Þetta er meðal þess sem fram kemur í þriðja þætti Af vængjum fram, skemmtiþætti á Stöð 2 og Vísi í tilefni af Alþingiskosningum. Þar setjast leiðtogar stjórnmálaflokkanna niður og gæða sér á sífellt sterkari kjúklingavængjum á milli þess sem þeir ræða lífið og tilveruna í einlægu spjalli.
Þórhildur Sunna segir í þættinum frá því hver hennar stærsti ótti er, hvers vegna hún er ávallt kölluð Sunna en ekki Þórhildur og skort sinn á þrívíddarskyni. Hún nefnir uppáhalds karaokí lagið sitt, svarar hraðaspurningum, fer í lauflétt ríða-drepa-giftast í hraðaspurningum og svo brestur Þórhildur Sunna líka í söng, svo fátt eitt sé nefnt.
