Enski boltinn

Lögreglurannsókn hafin eftir að Walker beraði kynfærin á bar

Smári Jökull Jónsson skrifar
Kyle Walker er í vandræðum eftir að hafa berað sig á bar.
Kyle Walker er í vandræðum eftir að hafa berað sig á bar. Vísir/Getty

Kyle Walker leikmaður Englandsmeistara Manchester City er í vandræðum eftir að hafa berað kynfæri sín fyrir framan tvær konur á skemmtistað.

Myndbandið er úr öryggismyndvél og er tekið um helgina þegar Walker var á ónefndum stað í Manchester þar sem hann fagnaði sigri City á Newcastle ásamt nokkrum vinum sínum. Á myndbandinu sést Walker girða niður buxur sínar fyrir framan tvær konur sem hann hefur síðan samtal við.

Í yfirlýsingu frá lögreglunni í Cheshire segir að hún viti af umræddu myndbandi sem dreift var á samfélagsmiðlum. Rannsóknarvinna sé á frumstigi og að engar handtökur hafi verið framkvæmdar en Walker gæti átt yfir höfði sér ákæru vegna málsins.

Walker var í liði City sem vann 2-0 sigur á Newcastle á sunnudaginn en eftir leik sagði Pep Guardiola, þjálfari City, að leikmenn fengju tveggja daga frí eftir leikinn. Walker var mættur á æfingu hjá City í dag.

Kyle Walker er giftur fjögurra barna faðir en þetta er ekki í fyrsta sinn sem Walker kemur sér í vandræði. Árið 2020 hélt hann partý ásamt vini sínum þar sem tvær vændiskonur voru fengnar á svæðið og þá hafa birst fréttir af framhjáhaldi hans á síðustu árum.




Fleiri fréttir

Sjá meira


×