Byrjað að telja atkvæði

Talning er loks hafin á atkvæðum sem greidd voru í afgönsku forsetakosningunum um síðustu helgi. Talningin hefst fimm dögum eftir kosningar og fjórum dögum eftir að talning atkvæða átti að hefjast, en fresta þurfti henni vegna þess að erfiðlega gekk að safna kjörkössum saman.

Ætterni konungs vafa orpið

Ætterni Haralds Noregskonungs er í vafa eftir að virtur norskur fræðimaður greindi frá því að faðir hans, Ólafur V Noregskonungur, sem tók við embætti af Hákoni, fyrsta konungi Noregs, hefði hugsanlega ekki verið sonur Hákonar.

Töluverð kennsla á Vestfjörðum

Það eru ekki allir grunnskólanemendur án kennslu því stundakennarar eru ekki í verkfalli og kenna því enn. Í sumum skólum fá nemendur töluverða kennslu, eins og til dæmis á Suðureyri.

Tíu ára bið á enda

Kúrdíski mannréttindafrömuðurinn Leyla Zana veitti í gær viðtöku mannréttindaverðlaunum þings Evrópusambandsins. Þetta gerði hún tíu árum eftir að þingið heiðraði hana en mestallan þann tíma hefur hún setið í fangelsi í Tyrklandi fyrir baráttu sína fyrir auknum réttindum Kúrda í Tyrklandi.

Kerry hafði betur en Bush

John Kerry, forsetaefni demókrata, virðist hafa komist heldur betur frá þriðju og síðustu kappræðum forsetaefna stóru flokkanna en George W. Bush Bandaríkjaforseti. Hann hafði mun betur í tveimur könnunum sem birtar voru eftir kappræðurnar og sjónarmun betur í þeirri þriðju.

Flugbátur í hnattferð á Íslandi

Flugbátur sem er á leið umhverfis jörðina lenti á Reykjavíkurflugvelli nú síðdegis. Hann er þriggja hreyfla af gerðinni Dornier DO 24. Flugbátar af þessari tegund flugu fyrst árið 1939 og voru einkum notaðir til leitar og björgunar.

Vígahundar bannaðir í borginni

Atvik eins og það sem átti sér stað í Breiðholti síðasta föstudag þegar tveir stórir hundar, Rottweiler og Doberman, rifu kött í sig geta væntanlega ekki átt sér stað í framtíðinni ef hugmyndir sem nú eru uppi innan borgarkerfisins verða að veruleika

Hættara við krabbameini

Fólk sem notar farsíma í tíu ár eða lengur á frekar á hættu en aðrir að þjást af góðkynja krabbameini þeim megin á höfðinu sem það heldur á símanum. Þetta kemur fram í nýrri sænskri rannsókn.

Á uppboð þrátt fyrir samkomulag

Umboðsmaður Alþingis hefur komist að þeirri niðurstöðu að tollstjórinn í Reykjavík hafi gert mistök þegar hann auglýsti uppboð á eign vegna vangoldinna fasteignagjalda.

Heimili rýmd vegna skógarelda

Tæplega áttatíu heimili hafa verið rýmd í Napa- og Yolosýslu í Kaliforníu vegna skógarelda sem hafa geysað á um 15 þúsund hektara svæði norðaustur af San Francisco.

Kjalnesingar átelja seinagang

Íbúasamtök Kjalarness átelja þann seinagang sem orðið hefur í lagningu Sundabrautar. Til að flýta fyrir framkvæmdum leggja íbúasamtökin til að byrjað verði á framkvæmdum á Kjalarnesi.

Barnabætur breytast ekki

Halldór Ásgrímsson forsætisráðherra segir að ekki sé gert ráð fyrir að barnabætur verði hækkaðar á næsta ári. Össur Skarphéðinsson, formaður Samfylkingar, segir að forsætisráðherrann hafi síðast í fyrradag boðað slíka hækkun 2005. Alþýðusambandið segist undrandi á afstöðu Halldórs.

Olíuverðið aftur niður

Verðið á olíufatinu lækkaði aftur niður í 52 dollara og 51 sent við lokun á olíumarkaði í New York í gær eftir að hafa náð 54 dollurum fyrr um daginn. Allsherjarverkfall sem nú er í Nígeríu, fimmta stærsta olíuframleiðanda innan OPEC-samtakanna, er ein aðal ástæða hækkunarinnar að undanförnu.

Ræðir við samninganefndir í dag

Ríkissáttasemjari mun í dag ræða við samninganefndir í kennaradeilunni, hvora í sínu lagi, og að þeim viðræðum loknum ræðst hvort hann telur ástæðu til að boða til formlegs samningafundar. Hvorugur deilenda hefur gefið nokkrar tilslakanir í skyn eftir að ríkissáttasemjari sló viðræðum á frest á sunnudag eftir árangurslaus fundarhöld.

Fjöldagrafir finnast í Írak

Líkamsleifar að minnsta kosti eitt hundrað manna, þar á meðal barna, hafa fundist í fjöldagröfum nálægt þorpinu Hatra í Norður-Írak. Grafirnar eru taldar sanna ofsóknir gegn Kúrdum sem drepnir voru í þúsunda tali í valdatíð Saddams Husseins í lok níunda áratugarins.

Pétur mikli enn við landið

Skipherrann á rússneska beitiskipinu Pétri mikla stóð ekki við þau orð sín við Landhelgisgæsluna í fyrradag að hann myndi halda frá landinu undir kvöld í gær. Klukkan tíu í gærkvöldi lá skipið enn fyrir akkerum út af Þistilfirði, ásamt fjórum öðrum herskipum.

Lokakappræður Kerry og Bush

Lokakappræður forsetaframbjóðendanna George Bush og Johns Kerrys verða háðar í Arizona í Bandaríkjunum í kvöld. Innanríkismál eiga að vera í brennidepli. Þetta verða þriðju og jafnframt síðustu kappræður þeirra fyrir kosningarnar og vilja sumir sérfræðingar meina að þær muni ekki skipta meginmáli í baráttunni.

Eldur í Hábergi

Töluverðar skemmdir urðu á nótaskipinu Hábergi þegar eldur kom upp í skipinu er það var í slipp í Póllandi í fyrradag. Engan sakaði en eldurinn kviknaði í íbúðum skipverja.

Bílar skullu saman í Garði

Minnstu munaði að slys hlytist af í gærkvöldi þegar ölvaður ökumaður ók þvers og kruss um veginn á leið heim til sín suður í Garði. Þegar bíll kom á móti honum tókst honum ekki að halda sig á sínum vegarhelmingi þannig að hliðar bílanna skullu saman og speglar og hliðarrúður brotnuðu.

Handtekinn tvær nætur í röð

Lögreglumenn handtóku í nótt tæplega tvítugan mann á vettvangi þar sem hann hafði brotist inn í verslunarmiðstöð í Breiðholti. Það væri vart í frásögu færandi ef sami maðurinn hefði ekki líka verið handtekinn við innbrot á sama stað og um svipað leyti í fyrrinótt.

Rússarnir ræddir í nefndinni

Gunnar Snorri Gunnarsson, ráðuneytisstjóri í utanríkismálaráðuneytinu, var kallaður á fund utanríkismálanefndar Alþingis sem hófst klukkan ellefu til að skýra samskipti ráðuneytisins við rússnesk stjórnvöld vegna rússnesku herskipanna á Þistilfjarðargrunni.

Draga Írana til ábyrgðar

Draga verður Írana til ábyrgðar fyrir kjarnorkuáætlun sína. Þetta segir Richard Armitage, aðstoðarutanríkisráðherra Bandaríkjanna, og segir bandarísk stjórnvöld fús að kanna hvort viðskiptaþvinganir á vegum Sameinuðu þjóðanna gætu verið réttu viðbrögðin.

Glæpir gegn mannkyni staðfestir?

Fjöldagröf fannst í norðurhluta Íraks og er talið að þar sé að finna hundruð og jafnvel þúsundir líka. Sum þeirra eru af börnum sem halda á leikföngunum sínum. Líklegt er talið að þetta leiði til þess að Saddam Hússein verði sakfelldur fyrir glæpi gegn mannkyni.

Styðja Þjóðverjar Íraksstríðið?

Breyting virðist hafa orðið á afstöðu þýskra stjórnvalda til stríðsreksturs í Írak, þó að Gerhard Schröder kanslari þvertaki fyrir það. Peter Struck, varnarmálaráðherra Þýskalands, sagði í viðtalið við þarlent dagblaði í gær að til greina kæmi að Þjóðverjar sendu hersveitir til Íraks, yrði breyting á ástandinu þar.

Sólbakur landaði í morgun

Engar mótmælaaðgerðir voru á bryggjunni á Akureyri í morgun þegar löndun hófst úr togaranum Sólbaki en hann kom til hafnar klukkan átta. Forysta sjómannasamtakanna segist hlíta lögbanni á mótmælaaðgerðir sem sýslumaðurinn á Akureyri féllst á í gær, að beiðni útgerðarfélags Sólbaks.

Óbreytt staða í kennaradeilu

Samninganefnd kennara mætti til ríkissáttasemjara í morgun en samninganefnd sveitarfélaga hittir hann eftir hádegi. Finnbogi Sigurðsson, formaður samninganefndar kennara, segist ekki vilja ræða niðurstöðu fundarins sem hafi staðið í stutta stund. Farið hafi verið yfir stöðuna sem sé óbreytt.

Spennan magnast um þjóðarblómið

Nú fara að verða síðustu forvöð fyrir landsmenn að segja álit sitt á því hvert skuli verða þjóðarblóm Íslendinga. Frestur til að velja þjóðarblómið rennur út á föstudag, þann 15. október, eða eftir tvo daga.

Fylgið nákvæmlega jafnmikið

Fylgi George Bush og Johns Kerrys er nákvæmlega jafnmikið samkvæmt nýjustu könnunum og því gætir mikillar spennu fyrir síðustu kappræður þeirra í kvöld. Þær eru síðasta stóra tækifæri frambjóðendanna til að sannfæra sjö prósent kjósenda, sem enn eru óákveðin.

Íbúum landsins fækkar

Íbúum á höfuðborgarsvæðinu fækkaði lítillega á síðastliðnum þremur mánuðum og þónokkuð margir Íslendingar ætla að freista gæfunnar í útlöndum. Fækkunin á höfuðborgarsvæðinu nam samanlagt um áttatíu og átta manns. Þá virðast þónokkrir sjá betri tækifæri í útlöndum en hér á landi því 365 Íslendingar fluttu úr landi umfram þá sem fluttu til landsins.

Verða í fjóra daga til viðbótar

Samkvæmt upplýsingum Landhelgisgæslunnar ætla rússnesku herskipin að vera á svæðinu út af Þistilfirði í fjóra daga til viðbótar. Þau fylktu aftur liði út af firðinum í nótt.

Guggan máluð í felulitum

Ísfirsku útgerðarfeðgarnir Ásgeir Gubjartssson og Guðbjartur Ásgeirsson ætla að mála nýjustu Gugguna sína í felulitum, eins og vestfirskir smábátasjómenn orða það.

Fimm handteknir vegna morðsins

Breska lögreglan hefur handtekið fimm manns vegna morðsins á hinni 14 ára gömlu Danielle Beccan í Nottingham á föstudag. Hún var skotin úr bíl á ferð og hefur morðið vakið mikinn óhug meðal almennings á Bretlandi.

Framsókn stoppar matarskattslækkun

Flokkar sem fengu 82% atkvæða í kosningum eru fylgjandi lægri matarskatti. Framsókn er á móti og útlit fyrir að málið sofni á þingi. Halldór Ásgrímsson forsætisráðherra segir þó að lækkun komi til greina ef "svigrúm" gefist. </font /></b />

Steingrímur krefst upplýsinga

Steingrímur J. Sigfússon, formaður vinstri-grænna krafðist þess á fundi utanríkismálanefndar í gær að íslensk stjórnvöld skýrðu nefndinni frá því hvaða samtöl og eða bréfaskriftir áttu sér stað á milli íslenskra ráðuneyta og erlendra ríkisstjórna áður en ákvörðun var tekin um að Ísland yrði á lista yfir "hinar viljugu þjóðir" sem studdu innrás Bandaríkjamanna og Breta í Írak.

Óréttlát stimpilgjöld

Margret Frímannsdóttir, þingflokksformaður Samfylkingarinnar lagði fram fyrirspurn til fjármálaráðherra á Alþingi í gær þar sem hún spurði um álit ráðherrans á lækkun eða afnámi stimpilgjalda. Í máli þingmannsins kom fram að Samfylkingin teldi að almenningur nyti ekki vaxtalækkunar á húsnæðislánum sem skyldi vegna "óréttlátrar skattlagningar í formi stimpilgjalda".

Rússar létu vita

Rússar skýrðu frá því herskip yrðu að æfingum undan Íslandsströndum. Gunnar Snorri Gunnarsson, ráðuneytisstjóri utanríkisráðuneytisins skýrði utanríkismálanefnd frá því í gær.

18 ára kaupi bjór og léttvín

Tuttugu og þrír alþingismenn úr öllum stjórnmálaflokkum hafa lagt fram frumvarp á Alþingi þar sem lagt er til að áfengiskaupaaldur verði lækkaður úr 20 ár í 18 en þó aðeins þegar um léttvín eða bjór er að ræða

Finninn fljúgandi ákærður

Finninn Matti Nykänen, sigursælasti skíðastökkvari sögunnar, hefur verið ákærður fyrir tilraun til manndráps í sumarbústað norður af Helsinki. Skíðastökkvarinn á yfir höfði sér allt að níu ára fangelsi verði hann fundinn sekur.

Ekker saknæmt við dauðsfall

Krufning hefur leitt í ljós að Christer Pettersson, meintur morðingi Olofs Palme, lést af völdum höfuðáverka sem hann hlaut er hann fékk flog að lokinni mikilli áfengisdrykkju og datt á höfuðið.

IRA-maður handtekinn

Lögreglan á Spáni tilkynnti í gær að hún hefði handtekið meðlim Írska lýðveldishersins (IRA) sem eftirlýstur var fyrir sprengjutilræði sem varð breskum herforingja að bana.

Finnar lokuðu vefsvæði skæruliða

Finnsk stjórnvöld lokuðu í gær vefsvæði sem helgað var málstað tsjetsjenskra skæruliða, og uppskáru í kjölfarið hrós frá stjórnvöldum í Moskvu.

Lögregla skaut vinningshafa

Maður sem féll fyrir skotum lögreglu í ólátum sem urðu fyrir utan íþróttaleikvang á sunnudag var einn af þrettán vinningshöfum sem deildu með sér risalottópotti fyrir fjórum árum.

Samningafundur eftir helgi

Samninganefndir sveitarfélaganna og kennara hafa verið boðaðar til fundar hjá Ríkissáttasemjara á mánudag. Þetta var ákveðið eftir óformlega fundi í gær. Eftir viðræður við samninganefndirnar, sitt í hvoru lagi, þótti sáttasemjara ekki ástæða til að boða fund fyrr.

Verkalýðsfélög deila um gjöld

Óánægja er meðal félagsmanna í Verkalýðs- og sjómannafélagi Sandgerðis sem vinna á Keflavíkurflugvelli, því vinnuveitandi þeirra greiðir félagsgjöld þeirra til Verkalýðs- og sjómannafélags Keflavíkur.

Nemendur fá ekki greiddar bætur

Nemendur í Menntaskólanum á Ísafirði sem búsettir eru á heimavist skólans fá ekki greiddar húsaleigubætur, þó svo að lögheimili þeirra séu víðs fjarri skólanum.