Tónlist

„Náði að forðast ástina þar til ég lenti í rímnaflækju“

Dóra Júlía Agnarsdóttir skrifar
Silja Rós sendi á dögunum frá sér lagið Share U. Lagið var kynnt sem Íslenskt og áhugavert á Íslenska listanum á FM í dag.
Silja Rós sendi á dögunum frá sér lagið Share U. Lagið var kynnt sem Íslenskt og áhugavert á Íslenska listanum á FM í dag. Shamir

Tónlistarkonan Silja Rós sendi frá sér lagið Share U fyrir nokkrum vikum síðan en lagið var kynnt inn í fasta liðnum Íslenskt og áhugavert á Íslenska listanum á FM í dag.

Ætlaði ekki að semja ástarlag

„Ég samdi lagið í Kaupmannahöfn þar sem ég var búsett í tvö ár. Lagið varð til í svefnherberginu mínu á litlu midi hljómborði í miðju Covid þar sem vinnan færðist heim. 

Ég man skýrt eftir því að akkúrat þennan dag langaði mig ekki að semja ástarlag og ætlaði að semja um eitthvað allt annað,“ 

segir Silja Rós og bætir við: 

„Textinn byrjaði að myndast og ég náði að forðast ástina þar til ég lenti í rímna flækju og allt í einu kom setning sem leiðbeindi laginu beint aftur á braut ástarinnar. Ég dvaldi ekkert lengi við það og hugsaði bara, jæja þá er þetta ástarlag og leyfði því bara að flæða náttúrulega.“

Mikil gjöf að vinna með kærastanum

Silja vann lagið með kærastanum sínum, Magnúsi Orra.

„Það er mikil gjöf að geta starfað með kærastanum sínum og samstarfið hefur hingað til gengið mjög vel þrátt fyrir að við séum bæði með mjög sterkar skoðanir hvað varðar útsetningar og erum ekkert alltaf sammála. 

Þegar við byrjuðum að taka upp Share U settum við okkur eina reglu, að við myndum hafa gaman að öllu ferlinu og bara vinna í laginu þegar við værum bæði með góða orku til að skapa. Við settum okkur enga tímapressu og eyddum miklum tíma í að dúlla okkur við raddútsetningar. Þetta var ótrúlega skemmtilegt ferli og mér þykir þess vegna enn vænna um lagið.“

Í spilaranum hér fyrir neðan má heyra lagið Share U:

Klippa: Silja Rós - Share U

Ellie Goulding og Calvin Harris sitja staðföst í fyrsta sæti Íslenska listans á FM með danslagið Miracle. Daniil og Friðrik Dór fylgja fast á eftir með lagið Aleinn og Eurovision stjarnan Diljá situr í þriðja sætinu með lagið Power.

Íslenski listinn er fluttur alla laugardaga á milli klukkan 14:00 og 16:00.

Lög Íslenska listans:

Íslenski listinn á Spotify:


Tengdar fréttir

„Maður átti helst ekkert að tala um aldurinn sinn“

Tónlistarkonan og leikkonan Silja Rós er að eigin sögn orkumikil tilfinningavera sem lifir fyrir að skapa list. Það kom snemma í ljós hvert stefndi þar sem hún var syngjandi allan daginn sem barn og henni líður hvergi betur en á sviðinu. Silja Rós er tilnefnd sem Nýliði ársins á Hlustendaverðlaununum.

Allt­um­lykjandi kyn­orkan veitti inn­blásturinn

Dularfullur tónlistarmaður sem kallar sig BLOSSI var að senda frá sér lagið Heim með þér. Þetta er fyrsta lag sem kemur út í nafni BLOSSA, sem segist vera heitasti nýi listamaðurinn í dag.

Lærði söng hjá Frikka Dór og á nú hittara með honum

Rapparinn Daniil situr í fjórða sæti Íslenska listans á FM með nýtt lag sem ber heitið Aleinn. Með honum á laginu er enginn annar en Friðrik Dór en Daniil var einungis níu ára gamall þegar hann kynntist Frikka, í gegnum söngtíma.

Kristmundur Axel með tvö lög á Íslenska listanum

Rapparinn Kristmundur Axel hefur með sanni átt öfluga endurkomu inn í íslenskt tónlistarlíf að undanförnu og kom meðal annars fram á Hlustendaverðlaununum í ár. Hann er mættur á Íslenska listann á FM með ekki bara eitt heldur tvö lög.

Herra Hnetusmjör og Frikki Dór aftur á toppnum

Tónlistarmennirnir Herra Hnetusmjör og Friðrik Dór sitja á toppi Íslenska listans með lagið Vinn við það. Lagið hefur flakkað upp og niður listann á síðustu vikum.






Fleiri fréttir

Sjá meira


×