Sjóðheitt menningarrými á Baldursgötu

Dóra Júlía Agnarsdóttir skrifar 14. október 2024 18:01

Helena Reynis og Hulda Katarína á opnun Klei. Elísabet Blöndal

Menningarlífið iðar á Baldursgötu 36 þar sem nýtt listrænt rými var að opna. Þar má finna ýmis konar handverk, bókabúð með sérvöldum bókum hvaðan af úr heiminum og myndlistar-og hönnunarstofu. Opnuninni var fagnað með stæl síðastliðinn fimmtudag.

Í fréttatilkynningu segir:

„Klei atelier er rými þar sem þú getur skoðað kjarna handverks. Í atelier-inu í hjarta miðbæjar Reykjavíkur á Baldursgötu 36 er þemað hin óbætanlega handverkslist þar sem hinu tímalausa er fagnað. Óður til þeirra sem móta efni með höndum sínum og lífga upp á hluti af djúpri fegurð og notagildi.

Vinnustofan er rými þar sem allir eru velkomnir. Öll námskeið eru kennd bæði á íslensku og ensku þar sem markmiðið er alltaf það sama, að deila þekkingu á leirlist og láta sköpunargáfuna skína.

Öll námskeiðin eru í höndum Huldu, stofnanda Klei atelier Hulda er með grad diplómu sem keramiker frá Myndlistaskólanum í Reykjavík. Á daginn er Klei opin verslun þar sem þú getur keypt handverk eftir Huldu ásamt fleiri vörum og á kvöldin eru leirnámskeið.

Garg bookstore opnaði í sama rými þar sem Helga Dögg hönnuður sérvelur inn bækur út um allan heim. Studio Altént opnaði í sameiginlegu rými vinnustofu þar sem listakonurnar sinna myndlist og vöruhönnun.“

Hér má sjá vel valdar myndir frá opnuninni: