Djúsí Ceasar vefja sem klikkar seint

Einar og Geir halda úti vefsíðunni Bara matur þar sem þeir deila reglulega ljúffengum uppskriftum, allt frá einföldum hversdagsréttum til girnilegra eftirrétta.

Ceasar-vefja fyrir tvo

Hráefni:

• 2 stk stórar tortillapönnukökur
• 2 stk kjúklingabringur
• 1/2 stk haus af rómansalati
• 1 dl rifinn parmesan ostur
• 1 dl brauðteningar
• Ceasar- eða hvítlaukssósa eftir smekk
• Salt og pipar

Aðferð:

1. Kryddaðu kjúklingabringurnar með salti og pipar.
2. Steiktu þær á pönnu þar til kjötið er fulleldað og yfirborðið orðið gullinbrúnt.
3. Skerðu kjúklinginn í bita og leggðu til hliðar.
4. Hitaðu tortillapönnukökurnar á þurri pönnu í nokkrar sekúndur.
5. Raðaðu salati, kjúklingi, rifnum parmesanosti og stökkum brauðteningum á vefjuna.
6. Helltu Caesar-sósu yfir.
7. Rúllaðu vefjunni þétt saman og skerðu í tvennt áður en hún er borin fram.