Utan vallar: Total-fótboltamaðurinn sem rétti Blikakúrsinn Ingvi Þór Sæmundsson skrifar 19. september 2024 10:00 Höskuldur Gunnlaugsson er markahæsti leikmaður Breiðabliks á tímabilinu. vísir/hag Breiðablik vann sjö af síðustu átta leikjum sínum í Bestu deild karla og koma á fljúgandi ferð inn í úrslitakeppnina. Ein stærsta ástæðan fyrir góðu gengi Blika að undanförnu er frammistaða fyrirliða liðsins. Eftir rúmlega klukkutíma í Kópavogsslag Breiðabliks og HK á sunnudaginn fengu Blikar hornspyrnu. Kristinn Jónsson tók hana og sendi inn á miðjan vítateig HK-inga þar sem fyrirliði heimamanna, Höskuldur Gunnlaugsson, kom á ferðinni og stangaði boltann í netið. Engu breytti þótt hann væri umkringdur miklu hávaxnari leikmönnum. Höskuldur með sína 173 sentímetra reis hæst, skoraði með kollspyrnu og kom Blikum í 4-2. Þeir unnu leikinn svo, 5-3. Að skora með skalla er ekki það fyrsta sem kemur upp í hugann þegar Höskuldur berst í tal. En markið hans gegn HK var kannski táknrænt fyrir hversu fjölhæfur leikmaður hann er; sannkallaður Total-fótboltamaður. Svo gerir hann líka bestu laufabrauð á Íslandi. Þann 6. júlí gerði Breiðablik 2-2 jafntefli við nýliða Vestra á Ísafirði. Leikurinn gegn Vestra var jafnframt síðasti leikurinn í deildinni þar sem Höskuldur spilaði sem hægri bakvörður. Eftir Vestraleikinn færði Halldór Árnason, þjálfari Breiðabliks, Höskuld á miðjuna og þar hefur hann spilað síðan þá. Og í síðustu átta leikjum deildarinnar hafa Blikar fengið 22 stig af 24 mögulegum. Þeir enduðu í 2. sæti með 49 stig, jafn mörg og Víkingar en lakari markatölu. Höskuldur í baráttu við Gylfa Þór Sigurðsson.vísir/diego Höskuldur spilaði vel framan af tímabili og var kannski í fjórða gír. En eftir að hann var færður inn á miðjuna setti hann í fimmta gír og aðrir leikmenn fylgdu með. Breiðablik hefur unnið fimm leiki í röð, sjö af síðustu átta og þar á meðal eru gríðarlega sterkir útisigrar á Val, ÍA og KA. Blikar voru svo sem langt því frá að vera í einhverjum skítamálum framan af tímabili – eftir jafnteflið við Vestramenn voru þeir í 3. sæti, sex stigum á eftir Víkingum – en það þurfti eitthvað til að kveikja almennilega á þeim. Og það gerðist við áðurnefnda breytingu. Höskuldur er jafnvígur í vörn og sókn, skilar boltanum vel frá sér, er á fullu í níutíu mínútur og rúmlega það án þess að blása úr nös og skilar mörkum og stoðsendingum. Hann er markahæsti leikmaður Breiðabliks á deildinni með átta mörk og hefur auk þess lagt upp fimm. Samkvæmt tölfræði WyScout hafa aðeins fimm leikmenn komið að fleiri mörkum í Bestu deildinni á tímabilinu og það eru allt sóknarmenn. Flest mörk og stoðsendingar í Bestu deild karla skv. WyScout Viktor Jónsson (ÍA) - 17 (16 mörk+1 stoðsending) Ari Sigurpálsson (Víkingur) - 15 (8+7) Patrick Pedersen (Valur) - 14 (13+1) Jónatan Ingi Jónsson (Valur) - 14 (11+3) Kjartan Kári Halldórsson (FH) - 14 (6+8) Höskuldur Gunnlaugsson (Breiðablik) - 13 (8+5 ) Emil Atlason (Stjarnan) - 13 (11+2) Gylfi Þór Sigurðsson (Valur) - 12 (9+3) Benóný Breki Andrésson (KR) - 12 (10+2) Viktor Karl Einarsson (Breiðablik) - 12 (6+6) Danijel Dejan Djuric (Víkingur) - 12 (8+4) Tölfræðin fangar ekki allt það sem Höskuldur gerir inni á vellinum en hún gefur vísbendingu hversu mikil áhrif hann hefur á leiki. Að meðaltali á hann 39,6 sendingar í leik, 78,6 prósent þeirra heppnast, hann á þrjár fyrirgjafir í leik, fer 2,72 sinnum framhjá andstæðingum, vinnur 3,94 skallaeinvígi, helming þeirra tuttugu einvíga sem hann fer í og stelur boltanum 4,49 sinnum í leik. Höskuldur er þriðji leikjahæsti leikmaður Breiðabliks í efstu deild og sá næstmarkahæsti.vísir/hag Ýmislegt annað hefur þó spilað inn í gott gengi Breiðabliks á síðustu vikum en frammistaða Höskuldar. Anton Ari Einarsson hefur spilað virkilega vel í Blikamarkinu, Davíð Ingvarsson hefur komið gríðarlega sterkur inn eftir heimkomuna frá Danmörku og lagt upp sex mörk í sjö leikjum og Ísak Snær Þorvaldsson hefur hrokkið í gang eftir rólega byrjun á tímabilinu. Svo verður að minnast á þátt Halldórs sem hefur verið afar sannfærandi í frumraun sinni í efstu deild. Enginn þjálfari hefur til að mynda fengið fleiri stig (49) á fyrsta heila tímabili sínu í efstu deild en hann. En Höskuldur er sá sem gaf tóninn og hann hefur líklega verið besti leikmaður tímabilsins ásamt Viktori Jónssyni. Og það er hann sem Blikar treysta á að muni leiða liðið til þriðja Íslandsmeistaratitilsins í næsta mánuði. Besta deild karla Breiðablik Utan vallar Mest lesið Boxari lést tveimur vikum eftir að hafa gift sig Sport Reka 200 manns eftir tapið fyrir Tottenham Enski boltinn Frakkar sjokkeraðir vegna hópsins sem kemur til Íslands Fótbolti Leik lokið: KR - Fram 2-3 | Byström sökkti KR-ingum sem hafa tapað þremur í röð Íslenski boltinn Skandall skekur sigursælasta liðið fyrir stærsta kappakstur ársins Sport Fyrrverandi leikmaður Man. Utd hlaut fjórtán mánaða dóm Enski boltinn Klopp snýr aftur á Anfield Enski boltinn Uppgjörið: Haukar - Valur 22-29 (0-2) | Skellt í lás í seinni Handbolti Finnur fyrir miklum létti: „Algjört andlegt rugl“ Körfubolti Eru klárlega með gæði til að spila í efstu deild Þýskalands Körfubolti Fleiri fréttir „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Í beinni: KR - Fram | Síðast voru Framarar niðurlægðir Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þeir bestu (6. sæti): Mókollur, Uxi og sumarið 1995 Sandra tekur „rykugu hanskana af hillunni“ til hjálpar FH Þeir bestu (8.-7. sæti): Markamaskínur frá Dalvík og Danmörku Þeir bestu ( 10.-9. sæti): Hörkutól með hæfileika „Finnst áran yfir þessu Þróttaraliði virkilega góð“ Sigurður Breki viðbeinsbrotinn og frá í fjórar vikur Skemmtikrafturinn spilar ekki meira fyrir nýliðana Þeir bestu (15.-11.): Rótarskot frá Skotlandi og El Salvador, sögurnar af Sigga og gullfóturinn Sjáðu Örvar fara á flug, perlu Kjartans og mark úr óvæntustu átt „Við erum með fókus á þessu og æfum þetta alveg nokkuð stíft“ Uppgjörið: Stjarnan - Víkingur 2-2 | Hornspyrnur urðu heimamönnum að falli Uppgjörið: ÍA - FH 1-3 | FH spyrnti sér af botninum með sigri á Skaganum Uppgjörið: Breiðablik - Valur 2-1 | Blikar á toppinn Tveir Vestramenn fluttir með sjúkrabíl eftir leik í gær Þeir bestu (20.-16. sæti): Glæsilegur endir gamalla manna og dönsku demantarnir í Kaplakrika Sjáðu mörkin úr veislunni í Mosó og vítið sem Fram fékk Sigurður Breki á spítala eftir harkalegt samstuð Uppgjörið: Afturelding - KR 4-3 | Heimasigur eftir tvöfalda endurkomu Gabríel Aron skoraði þrennu í fyrri hálfleik Uppgjörið: Fram - Vestri 1-0 | Frammarar stöðvuðu sigurgöngu Vestra Uppgjörið: ÍBV - KA 0-0 | Ekkert samba í sólinni Sjáðu glæsimark Úlfu, stórsigur Stólanna, sjóðheita Þróttara og Þór/KA þrennuna Uppgjörið: Þróttur - FH 4-1 | Sjóðheitir Þróttarar völtuðu yfir FH Uppgjörið: Fram - Þór/KA 1-3 | Tvö mörk frá Söndru Maríu í sigri Þór/KA Sjá meira
Eftir rúmlega klukkutíma í Kópavogsslag Breiðabliks og HK á sunnudaginn fengu Blikar hornspyrnu. Kristinn Jónsson tók hana og sendi inn á miðjan vítateig HK-inga þar sem fyrirliði heimamanna, Höskuldur Gunnlaugsson, kom á ferðinni og stangaði boltann í netið. Engu breytti þótt hann væri umkringdur miklu hávaxnari leikmönnum. Höskuldur með sína 173 sentímetra reis hæst, skoraði með kollspyrnu og kom Blikum í 4-2. Þeir unnu leikinn svo, 5-3. Að skora með skalla er ekki það fyrsta sem kemur upp í hugann þegar Höskuldur berst í tal. En markið hans gegn HK var kannski táknrænt fyrir hversu fjölhæfur leikmaður hann er; sannkallaður Total-fótboltamaður. Svo gerir hann líka bestu laufabrauð á Íslandi. Þann 6. júlí gerði Breiðablik 2-2 jafntefli við nýliða Vestra á Ísafirði. Leikurinn gegn Vestra var jafnframt síðasti leikurinn í deildinni þar sem Höskuldur spilaði sem hægri bakvörður. Eftir Vestraleikinn færði Halldór Árnason, þjálfari Breiðabliks, Höskuld á miðjuna og þar hefur hann spilað síðan þá. Og í síðustu átta leikjum deildarinnar hafa Blikar fengið 22 stig af 24 mögulegum. Þeir enduðu í 2. sæti með 49 stig, jafn mörg og Víkingar en lakari markatölu. Höskuldur í baráttu við Gylfa Þór Sigurðsson.vísir/diego Höskuldur spilaði vel framan af tímabili og var kannski í fjórða gír. En eftir að hann var færður inn á miðjuna setti hann í fimmta gír og aðrir leikmenn fylgdu með. Breiðablik hefur unnið fimm leiki í röð, sjö af síðustu átta og þar á meðal eru gríðarlega sterkir útisigrar á Val, ÍA og KA. Blikar voru svo sem langt því frá að vera í einhverjum skítamálum framan af tímabili – eftir jafnteflið við Vestramenn voru þeir í 3. sæti, sex stigum á eftir Víkingum – en það þurfti eitthvað til að kveikja almennilega á þeim. Og það gerðist við áðurnefnda breytingu. Höskuldur er jafnvígur í vörn og sókn, skilar boltanum vel frá sér, er á fullu í níutíu mínútur og rúmlega það án þess að blása úr nös og skilar mörkum og stoðsendingum. Hann er markahæsti leikmaður Breiðabliks á deildinni með átta mörk og hefur auk þess lagt upp fimm. Samkvæmt tölfræði WyScout hafa aðeins fimm leikmenn komið að fleiri mörkum í Bestu deildinni á tímabilinu og það eru allt sóknarmenn. Flest mörk og stoðsendingar í Bestu deild karla skv. WyScout Viktor Jónsson (ÍA) - 17 (16 mörk+1 stoðsending) Ari Sigurpálsson (Víkingur) - 15 (8+7) Patrick Pedersen (Valur) - 14 (13+1) Jónatan Ingi Jónsson (Valur) - 14 (11+3) Kjartan Kári Halldórsson (FH) - 14 (6+8) Höskuldur Gunnlaugsson (Breiðablik) - 13 (8+5 ) Emil Atlason (Stjarnan) - 13 (11+2) Gylfi Þór Sigurðsson (Valur) - 12 (9+3) Benóný Breki Andrésson (KR) - 12 (10+2) Viktor Karl Einarsson (Breiðablik) - 12 (6+6) Danijel Dejan Djuric (Víkingur) - 12 (8+4) Tölfræðin fangar ekki allt það sem Höskuldur gerir inni á vellinum en hún gefur vísbendingu hversu mikil áhrif hann hefur á leiki. Að meðaltali á hann 39,6 sendingar í leik, 78,6 prósent þeirra heppnast, hann á þrjár fyrirgjafir í leik, fer 2,72 sinnum framhjá andstæðingum, vinnur 3,94 skallaeinvígi, helming þeirra tuttugu einvíga sem hann fer í og stelur boltanum 4,49 sinnum í leik. Höskuldur er þriðji leikjahæsti leikmaður Breiðabliks í efstu deild og sá næstmarkahæsti.vísir/hag Ýmislegt annað hefur þó spilað inn í gott gengi Breiðabliks á síðustu vikum en frammistaða Höskuldar. Anton Ari Einarsson hefur spilað virkilega vel í Blikamarkinu, Davíð Ingvarsson hefur komið gríðarlega sterkur inn eftir heimkomuna frá Danmörku og lagt upp sex mörk í sjö leikjum og Ísak Snær Þorvaldsson hefur hrokkið í gang eftir rólega byrjun á tímabilinu. Svo verður að minnast á þátt Halldórs sem hefur verið afar sannfærandi í frumraun sinni í efstu deild. Enginn þjálfari hefur til að mynda fengið fleiri stig (49) á fyrsta heila tímabili sínu í efstu deild en hann. En Höskuldur er sá sem gaf tóninn og hann hefur líklega verið besti leikmaður tímabilsins ásamt Viktori Jónssyni. Og það er hann sem Blikar treysta á að muni leiða liðið til þriðja Íslandsmeistaratitilsins í næsta mánuði.
Viktor Jónsson (ÍA) - 17 (16 mörk+1 stoðsending) Ari Sigurpálsson (Víkingur) - 15 (8+7) Patrick Pedersen (Valur) - 14 (13+1) Jónatan Ingi Jónsson (Valur) - 14 (11+3) Kjartan Kári Halldórsson (FH) - 14 (6+8) Höskuldur Gunnlaugsson (Breiðablik) - 13 (8+5 ) Emil Atlason (Stjarnan) - 13 (11+2) Gylfi Þór Sigurðsson (Valur) - 12 (9+3) Benóný Breki Andrésson (KR) - 12 (10+2) Viktor Karl Einarsson (Breiðablik) - 12 (6+6) Danijel Dejan Djuric (Víkingur) - 12 (8+4)
Besta deild karla Breiðablik Utan vallar Mest lesið Boxari lést tveimur vikum eftir að hafa gift sig Sport Reka 200 manns eftir tapið fyrir Tottenham Enski boltinn Frakkar sjokkeraðir vegna hópsins sem kemur til Íslands Fótbolti Leik lokið: KR - Fram 2-3 | Byström sökkti KR-ingum sem hafa tapað þremur í röð Íslenski boltinn Skandall skekur sigursælasta liðið fyrir stærsta kappakstur ársins Sport Fyrrverandi leikmaður Man. Utd hlaut fjórtán mánaða dóm Enski boltinn Klopp snýr aftur á Anfield Enski boltinn Uppgjörið: Haukar - Valur 22-29 (0-2) | Skellt í lás í seinni Handbolti Finnur fyrir miklum létti: „Algjört andlegt rugl“ Körfubolti Eru klárlega með gæði til að spila í efstu deild Þýskalands Körfubolti Fleiri fréttir „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Í beinni: KR - Fram | Síðast voru Framarar niðurlægðir Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þeir bestu (6. sæti): Mókollur, Uxi og sumarið 1995 Sandra tekur „rykugu hanskana af hillunni“ til hjálpar FH Þeir bestu (8.-7. sæti): Markamaskínur frá Dalvík og Danmörku Þeir bestu ( 10.-9. sæti): Hörkutól með hæfileika „Finnst áran yfir þessu Þróttaraliði virkilega góð“ Sigurður Breki viðbeinsbrotinn og frá í fjórar vikur Skemmtikrafturinn spilar ekki meira fyrir nýliðana Þeir bestu (15.-11.): Rótarskot frá Skotlandi og El Salvador, sögurnar af Sigga og gullfóturinn Sjáðu Örvar fara á flug, perlu Kjartans og mark úr óvæntustu átt „Við erum með fókus á þessu og æfum þetta alveg nokkuð stíft“ Uppgjörið: Stjarnan - Víkingur 2-2 | Hornspyrnur urðu heimamönnum að falli Uppgjörið: ÍA - FH 1-3 | FH spyrnti sér af botninum með sigri á Skaganum Uppgjörið: Breiðablik - Valur 2-1 | Blikar á toppinn Tveir Vestramenn fluttir með sjúkrabíl eftir leik í gær Þeir bestu (20.-16. sæti): Glæsilegur endir gamalla manna og dönsku demantarnir í Kaplakrika Sjáðu mörkin úr veislunni í Mosó og vítið sem Fram fékk Sigurður Breki á spítala eftir harkalegt samstuð Uppgjörið: Afturelding - KR 4-3 | Heimasigur eftir tvöfalda endurkomu Gabríel Aron skoraði þrennu í fyrri hálfleik Uppgjörið: Fram - Vestri 1-0 | Frammarar stöðvuðu sigurgöngu Vestra Uppgjörið: ÍBV - KA 0-0 | Ekkert samba í sólinni Sjáðu glæsimark Úlfu, stórsigur Stólanna, sjóðheita Þróttara og Þór/KA þrennuna Uppgjörið: Þróttur - FH 4-1 | Sjóðheitir Þróttarar völtuðu yfir FH Uppgjörið: Fram - Þór/KA 1-3 | Tvö mörk frá Söndru Maríu í sigri Þór/KA Sjá meira