Palace gæti rekið Hodgson og ráðið Cooper

Palace er án sigurs í síðustu átta deildarleikjum og það þykir orðið nokkuð heitt undir hinum aldna Hodgson. Hann gæti verið rekinn ef leikur Palace gegn Brentford á morgun fer illa.

Steve Cooper þykir líklegastur til að taka við Palace ef Hodgson verður látinn fara. Cooper er án starfs eftir að hafa verið rekinn frá Nottingham Forest í síðustu viku.

Walesverjinn ku vilja taka sér frí frá þjálfun um óákveðinn tíma og því þurfa að forráðamenn Palace að fá hann til að skipta um skoðun.

Palace er í 15. sæti ensku úrvalsdeildarinnar með átján stig, aðeins þremur stigum frá fallsæti. Sem fyrr sagði mætir liðið Brentford á heimavelli á morgun.