Flugslysanefnd kannar óhapp á Keflavíkurflugvelli

Starfsmenn Flugslysanefndar eru nú staddir á Keflavíkurflugvelli að kanna óhapp sem þar varð í nótt. Farþegavél með farþega á heimleið frá Tyrklandi fór út af flugbrautinni þegar nefhjól hennar affelgaðist í lendingu. Hálku er kennt um óhappið.

Rafmagnslaust í Efra-Breiðholti í klukkutíma

Rafmagnið fór af í Hóla-, Berg- og Fellahverfum í Efra-Breiðholti kl. 23.15 í kvöld vegna háspennubilunnar. Samkvæmt upplýsingum frá Orkuveitunni var rafmagnslaust í rétt rúman klukkutíma en allt rafmagn var komið á 25 mínútum eftir miðnætti.

Fjórir kærðir fyrir akstur utan vega

Lögreglan á Suðurnesjum var með sérstakt eftirlit með akstri utan vega í dag. Fjórir voru kærðir fyrir utanvega akstur við Grindavík í þessu átaki.

Mexíkanar fórust í skógareldunum í Kaliforníu

Nú er komið í ljós að ólöglegir innflytjendur frá Mexíkó hafa látist í skógareldunum sem geysað hafa í Kaliforníu. Fjögur skaðbrunnin lík hafa fundist við landamærin að Mexíkó sem talin eru af innflytjendum. Nú er vitað að a.m.k. 14 manns hafa farist í þessum eldsvorðum.

Bhutto heimsækir heimasveitina

Benazir Bhutto lét líflátshótanir ekki aftra sér frá því að heimsækja gröf föður síns í heimasveit sinni í Pakistan í dag. Um fjögur þúsund stuðningsmenn Benazir Bhutto tóku á móti henni við komuna til Sindh, þar sem hennar pólitíska bakland er.

Dash átta vél hlekkist á - enn einu sinni

Enn einni Dash átta flugvélinni hlekktist á í dag, í þetta sinn SAS flugvél sem var að lenda á Kaupmannahafnarflugvelli. Hjólabúnaður vélarinnar gaf sig þegar hún lenti á flugbrautinni, með 44 farþega innanborðs.

Höfuðpaurinn í árásinni á USS Cole látinn laus

Stjórnvöld í Jemen hafa leyst úr haldi Jamal al-Badawi höfuðpaurinn í hryðjuverkaárásinni á bandaríska herskipið USS Cole. Jamal hefur setið í fangelsi síðan 2003 en hefur tvisvar náð að flýja úr vistinni, síðast í fyrra.

Meirihluti Norðurlandabúa vill samvinnu í umhverfismálum

Mikilll meirihluti Norðurlandabúa vill að norrænu ríkin taki höndum saman í umhverfis- og loftslagsmálum og vinni í sameiningu að því að gerður verði nýr alþjóðasamningur um losun gróðurhúsalofttegunda.

Kennaraháskólinn útskrifar 70 kandidata

Í dag brautskráðust 70 kandídatar frá Kennaraháskóla Íslands við hátíðlega athöfn í Skriðu, fyrirlestrarsal skólans. Alls brautskráðust 33 úr grunnnámi og 37 úr framhaldsnámi. Brautskráðir voru 10 með meistaragráðu í uppeldis- og menntunarfræði og 27 með diplómugráðu í uppeldis- og menntunarfræði.

Beðist velvirðingar

Vísir biðst velvirðingar á frétt um banaslys í Kirkjubólsfjalli sem datt inn á vefinn í 4 mínútur í dag. Fréttin er rúmlega 3ja ára gömul en kom inn á ritstjórnarvefinn með annari frétt frá lögreglunni á Vestfjörðum eins og þetta hefði gerst í dag.

Rigningar seinka endurbótum á Þjóðleikhúsi

Hinar miklu rigningar sem verið hafa í undanfarna tvo mánuði hafa seinkað framkvæmdum við endurbætur á útiveggjum Þjóðleikhússins. Tinna Gunnlaugsdóttir þjóðleikhússtjóri segir að áformuð verklok séu nú í nóvember en upphaflega stóð til að verkinu yrði lokið í þessum mánuði.

Ítrekaðir þjófnaðir úr búningsklefum Ármanns

Helgi G. Garðarsson segir að síðustu fjóra mánuði hafi ítrekað verið stolið úr búningsklefa Ármanns í íþróttamiðstöð Þróttar-Ármanns Laugardal. Þetta virðist eingöngu eiga sér stað á tímabilinu 17-20 úr einum ákv. búningsklefa.

Undirbúnir fyrir árás uppvakninga

Lögreglustjórinn í bænum Lansing í Michigan, Bruce Ferguson, segir að hann og menn sínir séu vel undirbúnir ef uppvakningar (zombies) gera árás á bæinn. Hefur hann m.a. fyllt lögreglustöð sína af vélsögum vegna þessa.

Kveikt á fyrsta jólatréinu

Kveikit verður á fyrsta jólatréinu í dag þegar Jólalandið í Blómavali í Skútuvogi verður opnað.

Viðræður Íraka og Tyrkja fara út um þúfur

Viðræður milli stjórnvalda í Írak og Tyrklandi um leiðir til að koma í veg fyrir árásir kúrdískra skæruliða hafa farið út um þúfur. Tyrkneskar herflugvélar sjást nú á stöðugum eftirlitsferðum um landamærin við Írak.

Bhutto fagnað við komu í heimaþorp sitt

Benazir Bhutto fyrrverandi forsætisráðherra Pakistans heimsótti heimaþorp sitt í dag, í fyrsta sinn eftir komuna til Pakistans. Um fjögur þúsund stuðningsmenn hennar tóku á móti henni.

Íslenskur árangur í baráttunni gegn malaríu

Notkun á flugnanetum með skordýraeitri hefur margfaldast í Gíneu-Bissá eftir að fyrirtæki á Íslandi hófu að styrkja tvíhliða verkefni í landinu í gegnum UNICEF, en malaría er talin vera einn helsti dánarvaldur bissáskra barna. Við lok árs 2006 sváfu 40% íbúa í hinu litla Vestur-Afríkuríki Gíneu-Bissá undir flugnaneti, en mælingar frá árinu 2000 sýna einungis 2-7% notkun.

Litvinenko var breskur njósnari

Breska blaðið Daily Mail greinir frá því að Rússinn Alexander Litvinenko hafi verið breskur njósnari og þegið 2.000 pund í laun á mánuði frá MI6. Litvinenko var myrtur í London í fyrra með geislavirka efninu polonium 210 og er talið að fyrrverandi meðlimir rússnesku öryggisþjónustunnar hafi verið þar að verki.

HÍ í hópi þeirra 100 bestu fyrr en áformað var

Háskóli Íslands brautskráir tæplega 400 kandidata, þar af 111 með meistaragráðu við hátíðlega athöfn sem hófst í Háskólabíó nú klukkan eitt í dag. Í ræðu sinni segir Kristín Ingólfsdóttir, rektor Háskóla Íslands m.a.að skólinn hafi stigið mjög markverð skref í átt til þess að verða einn af 100 bestu háskólum í heimi á síðustu tveimur árum, svo að markmiðið sem sumir töldu óraunhæft í upphafi var það alls ekki. Skólinn þurfi að sækja hraðar og ná markmiði fyrr en hann ætlaði sér í upphafi.

Erlend kona lést í banaslysinu á Holtavörðuheiði

Erlend kona á sextugsaldri lést í umferðarslysi í gærkvöldi á norðanverðri Holtavörðuheiði. Fjórir slösuðust til viðbótar og var tvennt, maður og kona, flutt með þyrlu á sjúkrahús í Reykjavík.

Mynd Elton John er ekki klám

Ríkissaksóknari Bretlands hefur komist að þeirri niðurstöðu að mynd af tveimur nöktum stúlkum í eigu Sir Elton John sé ekki klám. Myndin sem tekin var af bandaríska ljósmyndaranum Nan Goldin var gerð upptæk á sýningu í listamiðstöðinni í Gateshead í síðasta mánuði.

Brunaútkall í samgönguráðuneytið

Slökkvilið höfuðborgarsvæðisins var kallað út skömmu eftir klukkan 10 í morgun þar sem brunaboði hafði farið í gang í samgönguráðuneytinu í Hafnarhúsinu við Tryggvagötu. Kviknað hafði í tusku í lyftuhúsi ráðuneytisins og reyndist ekki mikil hætta á ferðum.

Mistök að aðskilja ríki og kirkju, segir Person

Göran Person fyrrum forsætisráðherra Svíþjóðar segir að það hafi verið söguleg mistök að skilja að ríki og kirkju í Svíþjóð eins og gert var árið 2000. Þetta kemur fram í ævisögu Person "Min vej, mine valg", sem kom út nú fyrir helgina.

Kjötsúpa fyrir yfir 2.000 manns á Skólavörðustíg

Stóri kjötsúpudagurinn er í dag á Skólavörðustíg með ýmsum uppákomum og sýningum upp og niður götuna. Jóhann Jónsson eigandi Ostabúðarinnar hefur veg og vanda að gerð kjötsúpunnar og hefur soðið 350 lítra af henni. Hann reiknar með að það dugi fyrir yfir 2.000 manns.

Hnífstungur í rannsókn á Akureyri

Lögreglunni á Akureyri barst tilkynning um klukkan hálf sjö í morgun um mann sem að hafði verið stunginn í heimahúsi á Akureyri.

Er þetta ræningi Maddie?

McCann fjölskyldan hefur sent frá sér teikningu listamanns af hugsanlegum mannræningja dóttur þeirra Madeleine. Teikningin er byggð á frásögn Jane Tanner, vini þeirra Jerry og Kate McCann, en hún snæddi kvöldverð með þeim hjónum á þeim tíma sem Madeleine var rænt í Portúgal.

Egilsstaðaskóli sextugur

Í dag laugardag verður haldið upp á 60 ára afmæli Egilsstaðaskóla. Klukkan 13.00 verður opnuð sýning í skólanum á ýmsu því sem tengist skólahaldinu fyrr og nú. Klukkan 19.30 í kvöld hefst svo árshátíð skólans í Íþróttamiðstöðinni á Egilsstöðum.

Skyndibitaraðþjófar handteknir í Kanada

Lögreglan í Toronto í Kanada handtók í dag tvo karlmenn og eina konu fyrir rúmlega 200 innbrot í skyndibitastaði í borginni. Fólkið var búið að stunda iðju sína í langan tíma áður en það náðist fyrir tilviljun.

Alvarlegt umferðarslys á Holtavörðuheiði

Alvarlegt umferðarslys varð á Holtavörðuheiðinni á áttunda tímanum og hefur veginum verið lokað fyrir umferð. Búið er að kalla út lögreglu, sjúkrabíla og þyrla Landhelgisgæslunnar er á staðnum. Lögreglan í Borgarnesi verst allra frétta að svo stöddu.

Boða hertari aðgerðir gegn reykingum

Stjórnarandstaðan í Danmörku boðar hertari aðgerðir gegn reykingum nái hún að fella ríkisstjórnina í komandi kosningum. Segir hún núverandi reykingalög ekki nógu góð í að vernda fólk fyrir óbeinum reykingum.

Vilja banna þýska þjóðernisflokkinn

Þýski jafnaðarmannaflokkurinn, SPD, vill láta banna starfsemi þýska þjóðernisflokksins, NPD. Ályktun þessa efnis var samþykkt á flokksþingi þýskra jafnaðarmanna í Hamborg í dag.

Grunur um gin- og klaufaveikismit á Kýpur

Yfirvöld á Kýpur rannsaka nú hvort búfénaður á búgarði í suðausturhluta eyjarinnar hafi sýkst af gin- og klaufaveiki. Varnarsvæðið hefur verið afmarkað í kringum býlið á meðan vísindamenn rannsaka sýni sem tekin voru úr búfénaðinum.

Hryðjuverkamaður dæmdur í ævilangt fangelsi

Alsírbúinn Rachid Ramda var í Frakklandi í dag dæmdur í ævilangt fangelsi fyrir þátt sinn í sprengjuárásunum á neðanjarðarlestarkerfið í París árið 1995. Átta manns létust í árásunum og 200 særðust.

Hárlokkur af Che Guevara seldur á 6,5 milljónir

Hárlokkur af byltingarmanninum Che Guevara var seldur á uppboði í Bandaríkjunum í dag fyrir um 6,5 milljónir króna. Kaupandinn er sjötugur bóksali í Texas en seljandinn er fyrrum leyniþjónustumaður hjá bandarísku leyniþjónustunni, CIA.

Fagna refsiaðgerðum en vilja ekki árás á Íran

Hópur útlægra Írana fagnaði í dag auknum refsiaðgerðum sem Bandaríkjastjórn kynnti í gær gagnvart Íran. Á sama tíma ágerast stöðugt vangaveltur um að í Washington sé verið að ráðgera árás á Íran.

Vilja banna andlitsslæður í kjörklefa

Banna á múslimskum konum að vera með slæðu fyrir andlitið þegar þær ganga inn í kjörklefa í Kanada samkvæmt frumvarpi sem nú liggur fyrir kanadíska þingið. Með þessu á að tryggja að auðvelt verði fyrir starfsmenn kjörstjórnar að bera kennsl á viðkomandi.

Íslensk fjölskylda á um sárt að binda eftir eldana

Meðal þeirra sem urðu illilega fyrir barðinu á eldunum í Kaliforníu var fjölskylda Maríu Berglindar Jónsdóttur. Dóttir hennar missti húsið sitt og ætlar að flytja til öruggari svæða með manni sínum og þremur börnum. Þau gista nú hjá Maríu.

Jarðskjálfti við Selfoss

Jarðskjálfti að stærð 2,6 á Richterskvarða varð um klukkan hálfsex í dag. Upptök skjálftans eru 2,9 km. norð-norðaustur af Selfossi og fundu Selfyssingar greinilega fyrir skjálftanum. Annar skjálfti um 3,2 á Richter varð á svipuðum slóðum um hádegisbil í gær.

Lofar að láta smyglara gjalda fyrir sinn glæp

Idriss Deby, forseti Afríkuríkisins Chad, hét því í dag að Frakkarnir níu sem voru handteknir fyrir að reyna smygla 103 börnum úr landi fengju að gjalda fyrir glæp sinn. Hann sagðist ætla gera allt í sínu valdi til að svo megi verða.

Björgólfur Jóhannsson endurkjörinn formaður LÍÚ

Björgólfur Jóhannsson var endurkjörinn formaður Landssambands íslenskra útvegsmanna næsta starfsár.

Grunsamlegur búnaður finnst í ræðismannabústað Mexíkó í New York

Lögreglan í New York í Bandaríkjunum rannsakar nú grunsamlegan búnað sem fannst við bústað ræðismanns Mexíkó þar í borg. Svæðið í kringum bústaðinn hefur verið girt af en óttast er að um sprengju sé að ræða.

Sigurgeir Þorgeirsson verður ráðuneytisstjóri

Einar Kristinn Guðfinnsson, sjávarútvegs- og landbúnaðarráðherra, hefur ákveðið að skipa dr. Sigurgeir Þorgeirsson í embætti ráðuneytisstjóra í sjávarútvegs- og landbúnaðarráðuneytinu frá og með 1. janúar 2008.

Vínbúðin innkallar rauðvín

Glerbrot hefur fundist í rauðvínsflösku af tegundinni Amalaya de Colomé 2005.

Bílvelta við Skíðaskálann í Hveradölum

Betur fór en á horfðist þegar Suzuki bifreið fór út af Suðurlandsvegi við Skíðaskálann í Hveradölum. Lögregla og slökkvilið frá Selfossi var kallað á staðnum en ökumaður í bílnum reyndist ekki slasaður. Hálka er á Hellisheiðinni og vill lögregla brýna það fyrir mönnum að fara varlega.

Fingralangir félagar á ferð um Reykjavík

Nokkuð af fatnaði var stolið úr þvottahúsi fjölbýlishúss í miðborginni í gær en á meðal þess sem saknað var eru gallabuxur og peysur.