Åge á­nægður með nýjustu tíðindi af Gylfa: „Mun fylgjast vel með honum“

Åge er á­nægður með að nú virðist ætla stefna í að Gylfi Þór snúi aftur í at­vinnu­mennsku en búist er við því að hann skrifi undir eins árs samning við danska úr­vals­deildar­fé­lagið Lyng­by í dag.

Norð­maðurinn segist munu fylgjast náið með þróuninni hjá Gylfa næstu mánuðina.

„Hann mun þurfa tíma,“ sagði Åge á blaða­manna­fundi um þróunina hjá Gylfa. „Ég veit að hann hefur verið að glíma við smá­vægi­leg meiðsli. En hann byrjar að spila reglu­lega fyrir Lyng­by þa mun ég fylgjast vel með honum.

Åge er á­nægður með þetta verðandi skref Gylfa.

„Ég er mjög á­nægður með þessi skipti. Hjá Lyng­by mun hann spila undir stjórn góðs þjálfara, Freys Alexanders­sonar. Hæfi­leikar Gylfa inn á knatt­spyrnu­vellinum eru ótvíræðir ég mun fylgjast náið með honum.“

Gylfi hefur verið án félags síðan samningur hans við enska úr­vals­deildar­fé­lagið E­ver­ton rann út sumarið 2022. Hann hefur ekki spilað fót­bolta­leik síðan í maí 2021 en hann var hand­tekinn síðar það sumar vegna gruns um brot gegn ó­lög­ráða ein­stak­lingi.

Í apríl síðast­liðnum lýsti lög­reglan í Manchester því hins vegar yfir að sönnunar­gögn „næðu ekki þeim þröskuldi sem fellur að reglum sak­sóknara krúnunnar“, og var Gylfi þar með laus allra mála.

Lyngby er í 9. sæti dönsku úrvalsdeildarinnar með sjö stig eftir sex leiki. Næsti leikur liðsins er gegn Nordsjælland á sunnudaginn.