Sport

KA í engum vandræðum með Selfyssinga

Andri Már Eggertsson skrifar
Einar Rafn Eiðsson skoraði sex mörk í kvöld
Einar Rafn Eiðsson skoraði sex mörk í kvöld Vísir/Hulda Margrét

KA fór á Selfoss og vann sjö marka útisigur 23-30 í 1. umferð Olís deildar karla. Jafnræði var með liðunum til að byrja með en KA gekk á lagið þegar að líða tók á fyrri hálfleik og leit aldrei um öxl eftir það.

Liðin skiptust á mörkum fyrstu tuttugu og fimm mínúturnar en í stöðunni 10-10 komst KA í gang. Gestirnir voru þremur mörkum yfir í hálfleik 12-15.

Gestirnir frá Akureyri stigu á bensíngjöfina í síðari hálfleik og fóru illa með Selfyssinga. Heimamenn skoruðu aðeins tvö mörk á fyrstu tíu mínútum síðari hálfleiks og KA komst átta mörkum yfir 14-22.

Sveinn Andri Sveinsson gekk til liðs við Selfyssinga á dögunum og spilaði í dag. Sveinn skoraði fimm mörk úr fimm skotum.

Hjá KA voru Einar Rafn Eiðsson og Einar Birgir Stefánsson markahæstir með sex mörk hvor. Ott Varik skoraði fimm mörk en KA fékk hann fyrir tímabilið.

Selfyssingar ógnuðu aldrei forskoti KA og gestirnir unnu sjö marka sigur 23-30. 

UMF Selfoss KA Olís-deild karla

Mest lesið


Fleiri fréttir

Sjá meira


×

Mest lesið