Leik­maðurinn sem Liverpool ætlar að selja í sumar valinn bestur á EM

Liverpool maðurinn Harvey Elliott hefur verið í báðum þessum gullliðum og hann var valinn besti leikmaður keppninnar að þessu sinni.

Elliott skoraði úrslitaleiknum, gerði bæði mörkin í undanúrslitaleiknum á móti Hollandi og skoraði eitt í sigri á Spánverjum í átta liða úrslitum.

Fimm mörk í sex leikjum. Hann var næstmarkahæstur á eftir Þjóðverjanum Nick Woltemade sem skoraði sex mörk.

Þrátt fyrir þessa frábæru frammistöðu er búist við því að Elliott yfirgefi Liverpool í sumar. Liverpool ætlar að selja hann.

Elliott fékk ekki mikið að spila hjá Arne Slot á síðasta tímabili og strákurinn vill komast til liðs þar sem hann fær að spila meira.

Þessi frammistaða gerir ekkert annað en að hækka vel verðmiðann á honum í sumar en kannski hefur hann unnið sér inn frekari tækifæri hjá Liverpool.

Kaupin á Florian Wirtz voru þó líklegast síðasta stráið enda leikmaður í mjög svipaðri stöðu og Elliott framarlega á miðjunni.

Það verður fróðlegt að sjá hvað áhugasöm félög eru tilbúin að bjóða í þennan 22 ára sókndjafra miðjumann.