Grunaður um morð á 5 vændiskonum

Breska lögreglan handtók í dag 37 ára karlmann sem grunaður er um að hafa myrt 5 vændiskonur í Suðaustur-Englandi. Morðingjans hefur verið leitað síðan í síðustu viku og rannsóknin er ein sú viðamesta í Bretlandi um áraraðir.

Guðmundur í Byrginu látið af störfum

Guðmundur Jónsson, forstöðumaður Byrgisins, hefur látið af störfum meðan rannsókn fer fram á málefnum Byrgisins. Hann kærði fréttaskýringaþáttinn Kompás til lögreglu í dag. Ekkert opinbert eftirlit er með meðferðarheimilum og getur hver sem er stofnað þau. Guðmundur, og menn á hans vegum, hafa undanfarin misseri verið umsvifamiklir lóðakaupendur í Grímsnesi.

Millilandaflug lamast ekki þrátt fyrir skort á flugumferðarstjórum

Forstjóri Flugstoða segir að millilandaflug muni ekki lamast þótt um sextíu flugumferðarstjórar hafi ekki nýtt lokafrest til að ráða sig hjá fyrirtækinu, sem tekur til starfa um áramótin. Til greina kemur að ráða flugumferðarstjóra erlendis frá ef á þarf að halda.

Snjóflóð féll á Ólafsfjarðarveg

Verið er að hreinsa Ólafsfjarðarveg en snjóflóð féll fyrir stundu við Sauðanes. Engan sakaði. Lögreglan á Ólafsfirði segir rok og rigningu á staðnum en vegurinn verður lokaður næsta hálftímann meðan verið er að klára að hreinsa hann.

1.900 milljónir í málefni fatlaðra á Norðurlandi vestra

Félagsmálaráðuneytið og Samtök sveitarfélaga á Norðurlandi vestra - málefni fatlaðra (SSNV málefni fatlaðra) undirrita á morgun nýjan þjónustusamning. Samningurinn er til 6 ára.

Fékk sautján mánaða skilorðsbundinn dóm

Tuttugu og þriggja ára karlmaður var í dag dæmdur í sautján mánaða skilorðsbundið fangelsi í Héraðsdómi Reykjavíkur fyrir vörslu á lítilræði af hassi. Dómurinn er skilorðsbundinn en með broti sínu rauf maðurinn fyrra skilorð.

Sextán mánuði fyrir vörslu á fíkniefnum

Karlmaður var í dag dæmdur í sextán mánaða fangelsi í Héraðsdómi Reykjavíkur, þar af þrjá mánuði skilorðsbundið, fyrir vörslu á rúmlega 970 grömmum af amfetamíni og um ellefu kílóum af hassi, kannabislaufum og kannabisstönglum. Efnin voru ætluð til sölu.

Byrgið ætlar í meiðyrðamál

Forsvarsmenn meðferðarheimilisins Byrgisins ætla að höfða meiðyrðamál fyrir dómstólum gegn Stöð 2 vegna umfjöllunar sjónvarpsþáttarins Kompás í gærkvöldi um Guðmund Jónsson, forstöðumann heimilisins. Hilmar Baldursson, héraðsdómslögmaður, sagði í samtali við fréttastofuna í dag, að hann myndi væntanlega á morgun leggja fram kæru á stöðina fyrir hönd stjórnar Byrgisins.

Sælla að gefa en þiggja

Sælla er aðgefa en þiggja eru gömul sannindi og ný sem 11 ára börn í Kársnesskóla í Kópavogi ákváðu að fylgja í dag. Í stað þess að skiptast á gjöfum á litlu jólunum, ákáðu þau að gefa þeim sem minna mega sín jólagjafir í staðinn. Þau fóru í Kringluna með 70 jólapakka sem þau settu undir jólatré Mæðrastyrksnefndar og Fjölskylduhjálpar Íslands.

Starfsmannavelta fyrirtækja eykst

Starfsmannavelta fyrirtækja hér á landi á árinu 2005 var 14,2% en það samsvarar því að sjöundi hver starfsmaður fyrirtækjanna hafi skipt um starf. Starfsmenn við vinnu hér á landi voru fjarverandi í tæplega 10 daga að meðaltali á árinu 2005 vegna veikinda eða slysa.

Jón HB Snorrason og Haraldur Johannessen úrskurðaðir vanhæfir

Dómari við Héraðsdóm Reykjavíkur tók varakröfu Baugsmanna til greina þegar hann úrskurðaði fyrir stuttu, að Jón HB Snorrason, saksóknari og yfirmaður efnahagsbrotadeildar Ríkislögreglustjóra og Haraldur Johannessen, ríkislögreglustjóri, væru vanhæfir til að fara með rannsókn á meintum skattalagabrotum þeirra. Aðalkröfu Baugsmanna, sem var að rannsókninni yrði hætt þar sem hún væri ólögmæt, var hins vegar hafnað.

Silfurhafi í 800 m hlaupi kvenna var karl

Komið hefur í ljós að indverski silfurverðlaunahafinn í 800 metra hlaupi kvenna á Asíuleikunum í frjálsum íþróttum er karlmaður. Hlauparinn, sem heitir Santhi Soundarajan og er 25 ára, hafði verið beðinn um að taka kynferðispróf vegna þess að úrslit hlaupsins þóttu koma á óvart. Niðurstöðurnar komu óneitanlega á óvart líka því samkvæmt þeim uppfyllti Soundarajan ekki skilyrði þess, að geta kallast kona.

Engar nýjar umsóknir frá flugumferðarstjórum fyrir kl. 14

Engar nýjar umsóknir um störf flugumferðarstjóra bárust nú fyrir klukkan tvö og því vantar enn 58 flugumferðarstjóra til starfa hjá Flugstoðum sem tekur við af Flugumferðarstjórn um áramót.

Samtök eigenda sjávarjarða stefna íslenska ríkinu

Samtök eigenda sjávarjarða hafa höfðað má á hendur íslenska ríkinu vegna deilna um eignar- og nýtingarrétt á jörðum. Um er að ræða jörðina Horn I í Hornafirði og er eigandi hennar, Ómar Antonsson, stefnandi í málinu en hann er jafnframt formaður Samtaka eigenda sjávarjarða.

Efnið sem banaði Litvinenko kostaði nær 700 milljónir

Það magn pólons-210 sem þurfti til að ráða fyrrverandi njósnarann Alexander Litvinenko af dögum kostar um 680 milljónir króna á markaði. Frá þessu greinir breska blaðið The Times og hefur eftir lögreglu.

Vilja hefja frumhönnun á Öskjuhliðargöngum á næsta ári

Borgarfulltrúar Samfylkingarinnar vilja að frumhönnun á Öskjuhliðargöngum og stokkalausn á Miklubraut verði hafin samhliða umhverfismati á Sundagöngum á næsta ári og að fasteignaskattar og holræsagjald verði lækkað.

Jólasveinar handteknir í Magasin fyrir að deila út vörum

Lögregla í Kaupmannahöfn handtók í dag í það minnsta þrjá jólasveina í verslun Magasin á Strikinu eftir að þeir reyndu að taka vörur úr hillum og deila þeim út til viðskiptavina Magasin.

Fjölmiðlar höfðu rætt við grunaðan raðmorðingja

37 ára karlmaður var handtekinn í morgun vegna morðanna á fimm vændiskonum á Suðaustur-Englandi. Breskir fjölmiðlar greina frá að hann heiti Tom Stephens og hafi unnið í stórmarkaði.

Þiggur ekki fjórða sætið af feminískum ástæðum

Varaþingmaður Vinstri - grænna í Norðausturkjördæmi ákvað í gær að þiggja ekki fjórða sætið á listanum. Hann segir ástæður þess af femínískum toga.

Hugsanlegt að enginn vöxtur verði á einkaneyslu á fjórða ársfjórðungi

Kreditkortavelta í nóvember síðastliðnum var tæplega 21 milljarður króna og jókst um 3,5 prósent milli ára samkvæmt nýbirtum tölum Seðlabankans sem greint er frá í Morgunkorni Glitnis.

Gáfu 70 jólapakka í söfnun Mæðrastyrksnefndar

Það hefur verið til siðs á litlu jólum í flestum skólum að börn skiptist á jólagjöfum. Ellefu ára börnum í Kársnesskóla fannst þau hins vegar þau fá nóg af gjöfum um jólin og ákváðu að gefa frekar gjafir til þeirra sem minna mega sín.

Skotbardagi þrátt fyrir vopnahlé

Til skotbardaga kom í miðri Gaza-borg snemma í morgun þrátt fyrir að fulltrúar Hamas- og Fatah-hreyfinga Palestínumanna hefðu samið um vopnahlé. Abbas forseti stendur við yfirlýsingu sína um að boðað verði til kosninga á næsta ári, og það þó viðræður um skipan þjóðstjórnar verði haldið áfram í vikunni.

Netsamband á að haldast eðlilegt þrátt fyrir bilanir

Vesturhluti CANTAT-þrjú,sæstrengsins á milli Íslands og Kanada bilaði aftur í morgun eftir bráðabirgðaviðgerð í gærkvöldi. Netsamband við útlönd á þó að haldast í nokkurn veginn eðlilegu horfi ef engar frekari bilanir verða.

Umfjöllun Kompáss ekki næg ástæða til rannsóknar

Umfjöllun Kompáss um Byrgið er ekki næg ástæða til sérstakrar rannsóknar segir sýslumaðurinn á Selfossi. Ólafur Ólafsson, fyrrverandi landlæknir og læknir Byrgisins, segir þær ásakanir sem fram komu í þættinum í gær, vera reiðarslag.

SVÞ vilja skýringu á samningi um öryggisgæslu á Keflavíkurflugvelli

Samtök verslunar og þjónustu hafa farið fram á skriflega skýringu frá utanríkisráðherra á þeirri ákvörðun að fela sýslumanninum á Keflavíkurflugvelli alla öryggisgæslu á Keflavíkurflugvelli, þar með talda skimun farþega og handfarangurs.

Réttarhöld yfir Hussein halda áfram

Réttarhöld yfir Saddam Hussein, fyrrverandi forseta Íraks, vegna ákæru um þjóðarmorð á Kúrdum seint á níunda áratug síðustu aldar héldu áfram í morgun eftir 11 daga hlé.

Skothríð þrátt fyrir vopnahlé

Skothríð heyrðist nærri byggingu utanríkisráðuneytisins á Gaza í morgun, að sögn vitna. Hamas- og Fatahhreyfingarnar sömdu um vopnahlé í gærkvöldi en friðurinn virðist brothættur og ekki vitað hvenær skotin þagna. Að sögn Hamas-samtakanna stóð skothríðin milli liðs Fatah og öryggisvarða innanríkisráðuneytisins.

Sleppt úr haldi í Bagdad

17 af þeim 30 sem var rænt á skrifstofu Rauða hálfmánans í Bagdad í gær hefur verið sleppt úr haldi, heilum á húfi. Þeim var sleppt á víð og dreif um borgina í gær og í dag. Flestir þeirra eru starfsmenn Rauða hálfmánans.

Fær ekki bætur fyrir að hafa runnið á blautu gólfi

Héraðsdómur Reykjavíkur hefur sýknað Bónus og Sjóvá af skaðabótakröfum manns sem rann til á gólfi Bónuss í Spönginni fyrir sex árum. Maðurinn var starfsmaður Bónuss og dag einn þegar hann kom til vinnu rann hann á blautu gólfi verslunarinnar og skall niður á annað hnéð.

Slys á nákvæmlega sama stað á Eyrarbakkavegi

Umferðarslys varð á nákvæmlega sama stað á Eyrarbakkavegi á þriðjudaginn var og í morgun. Eins og greint var frá í fréttum fyrr í morgun skemmdust fólksbíll og pallbíll mikið eftir að þeir rákust saman til móts við afleggjarann að Stokkseyrarseli.

Flughált frá Skógum að Lómagnúpi

Vegagerðin varar við flughálku frá Skógum undir Eyjafjöllum að Lómagnúpi og segir hálku víða á Suðurlandi. Þá er þoka á Hellisheiði en á Vesturlandi og Vestfjörðum er hálka eða hálkublettir.

Hamas og Fatah friðmælast

Fulltrúar Hamas-samtakanna og Fatah-hreyfingar Mahmouds Abbas, forseta Palestínumanna, hafa ákveðið að taka höndum saman til að og stilla til friðar á Gaza-svæðinu. Átök milli stuðningsmanna fylkinganna tveggja hafa blossað upp síðustu daga. Fulltrúar samtakana munu ætla að funda í vikunni og reyna að koma viðræðum um myndun þjóðstjórnar aftur af stað.

Bið á framboði

Ekki náðist samkomulag um stofnun félags um þingframboð eldri borgara á fjölmennum fundi á Hótel Borg í dag. Ákveðið var að fresta afgreiðslu þeirra tillagna sem lagðar voru fyrir fundinn í dag. Skipuð var þriggja manna nefnd til að vinna áfram með málið og boðað til fundar aftur í janúar.

Flugdólg hent úr vél í Halifax

Íslenskur karlmaður, sem lét ófriðlega í flugvél á leið frá Kúbu til Íslands í gær, var skilinn eftir ásamt konu sinni í Halifax í Kanada. Maðurinn mun hafa angrað áhöfn og farþega og barið konu sína þegar hún reyndi að róa hann.

Makalausar veislur til vandræða

Jólin eru hátíð ljóss og friðar en á aðventunni hafa prestar í nógu að snúast við að hjálpa pörum sem rata í vanda. Makalaus vinnustaðapartí koma þar við sögu.

Loftið lævi blandið

Sú ákvörðun Mahmoud Abbas, forseta Palestínu, að boða til kosninga til að binda enda á valdabaráttuna á milli Fatah og Hamas virðist hafa verkað sem olía á þann ófriðareld sem nú brennur í Palestínu.

Ungir ökumenn orsaka fjölda banaslysa

Ungir ökumenn eiga stóran þátt í alvarlegustu umferðarslysunum sem orðið hafa á þessu ári. Upplýsingafulltrúi Umferðarstofu kallar eftir ábyrgð foreldra í þessum efnum. Þrjátíu manns á aldrinum fimm til áttatíu og átta ára hafa látist í 27 umferðarslysum það sem af er árinu 2006. Þetta er mesti fjöldi banaslysa síðan árið 2000 þegar 32 létust.

Óttuðust stórslys

Hluta miðbæjarins í Vestmannaeyjum var lokað í gærkvöld þegar eldur kviknaði í Fiskimjölsverksmiðju Ísfélagsins. Ediksýra í tonnavís var geymd í húsinu og óttuðust menn mjög að stórslys hlytist af.

Ætla ekki að gefast upp

Miðborg Kaupmannahafnar logaði í óeirðum í gærkvöld og varð lögregla að beita táragasi til að dreifa hundruðum manna sem mótmæltu lokun félagsmiðstöðvar. Íslensk kona sem var á vettvangi átakanna fylgdist með þegar bensínsprengjum var kastað í allar áttir.

Tvö vinnuslys á Kárahnjúkum í gær

Ekkert lát virðist vera á vinnuslysum við Kárahnjúka, en tvö slys urðu þar í gær. Vinnueftirlitið vill stöðva framkvæmdir þar til búið er að gera úrbætur í öryggismálum. Fyrra slysið í gær varð með þeim hætti að kínverskur verkamaður fékk ofan á sig steypuklump þar sem verið var að steypusprauta göng, en síðan féll maður niður úr stiga. Hvorugur er alvarlega slasaður en báðir voru fluttir á sjúkrahús.

Eldri borgarar ræða framboð

Fjölmennur fundur vegna mögulegs framboðs eldri borgara fyrir Alþingiskosningarnar á næsta ári stendur nú á Hótel Borg. Tillaga að framboði eldri borgara var samþykkt með miklum meirihluta á fundi Félags eldri borgara í Reykjavík fyrir helgi.

Berlusconi undir hnífinn í Bandaríkjunum

Silvio Berlusconi, fyrrverandi forsætisráðherra Ítalíu, er á leið til Bandaríkjanna þar sem hann mun gangast undir hjartaaðgerð. Berlusconi, sem er sjötugur, leið útaf á fundi með stuðningsmönnum sínum í síðasta mánuði og kom þá hjartakvilli í ljós.

30 starfsmönnum Rauða hálfmánans rænt í Írak

Byssumenn rændu 30 starfsmönnum Rauða hálfmánans í Bagdad, höfuðborg Íraks, í dag. Mannræningjarnir óku í ofboði að höfuðstöðvum hjálparsamtakana, réðust inn og rændu karlkyns starfsmönnum og gestkomandi.

Sprengingar við skrifstofu Abbas

Tvær sprengingar heyrðust nærri skrifstofum Mahmouds Abbas, forseta Palestínumanna, á Gaza-svæðinu í dag. Reuters-fréttastofan greinir frá og segir að nokkrir hafi særst. Ekki er vitað hvort nokkur hafi týnt lífi í sprengingunum. Abbas var fjarverandi en hann er staddur á Vesturbakkanum.

Cantat-3 jafnvel óvirkur í 2 til 3 vikur

Hugsanlegt er að Cantat-3 sæstrengurinn verði óvirkur í 2 til 3 vikur. Bilun er í stengnum milli Íslands og Kanada, um 1500 km vestur af Íslandi á um 3000m dýpi. Líklegt er að kalla þurfi út viðgerðarskip vegna bilunarinnar.