Kúluspil heiti ekki Hitler

Japönsk einkaleyfisstofa hefur bannað fyrirtæki að kalla kúluspil eftir Adolf Hitler, Móses og öðrum sögufrægum persónum.

Brotist inn í Hertz á Akureyri

Brotist var inn i bílaleigu Hertz við Akureyrarflugvöll um klukkan hálf fjögur í nótt, en viðvörunarkerfi fór í gang. Við það kom styggð að innbrotsþjófunum sem voru horfnir þegar lögreglan kom á vettvang, en klukkustund síðar handtóku þeir tvo menn, sem eru grunaðir um verknaðinn og er verið að yfirheyra þá.

Búið að gera við brúna

Vegagerðarmenn gerðu í morgun við brúna yfir Núpsvötn á hringveginum austan við Kirkjubæjarklaustur, eftir að hluti af nýrri málmklæðningu á brúargólfinu flettist upp í veðurofsanum í gærmorgun. Þjóðvegi eitt var þá lokað á milli Skeiðarár og Lómagnúps og var ekki opnaður fyrr en upp úr klukkan tíu í morgun.

Rækjuveiðar bannaðar

Rækjustofnarnir í Ísafjarðardjúpi og Arnarfirði virðast vera að hruni komnir og leggur Hafrannsóknastofnun til að allar rækjuveiðar á þessum svæðum verði bannaðar í vetur.

Níðst á nýliðum í rússneska hernum

Mannréttindasamtök hafa beint tilmælum til rússneskra yfirvalda um að bregaðast við alvarlegri kúgun nýliða í hernum. </font />

Falla fyrir peningum og völdum

Konur virðast liggja kylliflatar fyrir völdum og peningum þó að femínistar reyni að neita þeim þráláta áburði. Samkvæmt könnun, sem gerð var í Danmörku, Noregi, Svíþjóð og Finnlandi og Nettavisen greinir frá, hafði önnur hver kona sem svaraði átt í kynferðislegu sambandi við yfirboðara sinn og 28% prósent sögðust beinlínis vera til í það með æðsta yfirmanninum.

Fjölgar á Norðurlöndum

Í fyrsta sinn í mörg á fjölgar fæðingum á Norðurlöndum og eiga íslenskar konur drjúgan þátt í því. Á milli áránna 2002 og 2003 fjölgaði fæðingum mikið á Norðurlöndum og voru þær þó fleiri en annars staðar í Evrópu fyrir. Frjósamastar allra kvenna eru íslenskar konur, raunar svo frjósamar að árið 2003 settu þær Evrópumet, ef Færeyjar og Grænland eru undanskilin.

Túrbanabann í frönskum skólum

Síkar mega ekki ganga með túrbana í almenningsskólum í Frakklandi eftir að nýlegt bann við því að bera sýnileg trúartákn í skólum tók gildi, að því er menntamálaráðherra Frakka hefur úrskurðað.

Réðust inn á ritstjórnarskrifstofu

Þrír menn réðust inn á ritstjórnarskrifstofu DV, gripu einn blaðamann hálstaki og gerðu síðar tilraun til að bakka á annan blaðamann þegar þeir voru á leiðinni frá húsinu aftur. Mennirnir kröfðust þess að fá að tala við annan ritstjóra blaðsins en brugðust hinir æstustu við þegar þeim var sagt að hann væri ekki viðstaddur og þeir beðnir um að fara.

Foreldrar taki sér frí

Heimili og skóli - landssamtök foreldra hvetja foreldra grunnskólabarna til þess að sýna í verki samstöðu með börnum sínum og taka sér frí frá vinnu eftir hádegi á morgun. Samtökin hvetja einnig atvinnurekendur til að sýna foreldrum skilning og gefa þeim frí þennan eftirmiðdag svo foreldrar geti gert eitthvað uppbyggilegt með börnum sínum og unglingum.

Cheney óttast kjarnorkuárás

Dick Cheney, varaforseti Bandaríkjanna lét hafa eftir sér á fundi í gær að mögulegt væri að hryðjuverkamenn myndu nota kjarnorkuvopn á bandarískar borgir í framtíðinni og í ljósi slíkrar hættu væri John Kerry ekki rétti maðurinn til þess að hafa í embætti forseta um þessar mundir.

Fréttamenn gefa kennurum pening

Félag fréttamanna hefur gefið 220 þúsund krónur í verkfallssjóð kennara. Frá þessu er greint á heimasíðu Kennarasambandsins. Segir þar að borist hafi bréf frá Karli Eskil Pálssyni gjaldkera Félags fréttamanna þar sem tilkynnt er um styrkinn. Í félagi fréttamanna eru fréttamenn sem starfa hjá Ríkisútvarpinu, útvarpi og sjónvarpi.

Skipulagði gamla hafnarsvæðið

Þresti Þórssyni hugnuðust ekki hugmyndir hins opinbera um skipulag hafnarsvæðisins í miðborginni og tók til sinna ráða. </font /></b />

Í heljargreipum heróínsins

Bókin Eftirmál eftir feðgana Frey Njarðarson og Njörð P. Njarðvík kemur út í dag. Í henni er sagt frá hrikalegu lífi Freys í viðjum heróínfíknar en hún hefur fylgt honum um undirheima Kaupmannahafnar og Amsterdam. </font /></b />

Gáfu skotum egg heiðargæsarinnar

Forseti Alþingis, Halldór Blöndal, afhenti forseta skoska þingsins, George Reid, nýlega gjöf frá Alþingi í tilefni af opnun nýs skosks þinghúss, sem tekið var í notkun við hátíðlega athöfn í Edinborg 9. októktóber. Gjöfin er egg heiðargæsarinnar, mótað úr graníti sem hvílir á hraunhellu frá Þingvöllum.

Minnst átta létust í flugslysi

Að minnsta kosti átta létust þegar lítil flugvél nauðlenti nálægt Missouri í morgun. Þá er fimm þeirra fimtán sem í vélinni voru saknað, en tveir komust lífs af. Ekki er vitað hver orsök slyssins er, en líklegt er talið að vont veður hafi orðið þess valdandi að flugstjórinn hafi misst stjórn á vélinni.

Lán verði 90% af matsverði

Félagsmálaráðherra lagði fram á Alþingi í dag stjórnarfrumvarp um að húsnæðislán frá Íbúðalánasjóði geti numið allt að 90 prósentum af matsverði íbúðar. Gert er ráð fyrir að breytingin taki gildi um næstu áramót. Hámarkslánshlutfall hefur fram til þessa verið 65%, eða 70% ef um er að ræða fyrstu íbúðakaup lántaka.

Minnst 15 látnir

Minnst 15 hafa látist og nokurra er saknað eftir mikinn fellibyl sem gekk yfir suðvesturströnd Japan í morgun. Þá hafa 30 manns slasast í bylnum, sem farið hefur vel yfir 40 metra á sekúndu. Óttast er að bylurinn gangi yfir Tokyo síðar í dag. Á ákveðnum stöðum í suðurhluta Japans liggur öll starfsemi niðri vegna fellibylsins.

Mikill mannfjöldi í kröfugöngu

Mikill mannfjöldi er nú saman kominn í miðbæ reykjavíkur. Þúsundir manna fylla Ingólfstorg, Austurstræti, Bankastræti og uppá laugaveg. Kennarasambandið stendur fyrir kröfugöngu og útifundi á Ingólfstorgi sem nú stendur yfir en nákvæmlega mánuður er liðinn frá því yfirstandandi verkfall félagsmanna í félagi grunnskólakennara og Skólastjórafélags Íslands hófst.

Margir með illlæknanleg sár

Þeir sem þjást af slæmum langvarandi sárum eru þögull hópur. En nú er komið að stofnun samtaka.

Bill mætir til leiks

Bill Clinton, fyrrverandi forseti Bandaríkjanna, mun líklega þátt í kosningafundi fyrir John Kerry, forsetaframbjóðanda Demókrata, í Philadelphiu í næstu viku. Ekki er ljóst hvort Kerry sjálfur verður á fundinum, en Clinton hefur ákveðið að heiðra viðstadda með nærveru sinni.

Hvað á hann að heita?

Enn er óvíst hvað nýr sameinaður skóli Háskólans í Reykjavík og Tækniháskóla Íslands mun heita enda barnið svo að segja ný fætt. Þeir sem unnu að sameiningunni létu það ógert að velta nafnamálum fyrir sér og ætla nýrri stjórn hins sameinaða skóla að sjá um málið.

Um 260 milljóna heimildir ónýttar

Hátt í þriðja hundrað milljónir vantaði upp á að Tryggingastofnun fullnýtti heimildir sínar til niðurgreiðslu á tannlæknakostnaði á síðustu þremur árum. Tannlæknir telur, að fjárhæðina hefði átt að nota til að hækka gjaldskrá heilbrigðisráðherra. </font /></b />

Tannheilsa rannsökuð

Innan skamms verður hrundið af stað stórri rannsókn á stöðu tannheilsu barna. Er þetta gert til að bæta úr þeim skorti á nýjum upplýsingar um þennan heilsuþátt að sögn Gunnars Leifssonar tannlæknis.

Misnotaði Oppfeldt fleiri drengi?

Grunur leikur á að Flemming Oppfeldt, þingmaður Venstre í Danmörku, sem var handtekinn í gær og sakaður um að hafa beitt þrettán ára dreng kynferðisofbeldi, hafi níðst á fleiri drengjum. Danska lögreglan kannar vísbendingar um að Oppfeldt hafi ítrekað boðið ungum drengjum borgun fyrir kynmök.

Bannar skopparabuxur

Enginn er unglingur meðal unglinga nema hann klæðist svokölluðum skopparabuxum sem hanga varla uppi á mjöðmunum þannig að það skín í bæði nafla og nærbuxur. Ítalskur skólastjóri hefur nú fengið nóg af þessari tísku og bannar nemendum sínum að koma svona klæddum í skólann.

Kosningunum mótmælt

Átök brutust út í Minsk, höfuðstað Hvíta Rússlands í nótt, þegar andstæðingar Lukashenkos, forseta landsins, komu saman til að mótmæla því að hann hefur verið kosinn forseti ævilangt. Eftirlitsmenn segja að kosningasvindl hafi verið víðtækt í kosningunum sem fram fóru á sunnudaginn.

Danskur þingmaður í gæsluvarðhald

Danskur þingmaður hefur verið úrskurðaður í gæsluvarðhald fyrir kynferðislega misnotkun á þrettán ára dreng. Þingmaðurinn er talinn hafa reynt margoft að tæla til sín unga drengi gegn borgun. </font /></b />

Beittu ofbeldi, brutu og brömluðu

Þrír menn réðust inn á ritstjórn DV í dag og gengu í skrokk á fréttastjóra blaðsins. Þeir unnu einnig skemmdarverk á skrifstofunni áður en þeir hurfu á braut. Lögregla telur sig vita hvaða menn voru að verki og leitar þeirra. Laust eftir klukkan eitt í dag ruddust mennirnir inn á ritstjórn DV.

Rúmur helmingur tekna í fræðslu

Rúmur helmingur tekna íslenskra sveitarfélaga var notaður til fræðslu- og uppeldismála í fyrra. Tvö sveitarfélög vörðu rúmlega 90 prósentum tekna sinna til þessa málaflokka. Samtals vörðu sveitarfélögin tæplega 48 milljörðum króna til fræðslu og uppeldismála í fyrra. Það eru 51,1% tekna þeirra.

Kjarabarátta sem þarf að heyja

"Ég ætla að vona að kennararnir standi sig enda er þetta kjarabarátta sem þarf að heyja. Það lifir enginn á 150 þúsundkallinum nú á dögum," segir Birgir Hólm Björgvinsson, sjómaður, spurður um hvað honum finnist um verkfall kennara.

Segja styrk ekki stuðning

Félag fréttamanna á Ríkisútvarpinu og Ríkissjónvarpinu hefur afthent verkfallssjóði Kennarasambands Íslands styrk að upphæð 220 þúsund krónur. Jón Gunnar Grjetarsson, formaður félagsins vísar því á bug að með þessu séu fréttamenn ríkisfjölmiðlanna orðnir vanhæfir til að fjalla um kennaradeiluna.

Farþegarnir bera ábyrgðina sjálfir

Það er mjög slæmt mál og algjörlega óviðunandi að einungis tveir af fjörutíu sem voru í rútunni sem valt á veginum undir Akrafjalli í fyrradag skuli hafa verið spenntir í bílbelti. Þetta segir Sigurður Helgason, verkefnastjóri hjá Umferðarstofu.

Karlar varist beinþynningu

Á síðasta áratug hafa komið fram vísbendingar um að beinþynning sé ekki síður fylgifiskur öldrunar hjá körlum en konum. Vegna þessa var yfirskrift Alþjóðlega beinverndardagsins í gær "Karlar og beinþynning".

Uppgreiðslugjald leyfilegt

Valgerður Sverrisdóttir, viðskipta- og iðnaðarráðherra segir uppgreiðslugjald ekki bannað í íslenskum neytendalögum og sama gildi um löggjöf í nágrannalöndunum. Ákvæði um þetta mætti að hluta rekja til tilskipana Evrópusambandsins.

Þörf á hugarfarsbreytingu

Báðir þeir sem voru í beltum þegar rútan fór út af veginum undir Akrafjalli í fyrradag og endaði á hvolfi sluppu ómeiddir. Sigurður Guðmundsson landlæknir segir þetta sýna hversu brýnt það sé að fólk fari eftir reglum og spenni beltin.

Láta ekki hótanir stoppa sig

Ritsjórar DV ætla ekki að láta af umfjöllun sinni um handrukkara og aðra glæpamenn, þrátt fyrir árásir og hótanir frá þrem mönnum fyrr í dag. Ritstjórarnir segjast ekki vita hvað mönnunum hafi gengið til, en umfjöllun blaðsins um handrukkara og glæpamenn muni halda áfram hvað sem öllum hótunum líður.

Stutt við skógrækt

Jón Loftsson skógræktarstjóri og Sigurður E. Ragnarsson, framkvæmdastjóri byggingasviðs BYKO, hafa skrifað undir samning um fjárstuðning BYKO við viðarnýtingarnefnd skógræktargeirans.

ME heldur upp á 25 ára afmæli

Menntaskólinn á Egilsstöðum heldur um þessar mundir upp á 25 ára afmæli sitt. Formleg hátíðarhöld verða á laugardaginn og lýkur þeim með dansleik um kvöldið.

Ein mínúta um lýðræði og ungt fólk

Tuttugu ungmenni frá Íslandi, Grænlandi, Færeyjum, Danmörku, Svíþjóð, Noregi og Finnlandi eru samankomin í Reykjavík til þess að vinna að framleiðslu einnar-mínútu myndbanda um lýðræði og þátttöku ungs fólks í samfélaginu.

Benni gefur skátunum 400 þúsund

Bílabúð Benna hefur ákveðið að styrkja skátahreyfinguna um 400 þúsund krónur og renna peningarnir í útilífsmiðstöð skáta að Úlfljótsvatni.

Embættismenn firra sig ábyrgð

Það er ekki rétt að kalla það mistök þegar Gullhamrar ehf., eigendur verslunarhúsnæðisins við Þjóðhildarstíg í Grafarholti, fengu verslunarleyfi að sögn Salvarar Jónsdóttur, sviðsstjóra skipulags- og byggingarsviðs Reykjavíkur. Nóatún leigir nú húsnæðið og rekur verslun á staðnum.

Fjármálaeftirlitið beiti sektum

Valgerður Sverrisdóttir, viðskiptaráðherra segir koma til greina að Fjármálaeftirlitið fái heimild til að beita stjórnvaldssektum.

Íkveikjur þrefaldast milli ára

Það sem af er ári hafa komið þrisvar sinnum fleiri íkveikjur inn á borð lögreglu en allt árið í fyrra. Samkvæmt upplýsingum frá tölfræðideild Ríkislögreglustjóra er þá átt við mál þar sem vísvitandi er kveikt í eigum, en ekki talin með tilvik þar sem kveikt er í rusli á sorphaugum eða við vinnustaði.

Sauðkrækingar þéna mest

Meðallaun íbúa Sauðárkróks eru umtalsvert hærri en laun annarra íbúa Sveitarfélagsins Skagafjarðar, að því er fram kemur í nýrri skýrslu Atvinnuþróunarfélags Norðurlands vestra. Skýrslan er unnin fyrir atvinnu og ferðamálanefnd sveitarfélagsins.