þótt drykkja Íslendinga hafi aukist um 110% á árunum 1980 til 2005, eða úr þremur lítrum í 6,4 lítra á mann á ári, þá drekki Íslendingar samt minna áfengi en íbúar annarra vestrænna ríkja.

Rúmlega hundrað lítrar af olíu í götuna eftir árekstur í Breiðholti

Slökkviliðið á höfuðborgarsvæðinu var kallað út rétt fyrir ellefu í gærkvöldi að bílaplani í Möðrufelli í Breiðholti. Þar hafði bíll ekið undir vörubíl með þeim afleiðingum að gat kom á olíutank vörubílsins.

Skæruliðar Talíbana drápu 10 lögreglumenn í morgun

Skæruliðar úr röðum Talíbana drápu tíu lögreglumenn í Kandahar í Afghanistan nú í morgunsárið. Gerðu þeir skyndiáhlaup á lögreglustöð í suður Afghanistan.

Áskorun frá áhugafólki um sjálfstæði dómstóla

„Vafi ríkir um sjálfstæði íslenskra dómstóla í kjölfar skipan dómara við Héraðsdóm Norðurlands eystra og Héraðsdóm Austurlands,“ segir í yfirlýsingu frá áhugafólki um sjálfstæði dómstóla.

Gekk berserksgang og skemmdi átta bíla

Maður gekk berserksgang í vesturbæ Reykjavíkur nú í morgunsárið. Gekk hann um og skemmdi kyrrstæða bíla með barefli.

Meintur berklasmitberi útskrifaður af sjúkrahúsi

Maðurinn sem grunaður var um berklasmit í hádeginu í dag hefur verið útskrifaður af sjúkrahúsi. Grunurinn átti ekki við rök að styðjast og var hann því sendur heim að skoðun lokinni.

25 milljóna króna Porche gjörónýtur eftir útafakstur

Bíllinn sem fór útaf á Grindavíkurvegi seint í gærkvöldi var af gerðinni Porche 911 GT3RS. Bíllinn er gjörónýtur eftir útafaksturinn.

Árás á lögreglumenn samsæri fíkniefnabaróna?

Björn Bjarnason spyr á heimasíðu sinni hvort fíkniefnabarónum hafi vaxið viðurkenning fíkniefnadeildarinnar í augum og þess vegna gert erlenda málaliða sína út af örkinn gegn lögreglumönnunum.

Svona skipun mun alltaf vekja upp efasemdaraddir

Ingibjörg Sólrún Gísladóttir utanríkisráðherra sagði á flokksstjórnarfundi Samfylkingarinnar í dag um skipun Þorsteins Davíðssonar í embætti héraðsdómara, að afgerandi frávik frá niðurstöðu lögmæltrar matsnefndar muni alltaf vekja upp efasemdarraddir um að faglegar forsendur ráði.

Myndaði mömmu í rúminu með kærastanum

Heitasta myndin á netinu þessa dagana er frá hinni 22 ára gömlu bresku stúlku Shelley Buddington.

Tony Blair sendir sitt fyrsta SMS

Það er ekki oft sem fyrrum forsætisráðherra Bretlands, Tony Blair, lendir í því að fólki viti ekki hver hann er. En eftir að hann fékk sinn fyrsta farsíma hefur hann lent í vandræðum.

Ekki grunur um berklasmit í Kópavogi

Rétt fyrir hádegi í dag kom til átaka í heimahúsi í Hjallahverfi í Kópavogi. Lenti þar tveimur mönnum saman og hlaut annar skurð á enni.

Saksóknaranum misbýður aðdáun á Aroni Pálma

Mike Trent, saksóknari í máli Arons Pálma Ágústssonar, misbýður sú aðdáun sem honum hefur fundist Aron hafa hlotið hér á landi. Í bréfi sem hann sendi ritstjórn Vísis í kjölfar frétta okkar af málinu segir hann það vanvirðingu við fórnarlömb Arons að á hann sé litið sem nokkurskonar hetju á Íslandi.

Lögreglustjóri rekinn

Jackie Selebi, lögreglustjóri í Suður-Afríku og yfirmaður Alþjóðalögreglunnar Interpol, verður ákærður fyrir spillingu.

Neyð í Kenya

Um hálf milljón Keníabúa mun þurfa á mannúðaraðstoð að halda innan skamms ef ekki tekst að leysa deilur stríðandi fylkinga þar í landi.

Össur stendur með aflimuðum íþróttamanni

Össur hf. gerir alvarlegar athugasemdir við þær prófanir sem Alþjóða frjálsíþróttasambandið (IAAF) hefur látið gera á gervifótum spretthlauparans Oscars Pistorius.

Sþ rannsaka ekki morðið á Bhutto

Pervez Musharraf, forseti Pakistans, útilokar að Sameinuðu þjóðunum verði falið að stýra rannsókn á morðinu á stjórnarandstöðuleiðtoganum Benazir Bhutto í síðasta mánuði.

Grænfriðungar herja á japanska hvalveiðiflotann

Grænfriðungar tilkynntu í morgun að þeir hefðu fundið japanska hvalveiðiflotann í Suður Íshafi. Samtökin hafa leitað skipanna í tíu daga.

20 þúsund hermenn heim frá Írak

Bandaríkjamenn munu samkvæmt áætlun kalla tuttugu þúsund hermenn heim frá Írak innan hálfs árs.

Maddie var drepin segir portúgalskur lögfræðingur

Madeleine McCann var nauðgað, hún myrt og líkinu hent í á innan tveggja sólarhringa frá hvarfinu. Þessu heldur portúgalskur lögfræðingur fram.

Ófundinn ræningi 11-11 ógnaði starfsfólki með hnífi

Verslun 11-11 við Grensásveg var rænd í gærkvöldi í annað sinn á tveimur vikum. Ræninginn ógnaði starfsfólki verslunarinnar með hnífi í bæði skiptin og komst undan á hlaupum.

Fjórir handteknir vegna árásar í Keflavík

Rétt fyrir klukkan fimm í morgun brutust út slagsmál fyrir utan skemmtistaðinn Yello í Keflavík. Þegar lögregla mætti á staðinn lá einn óvígur í götunni og var hann fluttur með sjúkrabifreið á Heilbrigðisstofunun Suðurnesja til skoðunar hjá lækni.

Óttast ekki þótt Aron Pálmi lögsæki

Mike Trent, saksóknari í máli Arons Pálma Ágústssonar, segist ekki óttast þótt Aron Pálmi ákveði að stefna honum. Hann segist hafa fulla heimild til að birta gögn í máli Arons Pálma.

Seltirningar vilja að aðalskipulag verði endurskoðað

Nokkrir ósáttir íbúar á Seltjarnarnesi krefjast þess að bæjaryfirvöld taki aðalskipulag bæjarins til endurskoðunar. Þetta kemur fram í bréfi sem borið var til allra íbúa sveitarfélagsins í dag.

Ráðherra hunsi vilja Húsafriðunarnefndar

Samband ungra sjálfstæðismanna vill að menntamálaráðherra hafni ósk Húsafriðunarnefndar um friðun húsanna á Laugavegi 4-6. Þetta kemur fram í áskorun sem SUS sendi ráðherra í dag.

Kvaldist klukkustundum saman án hjálpar Gæslunnar

Slasaður sjómaður á Austfjarðamiðum kvaldist klukkustundum saman eftir að Gæslan hafnaði beiðni um þyrluútkall. Hneyksli, að þyrlurnar standi ónotaðar og séu allar á höfuðborgarsvæðinu, segir læknir.

Höfðu í hótunum við fjórða félagið

Þrjú greiðslukortafyrirtæki, sem hafa játað á sig ólöglegt samráð og margvísleg önnur brot á samkeppnislögum og greitt 735 milljónir í sektir, höfðu í hótunum við fjórða félagið, þegar það kom inn á markaðinn fyrir nokkrum árum.

Ný stóriðja er óráð

Umhverfisráðherra segir óráð að ráðast í nýja stóriðju hérlendis, hvort sem það er á Húsavík eða í Helguvík, fyrr en rammaáætlun um virkjanakosti liggur fyrir.

Víkur sér enn undan því að svara

Formaður Samfylkingarinnar víkur sér enn undan því að segja álit sitt á skipan Þorsteins Davíðssonar í embætti héraðsdómara. Varaformaður Sjálfstæðisflokksins segir hins vegar óþolandi að menn séu látnir gjalda þess hverra manna þeir eru.