Enski boltinn

Chelsea tryggir öryggi undrabarnsins í Ekvador

Ágúst Orri Arnarson skrifar
Kendry Paez var á vellinum þegar Chelsea vann Newcastle í vítaspyrnukeppni í 8-liða úrslitum deildarbikarsins. Hann fór þá á nokkrar æfingar og mun spila fyrir félagið þegar hann nær 18 ára aldri.
Kendry Paez var á vellinum þegar Chelsea vann Newcastle í vítaspyrnukeppni í 8-liða úrslitum deildarbikarsins. Hann fór þá á nokkrar æfingar og mun spila fyrir félagið þegar hann nær 18 ára aldri. Robin Jones/Getty Images

Enska úrvalsdeildarliðið Chelsea greiðir öryggisgæslu allan sólarhringinn fyrir hinn 16 ára gamla Kendry Paez og fjölskyldu hans vegna mikilla óeirða í heimalandi þeirra Ekvador. 

Sömuleiðis borgar Chelsea fyrir öryggisgæslu í kringum fjölskyldu Moises Caicedo, Ekvadorans sem varð síðasta sumar dýrasti leikmaður í sögu ensku úrvals-deildarinnar. 

Kendry Paez er minna þekkt nafn, en Chelsea festi kaup á honum fyrir um 17 milljónir punda á síðasta ári og Paez mun ganga til liðs við félagið þegar hann nær 18 ára aldri. 

Paez þykir eitt mesta efnið í boltanum í dag, aðeins 16 ára og 161 dags gamall og hefur hlotið viðurnefnið "gimsteinn Ekvador". Hann varð yngsti leikmaður í sögu Ekvador þegar hann spilaði og skoraði í fyrsta leik sínum aðeins 15 ára gamall. 

Enski boltinn

Mest lesið


Fleiri fréttir

Sjá meira


×

Mest lesið