Margret Thatcher lögð inn á sjúkrahús í gær

Margaret Thatcher, fyrrverandi forsætisráðherra Bretlands, var flutt á sjúkrahús í London í gær eftir að hún fékk aðsvif á hárgreiðslustofu. Thatcher er enn á sjúkrahúsinu og hefur undirgengist rannsóknir í nótt, en ekki er útilokað að hún útskrifist í dag.

Stórum hluta af Gautaborg lokað vegna tundurdufls

Stórum hluta af Gautaborg í Svíþjóð var lokað í nótt eftir að fiskibátur hafði komið til hafnar með það sem lögreglu grunar að sé tundurdufl úr síðari heimsstyrjöldinni.

62 látnir í námuslysi í Kína

62 létust og þrettán eru enn innilokaðir eftir enn eina námusprenginguna í Kína í nótt. Sprengingin varð í einkarekinni námu í Hebei-héraði. Tæplega tvö hundruð starfsmenn voru inni í námunni þegar slysið varð, 82r komust út af sjálfsdáðum en 32 var strax bjargað.

SAS hyggst fljúga milli Keflavíkur og Oslóar

SAS-Braathens, sem er norski armur SAS samsteypunnar, tilkynnti í gærkvöldi að félagið ætlaði að hefja áætlunarflug á milli Oslóar og Keflavíkur frá og með 26. mars og fljúga hingað þrisvar í viku.

Skutu geðveikan mann til bana á Miami-flugvelli

Alríkislögreglumaður skaut geðveikan mann til bana á flugvellinum á Miami í Bandaríkjunum í gærkvöld eftir að hann sagðist vera með sprengju á sér. Maðurinn var um borð í flugvél American Airlines, sem var nýlega lent. Hann sagðist vera með sprengju í bakpokanum sínum og lagði síðan á flótta inn landganginn.

Sprengingar í Bangladess

Minnst fimm létust og fimmtíu eru sárir eftir tvær sprengingar í norðurhluta Bangladess í morgun. Sprengjurnar tvær sprungu með aðeins nokkurra mínútna millibili og allt bendir til að um hryðjuverk sé að ræða.

Vill að Fjármálaeftirlitið kanni viðskipti KB banka

Íbúðalánasjóður hefur óskað eftir því að Fjármálaeftirlitið kanni hvort viðskipti KB banka með skuldabréf Íbúðalánasjóðs rétt fyrir lokun markaða hinn 22. nóvember síðastliðinn stangist á við ákvæði laga um verðbréfaviðskipti og samræmis góðum viðskiptaháttum.

Bankarnir tóku skellinn

Viðskiptabankar þeirra sem urðu fyrir því að stolið var úr heimabönkum þeirra bættu þeim að fullu þær fjárhæðir sem stolið var, samkvæmt upplýsingum Fréttablaðsins. Um samtals rúmar tvær milljónir króna er að ræða í fjórum málum sem lögreglan í Reykjavík hefur nú til rannsóknar.

Rauð jól í Reykjavík

Jólin verða rauð með hvítum flekkjum á höfuðborgarsvæðinu segir Sigurður Þ. Ragnarsson, jarð- og veðurfræðingur. Norðlendingar geta hins vegar átt von á hvítum jólum. Austan- og vestanlands verða jólin ekki snjóþung en gætu þó orðið hvít.

Millifærði þýfi inn á tvo einkareikninga

Maðurinn sem situr í gæsluvarðhaldi, grunaður um þjófnað úr heimabönkum fólks, millifærði þýfið inn á tvo reikninga sem eru í eigu hans. Lögreglan ber til baka fréttir þess efnis að umræddur maður sé aðeins milliliður í málinu.

Reynir að taka af tvímæli um stefnuna

Condoleezza Rice, utanríkisráðherra Bandaríkjanna, reyndi í gær að taka af öll tvímæli um stefnu Bandaríkjastjórnar hvað varðar harka­legar aðferðir við yfirheyrslu. Lýsti hún því yfir að enginn starfsmaður bandarískra stofnana mætti beita fólk niðurlægjandi meðferð, hvort sem væri í eigin landi eða erlendis.

Klagar KB banka

Stjórn Íbúðalánasjóðs ákvað í gær að beina því til Fjármálaeftirlitsins að taka viðskipti KB banka með skuldabréf Íbúðalánasjóðs 22. nóvember síðastliðinn til athugunar. Á eftirlitið að kanna hvort viðskiptin stangist á við lög um verðbréfaviðskipti eða samræmist góðum viðskiptaháttum.

Hafa tekið stríðsfanga

Norskir hermenn hafa tekið stríðsfanga í Afganistan eða átt þátt í slíkum handtökum. Þetta hefur Verdens Gang fengið staðfest í norska varnarmálaráðuneytinu. Ekki hefur verið gefið upp hver fjöldinn er.

Segja hermenn í uppreisnarhug

Níu liðhlaupar frá Norður-Kóreu, sem segjast vera úr sérsveit hers norðanmanna, sögðu í gær að félagar þeirra í her alþýðulýðveldisins væru að missa móðinn vegna ástandsins þar, og myndu gera uppreisn nema kommúnistastjórnin í Pyongyang loki fangabúðum þar sem pólitískur fangar eru geymdir og taki sig á í mannréttindamálum.

Flestir búa enn í tjöldum

Næstum ári eftir að flóðbylgjan skall á löndum við Indlandshaf búa enn langflestir þeirra sem misstu heimili sín í hamförunum í neyðarskýlum eða tjaldbúðum. Þetta er niðurstaða bandarískrar könnunar sem gerð var á Indlandi, á Sri Lanka og norðurhluta Súmötru í Indónesíu sem varð einna verst úti.

Gagnrýni leysir ekki vandann

"Stofnunin er í mjög erfiðri stöðu og nauðsynlegt er að gera róttækar breytingar á skipulagi byggðamála eigi þau að skila tilætluðum árangri." Þetta segir í tilkynningu frá Sigurði H. Helgasyni, framkvæmdastjóra ráðgjafafyrirtækisins Stjórnhátta ehf.

Níu bílaþjófar af tíu sleppa

Aðeins tekst að hafa hendur í hári bílþjófa í einu tilviki af hverjum tíu, að sögn Geirs Jóns Þórissonar, yfirlögregluþjóns hjá lögreglunni í Reykjavík.

Verulega dregur úr vaxtabyrði ríkisins

Fjárlagafrumvarpið varð að lögum á Alþingi í gær. Stjórnarandstaðan segir ójöfnuð og ójafnvægi einkenna fjárlögin en stjórnarliðar telja þau harla góð og benda á milljarða króna aukningu framlaga til mennta- og menningarmála.

Var seld án skilmála um friðun

Nýr eigandi Heilsuverndarstöðvarinnar við Barónsstíg, byggingafyrirtækið Mark-hús, vill ekki enn upplýsa hvað það hyggst fyrir með Heilsuverndarstöðina. Eigandi Mark-húss, Markús Már Árnason, segir að upplýsingar um þeirra áætlanir séu í fyrsta lagi væntanlegar eftir áramót.

Leikskólagjöld eiga að lækka

Gert er ráð fyrir í nýrri fjárhagsáætlun Reykjavíkurborgar sem samþykkt var í fyrradag að leikskólagjöld í borginni lækki strax eftir næstu áramót. Mun almennt leikskólagjald fyrir átta tíma vistun þannig lækka um fimm þúsund á mánuði eða 55 þúsund krónur á ári.

Heimildarmaðurinn ákærður

Einn af leynilegum heimildarmönnum sænsku lögreglunnar hefur verið handtekinn og ákærður fyrir þátttöku í árás á brynvarðan peningaflutningabíl Securitas í Stokkhólmi í lok ágúst. Ræningjarnir höfðu hátt í 250 milljónir upp úr krafsinu.

Kjósendur ráku borgarstjórann

Borgarstjóra Spokane í Washingtonríki í Banda­ríkj­unum hefur verið vikið úr em­bætti í sér­stök­um kosn­ing­um. Borgarstjórinn, sem heitir James E. West og er 54 ára, var sakað­ur um að hafa boð­ið ung­um mönn­um sem hann hitti á homma­spjall­rás­um netsins bæði störf og smá­greiða.

Háskólinn fær skammir

Umboðsmaður Alþingis hefur beint þeim tilmælum til Háskóla Íslands að fjallað verði á nýjan leik um mál sérfræðings, sem starfar hjá Háskólanum, vegna einhliða ákvörðunar stofnunarinnar um að fella niður fasta yfirvinnu hjá honum. Háskólinn skuli bregðast við með þessum hætti óski sérfræðingurinn þess.

Börn viðkvæm fyrir svifryki

Börn eru viðkvæmari en aðrir fyrir svifryksmengun. Í Reykjavík hefur mengunin tuttugu sinnum farið yfir heilsuverndarmörk á þessu ári. Takmörkun á umferð er ein lausn á vandanum.

Segir landlækni fara með rangt mál

Læknafélag Íslands hefur kært Jóhann Tómasson lækni til siðanefndarinnar fyrir grein sem birtist í Læknablaðinu um Kára Stefánsson, forstjóra Erfðagreiningar. Jóhann segir yfirlýsingu landlæknis um að leyfi Kára sé fullgilt rangt.

Samsæri gagnvart útrásinni

Jón Helgi Guðmunds­son, stjórnarformaður Byko, hafnar samstarfi við íslensku verkalýðshreyfinguna í Eystrasaltslöndunum. Hann segir að íslensku fyrirtækin Byko Lat og CED séu þekkt fyrir að búa vel að sínum starfsmönnum og hafi ekkert með samstarf við íslensku verkalýðshreyfinguna að gera.

Prófkjör hjá sjálfstæðismönnum á Akureyri í febrúar

Fulltrúaráð Sjálfstæðisfélaganna á Akureyri ákvað á fundi sínum í kvöld að efna til prófkjörs vegna vals á framboðslista flokksins í komandi sveitarstjórnarkosningum. Prófkjörið verður haldið 11. febrúar næstkomandi. Frestur til að tilkynna þátttöku rennur út 16. janúar.

Lokka fólk austur

Bæjaryfirvöld í Fjarðabyggð ætla að lokka til sín fólk af suðvesturhorninu með því að byggja upp íþróttamannvirki fyrir fjárhæð sem samsvarar einni milljón króna á hverja fjölskyldu í bæjarfélaginu. Stærsta íþróttahöll Austurlands og ný sundlaug eru meðal þess sem á að fá fólk til að flytja austur.

Efni í sálfræðiathugun

Þingmaður vinstri grænna segir afstöðu ríkisstjórnarinnar til Mannréttindaskrifstofu Íslands viðfangsefni fyrir sálfræðinga. Þingheimur samþykkti fjárlögin með 28 atkvæðum. Tuttugu og fjórir þingmenn sátu hjá. Meirihlutinn felldi allar breytingartillögur minnihlutans.

Íslendingar eiga erfitt með að fóta sig í dönskunni

Margir Íslendingar í Danmörku eiga í erfiðleikum með að fóta sig í dönskunni og tala ensku í staðinn. Geti þeir stundað nám sitt á ensku hafa þeir minni þörf fyrir dönskuna í daglega lífinu. Sighvatur Jónsson, fréttamaður NFS, kannaði tungu Íslendinga í Danmörku.

Kristinn gagnrýndi Davíð

Kristinn H. Gunnarsson, þingmaður framsóknarmanna, gagnrýndi yfirlýsingar Davíðs Oddssonar seðlabankastjóra um Íbúðalánasjóð harðlega í lok fjárlagaumræðunnar í nótt. Kristinn sagði að bankastjórinn talaði eins og stjórnmálamaður og spurði hvort búast mætti við því að hann færi að gefa út línu varðandi aðra þætti viðskiptalífsins.

Bara nýgreind börn fá aðstoð

Foreldrar barna, sem greinast með alvarlega og langvinna sjúkdóma eftir næstu áramót, geta fengið tímabundna fjárhagsaðstoð vegna vinnutaps, en ekki foreldrar barna, sem þegar hafa fengið sjúkdómsgreiningu. Þetta kemur fram í frumvarpi ríkisstjórnarinnar sem lagt var fram í byrjun desember.

Sveltir sig vegna bágra kjara

Tæplega sjötug kona sem er öryrki vegna geðsjúkdóms er nú í hungurverkfalli vegna kjara sinna og annarra öryrkja. Hún kveðst ekki ætla að hætta sveltinu nema kjör öryrkja og aldraðra verði gerð mannsæmandi. Sonur hennar segir baráttu öryrkja við kerfið, erfiðari en baráttu öryrkja við sjúkdóma.

Margret Thatcher flutt á sjúkrahús

Margret Thatcher, fyrrverandi forsætisráðherra Bretlands, var flutt á sjúkrahús í London um fimmleytið í dag eftir að hún fékk aðsvif á hárgreiðslustofu. Thatcher mun dvelja á sjúkrahúsinu að minnsta kosti í nótt og undirgangast rannsóknir til að hafa varan á, en mun að öllum líkindum útskrifast á morgun.

Öryrki í mótmælasvelti

Öryrki í Reykjavík er í mótmælasvelti vegna bágra kjara öryrkja - og segir hungurverkfall einu mótmælin sem öryrkjar hafi efni á.

Farþegi sem sagðist vera með sprengju skotinn til bana

Farþegi um borð í flugvél American Airlines á flugvellinum á Miami í Bandaríkjunum var skotinn til bana fyrr í kvöld eftir að hann sagðist vera með sprengju á sér. Hermenn sem höfðu umkringt vélina skutu manninn þegar hann reyndi að flýja inn í flugstöðvarbygginguna.

Óháðir sérfræðingar beri saman skýrslur

Heilbrigðisráðherra hefur ákveðið að fá óháða sérfræðinga til að bera saman nýlegar skýrslur um öryrkja á Íslandi. Hann segir skýrslu Stefáns Ólafssonar fela í sér ónákvæman og villandi samanburð og hefur sent frá sér langa greinargerð um málið.

Eldur í tjaldi á hamfarasvæðunum í Pakistan

Sjö létust, þar af fjögur börn, þegar eldur kviknaði í tjaldi á hamfarasvæðunum í norðurhluta Pakistans í gærkvöld. Samkvæmt fréttum AP kviknaði í tjaldinu úr frá kerti og létust fjórir á staðnum en þrír á sjúkrahúsi skömmu síðar.

Íslendingar taka að sér stjórn flugvallarins í Kabúl

Ríkisstjórnin hefur fallist á beiðni Atlantshafsbandalagsins um að taka að sér stjórn flugvallarins í Kabúl í Afganistan. Íslendingar munu gegna víðtæku ráðgjafarhlutverki við uppbyggingu flugvallarins og víðtækara hlutverki en þeir hafa áður gegnt.

Menntamálaráðuneytið snuprar Félag framhaldsskólakennara

Forysta Félags framhaldsskólakennara þarf að læra að fara rétt með staðreyndir. Einungis með því móti þjónar hún hagsmunum umbjóðenda sinna og skólasamfélagsins alls. Þetta kemur fram í yfirlýsingu sem menntamálaráðuneytið sendi frá sér fyrir stundu í tilefni ályktunar framhaldsskólakennara frá því í fyrradag.

Nýtum ekki refsiheimildir

Heimild í íslenskum lögum til að sækja fólk til saka fyrir kynferðisglæpi sem það fremur erlendis hefur aldrei verið nýtt. Nágrannalönd okkar hafa þó lagt áherslu á að taka hart á slíkum málum.

Flugvél hrapaði undan ströndum Kanada

Flugvél hrapaði í hafið út af austurströndum New Brunswick-héraðs í Kanada í dag. Fyrstu fréttir hermdu að vélin hafi verið fjögurra hreyfla Herkúles flutningavél en talsmenn kanadíska hersins segja hinsvegar að engrar slíkrar vélar sé saknað. Mögulegt er því að um minni vél hafi verið að ræða. Málið er í rannsókn.

Fræðsla um kynferðisofbeldi gegn börnum rædd á Alþingi

Fræðsla um kynferðisofbeldi gegn börnum í Kennaraháskóla Íslands er mjög ábótavant, sagði Ágúst Ólafur Ágústsson, þingmaður Samfylkingar, á Alþingi í dag. Menntamálaráðherra svaraði því til að nú þegar fái allir nemendur Kennaraháskólans víðtæka kennslu hvað þetta varðar, bæði í kjarna- og valnámskeiðum.

Ríkið borgar sveitarfélögunum

Tekjur sveitarfélaganna aukast um 200 milljónir króna þegar ríkið fer í fyrsta sinn að greiða fasteignagjöld af húsnæði í sinni eigu. Ríkisvaldið hefur hingað til ekki þurft að greiða sveitarfélögum fasteignagjöld af eignum sínum. Þetta breytist hins vegar um áramót vegna samkomulags sveitarfélaganna og ríkisins um tekjustofna sveitarfélaga.

Ríkisstjórnin með stefnu gegn landsbyggðinni?

Tillaga um að veita fé til Byggðastofnunar var felld á Alþingi fyrir stundu. Steingrímur J. Sigfússon, formaður Vinstri grænna, sagði það ótrúlegt að ríkisstjórnin ætli að ljúka þingstörfum fyrir jól án þess að bæta eiginfjár stöðu stofnunarinnar. Sigurjón Þórðarson, þingmaður Frjálslynda flokksins, gagnrýndi einnig ríkisstjórnina fyrir að aðstoða Byggðastofnun ekki til að rétta af fjárhaginn og sagði stjórnina reka stefnu gegn landsbyggðinni.