Hvessir víðast hvar síðdegis

Sólrún Dögg Jósefsdóttir skrifar 29. mars 2024 07:36

Það verður hægt vaxandi norðaustanátt á landinu í dag. Síðdegis nær 10-18 m/s víða. Él verður á Norður- og Austurlandi, en bjart að mestu um landið sunnanvert. Frost mælist 0 til 6 stig í dag en frostlaust verður sunnantil yfir daginn.

Þetta kemur fram í textaspá Veðurstofunnar. Hæð yfir Grænlandi og lægðasvæði norður af Bretlandseyjum beina til okkar hægt vaxandi norðaustanátt, víða 10-18 m/s síðdegis.

Él á Norður- og Austurlandi og vægt frost, en yfirleitt þurrt og bjart um landið sunnanvert með hita að 5 stigum yfir daginn. Í kvöld bætir í vind undir Vatnajökli og þar má búast við hvössum vindstrengjum í nótt og fram eftir degi á morgun. Annars er litlar breytingar að sjá til morguns.

Spáð er allhvassri norðanátt á Páskadag og snjókoma eða él um landið norðanvert, en úrkomulítið sunnanlands. Frost 0 til 8 stig.

Veðurhorfur næstu daga

Á laugardag:

Norðaustlæg átt, víða 10-18 m/s. Él norðan- og austanlands, en yfirleitt þurrt sunnan heiða. Vægt frost, en frostlaust sunnantil yfir hádaginn.

Á sunnudag:

Norðaustan 13-18 og snjókoma eða él, en þurrt að kalla um landið sunnanvert. Bætir heldur í vind síðdegis. Frost 0 til 8 stig.

Á mánudag:

Norðaustan 13-20 og él, en yfirleitt þurrt sunnanlands. Dregur úr vindi og úrkomu eftir hádegi. Hiti breytist lítið.

Á þriðjudag:

Fremur hæg breytileg átt og bjart með köflum. Frost 0 til 10 stig.

Á miðvikudag:

Breytileg átt og dálítil él norðan- og vestantil, annars þurrt að kalla. Hlýnar lítillega.

Á fimmtudag:

Austlæg eða breytileg átt og stöku él.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir