Það féllu gleðitár hjá stuðningsmönnum sem og eigendum Wrexham, Hollywood stjörnunum Ryan Reynolds og Rob McElhenney undir leikslok þegar að mikilvægi stundarinnar rann upp fyrir þeim.
Wrexham mun á næsta tímabili, enn á ný, taka þátt í ensku deildarkeppninni eftir 15 ár í utandeildinni.
Rob McElhenney was in tears watching Wrexham secure promotion and win their first league title in 45 years pic.twitter.com/SPrwvKggEm
— ESPN FC (@ESPNFC) April 22, 2023
Fyrir leik dagsins gegn Boreham Wood í dag var ljóst að sigur myndi tryggja Wrexham upp um deild en einnig verða til þess að liðið yrði deildarmeistari ensku utandeildarinnar.
Leikurinn byrjaði þó ekki vel fyrir þá rauðklæddu því strax á 1. mínútu leiksins kom Lee Ndlovu Boreham Wood yfir með marki.
Elliot Lee, sóknarmaður Wrexham sá hins vegar til þess að leikar urðu aftur jafnir er hann skoraði á 15. mínútu.
Tvö mörk frá stjörnuframherja Wrexham, Paul Mullin, í síðari hálfleik sáu svo til þess að draumur Wrexham rættist.
The moment Wrexham were officially promoted to the Football League! pic.twitter.com/c9AQqrhWFG
— EuroFoot (@eurofootcom) April 22, 2023