Glæsi­mark kom ekki í veg fyrir nýliðasigur

Sunderland byrjaði leikinn betur og Brian Brobbey komst í fyrsta dauðafæri leiksins en var stöðvaður með rennitæklingu. Tæklingin virtist hafa vakið nýliða Ipswich sem fóru að spila betur.

Emersonn kom Ipswich svo yfir á 24. mínútu leiks eftir frábæran sprett hjá Julio Enciso, sem sprengdi upp völlinn og gaf góða stoðsendingu.

Sunderland svaraði fyrir sig þegar liðið fékk aukaspyrnu á 39. mínútu. Nilson Angulo stillti sér upp og lét þrumuskot vaða, sem small af slánni og inn.

Það dró ekki aftur til tíðinda fyrr en á lokamínútu leiksins, þegar Jack Clarke skoraði sigurmarkið fyrir Ipswich gegn sínum fyrrum félögum í Sunderland, eftir stoðsendingu Sasa Lukic.

Því miður fyrir nýliðana þurftu þeir að horfa á eftir Julio Enciso fara af velli vegna meiðsla. Vonandi fyrir þá verður hann ekki lengi frá.