Veikustu byggðirnar eiga litla von

Kjartan Ólafsson, byggðasérfræðingur við Háskólann á Akureyri, segir að veikustu byggðir landsins eigi sér litla von um viðsnúning. Þekkingarsamfélagið kalli á samþjöppun íbúa.

Meinbugir á íslenskri löggjöf

Umboðsmaður Alþingis finnur fleiri meinbugi á íslenskri löggjöf en umboðsmenn löggjafasamkoma annarra nágrannaþjóða. Málum hjá umboðsmanni hefur fjölgað um 16 prósent á þessu ári miðað við síðasta ár.

ASÍ breytir verklagi sínu í verðkönnunum

Alþýðusambandið hefur breytt verklagi sínu í verðkönnunum í kjölfar alvarlegra ásakana um að starfsmenn verslana hafi reynt að blekkja og villa um fyrir verðkönnunarfólki.

Sprakk og brann til kaldra kola

Hús í Limhamn - í útjaðri Malmö - brann til kaldra kola í gær eftir mikla sprengingu. Konu og hundi hennar sem í húsinu voru tókst að forða sér og komust ómeidd frá eldinum.

Stefndu lífi samborgara sinna í hættu

Þrír ökumenn undir áhrifum fíkniefna ollu óskunda í umferðinni á höfuðborgarsvæðinu í nótt og stefndu lífi samborgaranna í bráða hættu.

Lindgren 100 ára

Sænska skáldkonan Astrid Lindgren hefði orðið 100 ár í gær ef hún hefði lifað. Af því tilefni var slegið til veislu í Smálöndum þar sem höfundur bókanna um Línu Langsokk og Emil í Kattholti fæddist og var alin upp.

Leitar víðtæks stuðnings

Anders Fogh Rasmussen, forsætisráðherra Danmerkur, leitar eftir stuðningi allra flokka á danska þinginu í mikilvægum málaflokkum nú þegar þriðja ríkisstjórn hans er í burðarliðnum. Meirihlutinn er naumur - stendur og fellur með Færeyingi og sýrlenskum innflytjanda.

Umferðaröngþveiti um allt Frakkland

Samgöngukerfi Frakklands er lamað annan daginn í röð vegna verkfalls hjá starfsmönnum almenningssamgöngufyrirtækja. Umferðaröngþveiti er mikið og kannanir sýna að meirihluti Frakka hefur enga samúð með þeim sem lagt hafa niður vinnu.

Reglum um kaupleyfi á skotvopnum ekki fylgt

Alvanalegt er að kaupleyfum á skotvopnum sé faxað til lögregluembættis til samþykktar þrátt fyrir að reglur kveði skýrt á um að kaupandi fari sjálfur til lögreglu með umsóknina og framvísi þar skilríkjum.

Kaupás fagnar húsleit Samkeppniseftirlitsins

Forsvarsmenn Kaupáss segja húsleit Samkeppniseftirlitsins vera fagnaðarefni. Í tilkynningu frá félaginu segir að það hafi „ítrekað lýst því yfir á opinberum vettvangi að það óskaði eftir opinberri rannsókn hið allra fyrsta til þess að hreinsa stjórnendur Kaupáss og Krónunnar af hvers kyns dylgjum um verðsamráð eða óeðlilega viðskiptahætti í þeirri miklu samkeppni sem ríkir á íslenskum matvörumarkaði.“

Alþingi þarf að vanda sig betur

Alþingi þarf að breyta vinnulagi og vanda betur til verka við gerð nýrra laga. Þetta kom fram í máli Ágústs Ólafs Ágústssonar, þingmanns Samfylkingarinnar, á Alþingi í dag.

Orkuvinnslusvæði verði alfarið í eigu almennings

Sveitarfélögin Vogar, Hafnarfjörður og Grindavík hafa stofnað með sér félag til þess að tryggja að framtíðarorkuvinnslusvæði á Reykjanesi verði alfarið í eigu almennings í sveitarfélögunum

Fulltrúar neytenda: Fagna aðgerðum Samkeppniseftirlitsins

„Ég fagna því að Samkeppniseftirlitið beiti þeim heimildum sem það hefur til að stunda virkt eftirlit," sagði Gísli Tryggvason talsmaður neytenda, þegar Vísir hafði samband við hann vegna húsleitarinnar sem gerð var hjá Bónus og Krónunni í morgun.

Viljum gjarnan hreinsa okkur af ásökunum um verðsamráð

„Við viljum gjarnan hreinsa okkur af þeim ásökunum sem hafa verið bornar á okkur," segir Finnur Árnason, forstjóri Haga, spurður um afstöðu sína til húsleitarinnar sem starfsmenn Samkeppniseftirlitsins gerðu hjá Bónus í morgun.

Orkuveitupeningarnir borga sérfræðikostnað

Ólafur Áki Ragnarsson, bæjarstóri í Sveitarfélaginu Ölfusi, segir af og frá að þær 45 milljónir sem Orkuveita Reykjavíkur greiðir sveitarfélaginu í tengslum við virkjun á Hellisheiði renni í vasa sveitarstjórnarmanna. Peningarnir greiðast á sex ára tímabili og er þeim ætlað að standa straum af sérfræðikostnaði sem fellur til við skipulagningu málsins.

Japanar hunsa Dalai Lama

Enginn japanskur embættismaður mun hitta Dalai Lama, trúarleiðtoga Tíbeta, sem er kominn til landsins í níu daga heimsókn.

Húsleit hjá Bónus og Krónunni

Samkeppniseftirlitið hefur í morgun gert húsleit á skrifstofum Bónuss og Krónunnar.

Ekki þörf á fleiri umboðsmönnum

Efla þarf embætti umboðsmanns Alþingis í stað þess að stofna til umboðsmanna fyrir einstaka hópa og mál. Þetta kom fram í máli Birgis Ármannssonar, formanns allsherjarnefndar, á Alþingi.

Viðsnúningur hjá sveitarstjórn Flóahrepps

Sveitarstjórn Flóahrepps ákvað á fundi sínum í gær að auglýsa tillögu að aðalskipulagi fyrrum Villingaholtshrepps þar sem gert er ráð fyrir Urriðafossvirkjun. Þetta er þvert á það sem sveitarstjórnin ákvað í sumar en í drögum að aðalskipulagi sem þá voru kynnt var var ekki gert ráð fyrir virkjuninni.

Dýrkeypt gæludýr

Einn maður lét lífið og annar slasaðist alvarlega þegar þeir reyndu að ná kakadúa niður úr tré í Ástralíu.

Gera mynd um ættföður Thorsaranna

Danir og Íslendingar vinna sameiginlega að gerð heimildarmyndar um lífshlaup Thors Jensen, langafa Björgólfs Thors Björgólfssonar. Thor flutti til Íslands frá Danmörku á táningsaldri og byggði hér upp mikið viðskiptaveldi.

Dreifibréf um barnaníðing sett í póstkassa

Nágrannar Sigurbjörns Sævars Grétarssonar, sem um helgina lýkur afplánun fyrir kynferðisbrot gegn börnum, eru búnir að setja dreifibréf í póstkassa fjölbýlishússins sem hann kemur til með að búa í.

Heimsorkuráðið fundar á Íslandi árið 2009

Ákveðið hefur verið að árlegur fundur framkvæmdaráðs Heimsorkuráðsins verði haldinn í Reykjavík árið 2009.

Pabbi Madeleine snýr aftur til vinnu

Gerry McCann, faðir týndu stúlkunnar Madeleine, ætlar að hefja fulla vinnu um áramót. Hjónin Gerry og Kate McCann hafa helgað sig leitinni að dóttur sinni sem hvarf af hótelherbergi í Portúgal í Maí og verið í ólaunuðu leyfi.

Suðurlindir stofnaðar

Sveitarfélögin Grindavík, Vogar og Hafnarfjörður hafa að undanförnu átt í viðræðum um stofnun félags, sem mun ráða yfir meirihluta framtíðarvinnslusvæðis fyrir háhita á Suðurnesjum.

Sarkozy biðlar til verkfallsmanna

Nicholas Sarkozy Frakklandsforseti hvetur starfsmenn almenningssamgangna sem hófu verkföll í gær til þess að snúa aftur til vinnu. Verkfallið lamaði samgöngukerfið í gær og biður forsetinn starfsmennina um að hugsa um almannahag í málinu.

Óvissa um friðargæslu í Darfur

Friðargæslan í Darfur héraði í Súdan er við það að fara út um þúfur áður en hún hefur hafið störf. Háttsettur embættismaður hjá Sameinuðu þjóðunum segir brýna þörf á meiri búnaði og auknum mannafla.

Síldarkvótinn 220 þúsund tonn

Kvóti Íslendinga úr Norsk- íslenska síldarstofninum verður 220 þúsund tonn á næsta ári og hefur aldrei verið meiri. Þetta var niðurstaða strandríkja um skiptingu kvótans.

Bandaríkjaþing samþykkir frumvarp um brotthvarf frá Írak

Fulltrúadeild Bandaríkjaþings hefur samþykkt nýtt frumvarp þar sem settur er tímarammi fyrir brottflutning bandaríska hersins frá Írak. Í frumvarpinu er einnig kveðið á um þá upphæð sem eyða má í stríðsreksturinn og er það umtalsvert minni fjárhæð en George Bush forseti hefur krafist.

Sluppu ómeiddir úr bílveltu

Tveir ungir menn sluppu ómeiddir þegar bíll þeirra valt hálfa aðra veltu út af þjóðveginum í Hörgárbyggð á móts við bæinn Bægisá á tólfta tímanum í gærkvöldi.

Ökuferðin endaði inni á gólfi bensínstöðvar

Bíll með tveimur mönnum um borð, lenti á bensíndælu, snarsnerist við það og hafnaði hálfur inn á gólfi í verslun bensínstöðvarinnar á mótum Sæbrautar, Kleppsvegar og Langholtsvegar upp úr klukkan eitt í nótt.

Khader stendur með Rasmusen – nánast alla leið

Það er komin upp skrýtin staða í dönskum stjórnmálum. Anders Fogh Rasmusen forsætisráðherra heldur meirihluta með einum þingmanni. Það er hinn færeyski Edmund Joensen sem vill ekki skipta sér af innanríkismálum.

Fullkomið kvikmyndaver á Keflavíkurflugvelli

Í apríl á næsta ári er áætlað að tekið verði í gagnið risastórt kvikmyndaver á Keflavíkurflugvelli. Það eru þeir Hallur Helgason, Ingvar Þórðarson og Júlíus Kemp sem standa að verkefninu en erlendir aðilar koma einnig við sögu.

Lögreglan taki á mistökum sínum

Lögregla og skotvopnasali gerðu mistök þegar manni sem varð öðrum að bana á Sæbraut í sumar, var afhent vopn. Þetta segir móðir unga mannsins sem myrtur var og vill hún að lögreglan taki á mistökum sínum.

Mynd af logandi Cadillac við Úlfarsfell

Cadillac bifreið stóð í ljósum logum á hringtorgi við Úlfarsfell á fimmta tímanum í dag. Að sögn slökkviliðsins var bifreiðin á ferð þegar eldurinn kom upp en ökumaðurinn var horfinn þegar slökkviliðið bar að garði. Að sögn slökkviliðsmanna er talsverð umferðaröngþveiti á Vesturlandsveginum vegna þessa atviks.

Hollenskur húsgagnaþjófur handtekinn á hóteli

Hollenskur unglingur hefur veirð handtekinn fyrir að stela húsgögnum úr “herbergjum” á Habbo Hotel í netheimum.

Þriðjungur barna óánægður með útlit sitt

Þriðja hvert þrettán ára barn er óánægt með eigið útlit og fjórða hvert tíu ára barn hefur átt erfitt með svefn. Þetta kemur fram í nýrri rannsókn sem gerð var meðal skólabarna hér á landi.

Ekki ástæða til að auka heimildir um tálbeitur

Dómsmálaráðherra telur ekki ástæðu til að setja ákvæði um notkun tálbeita í kynferðisbrotamálum gegn börnum sérstaklega, enda séu ákveðnar heimildir fyrir hendi um notkun tálbeita. Ágúst Ólafur Ágústsson þingmaður Samfylkingarinnar vill að ákvæði um þetta verði sett í lög.

Ísland fær 220.000 tonn af norsk-íslensku síldinni

Gengið hefur verið frá nýju samkomulagi um norsk - íslensku síldina fyrir árið 2008 á fundi strandríkjanna sem nú fer fram í London. Samkvæmt samkomulaginu verður heildarkvótinn 1.518.000 tonn, en í hlut Íslands munu koma 220.262 tonn.

Guðmundur Jónsson borinn til grafar

Einn ástsælasti söngvari þjóðarinnar, Guðmundur Jónsson, var borinn til grafar í dag. Guðmundur lést á elliheimilinu Droplaugastöðum aðfararnótt 5. nóvember síðastliðinn 87 ára að aldri.

Samtök ferðaþjónustunnar leggjast gegn Bitruvirkjun

Samtök ferðaþjónustunnar leggjast gegn fyrirhugaðri Birtuvirkjun sem Orkuveita Reykjavíkur hyggst reisa á Hellisheiði

Læknar ákváðu að Díönu yrði ekki bjargað

Augnablikinu þegar læknar tóku ákvörðun um að hverfa frá lífgunartilraunum á Díönu prinsessu var lýst við réttarrannsókn á dauða prinsessunnar í dag. Hjarta hennar hætti að slá eftir að sjúkraliðar náðu henni úr flaki Benz bifreiðarinnar í Alma göngunum í París að morgni 31. ágúst 1997.

Hæstiréttur staðfestir gæsluvarðhald í nauðgunarmáli

Hæstiréttur staðfesti í dag að tveir Litháar sem grunaðir eru um að hafa nauðgað konu í í húsasundi í miðbæ Reykjavíkur um helgina skuli sæta gæsluvarðhaldi til mánudagsins 19. nóvember

Gaman í vinnunni

Það má ekki teikna mynd af krónprinsi Spánar í samförum við eiginkonu sína.

Auknar greiðslur til foreldra langveikra barna

Úrbætur verða gerðar á greiðslum til foreldra langveikra og alvarlega fatlaðra barna samkvæmt frumvarpi sem Jóhanna Sigurðardóttir hefur lagt fram á Alþingi og var kynnt í dag.