Hamingja í hverjum munn­bita

Linda mælir með að baka kökuna daginn áður en hún er borin fram, til að bragðið verði enn betra og áferðin mýkri.

„Þessi piparmyntu-pralín brownie er eins og biti af hamingju í hverjum munnbita. Djúpt súkkulaðibragð, mjúk og seig brownie-kaka með svo guðdómlegu lagi af piparmyntu-pralín – útkoman er algjörlega ómótstæðileg!“

Piparmytu pralín brownie

Hráefni:

• 200 g smjör
• 300 g suðusúkkulaði
• 300 g sykur
• 4 egg
• 60 g hveiti
• 40 g kakóduft
• 400 g piparmyntu Pralín

Aðferð:

1. Kveikið á ofninum og stillið á 175°C, undir- og yfirhita.

2. Bræðið smjör og suðusúkkulaði varlega saman í potti. Bætið sykrinum út í.

3. Þeytið eggin þar til þau verða létt og ljós.
4. Hellið súkkulaðiblöndunni varlega saman við eggin og hrærið rólega á meðan.
5. Blandið saman hveiti og kakó og hrærið saman við súkkulaðiblönduna.
6. Smyrjið form sem er 24×24 cm að stærð (eða álíka stórt). 
7. Hellið helmingnum af deiginu í formið, leggjið pralínsúkkulaði yfir þannig að það þeki deigið, og hellið síðan afganginum af deiginu yfir.
8. Bakið í u.þ.b. 35 mínútur. 
9. Látið kökuna standa í um 2 klukkustundir, eða yfir nótt, við stofuhita áður en hún er skorin.