Son gekk frá Preston í seinni hálf­leik

Runólfur Trausti Þórhallsson skrifar
Son fagnar öðru marka sinna í kvöld.
Son fagnar öðru marka sinna í kvöld. Tottenham Hotspur/Getty Images

Son Heung-Min skaut Tottenham Hotspur áfram í ensku bikarkeppninni með tveimur mörkum í síðari hálfleik þegar Spurs vann Preston North End 3-0 á útivelli. Þriðja markið skoraði nýi maðurinn Arnaut Danjuma.

Lærisveinar Antonio Conte sóttu B-deildarlið Preston heim í 4. umferð ensku bikarkeppninnar í kvöld. Staðan var markalaus í hálfleik en í þeim síðari rönkuðu gestirnir við sér. Son skoraði eftir aðeins fimm mínútna leik og var svo aftur á ferðinni á 69. mínútu.

Það var svo Danjuma sem gerði endanlega út um vonir Preston með þriðja marki gestanna frá Lundúnum þegar þrjár mínútur lifðu leiks. Lokatölur 0-3 og Tottenham komið áfram.

Bein lýsing

Leikirnir






    Fleiri fréttir

    Sjá meira