Beint flug til Moskvu?

Vilhjálmur Vilhjálmsson, borgarstjóri í Reykjavik, átti i gær fund með Yuri Lujkova, borgarstjóra í Moskvu. Á fundinum voru ýmis mál til umræðu og gerði borgarstjóri meðal annars grein fyrir vilja Íslendingar til að gera nýjan loftferðasamning við Rússa.

Gestafjöldi að söfnum slagar hátt í heildaraðsókn að kvikmyndasýningum

Gestafjöldi að söfnum og skyldri starfsemi var um 1.3 milljón á árinu 2005. Til samanburðar var fjöldi gesta árið 1995, 830 þúsund. Gestakomur árið 2005 slaga hátt i heildaraðsókn að kvikmyndasýningum sem var ríflega 1.4 milljónir sama ár. Frá árinu 2000 hefur fjöldi gesta að söfnum og skyldri starfsemi aukist jafnt og þétt eftir að hafa að miklu leyti staðið í stað á seinni hluta síðasta áratugar.

Tvær til þrjár milljónir HIV/AIDS smitaðir í Indlandi

Á bilinu 2 til 3,1 milljón manna í Indlandi eru með HIV/AIDS samkvæmt nýrri rannsókn sem Sameinuðu þjóðirnar og stjórnvöld í Indlandi stóðu að. Áður var talið að allt að tvisvar sinnum fleiri væru smitaðir í Indlandi og hefði það því verið fjölmennasti hópur smitaðra í einu landi.

Meintur hryðjuverkamaður hringdi frá Íslandi

Móðir Kafeels Ahmed, sem grunaður er um að tengjast hryðjuverkaárásum á Glasgow, telur að hann hafi hringt í sig frá Íslandi síðastliðinn laugardag, að því er The Times of India greinir frá. Móðirin fullyrðir í samtali við blaðið að Ahmed hafi sagt við sig að hann væri að vinna að stóru verkefni sem tengdist hlýnun jarðar. Hann myndi þurfa að ferðast mikið í tengslum við verkefnið og myndi ekki hafa samband næstu vikuna.

Þrjú hundruð ær drepast í óveðri í Danmörku

Óveður og vatnavextir við Vadehaved í Danmörku kostaði 300 ær lífið í síðustu viku. dýraverndarsamtök í Danmörku telja að eigandinn hefði átt að gæta betur að öryggi dýranna. Þau vilja að dýraverndarlögum verði breytt.

Þyrla Landhelgisgæslunnar kvödd að Skaftárfelli

Þyrla Landhelgisgæslunnar TF-Sif var kölluð að Þjóðgarðinum í Skaftárfelli á sjöunda tímanum í kvöld til að sækja erlendan ferðamann. Maðurinn hafði kennt sér meins og læknir taldi ráðlegast að kalla út þyrluna. Ekki er meira vitað um málið að svo stöddu.

Íbúar á Njálsgötu ósáttir

Velferðarráð Reykjavíkurborgar ákvað formlega í gær að hefja rekstur heimilis fyrir heimilislausa á Njálsgötu í Reykjavík. Mikill styr hefur staðið um málið að undanförnu og hafa nokkrir íbúar við götuna mótmælt harðlega. Pétur Gautur Svavarsson, annar tveggja fulltrúa íbúa og húseigenda í samráðshópi vegna húsnæðsisins, ræddi við Katrínu Rut Bessadóttur í Íslandi í dag.

Hróarskelduhátíðin nær hámarki um helgina

Á fyrsta degi Hróarskelduhátíðarinnar í Danmörku hefur þegar rignt meira en nokkru sinni áður í tæplega fjörutíu ára sögu hátíðarinnar. Gripið hefur verið til neyðarráðstafana þar sem spáð er enn meiri úrkomu um helgina. Vatni og aur er dælt af svæðinu og hálmi dreift á gönguleiðir.

Ítalskur ferðamaður stöðvaður fyrir of hraðan akstur

Lögreglan á Akureyri stöðvaði ítalskan ferðamann á bílaleigubifreið fyrir of hraðan akstur í Öxnadal um hádegisbil í dag en ökuhraði hans var mældur 171 km/klst. Hámarkshraði þarna er 90 km/klst.

Segja Landsbankann hafa svikið gefin fyrirheit

Hjón sem fóru halloka í verslunarrekstri saka Landsbankann um að bera ábyrgð á óheillaþróuninni. Fyrirheit hafi verið svikin auk þess sem bankinn hafi beitt makalausri hörku og óbilgirni. Trygginga hafi verið krafist í öllum eignum, innkomu og sjóðum en steininn hafi tekið úr þegar þau voru krafin um að framselja líftryggingar sínar til bankans.

Minnir á áhættu sem fylgir lánum í erlendri mynt

Seðlabankastjóri telur hættu á að heimilin vanmeti þá áhættu sem felist í lánum í erlendri mynt. Hann segir lánin mjög álitleg á pappírum en ekki sé allt gull sem glóir.

Í forsendum að þorkkvótinn verði 160 þúsund tonn

Seðlabankinn gerir ráð fyrir því í hagspá að þorskkvóti næsta fiskveiðiárs verði 160 þúsund tonn en ekki 130 eins og Hafró leggur til. Stýrivöxtum var ekki breytt í dag og gaf Seðlabankastjóri í skyn að þeir yrðu ekki lækkaðir fyrr en í fyrsta lagi á næsta ári.

Aðgangur veittur að persónuupplýsingum án leyfis

Landlæknisembættið veitti aðgang að persónuupplýsingum um fóstureyðingar kvenna án þess að leyfi væri fyrir því. Embættið segir um mistök hafa verið að ræða.

Segir Ísland eiga fullt erindi í öryggisráðið

Brian Atwood, einn helsti sérfræðingur á sviði þróunarmála í heiminum vill endurskipuleggja öryggisráð Sameinuðu þjóðanna en segir þó Ísland eiga þar fullt erindi. Atwood hélt opin fund í utanríkisráðuneytinu í morgun.

Eucalyptus kannaður

Ástralskir vísindamenn hafa hrint af stað viðamiklum rannsóknum á erfðaræðilegum leyndarmálum ástralska trésins Eucalyptus. Eucalyptus-trén hafa löngum verið vísindamönnum hugleikin. Þau lifa aðallega í Ástralíu en einnig öðrum Eyjaálfulöndum. Trén vaxa afar hratt og telja yfir 700 tegundir.

Nærri tveir tugir hraðamyndavéla settar upp á landinu

Mikið átak hefst á næstu dögum í eftirliti með akstri ökumanna þegar tvær sjálfvirkar og fullkomnar hraðamyndavélar verða settar upp á þjóðvegi 1 í Hvalfjarðarsveit. Nærri tveir tugir myndavélar verða settar upp á næstu vikum og mánuðum.

Samtök atvinnulífsins vilja leggja niður vörugjöld

Samtök atvinnulífsins vilja leggja niður vörugjöld og segja þau úrelta skattheimtu og draug fortíðar. Þau telja vörugjöldin beina neyslu fólks í ákveðna vöruflokka án þess að neytendur geri sér grein fyrir því.

Eldar á Frönsku Riveriunni slökktir

Hundruðir íbúa og ferðamanna fengu að snúa aftur að heimilum sínum og tjaldstæðum á Frönsku Riveríunni í dag en þeim var gert að flytja sig frá aðsetrum sínum eftir að skógareldar blossuðu upp í gær.

Fékk ekki réttlláta málsmeðferð vegna aðkomu læknaráðs

Mannréttindadómstóll Evrópu úrskurðaði í dag að mál Söru Lindar Eggertsdóttur níu ára fjölfatlaðrar stúlku sem hlaut alvarlegar heilaskemmdir eftir fæðingu hefði ekki fengið réttláta málsmeðferð fyrir Hæstarétti Íslands, einkum vegna aðkomu læknaráðs. Faðir stúlkunnar segir niðurstöðuna áfellisdóm yfir íslensku réttarkerfi en það sé léttir að 9 ára baráttu sé lokið.

Segir björgunarfólk hafa valdið dauða sonar síns

Faðir manns sem lést í flóðunum í Bretlandi í síðustu viku segir klúður björgunarfólks hafa valdið dauða sonar hans. Hjálparsveitum tókst ekki að losa manninn úr holræsi og hann lést eftir þriggja klukkustunda baráttu. Sláandi myndir af vettvangi voru birtar í dag.

Kaupþing hækkar vexti á íbúðalánum

Kaupþing hefur ákveðið að hækka fasta vexti á nýjum íbúðalánum Kaupþings úr 4,95% í 5,20% frá og með 6. júlí 2007. Þetta þýðir hækkun um 0,25%.

Um 100 börn lentu í sjónum við strendur Dublinar

Meira en 100 börnum hefur verið bjargað eftir að siglingarkeppni við strendur Dublinar breyttist í martröð í dag. Öflug vindhviða varð til þess að 91 bát hvolfdi. Um 100 börn sem tóku þátt í keppninni lentu við það í sjónum.

Sýknaður af nauðgunarkæru

Pólverjinn sem sakaður var um að hafa nauðgað konu í kjallara Hótels Sögu var sýknaður fyrir Héraðsdómi Reykjavíkur í dag. Þótti dómurum ekki sýnt að maðurinn hefði þröngvað konunni til samræðis.

Meintur hryðjuverkamaður ekki staddur hér á landi

Ekkert bendir til þess að meintur hryðjuverkamaður sé staddur hér á landi samkvæmt greiningardeild Ríkislögreglustjóra. Málið hefur verið til skoðunar hjá lögreglunni í dag.

Hundur veittist að lögreglumanni við skyldustörf

Lögreglan á höfuðborgarsvæðinu þurfti að beita varnarúða í gærkvöldi til að hindra að hundur réðist að lögreglumanni við skyldustörf. Lögreglumaðurinn var við húsleit í íbúð í austurborginni en um var að ræða þýskan Schäfer hund. Tæplega 100 grömm af ætluðu amfetamíni fundust í íbúðinni.

Félagmálaráðherra veitir styrk til að jafna launakjör fatlaðra

Félagsmálaráðherra hefur ákveðið að veita sérstakan styrkt til að leiðrétta launakjör fatlaðra í tengslum við átaksverkefni ÍTR og Svæðisskrifstofu um málefni fatlaðra í Reykjavík. Ákvörðunin kemur í kjölfar fjölmiðlaumfjöllunar þar sem vakin var athygli á mismunandi launakjörum fatlaðra og ófatlaðra.

Alcan á Íslandi fór langt út fyrir velsæmismörk

Alcan á Íslandi fór langt út fyrir velsæmismörk í aðdraganda kosninga um álverið í Hafnarfirði þegar það lagði að starfsmönnum sínum að safna sérstaklega upplýsingum um meðlimi Sólar í Straumi. Þetta kemur fram í yfirlýsingu frá samtökunum Sól í Straumi. Talsmaður samtakanna segir margt benda til þess að fyrirtækið hafi brotið friðhelgi einkalífsins og segir koma til greina að kæra málið til lögreglu.

45 múslímskir læknar ætluðu að ráðast á Bandaríkin

Lögregla hefur fundið internetsamræður á heimasíðu, sem haldið er úti af múslímskum net-hryðjuverkamönnum, þar sem fram kemur að 45 múslímskir læknar hafi ætlað sér að ráðast á Bandaríkin með bílsprengjum og eldflaugum. Þetta kemur fram í vefútgáfu The Telegraph.

Hamar vísar ásökunum á bug

Verktakafyrirtækið Hamar hefur sent frá sér yfirlýsingu þar sem ásökunum Rafiðnaðarsambands Íslands er vísað á bug og þær sagðar rangar. Rafiðnaðarsambandið hefur sagt að hjá Hamri starfi ófaglærðir verkamenn í störfum þar sem krafist sé fagþekkingar. Þá segir sambandið að kjör starfsmannanna séu ófullnægjandi.

Lögreglustjóri athugar mál meints hryðjuverkamanns - bresk yfirvöld tjá sig ekki

Íslensk lögregluyfirvöld eru nú með í skoðun mál meints hryðjuverkamanns sem á að vera staddur hér á landi. Maðurinn er grunaður um aðild að sprengjutilræðinu í London og Glasgow á dögunum. Bresk lögregluyfirvöld vilja ekki tjá sig um hvort málið tegi anga sína hingað til lands.

Dæmdur fyrir vörslu fíkniefna á Þjóðhátíð

Karlmaður var í dag dæmdur í Héraðsdómi Suðurlands til sektargreiðslu fyrir að hafa í vörslu sinni um 15 grömm af amfetamíni á Þjóðhátíð í Vestmannaeyjum á síðasta ári. Fíkniefnin fundust á manninum við reglubundið eftirlit lögreglu í Herjólfsdal og var hann upphaflega ákærður fyrir að hafa efnið í fórum sínum í söluskyni.

Skilorðsbundið fangelsi fyrir líkamsárás

Karlmaður var í Héraðsdómi Suðurlands í dag dæmdur í 45 daga skilorðsbundið fangelsi fyrir að hafa ráðist á annan mann og sparkað í höfuð hans með þeim afleiðingum að hann missti meðvitund. Þá var honum gert að greiða 80 þúsund krónur í sakarkostnað og tæpar 31 þúsund krónur fyrir læknisvottorð fórnarlambsins.

Mannræningjar Margaret Hill segja hana heila á húfi

Mannræningjar Margaret Hill, stúlkunnar sem rænt var í borginni Port Harcourt í Suður- Nígeríu í morgun, hafa haft samband við föður hennar og sagt að hún sé heil á húfi. Faðir hinnar þriggja ára gömlu Margrétar starfar hjá olíufyrirtæki í borginni en stúlkunni var rænt úr bíl, af vopnuðum byssumönnum.

Starfsemi heimilis við Njálsgötu í fullu samræmi við skyldur borgarinnar

Starfsemi heimilis fyrir heimilislausa við Njálsgötu er fullu samræmi við skyldur Reykjavíkurborgar og ekki í ósamræmi við gildandi skipulag hverfisins. Þetta kemur fram í lögfræðiáliti lögmanns Reykjavíkurborgar. Velferðarráð Reykjavíkurborgar samþykkti í gær að hefja starfsemi hemilisins næsta haust þrátt fyrir mótmæli margra íbúa í hverfinu.

Krefjast þess að fatlaðir fái greidd umsamin laun

Landssamtökin Þroskahjálp krefjast þess að kjör fatlaðra ungmenna sem taka þátt í samstarfsverkefni Hins hússins og Svæðisskrifstofu málefna fatlaðra í Reykjavík verði tafarlaust lagfærð í samræmi við fyrirliggjandi samkomulag um vinnuframlag. Þroskahjálp fagnar því að fötluðum umgmennum sé gert kleift að vinna yfir sumartímann en mótmælir því harðlega að þeim sé ekki greitt sanngjarnt kaup.

Mannréttindardómstóllinn dæmir íslenska ríkið skaðabótaskylt

Mannréttindardómstóll Evrópu hefur úrskurðað að íslenska ríkið sé skaðabótaskylt gagnvart níu ára gamalli stúlku vegna læknamistaka. Alls er ríkinu gert að greiða stúlkunni 6,4 milljónir króna í bætur auk 1,5 milljón króna í málskostnað. Héraðsdómur Reykjavíkur dæmdi stúlkunni 28,5 milljónir króna í bætur árið 2002 en Hæstiréttur sýknaði ríkið af kröfunni tveimur árum seinna. Samkvæmt úrskurði Mannréttindardómstólsins fékk stúlkan ekki réttláta málsmeðferð fyrir Hæstarétti.

Stýrivextir líklega ekki lækkaðir á þessu ári

Seðlabankinn ákvað í dag að halda stýrivöxtum óbreyttum. Davíð Oddsson seðlabankastjóri gaf í skyn að þeir yrðu ekki lækkaðir fyrr en í fyrsta lagi á næsta ári.

Mikil fjölgun HIV-sýkinga í Svíþjóð

Fjörtíu prósent aukning hefur orðið á HIV-sýkingum á milli ára í Svíþjóð. Fleiri en nokkru sinni frá því skráning hófst fyrir 20 árum hafa smitast á fyrstu sex mánuðum ársins 2007. 153 karlmenn og 99 konur hafa greinst með smit á þessu tímabili.

Talið ólíklegt að maður grunaður um hryðjuverk sé hér á landi

Bresk lögregluyfirvöld hafa ekki óskað liðsinnis íslenskra yfirvalda við að hafa uppi á manni sem indverskt dagblað segir að sé mögulega á Íslandi. Maðurinn er grunaður um aðild að sprengjutilræðunum í London og í Glasgow á dögunum. Í ljósi þess að engin beiðni um aðstoð hefur borist frá Bretlandi er því talið ólíklegt að maðurinn sé staddur hér á landi.

Lekanda- og klamydíutilfellum fjölgar mikið

Mun fleiri greindust smitaðir af lekanda á síðasta ári miðað við árin þar á undan samkvæmt nýútkominni ársskýrslu Landlæknisembættisins. Alls greindust 31 einstaklingur með lekanda á síðasta ári en árið þar á undan voru þeir 19. Þá greindust einnig fleiri klamydíutilfelli á síðasta ári miðað við fyrra ár.

Norrænir biskupar funda í Reykjavík

Nú stendur yfir í Reykjavík fundur allra biskupa lúthersku þjóðkirknanna á Norðurlöndum. Slíkur fundur er haldinn á þriggja ára fresti og var síðast haldinn hér fyrir 15 árum. Að þessu sinni taka 39 biskupar þátt í fundinum, 36 biskupar frá Noregi, Svíþjóð, Finnlandi, Danmörku, Færeyjum og Grænlandi og þrír frá Íslandi.

Bjarni biðst afsökunar á markinu

Síðara mark Bjarna Guðjónssonar, sem tryggði ÍA 2-1 sigur á Keflavík í gær, er umdeilt. Keflvíkingar héldu að Bjarni myndi afhenda þeim boltann þar sem leikur hafði stöðvast en Bjarni skaut frá miðju og skoraði. Það mark skildi liðin að í leikslok. Bjarni biðst afsökunar á markinu. Hann segist ekki hafa ætlað að skora.

Varað við tjörublæðingum á Þingvallavegi

Miklar tjörublæðingar eru á Þingvallavegi frá Vinaskógi að Grafningsvegamótum samkvæmt tilkynningu frá Vegagerðinni. Eru ökumenn beðnir um að fara varlega og aka undir fimmtíu kílómetra hraða á vegarkaflanum.

Dóttur bresks verkamanns rænt í Nígeríu

Þriggja ára gamalli dóttur verkamanns sem sagður er breskur var rænt af byssumönnum í Nígeríu snemma í morgun. Stúlkan var numin á brott úr bíl á leið hennar í skólann í olíuborginni Port Harcourt.

Landlæknir gerir athugasemdir við framgöngu vísindamanna

Mistök hjá Landlæknisembættinu urðu þess valdandi að vísindamönnum var veittur aðgangur að gögnum yfir umsóknir um fóstureyðingar. Þetta kemur fram í yfirlýsingu frá embættinu. Í umsókn vísindamannanna var gefið til kynna að nauðsynleg leyfi lægju fyrir en nokkru síðar kom í ljós að svo var ekki. Embættið gerir athugasemdir við framgöngu vísindamannanna.