Á­vísun á ei­líf von­brigði að elta góða veðrið

„Skítaveður er þriðja lagið sem Bogomoli Font & Greiningardeildin senda frá sér í ár en áður hafa komið út lögin Sjóddu frekar egg og Bosslady. 

Það er Sigtryggur Baldursson sem ljáir Bogomil rödd sína, en þetta er í grunninn teymið sem stendur að Hljómskálanum, þáttum um íslenska tónlist og koma ýmsir valinkunnir íslenskir hljóðfæraleikarar að upptökunum,“ segir í fréttatilkynningu. 

Ásamt þríeykinu koma meðal annars Sigurður Guðmundsson, Rubin Pollock, Árný Margrét, Tómas Jónsson, Samúel Jón Samúelsson, Óskar Guðjónsson og Kjartan Hákonarson að laginu.

Strákarnir segja nýja lagið ákveðin uppgjör við sumarið sem aldrei kom.

„Og í raun það undarlega samband sem við eigum við íslenska veðráttu. Sömuleiðis kemur textinn inn á ákveðnar hugmyndir okkar um að veðrið sé mögulega skárra annars staðar á landinu og þá séríslensku áráttu að „elta góða veðrið“ sem er auðvitað ekkert annað en ávísun á eilíf vonbrigði.“

Hér má sjá flutning Bogomil Font og Greiningadeildarinnar á laginu á Ljósanótt:

Hér má finna textann við lagið í heild sinni:

Hér bítur vestanáttin mest

hérna getur sólin varla sest.

Og ég blotna í báða fætur hvar svo sem ég stend.

Því oftast nær er úrkoma í grennd.

Ofankoma, úrhelli og hret.

Ég ekki mikið meir af þessu get.

Það er lágskýjað – og lognið nær ekki' að stoppa hér

og það er lítilsháttar súld í huga mér.

Það er alltaf sól fyrir austan.

Alltaf logn fyrir vestan.

Það er allt svo næs fyrir norðan

– en það er rok og rigning hér.

Það er alltaf sól fyrir austan.

Alltaf logn fyrir vestan.

Það er allt svo næs fyrir norðan

– en það er skítaveður hér.

Hér verða lægðardrögin dýpst.

Hérna allraveðravonin þrífst.

Við virðumst enguaðsíður undarlega sátt.

Enda alin upp í breytilegri átt.

Það er alltaf sól fyrir austan.

Alltaf logn fyrir vestan.

Það er allt svo næs fyrir norðan

– en það er rok og rigning hér.

Það er alltaf sól fyrir austan.

Alltaf logn fyrir vestan.

Það er allt svo næs fyrir norðan

– en það er skítaveður hér.

Sjálfsagt er hún fögur þessi hlíð.

Hún sést barekkí þessari vætutíð.

En þykkust var samt þokan í höfði hálfvitans

sem kaus að setjast að hér sunnanlands.

Það er alltaf sól fyrir austan.

Alltaf logn fyrir vestan.

Það er allt svo næs fyrir norðan

– en það er rok og rigning hér.

Hér má hlusta á lagið á streymisveitunni Spotify.