Íslenski boltinn

Elfar Freyr skrifar undir tveggja ára samning á Hlíðar­enda

Runólfur Trausti Þórhallsson skrifar
Elfar Freyr er genginn í raðir Vals.
Elfar Freyr er genginn í raðir Vals. vísir/bára

Valur hefur staðfest komu miðvarðarins Elfars Freys Helgasonar. Hann skrifar undir tveggja ára samning við liðið.

Elfar Freyr lék með Íslandsmeisturum Breiðabliks í Bestu deild karla í fótbolta í sumar. Hann hefur glímt við mikil meiðsli síðustu tvö ár og lék aðeins sex leiki á liðnu tímabili eftir að spila ekkert sumarið 2021.

Hinn 33 ára gamli Elfar Freyr hefur tvisvar orðið Íslandsmeistari með Blikum og einu sinni bikarmeistari. Þá lék hann með AEK Aþenu í Grikklandi, Stabæk í Noregi og Horsens í Danmörku á sínum tíma.

Valur endaði í 6. sæti Bestu deildar karla á síðustu leiktíð en liðið er í óðaönn að skipuleggja næsta tímabil. Það verður fyrsta tímabil liðsins undir stjórn Arnars Grétarssonar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.