Lýsir augna­blikinu þegar hann náði Örnu á sitt band

Þetta er meðal þess sem fram kemur í klippu frá framleiðendum myndarinnar þar sem rætt er við leikarana um samleik sinn sem vakið hefur mikla athygli. Þau ræða líka samband persóna sinna í myndinni. Ljósvíkingar hafa verið í kvikmyndahúsum í á sjöunda viku og er aðsóknarmesta mynd haustsins að því er segir í tilkynningu og slegið áratugagamalt aðsókarmet á Ísafirði.

Greip gítarinn af veggnum í sjoppunni

Myndin fjallar um æskuvinina Hjalta og Björn sem reka vinsælan fiskveitingastað á Ísafirði. Um leið og þeim býðst óvænt að hafa staðinn opinn árið um kring kemur Björn út úr skápnum sem trans kona. Hjalta veitist erfitt að skilja stöðu vinar síns. Í klippunni rifja þau Björn og Arna upp sín fyrstu kynni á Ísafirði við tökur myndarinnar. 

„Þá var Arna búin að segja mér það að hún ætti sér uppáhalds lag með Nýdönsk og ég sá þarna gítar upp á vegg í sjoppunni og hugsaði: Já hérna er nú aldeilis tækifæri, tók niður gítarinn og við héldum þarna litla prívat tónleika inni í sjoppunni.Ég held að þá hafi ég náð þér alveg á mitt band, var það ekki?“ spyr Björn Jörundur Örnu.

Hún segir honum að hann hafi nú þegar verið búinn að ná sér á sitt band. Þarna hafi hún þó farið úr því að þykja vænt um hann yfir í að dýrka hann og elska. Arna hrósar Birni í hástert fyrir samvinnuna.

„Björn Jörundur er algjör snillingur þegar kemur að textavinnu. Það var kannski búið að skrifa eitthvað sem hann kallaði langloku. Þá sagði hann við Snævarr, má ég ekki bara breyta þessu aðeins?“