Talstöðin FM 90,9 í loftið

Ný útvarpsstöð, Talstöðin, hefur útsendingar í dag. Útvarpsstöðin sendir út á tíðininni FM 90,9. 

Sjálfstæðismenn vilja úttekt

Borgarfulltrúar Sjálfstæðisflokksins vilja að Innri endurskoðun Reykjavíkurborgar geri úttekt á þeim stjórnkerfisbreytingum sem staðið hafa yfir frá því sumarið árið 2002. Tillaga þessa efnis var lögð fyrir borgarráð í gær en afgreiðslu hennar frestað.

Laug um dauða eiginmannsins

Fjölmiðlar í Colorado í Bandaríkjunum sögðu nýlega sorglega sögu af 24 ára gamalli konu sem lýsti því á harmrænan hátt hvernig eiginmaður hennar lést í átökum í Írak.

Sýknaður af ákæru um kynferðisbrot

Hæstiréttur hefur sýknað karlmann af ákæru fyrir kynferðisbrot gegn stúlku á árunum 1990 til 1994 en þá var stúlkan 9 til 13 ára gömul. Héraðsdómur Reykjavíkur hafði áður dæmt manninn í tveggja ára fangelsi og til að greiða 800 þúsund krónur í bætur.

Embættismanni rænt í Írak

Uppreisnarmenn í Írak rændu í morgun hátt settum embættismanni innan bráðabirgðastjórnarinnar í Írak. Maðurinn var numinn á brott úr bíl sínum í suðurhluta Baghdad. Þá bárust fregnir af því að fréttamaður sjónvarpsstöðvar, sem Bandaríkjamenn fjármagna í Írak, hefði verið myrtur í borginni Basra í morgun.

Níu látnir í kolanámuslysi

Níu manns hafa fundist látnir og sautján er saknað eftir sprengingu í kolanámu í Rússlandi í morgun. Þrjátíu manns voru inni í námunni til þess að kanna orsök reyks sem frá henni barst. Fjórir sluppu með minni háttar meiðsl.

Lykketoft segir af sér

Mogens Lykketoft, oddviti stjórnarandstöðunnar í Danmörku, hefur sagt af sér í kjölfar kosninganna í Danmörku í gær, en þar hélt ríkisstjórn Anders Foghs Rasmussens, formanns Venstre, velli. Undir stjórn Lykketofts fengu Jafnaðarmenn eitt minnsta fylgi í áratugi. Lykketoft sagði afsögn hafa verið sinn eina kost í stöðunni.

Óvíst með frekari leit

Ekkert hefur verið ákveðið um frekari leit að skipverjunum tveimur sem enn er saknað eftir að Jökulfellið sökk norðaustur af Færeyjum í fyrrakvöld. Leitarskilyrði á svæðinu eru slæm vegna veðurs og verður staðan metin aftur þegar líður á daginn.

Rán í öðrum söluturni

Enn var framið vopnað rán í söluturni seint í gærkvöldi og nú í söluturni í Mjódd. Ræninginn var hettuklæddur með sólgleraugu og lét skína í einhvers konar barefli. Að kröfu hans lét afgreiðslumaðurinn hann hafa reiðufé og hvarf hann á braut með það. Hann er ófundinn. Í fyrrakvöld var framið svipað rán í söluturni í Grafarholti og er ræninginn þaðan líka ófundinn.

Enn finnast fórnarlömb í Indónesíu

Meira en þúsund lík hafa fundist að undanförnu í Indónesíu í kjölfar hamfaranna á annan í jólum, að sögn þarlendra stjórnvalda. Þar með er staðfest að meira en 115 þúsund manns hafi látist í landinu í kjölfar hamfaranna. Á bilinu 26 til 140 þúsund manna er enn saknað, en ekki er tímabært að bæta þeirri tölu við tölu látinna, að sögn embættismanna sem eru við störf á hamfarasvæðunum.

Sluppu vel í hörðum árekstri

Ökumenn jeppa og fólksbíls sluppu lítið meiddir þegar bílar þeirra skullu mjög harkalega saman á Norðurlandsvegi í Austur-Húnavatnssýslu í gær. Báðir bílarnir eru taldir gjörónýtir og þykir mildi hversu vel ökumennirnir sluppu, en þeir voru einir í bílum sínum. Áreksturinn varð með þeim hætti að öðrum bílnum var ekið inn á þjóðveginn í veg fyrir hinn bílinn sem þar var á fullri ferð.

Gríðarleg flóð í Venesúela

Neyðarástand ríkir nú víða í Venesúela vegna gríðarlegra flóða undanfarna daga. Að minnsta kosti fimm manns hafa látið lífið og þúsundir hafa þurft að yfirgefa heimili sín vegna flóðanna. Í höfuðborginni Karakas ríkir nú neyðarástand og þar hafa hús jafnast við jörðu og umferð legið niðri eftir að ár flæddu yfir bakka sína í kjölfar mikilla rigninga.

Tíu slasast í sprengingu í Madríd

Að minnsta kosti tíu manns hafa verið fluttir á sjúkrahús í kjölfar sprengingar sem varð nærri ráðstefnuhöll í Madríd í morgun. Enginn slasaðist þó alvarlega að sögn spænskra fjölmiðla. Aðskilnaðarsamtök Baska, ETA, hafa lýst yfir ábyrgð á tilræðinu og vöruðu talsmenn samtakanna baskneskt dagblað við hættunni skömmu áður en sprengjan sprakk.

Loðnan fundin undan Ingólfshöfða

Loðnuskipin hafa nú fundið loðnu vestan við Ingólfshöfða eftir að hún hvarf af Austfjarðamiðum í brælunni á mánudag. Þónokkur skip eru þar nú en veður er ekki ákjósanlegt og torfurnar ekki stórar. Það er helst að afli fáist alveg upp undir fjörunni.

Tölvuflögur notar gegn flogveiki

Taugasérfræðingar í Bandaríkjunum kunna að hafa tekið fyrsta skrefið að meðhöndlun flogaveiki án lyfja. <em>The Economist</em> greinir frá niðurstöðum nýrrar rannsóknar sem bendir til þess að með því að græða tölvuflögur í taugafrumur sé hægt að hafa hemil á ofvirkni þeirra, sem er orsök flogaveikiskasta.

Íranar leita liðsinnis Japana

Utanríkisráðherra Írans hefur beðið Japana um að miðla málum milli Bandaríkjanna og Írans vegna kjarnorkuáætlunar hinna síðarnefndu. Evrópusambandið hefur undanfarin misseri reynt að ná samningum við Íran um að hætta að framleiða kjarnorkueldsneyti sem hægt er að nota til þess að framleiða kjarnorkusprengjur.

Meira en þrjátíu sárir í Madríd

Nú er ljóst að yfir þrjátíu manns særðust í mikilli sprengingu sem varð á torgi nærri ráðstefnuhöll í Madríd í morgun. Aðskilnaðarsamtök Baska, ETA, hafa lýst yfir ábyrgð á tilræðinu og vöruðu talsmenn samtakanna baskneskt dagblað við hættunni skömmu áður en sprengjan sprakk.

70 prósent telja Ingibjörgu hæfari

Sjötíu prósent samfylkingarfólks telja Ingibjörgu Sólrúnu Gísladóttur hæfari en Össur Skarphéðinsson, til að gegna formennsku í Samfylkingunni. Sextíu prósent sjálfstæðismanna telja Össur hins vegar hæfari til starfans. Þetta kemur fram í niðurstöðum nýrrar skoðanakönnunar sem Gallup gerði fyrir Mannlíf í janúar og birtist í nýjasta tölublaði þess.

Segir frágang farms ófullnægjandi

Allar líkur benda til þess að frágangur á farmi Jökulfells, sem hvolfdi og sökk norðaustur af Færeyjum í fyrrakvöld, hafi verið ófullnægjandi þannig að farmurinn hafi kastast út í aðra síðu skipsins og valdið slysinu.

Rice hótar Írönum refsiaðgerðum

Utanríkisráðherra Írans hefur beðið Japana um að miðla málum milli Bandaríkjanna og Írans vegna kjarnorkuáætlunar hins síðarnefnda. Condoleezza Rice hótar Írönum refsiaðgerðum.

Kvartettinn hittist í Lundúnum

Miðausturlandakvartettinn svokallaði mun hittast í Lundúnum fyrsta mars næstkomandi til að ræða friðarferlið í Miðausturlöndum og efnahagsaðstoð við Palestínumenn.

Sakfelldur fyrir nefbrot

Héraðsdómur Reykjavíkur dæmdi í dag mann á tvítugsaldri í tveggja mánaða skilorðsbundið fangelsi fyrir að nefbrjóta sautján ára dreng fyrir utan Menntaskólann við Hamrahlíð í apríl síðastliðnum. Þá er honum einnig gert að greiða fórnarlambinu hundrað þúsund krónur í skaðabætur.

Sjálfstæðismenn með langmest fylgi

Sjálfstæðismenn bera höfuð og herðar yfir aðra flokka á höfuðborgarsvæðinu samkvæmt nýrri skoðanakönnun Frjálsrar verslunar. Framsóknarflokkurinn mælist í annað sinn á einni viku með um fimm prósenta fylgi í höfuðborginni.

Vírusar leggist á síma og bílvélar

Vírusar verða ekki bundnir við tölvur í framtíðinni, heldur gætu þeir einnig átt eftir að leggjast á síma og bílvélar svo fátt eitt sé nefnt. Þetta kemur fram í niðurstöðum nýrrar skýrslu sem öryggisdeild IBM gerði og verður birt í dag.

Færði kærustunni pítsu með þyrlu

Það er afskaplega rómantískt að nota þyrlu til þess að tryggja að pítsan sem maður er að færa kærustunni sé nógu heit. Og því skyldu menn gera veður út af því?

Skilur ákvörðun Lykketofts

Formaður danska Jafnaðarmannaflokksins, Mogens Lykketoft, ætlar að hætta í kjölfar slæmrar útkomu flokksins í þingkosningunum í gær. Forsætisráðherrann hrósar sigri og segist skilja ákvörðun höfuðandstæðings síns. Ríkisstjórn Dana bætir við sig einu þingsæti.

Einkaviðtal við Halldór í kvöld

Halldór Ásgrímsson forsætisráðherra talar út um Íraksmálið í einkaviðtali sem hann féllst á að veita fréttastofu Stöðvar 2 og Bylgjunnar. Í viðtalinu, sem verður sýnt í fréttatíma Stöðvar 2 og í Íslandi í dag í kvöld, skýrir hann í fyrsta sinn frá því hvað nákvæmlega varð til þess að nafn Íslands lenti á lista þeirra þjóða sem studdu innrás Breta og Bandaríkjamanna í Írak.

Markið sett á 2015

Hægt er að ná svokölluðum þróunarmarkmiðum árþúsundsins árið 2015 með samhentu átaki alþjóðasamfélagsins. Þetta var meðal niðurstaðna fundar um sjálfbæra þróun sem haldinn var í Delí á Indlandi dagana 3. til 6. febrúar.

Forleggjarar gefa milljón

Félag íslenskra bókaútgefenda hefur gefið eina milljón króna til hjálparstarfs ABC barnahjálpar vegna hamfaranna við Indlandshaf. Sigurður Svavarsson formaður félagsins og Benedikt Kristjánsson framkvæmdastjóri afhentu Guðrúnu Margréti Pálsdóttur, frumkvöðli ABC barnahjálpar, upphæðina í janúar.

Japanar styðja ESB í Íransmáli

Japanar styðja Evrópusambandið í viðleitni sinni við að fá Írana til að hætta að framleiða kjarnorkueldsneyti. Þetta sagði utanríkisráðherra Japans eftir fund með írönskum starfsbróður sínum í Japan í dag. Viðræður Írana og Evrópusambandsins um kjarnorkumál Írans hófust á ný í gær en í nóvember síðastliðnum féllust Íranar á að hætta tímabundið framleiðslu kjarnorkueldsneytis.

Egypskur sendiherra til Ísraels

Egyptar hyggjast senda aftur sendiherra til Ísraels innan tíu daga en þeir hafa ekki haft sendiherra í landinu frá því að uppreisn Palestínumanna gegn Ísraelum hófst fyrir fjórum árum. Þetta undirstrikar enn frekar vænlegri friðarhorfur fyrir botni Miðjarðarhafs, en eins og kunnugt er boðuðu bæði leiðtogar Ísraela og Palestínumanna vopnhlé á fundi í Egyptalandi í gær.

Farmurinn líklega orsökin

"Rannsókn stendur yfir og á meðan svo er vil ég ekki fara út í getgátur um hvað fór úrskeiðis þegar slysið átti sér stað," segir Claus Thornberg, framkvæmdastjóri Tesma-skipafélagsins, en það félag sá um rekstur og mönnun MS Jökulfells, sem sökk á mánudagskvöldið með þeim afleiðingum að fjórir létust og tveir eru taldir af.

Ólga meðal almennings í Bretlandi

Methagnaður hjá olíufélögunum Shell og BP í Bretlandi hefur valdið mikilli ólgu meðal þarlendra neytenda sem þykir sýnt að gríðarlegur hagnaðurinn sé bein afleiðing hárrar álagningar fyrirtækjanna á bensín og olíur.

Brýn verkefni víðar en á Reykjanes

"Réttlætingin fyrir því að frekari tvöföldun Reykjanesbrautarinnar var ákveðin þrátt fyrir að annars staðar sé umferð meiri og þyngri er fyrst og fremst vegna öryggisþátta," segir Sturla Böðvarsson samgönguráðherra. Ákveðið hefur verið að bjóða það verk út í vor meðan vegir á borð við Vesturlandsveg og Suðurlandsveg bíða seinni tíma.

Samkomulag um verð á hjartalyfi

Samkomulag hefur náðst milli lyfjaverðsnefndar og lyfjafyrirtækisins Actavis um verðlagningu á nýju hjartalyfi sem kemur á markað innan skamms.

Ferðaþjónusta skilar fátækum litlu

Vestrænir aðilar, hótelkeðjur og afþreyingarfyrirtæki hvers konar, hirða megnið af því fé sem vestrænir ferðalangar skilja eftir í mörgum af þeim fátækari löndum heims sem eru vinsæl meðal erlendra ferðamanna og er því ferðaþjónusta víða ekki að skila þeim tekjum í ríkiskassann sem margir hafa reitt sig á.

Alnæmislyf prófuð á fólki

Tilraunalyf gegn HIV-veirunni sem veldur alnæmi eru nú reynd á fólki á Indlandi en Indverjar eru meðal þeirra þjóða þar sem alnæmisfaraldurinn er hvað verstur og er talið að allt að 5,5 milljónir manna séu sýktar.

Um 1,5 - 2 milljarðar í fangelsin

Stefnt er að því að byggja eitt fangelsi og endurbæta stórlega þrjú til viðbótar fyrir 1,5-2 milljarða króna, að sögn forstjóra Fangelsismálastofnunar. Það er sama fjárhæð og upprunalega var gert ráð fyrir að bygging Hólmsheiðarfangelsis myndi kosta. </font /></b />

Engar nærur takk!

Táningar og ungmenni í Virginíu í Bandaríkjunum gætu mörg hver þurft að endurskoða fatasmekk sinn eftir að ríkisþingið samþykkti að sekta alla þá sem létu skína í nærbuxur sínar eða g-strengi á almannafæri.

Tveir hópar á eina neyðarmóttöku

Ef sú leið verður farin að setja ekki á fót sérhæfða móttöku fyrir þolendur heimilisofbeldis heldur nýta neyðarmóttöku fyrir þolendur nauðgana fyrir báða hópana verður að tryggja meira fjármagn í þá móttöku, að mati Ágústs Ólafs Ágústssonar alþingismanns, sem segir að þegar komi að baráttu gegn heimilisofbeldi þá þurfi hún að njóta forgangs.</font />

Eldur í bræðslu í Grindavík

Slökkviliðsmenn berjast nú við eld sem kviknaði í bræðslunni Fiskimjöli og Lýsi í Grindavík, sem er í eigu Samherja, á fjórða tímanum. Sjónarvottar segjast hafa heyrt öfluga sprengingu í upphafi og í kjölfarið hafi þykkur reykur stigið upp frá húsnæði fyrirtækisins. Ljóst er að þetta er stórbruni og hefur slökkvilið víða að verið kallað á staðinn en ekki er ljóst á þessari stundu hvað olli sprengingunni.

Snuð tekin af markaði

Komið hefur í ljós við eftirlit á Norðurlöndum að þrjár tegundir af snuðum eru það hættulegar að þær verða teknar af markaði. Þetta kemur fram í tilkynningu frá norrænu ráðherranefndinni. Um er að ræðs snuð af gerðunum <em>Baby Nova</em>, <em>Stera</em> og <em>Pussy Cat</em> en þau féllu á prófinu í sameiginlegri, norrænni vöruprófun. Á tveimur þeirra losnaði sjálft snuðið af hringnum og af einu losnaði haldið.

Lögregla rannsakar leyfin

Atvinnu- og dvalarleyfi Litháa, sem eru að störfum hjá Impregilo á Kárahnjúkum, eru til rannsóknar hjá lögreglu á Egilsstöðum.

Ekki huglausir heldur varkárir

Herdómstóll á Ítalíu hefur vísað frá máli á hendur fjórum þyrluflugmönnum sem sakaðir voru um hugleysi þegar þeir neituðu að fljúga herþyrlum sínum vegna þess hve ótraustar þær voru. Fjórmenningarnir störfuðu í Írak í fyrra og eftir eina sendiferð á þyrlunum neituðu þeir að fara aftur í loftið og báru því við að eldflaugavarnarbúnaður þyrlnanna væri ófullnægjandi.

J. Edgar Hoover á hælum Laxness

Forstjóri Bandarísku alríkislögreglunnar, FBI, vélaði um mál Halldórs Laxness í Bandaríkjunum. Bandarísk skjöl, sem voru gerð opinber í desember, sýna að J. Edgar Hoover bæði fékk og sendi skeyti með fyrirspurnum um tekjur Halldórs og ferðir. Í kjölfar afskipta Hoovers af Halldóri var hætt að gefa bækur skáldsins út í Bandaríkjunum. </font /></b />