„Enn og aftur dæmir dómarinn ekki okkur í vil“

„Það gerðist margt, sem er eðlilegt í þessum leik. Við erum vonsviknir að fara héðan án stiga,“ sagði Arne Slot í samtali við BBC Match of the Day.

„Í fyrri hálfleik var Manchester City betra liðið án þess að skapa mörg stór færi en þeir voru meira með boltann á okkar vallarhelmingi. Í seinni hálfleik vorum við með yfirhöndina og áttum góða kafla. Við komumst í 1-0 og gáfum varla neitt frá okkur. Rétt fyrir leikslok fellur ein sveigð fyrirgjöf vel fyrir þá og staðan er 1-1. Við reyndum að koma í veg fyrir þetta en þeir unnu fyrsta skallaboltann. Góður leiklestur hjá Bernardo [Silva] og góð afgreiðsla,“ sagði Slot.

Næstum því orðnir vanir þessu

„Við erum næstum því orðnir vanir því að fá á okkur mark í uppbótartíma, það gerðist aftur í dag,“ sagði Slot.

„Þegar líður á leikinn vonast maður alltaf til að geta haldið orkunni gangandi og þá gera þeir stundum mistök. Við áttum góðan og áhrifamikinn seinni hálfleik en því miður fengum við ekki jákvæð úrslit,“ sagði Slot.

Um rauða spjaldið á Szoboszlai: „Það er ekki atvikið sem við ættum að ræða. Kannski hefði hann átt að leyfa markinu að standa en ef þetta er reglan þá verðum við að sætta okkur við það,“ sagði Slot.

Dómarar þurfa að sinna starfi sínu

„Ef það er eitthvert atvik sem við ættum að ræða, þá er það þegar Mo Salah er einn á móti markverðinum. Allir sem hafa komið á þennan völl síðustu sjö eða átta ár vita að það er mark hjá Salah. Enn og aftur dæmir dómarinn ekki okkur í vil. Dómarar þurfa að sinna starfi sínu,“ sagði Slot en dómarinn dæmdi aukaspyrnu og bara gult spjald fór á loft.

Geturðu Arne Slot litið á þennan leik á jákvæðan hátt? „Auðvitað. Í seinni hálfleik pressuðum við mjög hátt og spiluðum góðan fótbolta. Það er ekki hægt að bera þennan leik saman við leikinn fyrir þremur eða fjórum mánuðum, við höfum bætt okkur svo mikið – en við þurfum að bæta úrslitin. Svo oft á þessu ári höfum við ekki fengið það sem mér finnst við eiga skilið og þetta er enn eitt dæmið um það,“ sagði Slot.