Alldjúp lægð færir með sér gula viðvörun Eiður Þór Árnason skrifar 2. ágúst 2024 07:48 Það er spáð hvassviðri í Vestmannaeyjum á morgun. vísir/vilhelm Gul viðvörun hefur verið gefin út vegna veðurs á Suðurlandi og Suðausturlandi á morgun vegna hvassviðris. Viðvörunin er í gildi frá klukkan sex í fyrramálið til fjögur á Suðurlandi þar sem gert er ráð fyrir fimmtán til tuttugu metrum á sekúndu með snörpum vindhviðum syðst á svæðinu, einkum í Vestmannaeyjum og undir Eyjafjöllum. Varað er við því að tjöld og lausamunir geti fokið. Gult ástand gildir á Suðausturlandi frá klukkan þrjú í nótt til tvö eftir hádegi og spáð fimmtán til tuttugu metrum á sekúndu vestan Öræfa og má búast við snörpum vindhviðum. Varasamar aðstæður verða fyrir ökutæki sem taka á sig mikinn vind á svæðum bæði á Suðurlandi og Suðausturlandi. Þessu er greint frá á vef Veðurstofu Íslands. Einar Sveinbjörnsson, veðurfræðingur hjá Veðurvaktinni segir útlit fyrir austan hvassviðri og jafnvel storm með suðurströndinni frá því í nótt og fram yfir hádegi á morgun. Undir Eyjafjöllum og í Mýrdal megi reikna með snörpum hviðum sem geti náð þrjátíu til fjörutíu metrum á sekúndu og nái hámarki á milli klukkan sex og hádegis. Eins verði hviður í Öræfum við Sandfell og Hof um svipað leyti. Hlýjast á Vesturlandi Veðurstofan spáir rigningu á Suðaustur- og Austurlandi í dag, annars vætu með köflum, einkum síðdegis og þá talsverð rigning austast á landinu. Vindur gengur í austan og norðaustan átta til fimmtán metra á sekúndu. Hiti átta til sextán stig, hlýjast á Vesturlandi. Dregur úr vætu í kvöld. Austan átta til fimmtán metrar á sekúndu og væta með köflum á morgun, en þrettán til tuttugu metrar á sekúndu syðst á landinu fram eftir degi. Yfirleitt þurrt á Vesturlandi og í innsveitum norðanlands. Hiti víða níu til átján stig, hlýjast vestantil. Leiðindaveður á mánudag Alldjúp lægð er að hringsóla fyrir sunnan land, að því er fram kemur í hugleiðingum veðurfræðings hjá Veðurstofunni. Henni fylgi austan og norðaustan kaldi eða stinningskaldi með rigningu suðaustan- og austanlands. Síðdegis og í kvöld rigni einnig um tíma í öðrum landshlutum. Í kvöld dragi úr vætu en í nótt herði á vindi syðst á landinu. Fyrri part laugardags sé útlit fyrir austan hvassviðri á svæðinu frá Öræfum og vestur undir Eyjafjöll, þar á meðal í Vestmannaeyjum. Þá segir veðurfræðingur að varasamar aðstæður geti skapast fyrir ökutæki sem taka á sig mikinn vind auk þess sem veðrið geti haft talsverð áhrif á tjaldferðalanga. Eftir hádegi dragi smám saman úr vindi á þessum slóðum. Í öðrum landshlutum verði vindur hægari og væta með köflum, en yfirleitt þurrt og milt vestanlands og í innsveitum á Norðurlandi. Norðaustan og austan fimm til þrettán metrum á sekúndu með rigningu suðaustantil er spáð á sunnudag, en aðrir landshlutar sleppa þó ekki alveg við vætu. Á mánudagsmorgun er síðan spáð leiðindaveðri, hvassri norðaustanátt með rigningu um allt land. Þeim sem eiga eitthvað undir veðri er bent á að fylgjast vel með veðurspám. Veðurhorfur á landinu næstu daga Á laugardag: Austan 8-15 og væta með köflum, en 13-20 m/s syðst á landinu fram eftir degi. Yfirleitt þurrt á Vesturlandi og í innsveitum norðanlands. Hiti víða 9 til 18 stig, hlýjast vestantil.Á sunnudag: Norðaustan og austan 5-13 og dálítil væta með köflum, þó síst vestanlands. Hiti 8 til 17 stig, hlýjast á Suðvesturlandi. Hvessir við suðausturströndina um kvöldið.Á mánudag (frídagur verslunarmanna): Norðaustan 10-18, en hvassara suðaustantil fram eftir morgni. Víða rigning, talsverð úrkoma um tíma á Austfjörðum, en væta með köflum á Suður- og Suðvesturlandi. Hiti 8 til 16 stig, mildast sunnan heiða. Lægir sunnan- og austanlands seinnipartinn.Á þriðjudag: Norðaustlæg átt og rigning, en úrkomulítið suðvestan- og vestanlands. Hiti breytist lítið.Á miðvikudag: Norðlæg átt. Súld eða rigning og svalt í veðri norðantil, en þurrt og mildara syðra.Á fimmtudag: Norðlæg átt og skýjað en úrkomulítið. Veður Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Heimila gjaldtöku vegna fjarheilbrigðisþjónustu og útkalls án flutnings Innlent Demókrötum kennt um og uppsögnum hótað Erlent Fjórir særðir eftir árás við bænahús gyðinga í Manchester Erlent Hafði hvorki þekkingu né umboð til að tjá sig um fjármálin Innlent Fleiri fréttir Skúrir og áfram milt í veðri Suðlægar áttir og úrkoma í flestum landshlutum Sunnan strekkingur og vætusamt Allhvass vindur sunnan- og vestanlands og rigning Fyrsta haustlægðin mætt til landsins Von á mesta vindinum í marga mánuði Búast við auknu álagi á fráveitu vegna mikillar úrkomu Röð lægða með hefðbundnu haustveðri Lægðagangur næstu daga býður upp á sígilt haustveður Strekkingsvindur og fremur vætusamt næstu daga Vaxandi vindur þegar líður á daginn Grunn lægð yfir landinu í dag en suðlægir vindar á morgun Víða kaldi og allhvasst en lægir smám saman í dag Gular viðvaranir og svalri norðanátt beint til landsins Slydduél norðantil en þurrt og bjart sunnan heiða Kólnar í kvöld og allvíða næturfrost Kólnar þegar líður á vikuna Milt veður og víða væta Rigning með köflum víðast hvar Blautt víðast hvar Dálítil rigning og lægðir á sveimi Væta með köflum og dregur úr vindi Víða rigning og hiti að fjórtán stigum Hvasst og samfelld rigning austast Má reikna með vatnavöxtum suðaustantil Rigning í dag Víðast hægur vindur og hiti að fimmtán stigum Rigning norðan- og austantil en bjart suðvestanlands Léttskýjað vestan- og sunnantil en blautara annars staðar Hiti að tuttugu stigum og hlýjast sunnantil Sjá meira
Gult ástand gildir á Suðausturlandi frá klukkan þrjú í nótt til tvö eftir hádegi og spáð fimmtán til tuttugu metrum á sekúndu vestan Öræfa og má búast við snörpum vindhviðum. Varasamar aðstæður verða fyrir ökutæki sem taka á sig mikinn vind á svæðum bæði á Suðurlandi og Suðausturlandi. Þessu er greint frá á vef Veðurstofu Íslands. Einar Sveinbjörnsson, veðurfræðingur hjá Veðurvaktinni segir útlit fyrir austan hvassviðri og jafnvel storm með suðurströndinni frá því í nótt og fram yfir hádegi á morgun. Undir Eyjafjöllum og í Mýrdal megi reikna með snörpum hviðum sem geti náð þrjátíu til fjörutíu metrum á sekúndu og nái hámarki á milli klukkan sex og hádegis. Eins verði hviður í Öræfum við Sandfell og Hof um svipað leyti. Hlýjast á Vesturlandi Veðurstofan spáir rigningu á Suðaustur- og Austurlandi í dag, annars vætu með köflum, einkum síðdegis og þá talsverð rigning austast á landinu. Vindur gengur í austan og norðaustan átta til fimmtán metra á sekúndu. Hiti átta til sextán stig, hlýjast á Vesturlandi. Dregur úr vætu í kvöld. Austan átta til fimmtán metrar á sekúndu og væta með köflum á morgun, en þrettán til tuttugu metrar á sekúndu syðst á landinu fram eftir degi. Yfirleitt þurrt á Vesturlandi og í innsveitum norðanlands. Hiti víða níu til átján stig, hlýjast vestantil. Leiðindaveður á mánudag Alldjúp lægð er að hringsóla fyrir sunnan land, að því er fram kemur í hugleiðingum veðurfræðings hjá Veðurstofunni. Henni fylgi austan og norðaustan kaldi eða stinningskaldi með rigningu suðaustan- og austanlands. Síðdegis og í kvöld rigni einnig um tíma í öðrum landshlutum. Í kvöld dragi úr vætu en í nótt herði á vindi syðst á landinu. Fyrri part laugardags sé útlit fyrir austan hvassviðri á svæðinu frá Öræfum og vestur undir Eyjafjöll, þar á meðal í Vestmannaeyjum. Þá segir veðurfræðingur að varasamar aðstæður geti skapast fyrir ökutæki sem taka á sig mikinn vind auk þess sem veðrið geti haft talsverð áhrif á tjaldferðalanga. Eftir hádegi dragi smám saman úr vindi á þessum slóðum. Í öðrum landshlutum verði vindur hægari og væta með köflum, en yfirleitt þurrt og milt vestanlands og í innsveitum á Norðurlandi. Norðaustan og austan fimm til þrettán metrum á sekúndu með rigningu suðaustantil er spáð á sunnudag, en aðrir landshlutar sleppa þó ekki alveg við vætu. Á mánudagsmorgun er síðan spáð leiðindaveðri, hvassri norðaustanátt með rigningu um allt land. Þeim sem eiga eitthvað undir veðri er bent á að fylgjast vel með veðurspám. Veðurhorfur á landinu næstu daga Á laugardag: Austan 8-15 og væta með köflum, en 13-20 m/s syðst á landinu fram eftir degi. Yfirleitt þurrt á Vesturlandi og í innsveitum norðanlands. Hiti víða 9 til 18 stig, hlýjast vestantil.Á sunnudag: Norðaustan og austan 5-13 og dálítil væta með köflum, þó síst vestanlands. Hiti 8 til 17 stig, hlýjast á Suðvesturlandi. Hvessir við suðausturströndina um kvöldið.Á mánudag (frídagur verslunarmanna): Norðaustan 10-18, en hvassara suðaustantil fram eftir morgni. Víða rigning, talsverð úrkoma um tíma á Austfjörðum, en væta með köflum á Suður- og Suðvesturlandi. Hiti 8 til 16 stig, mildast sunnan heiða. Lægir sunnan- og austanlands seinnipartinn.Á þriðjudag: Norðaustlæg átt og rigning, en úrkomulítið suðvestan- og vestanlands. Hiti breytist lítið.Á miðvikudag: Norðlæg átt. Súld eða rigning og svalt í veðri norðantil, en þurrt og mildara syðra.Á fimmtudag: Norðlæg átt og skýjað en úrkomulítið.
Veður Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent „Brotamenn eru nú ekki oft miklir borgunarmenn“ Innlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Heimila gjaldtöku vegna fjarheilbrigðisþjónustu og útkalls án flutnings Innlent Demókrötum kennt um og uppsögnum hótað Erlent Fjórir særðir eftir árás við bænahús gyðinga í Manchester Erlent Hafði hvorki þekkingu né umboð til að tjá sig um fjármálin Innlent Fleiri fréttir Skúrir og áfram milt í veðri Suðlægar áttir og úrkoma í flestum landshlutum Sunnan strekkingur og vætusamt Allhvass vindur sunnan- og vestanlands og rigning Fyrsta haustlægðin mætt til landsins Von á mesta vindinum í marga mánuði Búast við auknu álagi á fráveitu vegna mikillar úrkomu Röð lægða með hefðbundnu haustveðri Lægðagangur næstu daga býður upp á sígilt haustveður Strekkingsvindur og fremur vætusamt næstu daga Vaxandi vindur þegar líður á daginn Grunn lægð yfir landinu í dag en suðlægir vindar á morgun Víða kaldi og allhvasst en lægir smám saman í dag Gular viðvaranir og svalri norðanátt beint til landsins Slydduél norðantil en þurrt og bjart sunnan heiða Kólnar í kvöld og allvíða næturfrost Kólnar þegar líður á vikuna Milt veður og víða væta Rigning með köflum víðast hvar Blautt víðast hvar Dálítil rigning og lægðir á sveimi Væta með köflum og dregur úr vindi Víða rigning og hiti að fjórtán stigum Hvasst og samfelld rigning austast Má reikna með vatnavöxtum suðaustantil Rigning í dag Víðast hægur vindur og hiti að fimmtán stigum Rigning norðan- og austantil en bjart suðvestanlands Léttskýjað vestan- og sunnantil en blautara annars staðar Hiti að tuttugu stigum og hlýjast sunnantil Sjá meira