Erlent

Hætta að birta smit­tölur eftir sprengingu í smitum

Viktor Örn Ásgeirsson skrifar
Alþjóðaheilbrigðismálastofnunin WHO hefur bent á að lágt hlutfall bólusettra, frekar en að búið sé að aflétta samkomutakmörkunum, sé helsta vandamálið sem Kínverjar glími við nú.
Alþjóðaheilbrigðismálastofnunin WHO hefur bent á að lágt hlutfall bólusettra, frekar en að búið sé að aflétta samkomutakmörkunum, sé helsta vandamálið sem Kínverjar glími við nú. Getty Images

Kínversk heilbrigðisyfirvöld hafa ákveðið að hætta að birta smittölur með reglubundnum hætti. Mikill fjöldi hefur greinst smitaður af Covid í kjölfar afléttinga. Efast hefur verið um áreiðanleika gagnanna.

Kínverjar glíma nú við stærstu bylgju kórónuveirusmita í landinu frá upphafi heimsfaraldursins 2020. Yfirvöld reyna nú að stemma stigu við útbreiðslu veirunnar og hefur Alþjóðaheilbrigðisstofnunin bent á lágt hlutfall bólusettra sé helsta vandamálið sem Kínverjar glími við nú.

Þrátt fyrir metfjölda smitaðra höfðu kínversk yfirvöld ekki greint frá dauðsföllum vegna Covid í fjóra daga. Alþjóðaheilbrigðisstofnunin hefur áhyggjur af því að Kínverjar eigi í erfiðleikum með að halda utan um smittölur og að gögnin, sem birt hafa verið, hafi ekki verið fullkomlega áreiðanleg. Nú hafa kínversk yfirvöld ákveðið að hætta að birta tölurnar daglega, eins og áður var gert.

Heilbrigðisyfirvöld í Kína slökuðu nýlega á sóttvarnartakmörkunum en að sögn Guardian hefur heilbrigðiskerfið í landinu átt í miklum erfiðleikum. Starfsfólk hefur verið fengið til að mæta veikt til vinnu og læknar á eftirlaunum hafa verið kallaðir til.

Talið er að yfir milljón smitist á degi hverjum og um fimm þúsund manns látist vegna Covid daglega í landinu, að því er fram kemur hjá Guardian.


Tengdar fréttir

Um milljón manns gætu smitast á hverjum degi í Kína

Kínverjar glíma nú við stærstu bylgju kórónuveirusmita í landinu frá upphafi heimsfaraldursins 2020. Yfirvöld boða aukinn viðbúnað og bendir rannsókn til að milljón manns gætu smitast af veirunni og um fimm þúsund manns látist á hverjum degi.

Um milljón manns gætu smitast á hverjum degi í Kína

Kínverjar glíma nú við stærstu bylgju kórónuveirusmita í landinu frá upphafi heimsfaraldursins 2020. Yfirvöld boða aukinn viðbúnað og bendir rannsókn til að milljón manns gætu smitast af veirunni og um fimm þúsund manns látist á hverjum degi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×