Aron Einar var ekki aðeins sá fyrsti til að skora þrennu fyrir landsliðið eftir þrítugsafmælið heldur einnig sá fyrsti til að skora þrennu með fyrirliðabandið.
Aron Einar bætti met Arnórs Guðjohnsen frá árinu 1991 sem elsti maðurinn til að skora þrennu fyrir A-landsliðið.
Arnór var 29 ára, 11 mánaða og 17 daga þegar hann skoraði fernu á móti Tyrkjum á Laugardalsvellinum í júlí 1991.
Aron Einar var 33 ára, 11 mánaða og 4 daga í leiknum í gær.
Fjórir fyrirliðar höfðu náð að skora tvennu í leik enginn hafði náð þrennunni. Aron Einar á því líka markamet fyrirliða landsliðsins.
Ríkharður Jónsson (1962), Eiður Smári Guðjohnsen (2007), Eyjólfur Sverrisson (2001) og Heiðar Helguson (2010) höfðu náð því að skora tvennu sem fyrirliðar landsliðsins.
Aron Einar er líka aðeins annar til að skora þrennu í mótsleik en hinn var Jóhann Berg Guðmundsson sem skoraði þrennu í 4-4 jafntefli við Sviss í undankeppni HM árið 2013.
- Elstu leikmenn til að skora þrennu í A-landsleik karla:
- 33 ára, 11 mánaða og 4 daga
- Aron Einar Gunnarsson - 3 mörk á móti Liechtenstein 26. mars 2023
- 29 ára, 11 mánaða og 17 daga
- Arnór Guðjohnsen - 4 mörk á móti Tyrklandi 17. júlí 1991
- 28 ára og 14 daga
- Þorvaldur Örlygsson - 3 mörk á móti Eistlandi 16. ágúst 1994
- 26 ára, 4 mánaða og 14 daga
- Tryggvi Guðmundsson - 3 mörk á móti Indlandi 13. janúar 2001
- 25 ára, 10 mánaða og 10 daga
- Helgi Sigurðsson - 3 mörk á móti Möltu 27. júlí 2000
- 23 ára, 5 mánaða og 9 daga
- Teitur Þórðarson - 3 mörk á móti Færeyjum 23. júní 1975
- 23 ára, 1 mánaða og 21 dags
- Bjarki Gunnlaugsson - 3 mörk á móti Eistlandi 24. apríl 1996
- -
- Markahæsti fyrirliðinn í einum leik
- 3 mörk - Aron Einarsson á móti Liechtenstein 26. mars 2023
- 2 mörk - Eiður Smári Guðjohnsen á móti Lettlandi 13. október 2007
- 2 mörk - Ríkharður Jónsson á móti Írlandi 12. ágúst 1962
- 2 mörk - Eyjólfur Sverrisson á móti Tékklandi 1. september 2001
- 2 mörk - Heiðar Helguson á móti Andorra 29. maí 2010
